عـــدْنـــآ :sm.62:
و العود أحمد
اليوم الثاني
قمت من النوم الساعة 11 الصبح
بنت عمي ياية مقومتني تقولي قومي يلا بسج نوم
كنت نعساانة بس قلت يلا مو مشكلة
قمت غيرت ملابسي عشان نطلع برة
اول ما طلعت برة عشان اروح شاليههم
شاليهنا و شاليه عمي طوفة بطوفة
يعني نمر خطوتين ندخل شاليهم
دخلت عندهم بس هالمرور نقعت عرق :cat46:
كااان رطوووبة لان صوب البحر قاعدة أمرر
و دخلت بسرعة
بنت عمي الصغيرة اسرااء
اول ما شافتني ياية تلمني فديتها
و بعدين قعدنا شوي نسولف هني و شسمه و شسمه و شسمه
و الساعة 2 يفتح المسبح
صارت الساعة 2 بدلنا و كل شي و رحنا المسبح
هاليوم انا ما كان لي خلق ادش بالماي
فضليت واقفة اطالعهم بس معنه شكل الماي يشووووق
و ردينا بعدها الساعة 5
قلنا بنرد مشي و شاليهنا بعييييييد عن المسبح
و كان الجو حلو لحسن حظنا
و مشينا مشينا مشينا مشينا ووصلناااا
و كنا يوعاانيييييييييييييين
دخلنا سييييدة و كليييينا
لمن صار بالليل
قعدنا نشوي و كلينا
و الجو كااان وااايد حلوو و اختي مسوية مسابقات و اسئلة
و يايبة هدايا
و عاد حزر فزر شنو الهدايا
لييييييييييييييييز
و انا قاعدة احسب النقاط
بس هم اشارك معاهم
كل 10 نقاط ليز :sm.64:
المهم و خلصنا المسابقات
الكل نعساان
رتبنا القعدة انا و
بنات عمي
عشان سهرتنا خخخخ
و حطينا الطاولة و الكراسي حوالينها عشان سهرتنا
و راحوا ناموا قعدنا احنا
يعني كل شوي نوقف
نلعب لعبة
نروح مني مناك
و اختي دشت داخل شوي
جان تيي بنت من الشاليه الي يمنا
يعني ادري اني قتلكم شاليه عمي يمنا بس الشاليه الي يم شاليه عمي
المهم يت هالبنت
و خذذت كرسي من كراسينا
احنا طالعناها مصدومين
قلنالها شنو كرسينا
قالت لا مكتوب عليه رقم شاليهنا
هو صج مكتوب عليه رقم شاليههم بس احنا مكلمين السكيورتي و قايلين لهم و اهمه قايلين ان عادي الكراسي تتخربط
انا و بنت عمي سكتنا
يعني تعرفون لمن تيلكم حالات تنطمون ماتدرون شتقولون
بس قهرررتنيييي البنت
مو بكييييفها
و ضلينا مقهورين ماندري شنسوي
و شوي بنروح نكلمها
و شوي مترددين
و طافت الليلة قررنا نقول حق آبائنا أحسن والله
بدال لا تصير هوشة و حالة
اليوم الثالث في الحلقة الياية
الحين بقولكم عن الشاليهين الي يم عمي و الي يمنا
يسارنا شاليه عمي و يسار شاليه عمي هالشاليه الي خذت منا البنت الكرسي
طبعا احنا كرهنااااااهاااااا
ودنا نتهاوش وياها
و فيه صبيان
و فيه بنت صغيرة اسمها دلال بعد
و الشاليه الي على يمينا احنا
الله لا يوريييييييييييييكم
><
صبح
ليل
ظهر
عصر
صلاة
مو صلاة
كله حاطين أغاني
و المشكلة الأكبر
الصووت عاالي
استيييريووووووووووو :sm.29:
والله طفرووونييييييييييييييي
كلنا معصصصبيييين منهم
تخيلوا انهم يرقصون و مبين كل شي عندهم
مو مسكرين الستارة
و لبسهم أي شي !!
لابسة شورت قصييييييييييير البنت
ويا الكت الي فوق بس ><
ياربييي شهالخلقة
تتخيلون ان الام نفسهها تلبس جذي
و الابو نفسه يفتح الاغاني و يرقص
احنا نطالع مصدومين
و نقول الحمدلله و الشكر
جنهم العوايل الي بالقصص
بس دقينا عليهم مرتين نقولهم قصروا عالاغاني ازعاج
يقولون اوكي
ان شاء الله
و ما يصير شي
بالاخير دقينا على الادارة
ادارة الخيران نشتكي عليهم
قالولنا حنرسلهم الامن حالا
نطرنا ما صار شي
مرة ثانية
و ثالثة
ما صااااااار شييي :cat82:
قهرووني والله
قمنا شنسوي
قمت اقط عليهم كلام صوت عالي
كلنا ما تفشلنا دامهم اهمه مو مستحين
شلون نستحي منهم احنا
و قمنا نقول ويع اغاني
شنو هذا
مافي احترام للغير
يعني كلااام و بصوت عالي عشان يسمعون
اخر يومين وقفوا
اشوووهـ
انزين برجع لكم بعدين بالحلقة الثالثة
يلا برب