SMS : { و لقد خلقنا الإنسان و نعلم ما توسوس به نفسه و نحن أقرب إليهِ من حبل الوريد }
اليوم الأول // ~ كانت طيارتنا بالليل و كنا متحمسين و مستانسين طرنا من الكويت عشان نروح دبي طبعا انا عندي شوي خوف من الطيارة :sm.36: لوول شوي ترى مو وايد يعني لمن تطير الطيارة أمووت خرعة بعدين لمن تستقر بالجو عاد خلاص يصير عادي و ماقدر أطل من دريشة الطيارة لأني أخاف يوم أجوف تحت sm.3. عاد الله يسلمكم أنا كنت قاعدة يم الدريشة و صاكة الدريشة مادري شالفايدة خخخخخ و اختي مسكينة قاعدة يمي تبي تصور تقولي فتحيها و انا مابي :sm.36: ووصلنا مطار دبي كنا مستانسين حيييييييييل عاد يوم مشينا حق القادمون كنا فوق و نشوف ناس تحت ناطرين طيارتهم و انا و اختي نسلم عليهم هبلان أدري .. لوول عاد انا سلمت على وحدة كويتية من فوق هي طالعتني و عاد بعد سلمت علي خخخخ وناسة و خذينا جناطنا من الحزام الي يطلع الجناط من دبة الطيارة كانت شوي جناطنا كل واحد فينا جنطة يعني بس 6 جناط sm.3. عاد انا احلى شي عندي يوم يكونون وايد ناس يايين ياخذونا من المطار و الي يايين لنا كانوا بنت خالتي بنت خالتي هي كبيرة و متزوجة و أم لــ 3 أولاد قولوا ماشاء الله عاد و يدي كان يايلنا بعد و خالي عاد يمكن تستغربون شصاير كانوا يايين قبلنا دبي بس بقولكم شالسالفة لا اهمه عايشين بدبي لان بلدهم هذا أنا أمي إماراتية و ليست كويتية فاحنا نستانس لمن نروح الامارات لان اهلنا كلهم هناك فعشان جذي كان وايد اهل ووايد يون ياخذونا من المطار و رحنا البيت عاد تقسمنا كل شوي بسيارة لوول تفرقنا كل واحد راح بسيارة من السيارات طبعا اول ما طلعت من المطار حسيت روحي بذوووووووب من الحرارة هي مو حرارة ترى بس رطووووبة !! الرطووبة تخلي الجو زفت >< و رحنا بيت خالتي عاد خالتي كانت مسافرة رايحة تايلند بنت خالتي موجودة وولد خالتي ولد خالتي بعمري و بنت خالتي اصغر مني بسنة و تعشينا و كنا تعبانين فنمنا بعدين ولد خالتي راح بيت بنت خالتي عشان ناخذ راحتنا احنا اليوم الأاول انتهى بسيط , لأن مافيه شي ان شاء الله الأحداث أكثر باليوم الثاني *_^ انتظروني