SMS : { و لقد خلقنا الإنسان و نعلم ما توسوس به نفسه و نحن أقرب إليهِ من حبل الوريد }
اليوم الثــآنـــي // ~ قعدت الصبح .. مآدري أي ساعة والله عاد تغدينا و ضلينا ويا بعض انا و بنت خالتي نستهبل و نلعب و نسولف عن كل الي صار يعني كان وناسة يكفي ان ويا بنت خالتي و مشتاقين لها بعدين عالساعة 8 تقريبا يت بنت خالتي المتزوجة عشان بتطلعنا خذتنا كلنا .. وودنا فيستيفال سيتي *_^ تعشينا هناك بمطعم جيليز CHILI's والله أحب هالمطعم و أكثر شي يحببني فيه ان له معاي ذكريات كل ما نروح الامارات لازم نروحه و نستهبل فيه و نتعشى فيه و أمي شسوت قالت حق بنت خالتي الي هي تصير بنت أختها أنا بروح الحمام قامت تسللت شوي شوي .. و راحت دفعت الحساب و بعد شوي بنت خالتي قالت أنا بروح الحمام بعد جان امي تقولها خلاص دفعت الفاتورة قعدي عاد بنت خالتي طالعتها و فيها نص ضحكة لوووول متنا من الضحك امي تقولها صج الحمام خوش عذر .. بس سبقتج لوول حركة حلوة شفتوا شلون سووا نفس الحركة ونااسة عاد قالتلها بنت خالتي لييش جذي تسويييين لووول عاد يعني و يمشي الحال هممم بس خلص اليوم الثاني ما تمشينا بالمول لانه الساعة 10 يسكر و ما امدانا فخلاص ردينا و قلنا يوم ثاني نتمشى و بس خلص اليوم *_^ أدري ماكو أحداث لوول