اسم الحلى الأصلي " حلى الموز المقلي مع العسل " المقادير : - خلطة البانكيك -ايس كريم فانيليا حسب الرغبة ( الافضل تشترون من الحجم العائلي علشان ما ينقص شيء ) - حبة كيوي - جوز الهند للزينة - عسل - كاكاو الشيرة - سيليفون الطريقة : ( 1 ) اعملي اقراص البانكيك ، ويفضل تكون رقيقة ذات منحنيات مستقيمة ثم .... ( 2 ) افردي قطعة السيليفون على الطاولة وحطي فوقها شريحة البانكيك وفوق البانكيك حطي ايس كريم حسب الكمية اللي تبينها ( ويفضل انكم تكثرون منهاا علشان تطلع سميكة وقت التقطيع ) ثـــم... ( 3 ) لفي البانكيك داخل قطعة السيليفون ، وتأكدي من اغلاق الاطراف زين ( 4 ) بعدها اتركيهم في ثلاجة السمك واللحم مدة ساعتين واذا مش مستعجلة فاتركيه يوم كامل ------ فــــاصـــل اعـــلانـــي ------- بعد ساعتين فكي عن البانكيك السيليفون وقطعيها 3 قطع او حسب اللي يطلع لج اما الكيوي فقطعيه شرايح واغمسيه بالعسل بعد ما تحطين البانكيك بالايس كريم في الصحن حطي معاه قطعتين من الكيوي المغموس بالعسل ورشي فوقه جوز الهند وشوية هيرشي السائل الطريقة الأصلية : المطلوب حبة موز بدل الكيوي قطعيه شرائح وسخنيه على الغاز مع العسل يلين ما تتماسك مع نفسها بعدها امشي مثل باقي الخطوات من 1 - 4 لما تطلعين البانكيك من الثلاجة لا تقطعينه بل حطي في صحن حبة بيض مع كوب ماي وطحين الكبايا >> نسيت اسمه >_< اغمسي فيه البانكيك وعلى طول حطيه في مقلاة زيت حااار وبسرعة قلبيه يلين ما يصير لونه ذهبي * لازم تتأكدين من غزارة الزيت وسخونته قبل ما تحطين البانكيك لان لو ما كان ساخن وقعد فترة طويلة في الزيت ، يمكن يذوب الايس كريم ويخترب كل شيء =/ * حطيه البانكيك في صحن بعد ما قطعتيه 3 قطع وبالملعقة حطيه فوقه خلطة الموز بالعسل وزينيها بقطعة فراولة مقطعة مع هيرشي على الاطراف و هنااا و عااافية عليكم