[Ϩєιғ Eƨтeeм]

السلام عليكم .. شـخبـآآركم ؟ ان شـاااء الله تمـام .. آسفـه على التأخير لكن ظروفي ما سمحت لي .. -- االاسئلـه :- نبذهـ عن روتينك اليومي ؟ بما إني طالبة فـ نص وقتي بالمدرسا ، والباقي نوم طلعات البيت ، أحب يتخللها بعض الإنجازات لتغيير (الروتين) وش نظام نومك ؟ للأسف ما لي أي نظام محدد نومي دايمًا محيـوس =( حتى بأيام الدراسة أحاول أنام مبكر فـ الليل بس ما أقدر ! وفي الأخير أنام العصـر وأسهر ، حاولت بس عجزت >< خصوصًا أيام الامتحانات يقلب النوم 180 درجة والسبب : إني ما أعرف أذاكر إلا فـ الليل ! تجلسين مع اهلك على جميع الوجبات ؟، ولا ساحبتها نومة ؟ فـ أيام الدراسة . . يكون الفطـور بالمدرسة ، أو ما فيه فطـور خير شر أما فـ الإجازة فأصلا ما أقوم إلا وقت الغداء وما أفطـر . . أيام المدرسة أرجعْ للبيت وأحيانا نتغدا مع بعض بس في الغالب أغرف غداي من المطبخ وآكله بأي حتة مستعجلة ع النوم أكون تقريبًا العشـاء هو أكثر وجبة أجتمع فيها مع أهلي . . هل خصصتي فتره محددهـ للجلوس على النت ؟، ولا حوسه ؟ دايما أحاول أقنع نفسي إني ما أجلس أكثر من ساعتين مثلا ثلاثة بس ما أقدر أملك نفسي =( وطبعا وقت الدخول أنواع الحوسة ، بس فيه قرار فـ بيتنا الحمد لله مريحني ومعجبني بعدْ الساعة 11 بالليل ما فيه نت ! تطلعين دايم بوسط الاسبوع ؟، ولا بالويك اند بسس ؟ الطلعة بالنسبة لي فـ وسط الأسبوع فـ الويك إند ما تفرق =) طبعا الويك إند لازم أطلع ، وسط الأسبوع مو شرط كثير يعني على حسب الحاجة . . ما مدى اهتمامك بالواجبات المدرسيه ؟ ، وكم تقضين من الوقت لحلها ؟ أنا عندي نظام إني من أرجع للبيت أنسى شيء اسمه مدرسة إلى بكرا الفجر الصَباح أرتب شنطتِي والحمد لله >< والواجبات أحلها قبل ما تدخل الأستاذة بدقيقتين ! ويا كثر المواقف الغبية الي تصير من هـ النظام التعيس مثلًا أيام الامتحانات أذاكر نص المادة فـ الليل والباقي بـ الفجر مثلًا . . ذاك اليوم كان علي توحيـد ووشسمه ما ذاكرت بالليل جاني النومْ ، وركدت الساعة على 3 الفجرْ . . والمشكلة إني ما نمت إلا 12 مدري 1 . . ع العموم يوم قمت تفاجأت إن الساعة 6 ونص ! رحت للمدرسة وأنا (أدربي) راسي ومو فالحة بشيء أفتح الكتاب وأقول أذاكر ذا ولا أخلي ذا >< . . والحمد لله يا ربي لأني أنتبه مع الأستاذة وكل شيء جبت درجة كويسة . . هل تحبين كسر الروتين اليومي بشيء جديد ومفيد ؟ آييييييييه الحمد لله ، كل يومين ثلاثة أسوي شيء جديد . . أحس لو الواحد عاش على روتين معين بيموت ! كلمة أخيرهـ توجهينها للي روتينهم محوّس .. أحسسسسسسسن لكمْ ، ولا أبدًا تفكرون يصير لكم روتين الروتين قاتل الإبداعْ ، بسْ طبعًا المفروض الحيَاة ما تخلو شوي من النظام ! شكرًا لك على اختياري ، استمتعت معاك =) -- والله حتى أنـا استمتعت معـااااك .. 3 أيــام ويغلق الموضوع .. وشوي شوي على مهووي وأحب أذكركم ، ان الاسئله ما تخرج عن نطاق الروتين + يمنع الرد بدون سؤال ..

المصدر: منتديات بنات دوت كوم

---

v,jdk; hgd,ld lJu M A H O O Y Z > > !

الموضوع الأصلي : روتينك اليومي مـع M A H O O Y ~ . . ! || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : Ϩєιғ Eƨтeeм