تدري وش " يقتل " غيابك ؟!
يقتل إحساسي و عمري !
وين رايح عن عيوني ؟
ليه ؟
تو الناس !
بدري !
إدفن أسراري معاي ..
ما أبي أي شخص يدري
لا تسولف من وراي !
خل يكون الحب " عذري " ..!
وإن سأل عني قليبك ؟!
لا تفكِّر في الجواب !
قول [ إحتاجك ] حبيبك ..
وإنت لاهي بـ الغياب !
من يحبك
......... وش مصيره ؟!
- " يحترق " قلبه أكيد !
تنهي أحلامه الكبيرهـ ..
وتبدي في حبٍ جديد !
ولا يهمك قلب حبّك !
وضحَّى في عمره / عشانك ..
المهم يرتاح قلبك ..
وتلقى في الدنيا / مكانك !
صرت أبعد من منامي !
وكنت أقرب من ثيابك !!
أختصر باقي كلامي ؟!
حيل يقتلني غيابك
لأحمد الصانع
أعجبتني جداً
إهداء
إلى القلب
الذي يميتني حباً