[حروف]

السلام عليكم و رحمة الله و بركاته


طبعا انا كان المفروض من زمان انزل يومي المدرسة
بس عشان صارت وايد أشياء ما امداني
قلت الحين دامني فاضية
بستغل الفرصة و بنزل يومي المدرسي ,
لليوم ..



17-3-2010
الأربعاء
عاشر ( أولى ثانوي )
الكويت

اليوم قمت الصبح نشيطة فديتني .. فزيت من فراشي رحت الحمام غسلت و توضيت
طلعت و صليت و لبست
قعدت اطالع جوتيي المدرسة ( حذاء )
هو يديد لوول توة امس لابسته اول مرة
فقلت افتح الخيط و اعدله و افكر ويا نفسي

جان افتح خيط الجوتي
و ساعة اسنع فيه
لوول بالاخير رديته نفس ما كان

و ضبطت حجابي و سبحت روحي بالعطر لوول
و حطيت العلج معاي و كلينيكس و كرنيهي مال السكول
و نزلت تحت
كالعادة اختي و اخوي قاعدين ياكلون انا اروح احطلي بُطل ( قارورة ) ماي
عشان اخذها معاي السكول

و بعدين قعدت انا ما اكل بالعادة
بس هالمره قعدت كليت شوي و بعدين ركبنا السيارة ماما توصلنا لوول
و انا اخر وحدة يوصلوني
لان مدرستي ابعد وحدة فيهم
اخوي بالابتدائي و اختي بالمتوسط
انا بالثانوي .. و هي ابعد مدرسة فيهم فيوصلوني اخر وحدة

و نزلت من السيارة كانت مادري شتقولي امي
لوول تسولف معاي مالكم شغل
و دخلت الصف حطيت جنطتي لقيت رفيجتي عواش قاعدة كالعادة دوم قاعدة ما عندها شي لانها تيي اول وحدة هي مشتركة بالباص فكله تيي بالباص
فرحت وقفت عندها نسولف و جذي و مشينا بعدين عشان بدا الطابور

وقفنا بالطابور و هي دااااااااايخة
مادري شنقول لوول مو منتبهين عالإذاعة و تحية العلم >>> دوم احنا جذي
و بعدين يت رفيجتي عواش الثانية لوول دغدغتني من خصري انا اغار حيل اذا احد مسكني من خصري
فصارخت قتلها آآي وخري ضحكت لووول
تضحك علي تطفرني دوم ,
و وقفنا و جذي و بدت الحصة الأولى
كان علينا اسلامية بس راحت بالامتحان لان اول حصة امتحان لكل الفصول موحد
كان امتحان انجليزي

شوي عقدتني اسئلة set book
بس يت التيتشر و فهمتنا اياها
و كتبت و حليت و ان شاء الله كله صح يارب و درجة كاملة
و خلصت الحصة و لا بعدها علينا احياء @@
مادري شنو تفهمنا لان عندنا امتحان احياء يوم الاثنين مادري الاحد لوول شي جذي
فتقولنا عن الامتحان

و احنا اساسا اليوم ما علينا احياء مو بالجدول
فانا مو يايبة كتبي
هي ماخذتنا حصة اضافية هاليوم
عشان الامتحان و جذي
فقعدت ملل انا ما عندي شي اسويه بس اسمعهم و احوس بمكاني
جان اقوم امسح اللوحة لوول
و امشي
تخيلوا امشي بالصف و الابلة تشرح
تخيلوا الابلة طالعتني حروف شفيج
انا وقفت ميته ضحك و البنات يضحكوون لا تعليق على شكلي قمت و مسحت اللوحة بدون لا تقول و العب و احوس لوول
هي ميته ضحك علي الابلة لوول .. قتلها لا ابلة بس ملل بصراحة ضحكت قالت لالا اخذي راحتج
و كل شوي اقوم شكلي لا تعليق البنات ميتين ضحك عليي لوول عبيطة حدددي اقوم بنص الحصة و الابلة تشرح
و احوس و اتمشى
و اييب كرسي
و ارتب
خخخخخخخخخخخ رفيجتي عواش باطتها ضحك علي

و خلصت الحصة بدت حصة فيزيا
وووووع لوول .. قاعدين نحل مسائل و جذي
و خلصت الحصة راحت الابلة و صار فرصة
طلعنا رحنا انا و عواش آوت من الصف نحوس نسال عن المواد و جذي
محد فادنا ضلينا نتمشى ماندري شنقول @@
و خلصت الفرصة رجعنا
كان علينا احتياط .. يعني و لا حصة الابلة غايبة
فحولت انا قعدت عند رفيجتي عواش و يت عواش يمنا
و اهمه مادري شنو يألفون شعر يستهبلون و انا قاعدة دايخة اقولهم خلالالالاص فراغة انتوا تالفون شعر لوول

و بعدين عواش تستهبل علي
خذت المقص
الا تسوي روحها بتشق ايدي .. و بتقص وريدي ><
و انا لافة ويهي و مغمضة عيوني و اقولها آآآآآآآآآآآآآآآآآآآآآآآآآآآآآآآآآآآآآآ
عاد شسمه حطت القص على ايدي عورتني شوي
بس للحين مكانه بنفسجي ما طاب
لوول حرام مو قصدها تعورني
بس ما طلع دم و لا شي

و بعدين صار علينا اسلامية اقين لوول لان راحت حصتها قامت عوضتها
كان مالي خلق ارد مكاني قلت حق بشاير ( اللي هو مكانها ) بليز روحي مكاني بس هالحصة قالت اوكي
و انا قعدت يم عواش و مرت الحصة و عاتي

و بعدين فرصة ثانية ضلينا نستهبل انا و عواش و عواش
اهمه يتهاوشون لوول بس على هبل على الشعر اللي كاتبينه
و انا ميته ضحك عليهم
قاعدة احوس و اقولهم خلالالالاص انتي وياها
سكتوا
ممكن تسكتون انتهينااا
لووول ما يسكتون يننوني

و بعدين صار علينا رياضيات
يننا الابلة لوول
رفعنا ضغطهاااااااااااااا
كل شوي نقول شي
مو فاهمة
شنو يعني
ليش جذي
شكلها بتتبرى من صفنا خخخخخخخخخخخخ

و بعدين الحصة الاخيرة فيزيا
لبسنا اللاب كوت .. و رحنا اللاب
خلتنا التيتشر ,
و ندرس يعني و جذي نحل مسائل و هيك ,
و نتناقش خخخ انا و عواش نتناقش و وحدة اسمها نورة ماتعرف شي الا تبي تطلعني غلطانة
الا انا اطلع صح
خخخخخخخخخخخخ

و بعدين خلص الدوام
رديت يمعت أغراضي كلها
و شلت جنطتي و مشيت مع سارو و هيون رفيجاتي
و طلعنا
الا الاقي اختي واقفة براا ناطرتني لوول جان تكفخني تقولي تاخرتي
قتلها اشدراني كل يوم تتاخرون علي
اشدراني اليوم بتيون مبجر


و انتههههههههىىىىىىىى يوم الدراسييييي الجميل جدن جدن هع ,
و شكرا قطوووفة انج اتحتي المجال لنا عشان نطرح أيامنا الدراسية
فكرة قميييييييييلة قدن فدن

المصدر: منتديات بنات دوت كوم

---

ggtwgm 'ul Nov lu pv,t L d,ld hg]vhsd 17-3-2010

الموضوع الأصلي : للفصلة طعم آخر مع حروف / يومي الدراسي 17-3-2010 || القسم : مـدرسـة بـنـات دوت كـوم || المصدر : منتديات بنات دوت كوم || كاتبة الموضوع : حروف