SMS : -[ اللهم توفنا و أنتَ راضٍ عنا ]-
1-بنـات.ڪـوم عـالمٌ يجمعنـا..تُرى ڪيفَ تعرفتِ عليـﮧ؟ عن طريق خالتي الصغيرة : Ms.Tota 2-الابداع لا يـأتـي عـلى طبقٍٍ من ذهـبْ..فڪيفَ ڪـانتْ بدايتكِ في مُنتدانـا؟ مس توته .. لما عرفتني عليه .. كنت زايرتها .. و كانت تتصفح المنتدى بالستايل الوردي القديم .. و قالت لي هذا خوش موقع كله بنات .. و لا كنت أعرف شنو منتديات و لا أعرف شي و لا شنو الطريقة .. و رجعت البيت .. و حاولت أختار اسم قريب من اسمها .. و سجلت عشان أرد عليها بموضوع .. و أقولها خمني منو أنا .. لوول .. بعدين عرفتني .. طبعاا لأنه واضح .. و يت إدارية و كانت مشرفة قسم الديني نسيت اسمها .. و حذفت ردودنا لأنه ممنوع نسولف .. كنت مادري شسالفة ،، و الله أيااام .. و لا توقعت إني بستمر و بشارك فيه .. لكن تعلقنا كلنا أنا وياها و بنت خالتي مس فنكي و خالتي مس ماما كلنا تعلقنا بالمنتدى .. و صرنا ندخله بشكل يومي .. و نسولف كل يوم و نعلق على الأحداث إللي تصير فيه .. حتى لما انمسحت البيانات و راحت عضوياتنا رجعنا سجلنا .. 3-حرصـًا على التميزْ يختـار مُنتدانـا المُتميزاتْ..ماأول رُتبة عُرضـت عليكِ في المنتدى؟ مشرفة منتدى عرض الصور و عريفة بنات ثم مشرفة عدستي ثم مشرفة عامة ثم إدارية 4-شُغل الإدارة ليـس بالسـهـل..شعوركِ حينمـا صـرت إداريـة؟ شعور الإدارية أخف من شعور المشرفة العامة .. و الإدارة يتني من بعد ما كنت مشرفة عامة .. أول شي حسيت العين علي و كل من يلاحظ شنو أسوي .. خاصة إنه اللون صار أحمر .. هذا كان أول شعور .. لكن بعدين .. أقدر أقول إنه شعور كبير بالمسؤولية .. و إنه عندي وظيفة و شغل لازم أأديه باهتمام و إخلاص و صبر .. 5-الجاذبيـة مـن أهـم مُميزاتِ صرحنـا..تُرى ڪـيف استطـاع إكتسابَ هذه الصفـة وجـذب العُضوات من مُختلفَ الجنسياتْ؟ قانون منع الشلل من أهم قوانين المنتدى .. يمنع مواضيع الشلل و قروبات لدولة معينة أو فريق معين .. كلنا مجتمع واحد .. التميز بالجهد و العطاء و الروح الحلوة .. مواضيعنا تخص البنت العربية بشكل عام .. و البيئات المحافظة بشكل خاص .. من غير تحديد لجنسية .. و هالشي يخلي الزائرة تحس إنه في تقارب بينها وبين باقي البنات بالدول العربية الثانية .. و تبدا تتعرف على صديقات على حسب الميول و الاهتمامات .. مو على حسب الجنسية .. حتى بالستايلات و التصاميم الخاصة بالمنتدى .. نحرص إنه ما يكون فيه تصميم يمثل دولة معينه .. و أهم شي إنه المنتدى اسمه بنات من غير تحديد مكان أو دولة أو جنسية .. 6-عـمل الإدارة لـيس بالسهـل..مُشڪلـة واجهتكِ خلالَ فترة الإداره؟ و الله مادري عن أي فترة أتكلم .. لي 6 سنوات بالمنتدى .. مرت مراحل وايد بالمنتدى و مشاكل .. مثل سرقة عضويات .. تحايل بعض العضوات لأجل الوصول للإشراف .. تذمر بعض العضوات من قوانين جديدة و كلام يزعج أحياناً .. خلال الفترة إللي صرت فيها مشرفة عامة .. هي كانت أصعب فترة .. لأني ما كنت أعرف شي .. و كان التنسيق الفني ( لوحة التحكم الخاصة بالمنتدى ) و التنسيق الإداري كلهم كانوا علي .. وقتها انسحبت تغريد من الإشراف العام .. و صرت مكانها فجأة .. بدون ما يكون عندي خبرة و لا خلفية .. كنت أقعد ساعات على النت أتعلم من المواقع الثانية شلون أغير أقسام و أضيف أقسام .. أنسق أرتب أضيف أعدل أحذف و و و .. كانت تساعدني deweyes ، و شمايل يزاهم الله خير .. يدورون دروس و شروح بالنت و نجرب .. كنت أتوهق حيل إذا اقتراح ما أعرف انفذه .. و كنت أنتظر رمال مؤسسة المنتدى تساعدني .. كانت علي مسؤولية إتخاذ قرارات مهمة للمنتدى و للعضوات .. ^^؛ أما صعوبات الإدارة فقط بدون إشراف عام .. فهي بمحاولة التجديد و التغيير .. متابعة المنتدى و الرتب كلها .. تقييم المشرفات و تبديلهم .. خاصة عملية اختيار مشرفة مناسبة لقسم أصعب شي علي .. و تكريم العضوات و باقي الرتب .. تطبيق و تنفيذ الاقتراحات و اختيار الانسب .. صحيح تعودت على هالأمور .. و مع الوقت تصير شي روتيني .. و تعودت عليه .. لكن إلا و يصير فيه وقت تتراكم المهام مع بعض .. و هالفترات تكون هي فترة المشكلة .. 7-قضيتِ وقتـاً لا بأسَ بـه بـين أرجـاءِ صرحنـا.. ما الأثـر الذي ترڪـه المُنتدى في قلبكِ؟ أكبر أثر .. إني مستمرة هالسنين بالمنتدى .. رغم إنه كثير بنات راحوا .. و إني عشت تجربة يديدة .. التعارف مع بنات بالمنتدى .. تعرفت عليهم و صاروا صديقاتي من غير لا أشوفهم .. و إني بعدين شفتهم لما زرتهم بدولهم .. كان شي يديد و حلووو .. و شلون إني شفت بنات بالكويت و السعودية و البحرين و الامارات عن طريق منتدى بنات .. و من هالمنتدى صار عندي صديقات دول عربية مختلفة .. 8-مـن خلالِ خبرتكِ الطويلـة..كلمـة توجهينهـا للعُضوات لـِ يصلن إلـى ما وصلتِ إليـﮧ؟ تكون كل عضوة على شخصيتها .. على طبيعتها .. " بس تخفي العيوب مثل العصبية P= " ما تتصنع .. أو تقلد أحد .. و لا تحاول تكون خارقة أو مثالية .. و تطلع طاقتها بالتدريج .. و تتميز بأفكارها و لو كانت بسيطة .. تحب الشي قاعد تسويه ..و تسويه لأنها حابته و مستانسه فيه .. و في حال صارت مشرفة أو مديرة .. تسوي إللي يكون صح بغض النظر عن معارضة الآخرين .. ما دام هو صح و فيه مصلحة الكل .. و تكون صبورة .. و متعاونة مع الزين و الشين .. و تفصل بين مشاعرها الشخصية و منصبها .. و تشاور و تتناقش بأفكارها .. و تحاول تسمع من كذا عُمر و كذا ميول .. و أي قرار أو خطوة بتسويها .. تكون لمصلحة المنتدى و العضوات أول شي .. و الله يوفق الجميع