السلام عليكم ورحمة الله وبركاته
ياهلا وغلآلآلآ بخواتي البنوتات 
موضوعي اليوم عبارة عن عمل وصفات لكيكات بسسسسيطة جدا وبتعجبكم ان شاء الله 
يعني فرضا جالسة مع اهلك مشتهين مع الشاي شي تاكلونه
او عازمتك صديقتك او قريبتك
سوي هالكيكات وماراح تاخذ منك وقت باذن الله
رح ابدا بالاكثريه وقت ..
كيكتنا الاولى
وهي كيكة القرفه..
اللللللللللله تجننن هالكيكة تجنن الكل بيشكرك عليهاااا صدقيني
شايين يامحلاها 
نجي الان للطريقة
شغلي الفرن اولا وقبل كل شي
ثم جهزي المقادير مقادير الكيكة
3 بيضات بحرارة الغرفة + ملعقة صغيرة فانيليا
1 كوب سكر (مقدار الكوب نفس مقدار علبة قشطة)
1 كوب زيت
ا علبة حليب الشاي (وادي فاطمة، بوني، الممتاز، لونا) اللي يجي، المهم العلبة الصغيرة.
يخلط كل السابق في خلاط العصير جيدا لمدة تقريبا 3 إلى 5 دقايق
في هذه الأثناء نضع كوب ونصف دقيق + 2 ملعقة أكل باكنج باودر ثم نضع عليهم ذرة ملح
نضع الخليط السابق تبع البيض فوق الدقيق ونحركه بملعقة خشب
نجيب الصينية المدهونة (عشان ما تلصق الكيكة) ويفضل صينية المخرومة من النص والدهن ادهنوها كلها زيييين بزيت وطحين عشان وقت القلب تطلع بسهوله ومافيه مشكل اذا عيت تطلع تدخلين مع الجوانب ملعقة بخففففه عشان تحركينها شوي 
نضع نصف كمية الخليط
بعدين ننخل فوقه:
طبقة القرفة اللي في وسط الكيكة:
3 ملاعق كبيرة قرفة ناعمة مطحونة ومنخولة + 3 ملاعق سكر بني
لين تنتهي الكمية .. نضع بقية خليط الكيك
وندخله في الفرون الحامي لغاية ما تستوي .. تقريبا 40 إلى 45 دقيقة
في خلال العشر دقائق الأخيرة ممكن تجهزي الصوص عشان يفضل حامي
مقادير الصوص:
علبة حليب شاي
علبة قشطة
نصف كوب سكر
ملعقتين طعام قرفة مطحونة ناعم
يخلط بالخلاط جيييييدا ثم يوضع على النار حتى يثقل تمامًا
بعد ما نخرج الكيكة نسقيها من هذا الصوص وتقطع وتأكل دافئة أو باردة 
وبالهناء والعافية
شايفين قد ايش سهله وواضحة 
الكيكة الثانية
الكيكة الفلبينية
كيكة خفييييفة وسهله تذوووب بالفم ليونتها كانها اسفنجه تهبببل
بصو لها
معليش المقاس للكيكة هذي ماقدرت اتحكم فيه بحكم طبيعة شكل الكيكة طويلة زي التوست 
المهم اول شي بهذي الكيكة لازم تستخدمون هذيك الصينيه المستطيله السخيفة الطويله اللي زي التوست زي مانتو شايفين بشكل الكيكة ..
نجي للمقادير
الكيكة :
4بيضات -كاس سكر - 3حبات كيري - نصف كاس حليب سايل - ربع كاس زيت
كاس دقيق ملعقة كبيرة باكنج بودر ..
التغطية:
شوي جبن كرافت شيدر مبشور زي ماتحبون الكميه انتم شايفين
بالصورة انا حاطة شويا ماحبيت اكثر وربي احلى الشوي ترى
وعلبة صغيرة نستله حليب مركز ..
الطريقة ..
نقوم بخلط المقادير سوا عدا الدقيق والباكنج بودر وبالوقت اللي تحسون انها اختلطت زين
اضيفوا لها الدقيق والباكنج بودر
بعدين صبوها بصينيه نوعيتها زي ماقلت لكم داهنينها زين بالزيت والطحين عشان يسهل قلبها
وتوضع بالفرن اللي مشغلته من قبل تاخذ لها تقريبا ربع ساعه او اكثر شوي وبحال شفتوها
نضجت مع الجوانب بس الوسط لا غلفيها بقصدير مع فوق وشغلي عليها العين العلويه شوي
وخليك عندها لين تحسينها نضجت ..
بعد نضجها تقلبينها بصينيه التقديم طوالي وهي حارة بعدين تحطين عليها الجبن والحليب المركز وتغلفينها بقصدير عشان يذوب الجبن ..
وبعد كذا تقدمينها وبالعااافيه
كيكتنا الثالثة وهي كيكة خفيفة وسهلة
كيكة البر بالقرفة
تنفع اذا عندكم دقيق بر ..
شوفوها
نجي للمقادير
ا ونص كاس دقيق بر - نص كاس زيت - 3 ملاعق كبيرة بكنج بودر -
2 ملعقة صغيرة قرفة مطحونة - كاس سكر- كاس ونصف جزر مبشور
4بيضات ..
الطريقة
:تخلط المقادير سوية واذا احتجتي تلينينها حطي معها شوي حليب سايل لتطرية قوامها
بعدين صبيها في صينيه مدهونة بالزيت ودخليها بالفرن من تحت اولا ثم من فوق ..
وبالعاااااااافية
وبكذا نكون خلصنا
ياربيه تعبت خخخخخ
ارجوا انكم استمتعتم معاي واستحسنتم ماقدمتم
الله الله فيني عاد انا عضوة جديدة وهذا اول موضوع لي معكم حبيت افيدكم فيه
عن الكيك
وحياكم ربي كل من دخل موضوعي ونوره
ولاتنسين انك بعملك للكيك او اي شي ثاني لاهلك او احبابك
تكونين كسبتي اجر باذن الله
اختكم stars girl
في امان الله
Fdh pghm hg]kdN lu [lum hgNig D hv,u ;d;JJhhhhjd jtqg,,,, >>
الموضوع الأصلي :
[يا حلاة الدنيآ مع جمعة الآهل ] اروع كيكــااااتي تفضلوووو ..
||
القسم :
مطبخكِ يحكي لنا
||
المصدر :
منتديات بنات دوت كوم
||
كاتبة الموضوع :
**Stars Girl**