[دلع الطفوله]

زي مـآ قلت قبل إني مـآآآآ أطييييق إستاذة الفيزيـآآآء ، وهي تبادلني نفسس الشعور
المهم آيـآم الأختبارات كان الأسبوع الأول يوم الأثنين علينا فيزيـآء ،
و كالعاده قريت لي كم كلمة قبل الأختبار لأن صراحه أنـآ أعتمد على فهمي في المواد العلميه
وبعدين دق الجرس ودخلنا ع القاعات ، ووزعوا الأوراق وبدينا نختبر وأنـآ فحطت في الأسئلة حليتهم كووول أبوهم " طبعن معظم الحل خطأ "
الموهم إحنا نظامنا إنه بس نص الوقت ونوقع ونطلع ما أدري كيف نظامكم إنتوا ،،
وقبل نص الوقت تجي إستاذة المادة ونسألها الأسئلة إلي عندنا
، وجات الأستاذة الحبيبة ،
وكل وحده سألت سؤالها
وأنـآ قلت إنه مايصير كل البنات سألوا إلا أنـآ لاازم أطلع لي سؤال ، وقعدت أفرفر في الورقة وطلعت سؤال مدري من وين جاء
وقلت " أبلــــــــــــــه " إلتفتت لي وقالت خير ، < جداّ معاملتها قاسية < برا
كان مكتوب بورقة الأختبار ، " أكتبي المصطلح الفيزفائي " < يعني عندها خطأ إملائي
سألتني وشو سؤالي قلت لها وشوو أكتبي المصطلح الفيزفائي أول مره أسمع فيه أنا ما أعرف إلا الفيزيائي ،،
حسيتها تفجرت داخلياً قالت لي " والله عرفتيه حليه ما عرفتيه خليه فاضي أصلن إنتي ما تفرق معك " ×.×"
والله تفرق معي في الأختبارات الشهرية فلحت الأختبار الأول جبت 9 من 10 و في الثاني 5 وربع من 10 < أدري وربي دفررره
المهم على قرادة حظي دخلت المديرة والأستاذه توها تتكلم ، قالت لها شوفي يـآ أبله بدريه < تقصد المديره
وعد تقول إني ما أعطيتها المصطلح الفيزفائي أعطيتهم الفيزيائي بس،
بس الحمد لله الله ستر المديرة ما سوت شيء بس طالعت فيني وقالت لي بعد الأختبار تعالي لمكتبي
أنـآ أنقهرت حسيتها حركة أطفال تعلم المديره خيييير !!!
المهم علشان أفضي حرتي حطيت دائرة على كلمة الفيزفائي ومديت سهم وكتبت " آفآ يا أبلة على وشو تدرسين فيزياء وإنتي ماتعرفي تكتبي " وكتبت لها بين قوسين " الرجاء الذهاب لمحو الأميه "
وبسسس سلمت الورقة بسلام وطلعت من القاعة ولقيت أمو برا وحكيت لها القصة <
وطبعن مارحت عند المديره ، < أدري خفتوا علي تسوي المديرة فيني شيء صح ؟ < برآآآ
ليش ما رحت لأن شعاري بالحياة " ولا تلقوا بأيديكم إلى التهلكة "

و شسمه اليوم إلي بعده كليت لي تهزيئة محترمة ع الكلام إلي كتبته