الناس اللي يقولون من جدامج حجي ومن وراج حجي مايعتبرون » شلاخين « ؟
الناس اللي تكرمينهم و تعطينهم من خيرج و يطلعون و يتحجون عنج بسوء في كلمة توصفهم غير » حقيرين « ؟
[ إذا اكرمت الكريم ملكته و إذا أكرمت اللئيم تمردا ! ]
لو أحد ذبح أخوج بأسوء طريقة تتصورينها ترضين بحكم غير الأعدام ؟
[ العين بالعين و السن بالسن و البادي أظلم ! ]
لو أحد باني فكرته عنج قبل ليجوفج أو تربى على هالفكر تقدرين تغيرين فكره بالمنطق و الحجه ؟
الواحد اللي ايطر و يتشرط مايستاهل كف يسنعه ؟
قوي العين مايعتبر ماعنده كرامه ؟
اللي العالم كله عارف جذباته و مازال يستمر بالجذب شنسوي فيه ؟
اللي يحكم عليج و هو مو عارفج ممكن تذبحينه ؟
اللي يسميج بمسميات بمجرد حبج لشخص ما ، تعتبرينه ياهل ما يفهم ؟
اللي تثقين فيه و تحبينه و تعتبرينه اخوج و يطعنج من ظهرج ممكن تثقين فيه مره ثانيه ؟
اللي يسب أحب الأشخاص مو كأنه سبج ؟
اللي يسبج من وراج و بعدين ييلس جدامج جنه ماسوى شي ودج تشوتينه ؟
اللي ينادي بموتج و بعدين أيي يحببج مو ودج تموتينه ؟
اللي كل شي عنده شلخ مو أحسن نقوله العالم بكبره شلخه و احنا مو صج !
اللي يفسر السالفه على هواه ممكن تقنعينه برايج ؟
اللي تسألينه يمين و يرد شمال ودج تصقعينه ؟
اللي يشوه صورتج برع و تاللي يقول انه يحبج و يفديج بدمه تصدقينه ؟
اللي كل يوم له لون كل يوم له ويه تثقين فيه ؟
لما انتي تدرين أن دمج حلال عند هاي الشخص ممكن ترافجينه ؟
من حق أي شخص يتدخل في شؤونج الخاصة ؟
آخر سؤال ؛ من حق الناس يلومونج لانج كرهتي شخص جرحج ؟
مجرد تسآؤلات تحمِّل معاني كثيييره ، و الشاطر يفهم . . !
* أعتذر إذا أحد فهم كلآمي وجرحه . . !
HadJhx ld~kkjkd > > > P
الموضوع الأصلي :
أشيـاء ميّننتني . . . ؛
||
القسم :
مُستظل لِ أرواحٍ حالمة
||
المصدر :
منتديات بنات دوت كوم
||
كاتبة الموضوع :
فدى آل خليفة