الســلامـ عليكمـ ورحمة الله وبركاته ,,
.
.
عزيزتى فى اول الكلام لابد من شكــرى ليكى على هذا الموضوع العصرى
اللى فعلا كلنا محتاجينه فى الوقت ده ,,
.
كلامكـ جميــل جدا وأنا اوافقكـ عليه , لكنـ بـ الطبع وبـ التأكيد
الاب والام مش هيسيبو البنت تاخد الرأي ده لوحدها ,
ويمكن كمان مسيبوناش نعمل الزلازال ده ,, !! ,,
.
الامــر عشان نحله او نوضحه للعالم المقابل , اللى هو الاب والام
لازم بـ التمهيد , اى تمهيد الخطوات , يعنى نتقرب من ماما وبابا اكتر
نفمهم عشان يفهمونا لان بعض الاحيان بيكون الاب والام شايفين صورة
مستقبلية لبنتهم , فى الوقت اللى البنت بتكون شايفة صورة تانية خالص
لانها رافضة انها تكون لواحد غير اللى متقدم ده , مهما كانت ظروفه , انا عوزاه يعنى عوزاه
ميهمنيش مستواه الاجتماعى , متعرفش ان ممكن لو فى فرق اجتماعى كبير فى التعليم او فى المادة
يسبب بعد كده مشاكل وخراب وممكن نهايتها تكون ... الطــــلاق ...
.
يعنى انا من رأيي اننا ناخد الامر من النحيتين , لكن بـ الطبع الفلوس مش كل حاجة
ولا التعليمـ , لان فى ناس متعلمة تعليم كبير اوى لكن جوا بيوتهم متلقيش ولا ذرة من التعليم ده ,,
اى المهم او الاهم فى الجواز هوا عقلية الانسان اللى المتقدم ومدى تفاهمه ,
ولو مستواه المادى اقل منكـ مفيش مشكلة , لكنـ لو فيه فرق كبير اعتقد المشاكل هتبدأ للبنت قبل
اى حد تانى , ويمكنـ لو فيه حب بينهم وحب مش اى كلامـ, لا حب صادق فعلا , هنا ممكن يقدروا فعلا
انهم يبنوا مستقبلهم مع بعض ,,
.
عجبنى جدا كلامكـ لما قلتى ان الشاب لو البنت مثلا قبلته بظروفه اللى هي اقل منها
لازم بجد تعلى مكانتها عنده , وده اعتقد مش محتاج طلب من الفتاة , لان الشاب
هيعرف ده وهيتقن ده وبالتالى هتزيد غلاوتها عنده ,,,
.
اذا , عليكى حبيبتى وعليها وعليا اننا نفهم اهلنا الاول عشان بعد كده يقدروا يفهمونا ,
نسمعهم عشان بعد كده يسمعونا ,
نحسسهم بقربنا منهم عشان بعد كده نحس بقربهم ونقدر نتفاهم معاهم فى اى مشكلة او اى نقطة خلاف نقع فيها ,,
الصراحة حلوة اوى بين الام وبنتها , بس للاسف ساعات الام بتكون رافضة تقبل نوع من الصراحات دى
ولذلكـ تضطر البنت انها تخبى لو حبت او رفضت وده ممكن يسبب مشاكل كبيرة اوى ,
لكن البنت اللى عوزة فعلا انها تعيش حياة سعيدة بعد رضاء ربنا عليها , تحاول ترضى ابوها وامها عليها
وشوية شوية تخلى امها تسمعها وتأمن لها وتثق فيها ,
.
.
انا اسفة على الاطالة لكن بجد الموضوع كان يستاهل
وبشكركـ للمرة التانية على الموضوع الجميل ده ,,
.
.
.
دمتم بخير
و
أسعدكمـ الله فى الدنيا
و
الاخــــرة ,,