[Ms.abeer]

الليلة الليلة لا يسبقك إلى الله أحد : قال ابن عقيل رحمه الله: ما تصفو الأعمال والأحوال إلا بتقصير الآمال، فإن كل من عدّ ساعته التي هو فيها كمرض الموت، حسنت أعماله، فصار عمره كله صافيا. " فكيف إن تفكرنا أنه قد لا ندرك ليلة قدر بعد هذا الشهر أبدا ؟" الّسلام عليكُم ورحمة الله وبركاته \= مسائكُن .. صَباحُكن ، رِضوانْ مِن الله ورحمَة - تأخرت في تنزيل الموضوع بسبب خَلل فيْ برنامج الفوتوشوب مما منعني مِن التعديل عَلى الّصور.. - أنا أخترت يوم 20 لَكن بعد التصوير البطاقة صار فيها خلل والصور طبعاً طارت..عشين كذا صورت حق يوم ثاني. .................................................. ............. أول شَيْ فيْ الليل كُنّا نعدّ وجبات إفطار الّصائمِيْن الْمكونَة مِن : تَمر )= جُبنة مُثلثات - عَصيراتْ .. وموية وصامولي لكنّ للآن لم يتّم إحضارها وهذيْ الأكياسْ اللي نحط فيها الأشياء اَنتهينا من التعبئة بس باقي الصامولي والموية للآن ما جات عشين كذا ماربطنا الأكياس وهذي صورة ثانية .. أنا وأخوي كُنّا نحط العصير ونعطيه أختي ومعاها الشغالة يحطوا التمر ثمن يعطوه لأخوي وأختي يحطون الجبن وآخر شي تاخذه أختي وترتبه عالكنب.. ، خلصنَا وطلعنا سوينا حلقة ذكر وقرأنا من "رياض الصالحين" بعدين قُمنا أنا وخيتي نسوي للسحور "بطاطس بالموزيلا" ، طبعاً هَ الطبخة مِن الأخت"المها" .. صَورت الْمقادير بَس حطينا البطاطس تنسلق وقمت أقعد عاللاب وأنا أفرفر عالنت جو العيال ومعاهم الصامولي والموية بتاعت وجبات الإفطار . شُوي جاتْ أختيْ ومعها ولدها "خلّود" .. مرّت عالبقالة وجابت هَ الشيبسين للتسالي الليلية ومرّت الصيديلة وجابت"صنفرة المشمش" اللي أختي طالبتها منها .. وهذي "صبغة شعر" مشتريتها لنفسها وطبعاً مَا قدرنا ننزل نعبي الموية والصامولي في الأكياس .. لأن زوج أختي وأمي وأخواني كانوا تحت وجالسين يعبّوا قُمت بصور"خلود" .. بس ما رضي رحت صَورت رسمة أخويَ "زيد" .. وهذا بعد كتابْ الحروف حقّه .. دقايق قُمت بصور خطوات طبخة"البطاطس بالموزريلا" .. للكن للأسف إنتهى شحن الْكام ، ومَا خلصت شَحن إلا ونحنا قايمين نعبي السحور هذي قوارير الموية الزايدة) هذي صورة "البطاطس بالموزريلا" وشاروما. والسلطة .. والخبز نسيت أصوره كان الوقت قريب الفجر فرُحت المطبخ وشربت مآيْ)= ، أذن .. قُمت صلّيْت ورجعت أقرأ كم جزء من القرآن خلصت قراءة ، صَوّرت هَ البيت من الشباك قُمت للصالة وفتحت قناة القرآن عشين الملائكة تكون حاضرة البيت .. وقمت رايحة عاللاب بس أختي خرجت من غرفتها فقمنا مع بعض وسوينا لوجهنا حمام بخار بس ماصورت .. مسحنا وجهنا بموية ورد ورحنا نحط من"صنفرة المشمش" ، مررة حلوة كانت ريحتها.. على بال ما ينشد وجهي قعدت عاللاب .. لين ما قالت لي أختي أقوم أغسل وجهي غسلت وجهي وأختيْ راحت تنام، طفيت اللاب وقمت الصالة .. وأنا متجهة الغرفة عساس إني بنام صورت الشباك والستارة .. جيت داخلة الغرفة بس قلت بشوف التلفزيون.. قلبت عالوثائقية إلا ألاقي برنامج اللي أعشقه "قصص الجرائم" والله وحطيت تكايات فوق بعض وأجلس أتفرج .. ههههههههه خلص البرنامج وكانت الحلقة تجنن مررة حلوة .. تذكرت إن العيال بياخذوا الوجبات اليوم ويطلعوها مكة فقلت أصورها لكم اللحين لأن بعدين ماراح يمديني .. رحت أتمدد عالسرير ومعآي الآيفون أقرأ قرآن .. نعسست مررة ، طفيت الآيفون ونمت. ، صحيت قبل العصر على صوت أمي و أختي مِن زمان عنها فقمت متحمسة وبُست "عبودي" دخل"خلّود" الغرفة فعرفت إن أختي الثانية جات .. قمت أتشطف وأتسوك وألبس ملابسي وصليت ، بعدين جات خيتي ونادتني أسوي معاها حلا بالبف باستري "بحط لكم طريقته إن شاء الله" .. أرسلوني فوق أجيب ثلاث أكياس بف باستري وجبتها .. وقمت وأختي نسوي الحلا )= جا أخوي يستهبل على راسنا فقلت خلّ أصوره (ماشاء الله) وهذا"خلّود" حبيبي كان يبكي أعطته أمه عُنب فسكت .. خلصنا من الحلا وحطيناه بالفرن وأخذت جولة عالأطباق ، هذا المطبق عالّنار . وهذا بف باستري بالنقانق .. سوتّه أختي"أم خلّود" باقي الأطباق ماصورتها لأن العصر أذن رحت أصلي. ، كُنت أساعد أختي تحمم ولدها"عبودي" ، حممته ولبسته وكل شي دخلت أمي وصارت تبوس فيه شوي نزلت أختي اللي كانت تغسل فوق . هي جابت تلبيسات الكنب حقها تغسله عندنا .. لمّا شفناها تتحلطم أستغربنا إلا لقيناها حطت زهرة كثييير عشين كذا بقّع .. وأنا الفايقة صورته وقلت لها:حنزل صورك في النت يا فاشلة. صورة الإبرة حقت "عبودي" بعدين أختي طلبت من أختي الثانية تعيد غسيل تلبيسات الكنب حقتها عشين تروح البقع الزرقا فطلبت مني أختي أطلع معاها وطلعت.. هذي الصورة صورتها وأنا فوق وهذا ولد أختي طلع مدري شيبي منها فصورته.. كُنت أسولف مع أختي وهي ترضع ولدها في المكتب وهذي الكتب كانت فوق طاولة أختي وصورتها لأنها قدامي شُوي نادتني أختي في المطبخ وطلبت منّي أنزل المطبخ اللي تحت وأجيب لها صحن. وأنا تحت صورت هَ الصورة عالطايرة لأن شكلها مرة عاجبني هذا الحلا اللي سويناه أنا وأختي تونا طلعناه من الفرن واختي طلبت الصحن عشين تحطه فيه. وهذي البف باستري بالجبن توهم بيدخلوها. قعدنا انا وأخواتي في المطبخ نسولف ومرة وحدة نجهز الفطور شوي دق الجرس عرفت إنه خالي ونزلوا أخواني يفتحون الباب ويشيلون الأغراض منه. خرجنا وسلمنا عليهم وقعدنا في الصالة كلنا والعيال في المكتب ، سولفنا لين ما قرب المغرب رحنا نعبي الفطور وصورته لكم : هذي سلطة الفواكه هذي بعد نفس السلطة لكنها زبادي الصغار وهذا التمر وهذي قشطة سمبوسة مقلية والموية .. ، صلّينا ورحنا نجهز للفطور الثاني وكانت هذي الأطباق: خلية الّنحل وبف باستري النقانق بف باستري الجبن شوربة شوشبرك والمطبق كَانت مرت خالي جايبة ظفيريتين وحدة حلوة والثانية مالحة بس ماصورتها لأن كانت بالفرن بعد الفطور خالي أخذ له غفوة ومرت خالي عالآيفون والعيال يلعبون في المكتب وأنا وخواتي في الغرفة نتوشوش أذن العشاء قام خالي رايح المسجد وفي نفس الوقت جات خالتي كانت توها جاية من القصيم..خلصت الصلاة وجا خالي حطينا القهوة والحلا وهذي صورته: بهذا الحلا اللزيز أختم لكُم يومي الطويل وإن شاء الله ما أكون ثقلت عليكُم وكُل عام وانتوا بخير وعساكم من عواده ~ أستودعكم الله الذي لاتضيع ودائعه عن معاوية رضي الله عنه عن النبي صلى الله عليه وسلم قال : التمسوا ليلة القدر ليلة سبع و عشرين .

المصدر: منتديات بنات دوت كوم

---

hg~gdm >> hg~gdgm gQh dsfr;A Ygn hggi Hp] - ♥ My Day

الموضوع الأصلي : الّلية .. الّليلة لَا يسبقكِ إلى الله أحد - ♥ My Day || القسم : رمضان بنات كوم " للأعوام الماضية " || المصدر : منتديات بنات دوت كوم || كاتبة الموضوع : Ms.abeer