والله اني لو رخصت العمر كله في رضاك
........................... مايوفي ربع حقك وانت حقك مايهون
يايبه ياتاج راسي يا عسى عمري فداك
.......................... ياغناتي والله انك لو تبي عيني تمون
أعوام تليها أعوام ماترددت بعطاك
........................ ياشبيه الغيث لامن ساقته غر المزون
والله اني لو كثر خيري فأنا خيري ذراك
................. شوفني بنت كامله بس دونك .. وش اكون؟
ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟
يايبه يانور عيني شب عمري في هناك
..................... والله إنه أبرد من الماء على كبد الطعون
يايبه ياجعل روحي فدوه لموطى خطاك
....................... حطني بينك وبين الوقت وكبار الطعون
العمر والنفس واللي أملكه كله فداك
..................... وأعرف إنه ربع حقك وانت حقك ما يهون
* مقتبسه بتصرف 