هي القلوب بتتغسل؟!
زي الهدوم ؟!
وإزاي بتغرق ف الغرام
... وإزاي تعوم ؟!
وإزاي بتبقي طوق نجاة ؟!
...وبتبقي شط ...
وإزاي بتنخل الكلام ..
وإزاي بتعرف أي خط ؟!
وإزاي بترقص م الفرح ..
وإزاي بتقتلها الهموم ؟!
وإزاي بتبكي وتبتسم ..
وإشمعني يعني بتترسم ..
فوق الشجر ؟!
و ساعات بتدبل ف الربيع ..
وساعات بتعشق المطر ..
ليه لم بتبطل غنا…
بنحس فعلا بالخطر ؟!
المهم ..
كنت عايز بس اقولك ..
ولا اقولك ملوش لزوم ..
قوم ياعم بينا قوم ..
يلا نفهم من وشوش الفرحانين
سر السعادة ..
يمكن الدنيا تقابلنا
آهـ قدرت تقول اللي م اقدر ت اقولةة ي
علي سلامة 