SMS : العقل صفاء النفس والجهل كدرها
ماشاء الله رمضان عَبر كرمشة العين وها نحن بدأنا العشر ! اللهم انك عفو تحب العفو فاعفو عنا , اللهم واجعلنا من عتقائك من النار اللهم ارزقني واهلي الصحة والعافيه وبلغنا ليلة القدر - أمس طَلعنا للخياط أنا وأمي وأختي .. عشان يخيط المراييل وقفنا ساعه وحنا نشرح للخياط والخياط دقيق وحنا نشرح له الموديلات ف ياليل ما اطولك تخيلوا هو داخل تحت المُكيف وحنا برا في الحر .. والله فطسنا من الحر يعني الخيياط للنساء تكتبون على الباب ممنوع دخول النساء ليه ! اذبح روحي يعني هههههههههه فتحت الباب يطلع لنا هو بارد اشوي أخاف نموت وحنا واقفات بعيد الشر - وانا جالسه عالنت دخلت موضوع الحلوه هنا اشوف رسوماتها http://www.banaat.com/vb/showthread.php?t=161012 ماشاء الله تبارك الرحمن مبدعه .. كانت اختي جنبي تكبرني بسنه قلت لها تذكرين يوم كنا بابتدائي كان عندنا دفتر تلوين , انا اخذت دفتر فاضي ورحت شفيت كم رسمه اختي شجعتني أشف ( أحط الورقه الفاضيه فوق دفتر التلوين ( فيه رسومات كرتون) وأشف ) المهم ان اختي أخذت الدفتر لصديقاتها وقالت لهم هذا اختي رسمتهم ههههههههههههههههههههههههه على اني مو شافتهم من دفتر التلوين قبل اشوي ضحكت اختي وقالت ياااه كنا نصابات وهم مصدقات ياعمري ويقولون ماشاء الله ماشاء الله - ( أمي ماشاء الله من تبدأ العشر الآواخر تروح المسجد تصلي قيام ) هالمره قلت لها بروح معك قالت حياك الله .. قالت اختي الكبيره وانا بروح .. جات اختي الرابعه قالت وين بتروحون ! قالت امي المسجد قالت بروح .. قالت اختي الكبيره خلاص مانيب رايحه هههههههههههههههه الحين صارت الروحه حلوه على اساس منو يقعد مع اختي الصغيره اذا كلنا بنروح