SMS : وابتسم إبَّانَ قدرتكِ على التبسم = )
* كيف حَالكم هذا الأسبوع يَ قمرات ! .. و مَبروك عالإجَازة ، * إش مسويين ! و شُو خُططكم لهذِي الإجَازة ! الحمدلله مازلت على قيد الحياة ، الله يبارك فيكِ ؛ بصراحة كان نفسي أكمل كتبي ودفاتري المصبوغة بالكلوركس بس مع الأسف آخر يوم انشغلت بـ(التهييص) ونسيت آخذ من البنات كتبهم ودفاترهم ، وعلى إثر هذا صرت أنسدح عالسرير 16 ساعة وما تبقى يتوزع على المهام المعتادة : صلاة - أكل - ..إلخ بالنسبة لخطتي فهي كالتالي : أحاول ألحس مخي وأفهم نفسي شوية بالرياضيات والإنكليزي + أقرأ دروس البلاغة والنحو والأدب اللي كنت نايمة فيهم بالإضافة إلى إني أتصل على 2 من صحباتي اللي ما أظن إني أتذكر أصواتهم ، وطبعاًَ ما أنسى قراءة القرآن والصلاة على النبي والتكبير .. + بما إنو الجلسة نايمة شويتين فبفتح موضوع نقاش ، شفتوا القرار الجديد -صرله أكثر من أسبوع- عن إنهم سمحوا للمرأة السعودية إنها تصير محامية ؟! أنا أول ما قرأت الخبر حسيت قلبي طلع من مكانه ، مع إنو الخبر مو مرة في صالحي ؛ بس عندهم أكثر من 5 سنين بعدها إن شاء الله بكونوا سمحوا للمقيمات ..