[رفيف الندى]

* وخرجنا اليوم لـ " مجمع العرب " هذا مول يعتبر كأحد أكبر وأفضل المولات في جدة < نفسي أعرف ايش الكويس فيه ؟! طبعاً أنا كنت متحمسة جداً < لأنه كانت المرة الأولى الغريب ما أخذ وقت طويل حتى وصلنا تقريباً ثلث أو نصف ساعة المهم وصلنا هناك ، طلعنا فوق عند دور المطاعم < المكان كان مرة خانق + المطاعم كانت قليلة ؛ وهذا الشيء استغربت منه كثير !!! المهم رحنا ندور على مطاعم مغلقة ، شفنا واحد أعتقد كان إيطالي واضعين على الجدران ( طبل - زلاجات - خوذ - مضرب بيسبول - غيتار - بيانو ...) وأشياء كثيرة غيرها !!! ^ منجد إيطالي ما ارتحنا فيه وقررنا نشوف غيره وبعدين في النهاية تغدينا وانقسمن لمجموعتين ( مجموعة تتمشى ، ومجموعة عند الألعاب ) المهم وأنا كنت مع مجموعة عند الألعاب ، بغيت اكتشف ألعاب المول كنت أبغى ألعب 4 ألعاب عجبتني جداً جداً واحدة قطار رعب < قطار على شكل دائرة ، تجلسي ولما تبدأ اللعبة يبدأ معها الرعب تمنيت ألعبها ، بس ما بغى أحد يدخل معي < الصور اللي كانت على جدار اللعبة من الخارج تخوف ، فما قدرت أدخل لحالي والثانية كانت قوارب في المياه ، تمشي عادي بالبداية بعدين في مصعد يطلع القارب في المصعد ولما يوصل لفوق ينزل القارب نزلة تفجع وتخوف وتحمس في نفس الوقت !! وصار يخبط القارب في كل جهة من المسار ، لدرجة انخبط كتفي < كيف ما أعرف ؟!! الحمدلله أني كنت ماسكة المقبض كويس ، ولا كنت رحت في زمن كان وأخواتها والثالثة كانت كمان قوارب في المياه بس أصغر بس كان في سببين ما قدرت أدخلها < الأول ما كان في أحد عند اللعبة ! ، والثاني ما بقي شيء في البطاقة اللعبة الرابعة يعني حتى لو كان في شحن في البطاقة وكان عندنا وقت كذا وكذا ما كنت أقدر أدخلها كانت المتاهة اللعبة المحببة لي المتاهة - ماشاء الله - كبيرة ومتاهة بالفعل !! بس أحس في غباء ! < إذا الصغار يخافوا منها تروحوا وتخلوها بس للصغار ؟؟!! على قولة عمر حسين : ( شمنجاحبش ) تمنيت أمر على محلاتي المفضلة بس بسبب الجماعة اللي راحت تتمشى < أحد يتمشى في مول ؟؟!! ما قدرت ، بغيت شيء يبرد قلبي شوي ، ولكن بسببهم لم أستطع بس تسلملي أمي مررنا بمكان جذبني جداً جداً جداًَ جداً جداً جداً جداً كشك فيه كل أنواع الحلويات والأشياء النادرة اشتريت شغلتين بنزل صورهم لاحقاً وبالنهاية اشتريت كمان سلاش > مع أنه أبداً أبداً أبداً ما يقرب لذالك السلاش اللي ذقته أول مرة يشبه طعم الـ غوار بس مبرد بس مع كذا استمتعت ايوة وصح كمان في شغلة ما كتبتها في طريقنا ( ذهابٍ و إياب ) 80 % من الطريق كأننا راكبين على حصان < أصلاً هذا الشيء متوقع ( بس إذا كنت في جدة ) وبس + مو مصدقة اليوم جمعة وبكرا سبت ؟؟!! + مساء الخير