يعطيكم العافيه بنات ....
وتسلمين منول على طرح هذا الموضوع ....
وبرأيي الزواج المبكر ظاهره خطيره .... ولازم كلنا نوقف ضدها ...
فما أعتقد ان زواج بنت بعمرصغير شيء ايجابي ....بالعكس حرام تنحرم هالطفله من طفولتها بحجة سترها واسعادها ....
وما يحتاج نذكر لكم قصص مفجعه لبنات تزوجوا بعمر صغير جداً .... وتحولت حياتهم لجحيم ...لعدم تحمل أجسادهم الصغيره لمسئوليات الزواج المبكر والحمل والولاده وهموم الزوج ...
و أنا مع من يقول ان بزمن امهاتنا كانوا يتزوجوا بعمر صغير ...وعاشوا حياه سعيده وما نقص شيء عليهم ... صحيح هالكلام
ولكن بنات... تذكورا ان الزمن اختلف علينا ... ومافيه مقارنه بيننا وبينهم ...لأن بوقتهم كانت البنت تتهيأ للزواج من بدري والبنت كانت متعوده على الإجهاد من بدري ... وخاصه ان الامهات من زمان كانوا غارسين هالفكره عندهم ... ولكن اليوم البنت ترجع من المدرسه وتتفاجأ ان زواجها بكره
والبنت المسكينه ماتعرف وش معنا الزواج أصلاً .... وفكرها محدود بين المدرسه وبيتهم .... ايش تتوقعون تكون حياتها .... فلو كانت البنت مهيئه من بدري لهذا الموضوع وماخذه فكره عنه
فما فيه مانع من زواجها بشرط تكون وصلت لعمر يسمح لها جسدياً ومعنوياً بتحمل الزواج ومسئولياته ....
وهذي قصه واقعيه صارت لوحده من قريباتنا تزوجت الصيف اللي فات بعمر صغير (13) سنه
وعمر زوجها 30 وتخيلوا هالبنت اللي بالمرحله المتوسطه مع رجل مدرس طاف الدنيا كلها وعنده خبره من الحياه كافيه .... والمشكله البنت عمرها ماخرجت من البيت إلا للمدرسه والمستشفى ..
بصراحه جريمه هالزواج ....
وتدرون وش صار فيها ... البنت تعبت جسدياً ونفسياً .... وألحين اهلها نادمين على الزواج وحايسين بعلاجها .... في المشافي وعند الشيوخ .....
عذراً على الإ طاله ....