[Unique angel]

هلا والله هلا مشكووورين وااايد واااااااايد ع الردود وعلى التشجيع الحلو

علياء: لا بس تعبانه بلاعيمها تعورها ماتقدر ترمس
فارس بكل حب وحنان: سلامات وماتشوفين شر يالغاليه
ريم: الحمدلله ع السلامه أكيييد من الصريخ
الكل:هههههههه
غلا ماكانت تقدر تواجه فارس ونشت من كامنها وقالت: عن أذنكم انا بسير هالمحل وبرد !!
فارس حس ان غلا تحاول تتهرب منه بكل الطرق ولكن فارس في وااايد كلام في خاطره أن يقولهاا ويفضفضلهاا

فارس لحق غلا ليل المحل وياها من وراهاا
فارس: غلا
غلا: نعم!!
فارس: ليش تحاولين تتهربين مني؟؟!!
غلا: لأني أحاول أنساك
فارس:تنسيني!! لا مستحيييل مستحييل تنسيني
غلا: فارس أرجوك لاتتقرب مني وأنساني وعيش حياتك ويا ريم وولدكم اوبنتكم ياين في الدرب
فارس: بس ياغلا أنا ما أقدر انسى السنين اللي طافت
غلا: ...................................حــــــــــــاو ل
فارس مسك ايد غلا
غلا حرجت: فااارس هد ايدي
فارس: غلا أحبج ومستعد أسوي كل شيء علشانج
غلا ضحكت ضحكة سخريه: أبتعد عني
فارس : غلا أنا ببتعد لكن ان حبيتي حد غيري ياويلج
غلا: ها ليش ليكون ناوي تتحكم بقلبي؟؟
فارس: لا بس مستحيل
غلا: فارس أنا بسير يلا باي!!!

وسار فارس عن غلا
وردوا البيب
.................................................. .............................................
في بـــــيــــــــــت غلا

غلا فتحت الورقه اللي عطاها اياه الولد وكانت واايد تفكر فيه وتحس ان في هم زاد عليها اللي هو هم منصور
وأحتارت واااايد وااااايد

وفجأه رن مبايلها وكان راشد هو اللي متصل!!
غلا: ألو مرحبا
راشد:مرحبتين هلا وغلا
غلا بكل قهر: أهلين خير ليش متصل في هالوقت؟؟
راشد: تولهت على صوتج
غلا: هفففففففف منك روحي هب ناقتنك فكني وخلني بحالي تراك أذيتني
راشد: ما عاش من يأذيج يا غلا وأسمحيلي على أتصالي بهالوقت لأني اتصلتلج المغرب ومارديتي!!
غلا: لأني كنت في المول
راشد: اهاا أنزين وشوسويتي هناك
غلا: مايخصك
راشد: حبيبتي أنتي
غلا: جفت هذاك الولد اللي لعوزنا هذيج المره
راشد عصب: وشو سووو؟؟
غلا تحاول تنرفزه علشان تفتك منه: أسمه منصور وعمره 24 وهالمره كان مطول لحيته ومقصر كندورته يعني كان مطوع وبقولك شيء لكن خله بيني وبينك ترا هو عطاني ورقه فيها رقمه وقالي ان بيي يخطبني
راشد حس بألم بصدره وبصوت متقطع: ليييييييش وانتي موافقه؟؟
غلا تعاند وتنرفز بس علشان تفتك: ان شاء الله اذا يأ يخطبني رسمي بوافق ليش لأ ماشاء الله عليه
في هاللحظه راشد طاح عالأرض وغمى عليه
وأنتظروووني في الجزء القادم علشان نعرف شوبيستوي براشد وشوبيكون موقف غلا
حليلها غلا تبغي تفتك منه علشان جيه قالتله هالكلام ولا هي أصلا ماتفكر بالزواج((شطووره))
وأنتظر توقعاااااتكم :char0248
وأحـــــــــــــبــــــــــكم وااااااااايد:)