[وردهـ {ح} ـمرآ]

.
.
.
.
.
.
.
.
.
.
.
.
.
.

--{ السلام عليكم و رحمة الله و بركاته ~ اليوم دوري أخبركم عن يومي الدراسي ^^ <~ احلفي / كان المنبه يرن من صوب و أمي تقعدني من صوب . . ؛ و أخيراً قعدت من النوم ع الساعة 5:25 تقريباً . . ! رحت غسّلت و فرّشت أسناني . . ؛ بدّلت ملابسي و مشطت شعري و رحت فطرت . . ؛ بعدها رجعت غرفتي حطيت لي كريم و مرطب و عطر <~ أساسيّاتي اليوميّة أخذت فلوس من أمي لرحلة باجر و فلوس لروب التخرج ^^ بعدين لبست حجابي و عباتي و لبست الشنطة و الجوتي -كرمكم الله- . . ؛ و طيرااااان لموقع الباص و لكنه هرب عنـّي أو بالأحرى أني تأخرت عليه أصلاً أني لمـّا طلعت من بيتنا سمعت صوته و هو ماشي من اللفـّة إلا جنبنا . . ؛ فهذا أكبر دليل على إني ما تأخرت وايد :sg.9: <~ براااا محطة الباص وايد قريبة من بيتنا و لأن باصنا حديث يعني مكيـّف و جذي فـأروح فيه ^^* وصلني أخوي لمدرستي الجميلة . . رحت وين ما بنات صفنا يقعدون و قعدت وياهم . . ؛ و قمت أعيد على الأحياء -كان عندنا تطبيق- بس كانت الكميـّة كبيرة كميـّة اختبار مب تطبيق ! رن جرس الطابور و رحنا لساحة الطابور . . اليوم تأخرنا في الطابور شوي . . ؛ لأن غيروا النظام عشان الصفوف إلا كانت تصيدهم الشمس يقربون لمنطقة الظل و هيك شي يعني و المديرة قامت تكلمنا عن النظافة و المحافظة على مرافق المدرسة و شكرت الطالبات لأنهم قاموا يلتزمون بالزي المدرسي و يحترمون معلماتهم و جذي ! الصراحة اليوم كان كلامها جداً مفيد و هادف . . عجبني . . بس طبعاً مستحيل يعجب بنات صفي إللي بس يعلقون على كلام المديرة مسكينة مب مخلينها في حالها ما يسمونها إلا [أبلة نورة] <~ تبع المسلسل خلص الطابور و كانوا توهم فاتحين باب المبنى إلا صفي موجود فيه . . ؛ و الطالبات يدخلن إليه أفواجاً أفواجاً <~ يمديكم ع التعبير فوقفنا شوي نتناقش في الأحياء على ما تخف الزحمة و بعدين ركبنا فوق . . ؛ و إلا بعد الصفوف مقفلة و البنات تارسين الممر =$ بعد ما فتحوا الصفوف دخلنا الصف . . و هذا هو مكاني . . كان علينا الحصتين الأوليتين مقرر إثرائي [كهرباء] . . ؛ لكن تلقينا الخبر الصاعقة . . و هو أن معلمة الأحياء ستأخذهما إضافة إلى حصتها الأصلية و طبعاً صار الاحتجاج و التحلطم . . يعني تخيلوا إن المقرر المفترض ندرسه حصتين في الأسبوع بس . . لكن احنا ندرسه يمكن سبع حصص في الأسبوع من زود ما تاخذنا حصص ! لكن معلمة الرياضيات أبت أن تأخذ معلمة الأحياء الحصتان معاً فجاهدت و ناضلت و كافحت من أجل الاستيلاء على الحصة الأولى و بعد عناء طويل و جهد جهيد أخذتها . . و لكننا لم نحزن بل غمرتنا الفرحة لأننا سنتخلص من حصة أحياء بعدين رن جرس الحصة الثانية و جت معلمة الأحياء . . ؛ شرحت لنا عن الانقسام الميتوزي و أطواره و و و و . . . الخ و طبعاً حصة الأحياء هي أطول حصة في التاريخ ! يعني عن جد كل ما أطالع الساعة . . ألاقي الوقت ما يمشي ! تصير الحصة طوييييييييييييييلة =/ الحصة الثالثة كان علينا في الأساس علوم بيئة . . ؛ بس لأن معلمة علوم البيئة و الكيمياء نفس الشي . . البنات اقترحوا إنها تدرسنا كيمياء بما إن احنا في الحصة الثالثة و مخنا شوي متفتح و تخلي علوم البيئة للحصة الخامسة إلا هي حصة الكيمياء أساساً و إللي راح نكون فيها شبه نايمين <~ عسى فهمتوا بسرعة خلصت حصة الكيم . . لأن معلمة الحيا أخذت منها عشر دقايق كالعادة و لأن البنات قاموا يسردون اقتراحاتهم . . الخ بعدين جت الفسحة . . اليوم قعدت في الصف أكمل إعادة على الحيا . . ؛ و بعد ما خلصت لقيت البنات قاعدين في الصف <~ ما أدري وش طاري عليهم . . ؛ و قعدنا نسولف و نضحك . . كانت القعدة وناااسة ^^ الحصة الرابعة كان علينا إنج . . ؛ خلتنا المعلمة نسوي براكتس و نجهز للرايتنغ ! الخامسة علينا علوم بيئة . . ؛ ربع الحصة عطتنا فيها المعلمة تمارين خارجية للكيم لأن عقب باجر عندنا فيه اختبار . . ؛ و الباقي درسنا فيه علوم بيئة عن الطاقة النووية و ما إلى ذلك ! السادسة كان علينا فيز . . ؛ مرت الحصة بسرعة فائقة . . ما أدري شلون ؟! السابعة و الأخيرة كانت أحياء . . ؛ عطتنا المعلمة التطبيق بداية الحصة و الأسئلة كانت وايد إلا يشوفها يقول اختبار مب تطبيق . . ؛ بس كان سهل وايد . . خلصنا التطبيق و شرحت لنا شوي عن الانقسام الميوزي . . ! بعدين طق جرس نهاية الدوام . . ؛ و نزلنا تحت و توجهنا للبوابة الرئيسية . . ؛ وصينا بعض ندرس كيمياء لعقب باجر . . ؛ و لكنني لم أفتح الكتاب و لا الدفتر بتاتاً و بعدين كل وحدة راحت في حال سبيلها ^^ و انتهى يومي الدراسي على خير عسى ما ثقلت عليكم بس ! <~ انتين أدرى بروحج / شكراً [لقطوفتي الجميلة] على إتاحة الفرصة لي . . ؛ لعرض يومي الدراسي كنت مصورة مكاني في الصف و الكتب و الدفاتر . . الخ لكن لسوء الحظ الكيبل ما أدري شنو جوّه . . ! =( *

المصدر: منتديات بنات دوت كوم

---

---V d,ld hg]vhsdX ツ

الموضوع الأصلي : ---{ يومي الدراسيْ ツ || القسم : مـدرسـة بـنـات دوت كـوم || المصدر : منتديات بنات دوت كوم || كاتبة الموضوع : وردهـ {ح} ـمرآ