وبعض العضوات ..اقول لهم لو عندج كلام حلو قوليه وللا اسكتي احسن وأبرك ..
والله شو يفيد تعليقج يوم يكون دمار شامل لقلب خوخي كتكوت ..بكلمه مثلا ..الانشوده مو حلوة ..وللا الموضوع حقج تاافه ما له قيمه ..او او او ..
رجاءا يا بنات ..لا تتحسسون من كلاامي ..ترى اسمعوا من ماما حلوة الاحساس ..احسن من انكم تسمعوه من غريب ..
شو صار لو شفتي شي يستحق انج تمدحين..وترى لو مدحتي وقدرتي عمل انسان ..راح ترفعين معنوياته وتخليه يستانس..
ويكون نظرته لج غييير
لانج بتكونين غير الناس في اسلوبج وتعاملج وكلامج الطيب
فانا قررت اني ابدى هالمشواار..وفعلا بديت
أول وحده..طبقتها على ربيعتي في الكلااس..الدكتوره اعطتنا واجب نحله في النت ..وانا قريت وش كتبت ربيعتي ..
فأنا لما شفتها قلتلها ما شاء الله عليج يا فلانه واايد كتابتج حلوة..
تعروا انها استغربت وفرحت و و و ..
حتى صارت تقولي متى شفتيها و و و
حتى احيانا يوم تمدحين شي ..تحسين ان الشخص قاعد يقولج معلومات زياده ..
فالبنت قالتلي انها تعبت عليه وانها قعدت من الساعه 1 للساعه 4 فجرا وهي تكتبه ..
بالله عليكم يا بناات ..لو كنتوا مكان ربيعتي ..وسمعتوا هالمدح..
شو بتحسوون ؟؟
اكيد بتستانسون وبتحسون ان تعبكم ما راح هدر؟..وانه الشي اللي سويتوه شي قيم وحلو
..
ثاني وحده..وحده متحنيه والنقشه واللون كان وااايد طالع حلو..
فأنا قلتلهاا ما شاء الله النقشه حلوة وااايد..ومدحتهاا
فهي فرحت وقالتلي هييه اتحنيت بصالون ......
وصارت تقولي كلاااام .وسواالف..
يعني واايد استانست يوم مدحت النقشه