السلام عليكم ورحمه الله وبركآآآآآآته أهلن أهلن,,بالجميع الله يحييكم في يومي الرمضاني وش أخباركم وحدة وحدة ان شاء الله كل شي على مايرام :قلوب: تراني متوهقه بالمقدمه لذلك بدخل في الموضوع دوغري من بدايه اليوم وانا معلقه الكاميرا برقبتي وين ما رحت :sg.5: حتى أخواتي واهلي كلهم عارفين اني بحط يوميتي وكلن يناديني تعالي صوري قبل آذان الفجر بشوي رحت أتسحر لقيت أهلي متسحرين وسحورنا المعتاد زي الفطور نواشف وزبادي وحليب واحيانا نقتصر على زبادي بس رحت وقطعت لي فاكهه وأكلتها الحمدلله وأذن الفجر وصليت وفتحت النت وتصفحت المنتدى ليين الساعه 6 او 7 كنت دايخه ونممممت على طول الى آذان الظهر وصحيت أنا نومي قليل ناادر اطول نايمه عكس اختي تنوم قبلي وتصحى العصر وصليت الظهر وقريت قرآآآن وبعد ماخلصت نزلت اتفقد أحوال الرعيه وأشوف من قاايم ووش الحياة تحت ومالقيت أحد قلت بشوف المطبخ يمكن أمي فيه او مجهزة لي شي أسوويه ونفس الشي المطبخ فاضي ...!! العالم توها ماقامت يارب لا تبلانا cat4. وقعدت أحووس شوي وأسوي حشوة السمبوسه اختصارا للوقت عشان اذا قاموا اخواتي يلفونها وقعدت ابربس بحلى اول مرة اسويه وحست فيه حووسه عاد قاموا اخواتي وقلت لهم وجت وحدة منهم ولفت السمبوسه على فكرة هي مسجله معنا >> إيــــلان عشان تعرفون ان اخواتي سنعات >>طالعات علي بسم الله عليهم وجلسنا نقلي ونحووس طبعا الشغاله الله يعافيها ساعدتنا بالقلي لان صراحه لنا مواقف مع الزيت وهذا الحلى سوته اختي الثانيه شفت ماعندي شغل قلت بطلع أتمشى بالحووش وأشوف وش صاير لاني أسمع ان فيه تمر في الحوش يبغالنا نكنزه !! وأشووف هالاشياء هذا ارتب شي وصورته ولا الباقيات ههههههه الي بكرتون واللي بقدر وفيه شراع ازرق مفروش وعليه تمر عشان ينشف بس ماصورته خلينا مستورين cat4. وأذن المغرب ولا قدرت أصور السفره لان العائله كلهم جالسين هههه وأشوى اني مصورة كم شي قبل مااحطهم على السفره وما ننسى سيد السسسسفره الرمضانيه (ذهب الظمأ و ابتلت العروق وثبت الأجر إن شاء الله) وبعد ما أفطرنا الحمد لله جلس عندي هالمملوح يتبيثر بشواربه بعد الفيمتو ولقطت له هالصورة وبعد ما أفطرنا وصلينا وعينا من الله خير رحت ركض أحجز هالمكان قدام التلفزيون وجلسنا تنفرج على غبار الهجير وبعدها كلن راح في حال سبيله انا واخواتي توضينا ورحنا المسجد الي جنبنا وصلينا التراويح طبعا ما قدرت أصور المسجد والصراحه نسيت أجيب الكاميرا وحتى الجوال ماجبته ورجعنا ودق علي أبوي قال أن بيجي عمي جهزي الشاهي والقهووة وطيران للمطبخ لاني أبي أطلع للسوق ووهقتني أمي قالت سوي قهوة شعير وأنا ماعرف وشلون أسويها أعرف القهوة العاديه بس وقعدت أحوس أدور القهوة العاديه مالقيتها قلت بس بأسوي أي شي وحطيتها وأول ماطبخت طفيتها ههههه وأشوى طلعت حليوة ولو أنها خفيفه شوي وعطيتهم حلى كاسات مسويته من أمس * أبحط طريقته في موضوع ثاني هعهع وتوني بأطلع من المطبخ وتجي لي أختي الصغيرة تعآآلي صوري الي سويته وتشيك ألقط له صوره سارقتن مننا عجين وحايسه به وشكلت أسمها وبسوورعه طلعنا حياة مول أتقضى للعيد >>للحين ماشريت شي :cat61: يوم دخلت السوق جايبه معي بطاقه الجامعه واحاول اصرف من الراجحي وصارت الصرافه خربانه وبطاقه الجامعه ماتصرف الا من الراجحي بس:صداع: وأدور البطاقه الثانيه حقت البلاد ولقيتها فاضيه مافيها شي وش ذا الحاله ههههههههههههه واتصلت على أبوي الله يخليه وقال بحول لك يااه شعور شين تروحين السوق ومامعك فلوس عاد على هالمرمطه ماشريت شي !! مااش مالقيت شي حلو cat9. ورجعت من السوق بخفي حنين وجلست على الابتوب أصلح الصور واكتب الموضوع وفي النهايه أشششكر وهج على هالفعاليه الحلوة الممتعه صراحه وأشكر الكاميراا الي ساعدتني ,, وأتمنى أنكم استمتعوا في يومي ,, وشكرا على متابعتكم لآخر الموضوع ..
"وقل رب زدني علما" ..~