بطلة قصتنا هي
عبير
عبير : 17 سنة بنت حلوه كانت كان طويلة بس مو كثير يعني حلوو عيونها عسلية فاتحه كبار بيضا و شعرها بني فاااتح قصير انفها صغير و شفايفها وردية صغيرة جسمها حلو جدآ
عبير تعيش مع ابوها اللي ماكان يحب امها
امها تزوجت ابوها و كان عند الاب بنت من زوجته السابقة مريم ( 3 سنين )و حملت فيها و ف راشد و ماتت عقب سنتين
مريم : 20 سنة مغرووورة و متكبرة تغار من اختها عبير لانها احلى منها
حنطية طويلـــــة و ضعيفة عيونها كبار سودا و شعرها اسود طويل حلووة بس عبيير احللى
راشد اخوها :16 سنة صديق و اخو بالنسبة لعبير كل ذكرياتها معاه من يوم هم صغاار
اسمر عيونه عسليه في شبه خفييف من عبير
____________________________
احب اقولكم شوي عن طفولة عبير
عبير كانت دايما تلعب مع اخوها راشد و مع ولد عمها اسمه خالد
عبير عاشت طول عمرها مع الاولاد كانت ولد مثلهم .......
هي دفشة و دايما تتحدى مثل الاولاد و كانت تصارخ و تخشن صوتها
عبير كانت تعتقد انها اذا كانت جي بتحمي نفسها
للاسف كبرت و هي على هاي الحال كانوا البنات ف المدرسة يحسونها بويـــــــه
و كانوا دايما يجونها معجبات و هي مب عاجبها هالتصرف ابدا و تحسه مقرف و دايما ماتعطي وجه للبنات
عبير كان ماعندها صديقة تقولها همومها تشكي لها كان الصديق الوحيد المقرب : اخوها راشد
نروح حق عبير اللي في صف 3 ثانوي – ادبي
عبير كانت مقصصة شعرها بوي و مشمرة اكمامها
فجأة تجيها بنت
البنت : انتي عبير
عبير : ايه
البنت : شفتي هاذيك البنت أشرت على بنت حلوة و كان شكلها انوثي
عبير فهمت القصد : افففففففففف شفيها ؟
البنت استغربت : هي معجبة فيج و تبيج تبادلينها المشاعر
عبير صرخت : كم ممرة قتلكم انا ماحب هالحركات الغبية المقرفة اعجاب و ماعرف شنو تقدرين تروحين لو سمحتي
البنت تفشلت و راحت > تستاهل
عبير في نفسها ( والله مايستحون هالبنات هم وويوهم على بالهم باموت عليهم هم و حركاتهم الوصخة )
عبير تمشي استندت ع الطوفة و تنهدت جاتها وحده و باستها في خدها و لصقت فيها
البنت : لييش زعلان ياقلبي ؟
دزتها عبير : قسم بالله ان ماوخرتي مب احسن لج تراني فاهمة مخططاتج الوصخة و بعدين كلميني عدل انا بنت مب ولد
( لو راشد اللي مكلمها عادي عندها لكن تدري انه وحده من البنات و تفكيرها وصخ )
البنت خافت و شردت تحسبها مثل ردود البنات الثانيات اللي بيستانسون على حركتها ..لكن طلع العكس عبير فشلتها
راحت عبير لابلة الرياضة
ابلة الرياضة : اووو هلا عبيير
( ابلة الرياضة كانت حبوبة و طيبة و عبير تحبها لانها حبوبة )
عبير : هلا ابلة
ابلة الرياضة : هلا حبيبتي عبووور شبغيتي
عبير : ابلة ممم متى بنلعب المباراة
ابلة الرياضة : ان شاء الله بكرة ههه ليييش ؟
عبير : والله ملل بدون مباراة
ابلة الرياضة كانت ملاحظة ان عبير ماتمشي مع احد مخصوص و كانت تلاحظ مضايقات البنات لها
ابلة الرياضة كسرت خاطرها عبير : ههههههههههه زين تعالي دشي داخل غرفة المدرسات مع انا بنسولف شوي
عبير : عادي
الابلة : أي عادي شدعوه
عبير ماصدقت تفتك من الملل اللي هي فيه دشت
الابلة سوت لها كوفي و قدمته لها : اشربي
عبير : مشكوورة
وقعدوا يسولفون > وطبعآ عوايد الابلات يررون صور العايلة اللي في الجوال خخخخخخخ
رن الجرس انتهاء البريك
عبير رجعت الصف
ايمان ( بنت في صف عبير تحب عبير بس مب معطتها ويه ) > خخخخخ
عبير دشت الصف
ايمان : تو مانور الصف
عبير : باصحابه
ايمان تششششقققت ع بالها عبير قصدها عنها
ايمان : عبورتي شفييك ؟ > تبي تتقرب باي طريقة
عبير طالعتها و سرححت كانت تفكر في المباراة
ايمان جننت حسبت انه عبير حبتها في نفسها (اخيييرا ياعبير حسيتي فيني )
عبير رجعت لوعيهها : ايمان شفيج اتطالعيني جي
ايمان : ههههههه انتي اللي متنحة فيني من ساعة
عبير : شاسوي مباراة بكرة ماخذه عقلي
ايمان تحطمت و حبت اتطول السالفة : بكرة مع ميين
عبير : مع مدرسة ......... و انا متحممسة
دشت ابلة العربي
ابلة العربي : يااالللله كل وحده تجلس في مكانها
و جلسوا البنات و ابتدا الدرس
و بعد 3 حصص طوووووووووييييلة على عبير من كثر ماكانت تففكر في المباراة
رجعت البيت لقت راشد تمت تسولف معاه
عبير : الا رشووود
راشد : هلاا
عبير : تدرري متحممممسة بكرة عندنا مباراة والله وناسة
راشد : عاد بيضي الويه ماوصييج
عبيير :افااا عليك لا توصي حرييص
دشت مريم : وييييع يات الدففششه
عبير : تقلد صوتها وييييييييع يات الدفششة
راشد يضحك
مريم : اقول جب يالغبية يالولد
عبير : ولد احسن منج
مريم : هههاااي اقول اقلبي ويهج
مريم راحت و سحبت تاج عبير اللي كان على راسها و كسرته
عبير انقهرت و جات بتضرب مريم
دش ابراهيم ( ابو عبير)
ابراهيم يصرخ : انتي مب على كيفج تتطنزين و جاية بتظربينها بعععععد .....احمدي ربج انا مسكنج هنيه < كرييه
عبير ساكته
مريم تدلع : بابي كله تطنز عليي تنرفز و جاية بتظربني
ابراهيم : قسم بالله مب احسن لج ان زعلتي مريم > يحب مريم لانه من زوجته اللي كان يمووووووت فيها عكس ام عبير اللي ماكان يحبها و امها خطبتها له
عبير ساكته و راحت غرفتها
راشد صررخ على مريوم : انتي جججججججببب
ابراهيم : انت اللي جب مالك خصص و لا تصرخ على بنتي > طبعآ مماكان
يهاوش راشد وايد لانه ولد
راشد طالعهم نظرة قهر و دش غرفة عبير
كان فراشها اسود و عليه باتمان ..تعشقه و تسريحتها ماعليها شي غير
التيجان و الاشياء هاذي طبعا المكياج و الاكسسوار من المحضورات
دش مالقاها صكر الباب و قال اكيد في الحمام
عبير في الحمام صاكه باب الحمام و تصييح كله تصصيح هنيه ماتقدر تصيح قدام احد هي لازم تثبت رجولتها و ماتنزل منها دمعه لبست بجامتها السودا الوسيعه و طلعت .. لقت راشد قاعد على سريرها
راشد : زعلانه
عبير ماتبي تبين شي : لا شدعوه اازعل انا ماتنزل مني دمععه
راشد : هههه بعد حسبت انا اقول مب عبيير اللي تصصيح > يبي يخفف عنها
عبير ابتسمت مجاملة ( آه ياخوي لو تدري اني كل يوم اصيح في الحمام و اطلع كانه ماستوى شي مشكلتك مب فاهمني اني بنت )
راشد : بيجي خلود عقب شوي تعالي معانا > عبير ماتغطى من خالد متعوده كل طفولتها وياه مثل اخوها ..تحسب عادي اذا ماتغطت منه و طبعا ابو راشد اخر همه عبير مايعلمها و لا يغار عليها
عبير : اوووكي بايي
نزل تحت و عبير قفلت الباب و انسدحت على السرير
( ليش يادنيا انا مظلومة ليش ؟؟)
اذذن العصر
توضت و صلت
و بدلت البست سكيني كحلي و قميص كمه طويل مبكر بالاحمر و الكحلي
حطت تاج احمر و نزلت
خالد : هللللااا وينك يالقاطع
عبير سلمت يد : ههههه موووجووود
راشد و خالد و عبير ضحكوا و دشوا الغرفة عشان يلعبون سوني
العبوا مباراة بين عبير و خالد
و راشد يطالعهم
رن جواله
راشد : الوو
جاسم : هلاا رشوود
(جاسم ولد خالة عبير و راشد عمره 22 سنة يدرس برا طويل و اسمر و معضل عيونه بنية و يسوي سكسوكة طيب و ذكي )
راشد : ياهلافيك حمدالله ع السلامة متى رجعت
جاسم : الله يسلمك امس ....عيل ططمني شخبارك شعلومك ؟
راشد : تمام والله زين سمعنا صوتك
جاسم : الا اقولك ان شاء الله يوم الاربعاء امي عازمتكم انت و عبير
راشد : هههههه على وين
جاسم : المزرعة و بنبات هناك ( بنبات : بنرقد )
راشد : ان شاء الله اقول لابوي و ارد عليك خخخ كان قتلي عقب يومين وتو الناس اليوم الاحد هههه
جاسم : هههههه لا احسن اليوم تجهزون بسرعة اذا رضالكم
راشد : ههههههه اوكي
صكر التلفون
عبير و هي متحمسة اتطالع المباراة : شنو؟ شسالفة
راشد : وانتي قاطه اذنج و مركزة
عبير : اييه فكني اقولك شسالفة
راشد : خالتي عازمتنا ع المزرعة
عبير ساكته و مركززة
عبير :الللللللللللللللللللللللللللللللللللللللللله قوووووووووووووووووووووووووول
خالد : لااا لااا مايصير مب قوول
عبير : فزت عللييك ههههههههههههههههههه
عبير التفتت ناحية راشد : رشوود الا شسالفة جاسم
راشد : شدراج انه جاسم يممماا
عبير : يالغبي يعني بالعقل قلت خالتي عازمتنا ع المزرعة و ماعندنا غير خالة وحدة و سمعتك تقول الحمدالله ع السلامة فأكيد جاسم و فيه حد غيره
راشد : مسووية فيها المحقق كونان > يالبييه كونان
عبير : لا ران > بدت السخافة
خالد : تصدقون ع بالي توغو ...... زين صج متى بيخلص > استانست ع النقاش عادي ادش معاكم ^^
راشد : شدراني بعد ششكله المؤلف ناوي يدخل غينيس ببهالانمي
عبير : خللصصني رشووود
راشد : اقول يالله اذلفي مناك
عبير : اففف يالله قووووول
راشد : خالتي عازمتنا يوم الثلاثاء ونـآآأآأسـه ع المزرعة
خالد ضم رشود و بلهجه عبيطة : بتوحشني
راشد دزه : ههي يوم الاربعاء اليوم الاحد تو الناس هههه
خالد هد رشود و فتح يده : بتوحشيني عبور >>> لا مطيح الميانه الاخ من صجه بيضمها
عبير عطته ذيك الشوته : اقوول تلايط
راشد : والله كنت باشوته بس زين شتييه خخخخ
خالد : معلييه عبور انا ارويج
خالد حذف عليها المخدة و تموا يحذفون على بعض
خالد جاه اخوه حسن
( حسن اخو خالد راعي بنات صاايع " شكله زين عادي اسمر و بسكسوكة عمره 23 )
حسن دش و نادى من بعيد
كانوا في المجلس اخر شي
عبير ماطيق وجهه جات بتروح غرفتها
سد الباب بجسمه : وين رايح الحلو ؟
عبير : اقول خلني امرر احسن لك
حسن : زين ابي بوسة من الحلو و اخليج تمررين يابعد قلبي انتي
راشد بعيد و لا يسمع شي
عبير دزته بيدها : اففففففففففف مليييغ
راحت فوق
حسن ( هههههههههههههه فديتها والله انها احلى من مريوم اجنن يوم من الايام باييب راسج ) > لا تحسبونه يحبها هاي يحب أي بنت ف الدنيا
راحت فوق البست بجامتها و جهزت شنطة المدرسة عشان المباراة
و نامت
نهاية البـآرت الاول
شــرآح يصير في المباراة ؟
و هـــل بتروح المزرعـــه ؟
وحسن بييب راس عبير مثل مايقول ؟
بـآقي شخصيات جمييلة الى الآن ماتعرفنا علييها
و شراكيم فهالشخصيات لحد الحين هع