[آهآت الآلم...]

السلامـ عليكمـ روحمة الله وبركاتهــــ

مارأيتـ سوى أنامليـ بدأتـ بكتابة أحرفـ متواضعهـ على أسطر كبيرهـ

واستمرتـ بالكتابهـ حتى تشجعتـ وأردتـ انـ اخواتيـ المتصلاتـ عبر الشبكهـ العنكبوتيهـ

إبداء آرائهنـ فيما كتبتـ لربما استمر في كتابه الرواياتـ بما انيـ لأولـمرة اكتبـ روايهـ

فأنا كاتبهـ بحرانيهـ واسميـ أميرة القصر العاليـ

أتمنى ان تنالـ اعجابكمـ ماصفتهـ اصابعيـ على حباتـ لوحهـ المفاتيحـ
فهي قصه واقعيه تحتوي على لمسات خياليه

الجزء الاول
الفصل الاول
عائلة
عائلة حسن
أبو علي : الاخ الكبير في العائله وابو علي وياسر وفاطمه وهدىوبدر وعمره حوالي 53 سنه ويشتغل اعمال حره بمشاركة اخوانه الورثه
أم علي : هي خديجة زوجة حسن وأم اولاده وعمرها 49 سنه
علي : وهو الولد الكبير لحسن وخديجه وعمره 29 سنه ويعمل مدير العلاقات العامه في شركة العائلة
ياسر : متخرج حديثا من جامعة الخليج العربي ومتخصص في طب نساء وتوليد وعمره 26 سنه ويتدرب في مستشفى السلمانيه
فاطمه : عمرها 24 تخرجت من الثانوية وتزوجت وماكملت دراستها الجامعية وهي متزوجه من ولد عمها محمد وعندهم 3
عذرا تم تعطيل الرابط لحمايتك
ها الثلاث نور وساره ومنار وسلوىمرت ولد ام عيسى ولدها محمود ومريم بنت ام جابر
كانت القعده فيها شوي مزح وشوي مشاحنات بين نسوان الحمي
سلوى : اقول فطوووم رحتين معرض الخريف؟
فاطمة : لا والله انشغلنا هني صار لينا جم يوم رايحين راجعين ومانرجع البيت الا نص الليل ومحمد كله مشغول ما يمديني اروح مكان ، فيه اشياء حليوه قد
عذرا تم تعطيل الرابط لحمايتك
زينب وهدى يتصفحون في مجلات الازياء ويتابعون mbc4
هدى وهي تطالع التلفزيون لفت على زينب وهي تقرأ موضوع عن العنايه بالبشره:
زنووووب ما قلت ليش عن داك اللي يلبس نظاره اللي اسمههادي ويش مسوي

زينب بلهفه : ويش مسوووي بعد ؟؟!!
هدى وهي تضحك : لحق زهرووو لقريب بيتهم ، ((واستمرت في الضحك))
زينب وهي متفاجئه وحاطه ايدها على بوزها : يووووو حلفييييييييي!!!!!
هدى وهي فاطسه من الضحك : اقوليش لحقها وهي بغت تموت من الخوف تقولليّ طاح قلبي في رجولي
زينب وهي تضحك على حال زهراء ( وهي صديقتهم الروح بالروح من ايام المدرسه) : مسكينه زهور والله ماتستاهل ، انزين وبعدين شصار؟؟
هدى وهي واقفه وتقلد على زهراء: تقول وقفت سيارتها على صوب ونزلت من السياره وهي مبرزه روحها حق الهواش وظلت تطالعه بنظرات يتطاير منهم الشرار
الا هو مبتسم في وجهها ويقول ليها : آسف ما كان قصدي بس انا لازم كنت اجي وراش لان الشي ضروري مايتحمل تأخير!!
ردت عليه زهراء وهي متخصره ليه : الله الله شنو هالشي اللي يربطني فيك ومايتحمل التأخير ؟؟!!!!!
ابتسم ابتسامه خفيفه وهو مستحي منها : لا بس انتين نسيتين بوكش على الطاوله وياه تلفونش وانا خفت عليهم ينباقون (ينسرقون) حاولت ألحق عليش بسرعه والحمدلله اني وصلت في الوقت المناسب لان اكيد هم اشياء ضروريه وسامحيني اذا ضايقتش
زهراء وهي منحرجه ومنزله راسها للارض وجهها عطى ألوان من الفشيله : هاا .. اي بوكي وتلفوني صدق خليتهم ومشيت عنهم اشوه جبتهم لي جان الحين بروح فيها من ابوي البوك كله كردت كارت
سكتت زهراء شوي وردت وهي عاضه عل شفايفها : اني آسفه ضنيتك من دلين اللي ماعندهم سالفه وانك لاحقني عشان تبي تعرف وين بيتنا
اكتفى هادي بإبتسامه هاديه مثله وهو حاط ايده على نظارته اللي ما يفصخها ابدا وهو يرفعها عن عيونه اللي طاحت على عيونزهراء اللي وقفت تطالع عيونه الفاتحه اللي كانت تلمع ورموشه اللي مكحلين عيونه وراسمينها ولون بشرته الحنطاوي وشعره اللي يتطاير على جبينه وهو يحاول انه يمسكه بايده
داخت زهراء من شافته وضلت ساكته وما انتبهت الا على صوت اختها الصغيره يجرها من طرف عبايتها عشان تدخل البيت
زينب واتفجرت في الضحك : ههههه مسكينة زهور داخت
هدى وهي تمسك ايد زينب وتكمل باقي كلامها : قصدش على قولة المصريين (وقعت ومحدش سمى عليها)
زينب وهدى تموا يضحكون لين سمعوا طقة الباب وسكتوا
زينب : الباب مفتوح دخلي فطوم
فاطمة : انتون كله مندعسين فوق محد يشوف وجوهكم يالجياكر
هدى :هاي انتين حدش عاد جيبي لي اي وحدة في العايله ربع جمال زينب وهدى في العائله كلها اقص ايدي
زينب : اي والله اني دورت ما حصلت احنا محتكرين الجمال هني حصريا بس على زنووب وهدووي
فاطمة : لا حول الا لله يجذبون الجذبه ويصدقونها ما اقول الا مالت على الشيف
زينب وهي حاضنه فاطمة من وراها : شفيها مرت اخوي الحليوه ليش مضايقه
فاطمة : اللي ياخذ من العائله يستانس بس هم ومشاكل ما اقول الا خلوها على الله المشكله بسيطه تكبر وتصير عائليه
فاطمة سكتت وردت كملت كلامها وهي ماسكه ايد زينب والايد الثانيه هدى : اخذوها نصيحه من اختكم لا تاخدون من العائلة
وظلوا ثلاثهم ساكتين للحظات
وحبت فاطمة تلطف الجو بدل من النكد اللي عيشت البنات فيه : تعالوا مو كأن قلبناها مسلسل عربي قديم
زينب وهدى قعدوا يطالعون في بعض والكل قعد يضحك لين ما اتذكرت فاطمة هي ليش راكبه فوق : امبييييي نسيتوني امي العوده تبيكم تحت
هدى : ويش صاير ؟؟؟؟
زينب وعلامات استفهام مرسومه على وجهها : شفيها امي العوده ؟؟؟
فاطمة وهي تضحك على اشكالهم : وشفيكم انتون ما قلت شي الا اختبصتون ترى امي فطووم ما تعض ولا فيها شي بس اكيد تبيكم تنزلون تحت شوي
زينب وهي تحس بالراحة : بس جدي فطووم اصلاً ماتقدر تقعد بدون زينب وهدى
هدى قاطعتها : اي زنووب لان احنا عيونها الثنتين انتين اليمين واني اليسار
فاطمه وهي تأشر عليهم بأيدها عشان تسكتهم : بسكم من الغرور ما تدرون اني فاطمة يعني اني ماخذه القلب وبدوني ماتقدر تعيش ولا ثانيه
وقعدوا يضحكون ثلاثهم وهم طالعين من الحجره ونازلين على الدرج
وشافوا جدتهم وظلوا زينب وهدى يبوّوسون جدتهم في كل مكان لين ما قعدت اتدزز فيهم
الجده : بس يا زينب والله احبش هلكتيني وانتين ياهدى شفطون خدودي
زينب : بس احبش وحشتينيييييي
هدى : ما اقدر على فراق الغاليه
الجده وهي تدزز فيهم كأنها تتغلى عليهم : اي لو تحبوني انجان مااندعستون فوق
هدى : خلاص فطوم الليله احنا سهرانين وياش لصبح كلشي ولا زعلش ولا ويش رايش زنوووب
زينب : اي عودوو اني الليله بشرب وياش مزتين قدوو افا عليش بس لاتزعلين
فاطمة وهي تضحك عليهم : بس صبغتونها بكلمتين يالحيالات ،
الا وتلفون هدى يرن
وتشوف الرقم وبدت تعابير وجهها تتغير وسكرت التلفون من شافت الرقم قبل ماترد


ياترى من اللي متصل لهدى وخلاها ترتبك بهالطريقه ؟؟؟
وشنو بصير في البيت العود بوجود زينب وهدى ؟؟

أنتظر ردودكم عشان اواصل في نقل الأجزاء الجايه