[أسِيفْ]

. . مرّت حياتي الإبتدائيّة خاليّة من أيّ أحداثْ . . طبعًا لأني كنت هادئة حتّى بالمدرسة < بس أختي الكبيرة تزوجت ، و سافرنا الرياض عندها ما أنسى ثلاجتها و الفريزن ما كأننا شايفين خيييييير كلها اسكريمااااااااااااااااااااااااااااااااات و على حر الرياض و صيفها ، أبو الروقان كمّلت سنة رابع بالمدرسة و نقلت لمدرسة جنب بيتنا و نقلت معي زميلتي ولاء . . أذكر تضاربت مع وحدة جنبي كانت النفسية مقفلة عشان نقلوني من الفصل لفصل ثاني مع بنات ما أعرفهم . . في حصة العربي قاعدين نكتب في الدفاتر إلّا إلي جنبي تقول : ترى ممنوعة الأقلام الملونة بس اكتبي بالأسود و الأزرق ^_^ رديت عليها و ما أطالع فيها : وش أسوي يعني !!! ضحكت و قالت : بس ترى أبلة شارة ما عندها لف و دوران :73aq: بغييييت أحط حرّتي فيها ، < و الله أنها مسكينة ما سوت لي شيء بصراحة ذيك الأيام أموت بالأنمي و اليابان و حياتي كلها Japan × Japan = خووويش أمي صارت تقول لي : بأزوجك ياباني و أفتك < < دخلت أولى متوسط و نقلت ولاء لبريطانيا و قابلت بنات كانوا معي بالإبتدائي و سوينا شلّة إش كبرها لكنّي برضوا كنت ما أتكلم و هادية و شاطرة و عاقلة ، بثاني || تعرفت بوحدة الله يجزاها خير . . أتخذتها قدوة و للحين . . نصحتني و علّمتني . . قطعت الأغاني و قطعت أفلام الكرتون . . لكن للأسف بعض أهلي يستهزءون فيني . . >< جات المطوعة . . يلا يلا قومي نبغى نتفرج < و على ذا الحال . . لكن حياتي صارت أفضل و أحس براحة كبيرة و الحمدلله ~ يعني لما ابتعدت عن الأغاني و تركت أفلام الكرتون . . ما أنكر إنّي بعض الأحيان أحس بملل بس دائمًا أردد ، من ترك شيئًا لله عوضهُ الله خيرًا منه () و الحمدلله أختي هي الوحيدة إلّي مشجعتني الله يوفقها في حياتها يا رب و يرزقها الذريّة الصالحة / بالإختبارات النهائية في سنة ثاني الترم الأول ، يوم السبت من الأسبوع الثاني ، رجعت البيت على الساعة 10 و نص ، و بجد متضايقة ما عرفت أحل بالإختبار . . دخلت البيت و ألاقي أبوي جالس بالصالة و يكلم جوال ووجهه مقلوب :sg.6: سلّمت عليه إلّا أختي تأشر لي ألحقها على المطبخ و بالفعل ، قالت لي منفعلة : في أحد مااات ! أمّا أنا كذا > يعني خير كذا على وجهي بدون مقدمات !! رديت : بسم الله فال الله و لا فالك . . أختي : هيييه و الله من جد أسمع أبوي يقول خير إن شاء الله !! المهم طنشتها و بدلت ملابسي و أروح الصالة إلّا أمي عيونها محمرة و واضح إنّها تبكي أنا من النوع إلّي ما يعرف يتصرف بذا المواقف قالت لي أمي : فستان أنا و أبوكِ و أخوانك الصغار بنطلع الطائف ، جدك عبدالله كان تعبان و مات الله يرحمه أمّا أنا كأنّي صنم . . ضاعت الحروف ، المشكلة ما عبّرت خير شر رحت سويت لي فطور و فطرت إلّا قالوا لي : رتّبي الصالة زوج أختك جاي عشان بيروحون معنا < ترى أمي كانت معصبة منّي و بالفعل على الساعة 12 طلعوا و أنا كأن جااني الفرج و أركض على السرير و أصيييييييييح من قلب أحسّها كلها تجمعت علي . . اختبارات و ماعرفت أحل و جدّي و البيت فاضي مامعنا رجال و وراي اختبار ماني فاهمة شيء ( علوم سنة ثاني أصعب علوم مرّ علي ) و أصيح و أبكي و أبكي . . و أتكلم مع نفسي شوي إلا أختي الكبيرة صحيت منّي : فستااان وش بك ؟ أنا : و لا شيء . . ارجعي ناامي ردت : ما عرفتي تحلين !! أنا : لا لا و لا شيء قلتلك . . ارجعي نامي =‘( < بغيت أقولها ، بس حرام أفجعها وهي باقي نايمة ما عطاها قلبها و خرجت من الغرفة . . مع البكى نمت و ما صحيت إلّا الساعة 4 و ما تغديت . . همّي العلوم جلست إلحالي بالمكتب . . أحاول أذاكر مو قاااادرة . . >< بالي أبد مو معي ، أفكر بالطائف و أهلي . . و جدي الله يرحمه وأفكر بالكتاب إلي قدامي إلي مو فاهمة شيء منه و إلي حزنّي أكثر . . أمي كل شوي تتصل بأخواتي . . : لا تلهون فستان ، خلّوها تذاكر . . فهموها . . < يا بنات تخيّلوا نمت و أنا ماني فاهمة شيء بالكتاب >< و العلوم عشقي . . مستحييييييييييييييييل ما أذاكره الحمدلله صحيت الفجر ألاقي أهلي قد جوا و أختي المتزوجة نامت عندنا عشان تفهمني العلوم اختبرت و كان أسهل إختبار و الحمدلله و الله يرحمك يا جدي ، و في الترم الثاني بأيام الدراسة . . رجعت للبيت و شوي ألاقي رجال عندنا ، وفوق رأسي علامات استفهام : رجال و بالظهر بعد !!!!! اللهم اجعله خير . . أدخل للصالة إلّا أمي و جارتنا يطالعون فيني بشفقه . . و أنا كذا > غسلت و صليت . . شوي إلّا أمي تناديني . . رحت عندها : فستان . . جهزي شوي من ملابسك عشان بنطلع الطائف . . هديل بنت خالتك تعبت في المستشفى و ماتت الله يرحمها . . أطالع بجارتنا . . إلّا هي شوي و تبكي !! و أنا ساااكته . . هزيت رأسي و مشيييت =‘( إلين اتجمع الكل و إلي رجع من المدارس و الجامعات و طلعنا الطااائف . . صح كنت صابرة و ما بكيت . . () لما وصلت بيت خالتي . . الكل يبكي و خالتي تعبت . . بنتها الوحيدة و الباقي كلهم أولاد . . ما قدرت استحمل صحيح يا بنات إنها البنت الوحيدة . . لكنها تعبانة من أول مثل ما جاء لعمّي . . و الموت رحمة لهم . . لأنهم بيتعذبون في الدنيا من المرض إلّي حارمهم اشياء كثيرة هديل كانت أكبر مني بسنة . . و الله يغفر لها و يدخلها الجنّة من غير عذاب و لا حساب ، سنة ثالث . . إلّي هي هذه السنة إش كثر حبّيت العلووم فيها يمكن عشان الأبلة كمان دائمًا أشارك في الحصة و كتبي كاملة و أسوي نشاطات و بجد أروع سنة لي مع العلوم ، و بأقولكم حادثة حبيت فيها الأستاذة و بنفس الوقت البنات حقدوا علي الحصة الرابعة كان علينا عربي و الأستاذة رفضت تخرجنا للفسحة إلين تخلص شرح و بالفعل ، و بالفسحة عاندنا و ما طلعنا الحصة الخامسة من القهر . . ما نزلتنا إلّا و باقي بس 10 دقائق على نهايتها !!!! المهم ما طلعنا الفصل إلا و الساحة فاضية مافيها إلّا أنا و 2 من زميلاتي و قابلنا في وجهنا أستاذة ألطاف حقت العلوم الأستاذة : حتّى إنتِ يا فستااان متأخرة ! يلا خذوا كتبكم و ألحقونا على المعمل دخلنا المعمل و جلسنا واقفين < كل البنات المتأخرات واقفين أصلًا معروف إذا تأخرنا على الحصة لازم نظل واقفين بدون لا تقولنا هيّ < قوانين أستاذة ألطاف و حافظينها بدأت تأخذ أسامي البنات إليييييين وصلت عندي ، : بنااات سامحوني لكن فستاان مايعطيني قلبي أخليها توقف ، أنا اختفييييييييييييت ما عاد تلقوني :sg.7: كمّلت : تدروون ليه ^_^ ؟ البنااات : عشانها هادية و شاطرة و ... و ... و ... الأستاذة : هي شاطرة و دائمًا تشارك و مؤدبة و ما تجااادل مثلكم و بصراحة أوّل مرّة لها . . و آخر مرّة صح فستااان ؟ ^^ أنا تمنّيت الأرض تبلعني و أختفي جلسوا البنات يستهبلون علي و على الأستاذة و هييك . . أمّا إلي كانوا معي تحت بغوا يطرقعون من القهر و أنا و الله انقهرت عليهم . . ما حبيت إنّها تعاملني غير عنهم لكن و الله يا بنات إلّي جنبي تغيّرت علي من بعدها . .^^ صارت بس تدقني بالكلام و إذا أبلة ألطاف تبغاني . . تتدخل و تعصب و ما أدري كيف و بنفس الوقت أطنشها و لا أعبرها و أحاول أنرفزها مثل ما تسوي فيني ، ماني ميّتة لا عليها و على صداقتها يوم التخرج للأسف ما حضرته و لا فرحت معهم عشان شخص ضحيت بفرحتي عشانه جلست بالبيت أساعد أمي بالصغار و نجهز لأختي عشان عرسها و الحمدلله يا رب ، خذيت شهادة الطالبة المثاليّة على المدرسة كلها . . كرّموني لكنّي ما كنت موجودة لحد هنا و انتهت أحداثي و حياتي . . لكن ما زال للحديث بقيّة . .