السلام عليكم و رحمته الله وبركاته
طبعا شوربة الخضار من الشوربات المفضله عندي
لأنها سهله و في نفس الوقت مغذيه جدا جدا
الحلو في شوربة الخضار إنك ما تتقيدي بمقادير معينه تستخدمي الخضار إلي إنت حابها
لكن أنا حقولكم إيش أستخدمت و إنتو بكيفكم روحو السوبرماركت و غوصو في الخضار و أختارو
ما أطول عليكم
المقادير
طماطم
بصل
ثوم
جزر
بطاطس
فلفل رومي
ممم مني فاكره إيش كمان لأني من فتره سويتها
الزيت أو الزبده طبعا على كيفك أنا ما أستخدمتها عشان تكون صحيه أكثر
طبعا الخضار لما تقطعيها مو لازم تهتمي بشكل التقطيع لأنك بعد ما تسلقيها
مع بهارتك إلي تحبيها حتخلطيها بالخلاط
البهارات إلي أستخدمتها : ملح فلفل أسود كمون ماجي الماجي و البهارات إنتي أتفنني بنكهتها
المويه لما تحطيها لا تملي القدر بس تقريبا تكون نفس مقاس الخضار و أعلى بشويتين
و بعد ما تخلطيها قديمها في طبق حلو و زينيها بالكزبره يا بنات الكزبره تخلي طعمها يجنننننننن صراحه و كمان لا تنسو
تعصرو ليمون و شطه إذا تحبو طبعا مو وقت الطبيخ لا لما تشبروها
و الآن مناسبه مع الجو البارد تدفيكم و تغذيكم
و شوفو الصوره و أعطوني رأيكم عليها
بالعافيه عليكم و أستنى رأيكم
Hfivdil favfi lk wku d]d;
الموضوع الأصلي :
أبهريهم بشربه من صنع يديك
||
القسم :
مطبخكِ يحكي لنا
||
المصدر :
منتديات بنات دوت كوم
||
كاتبة الموضوع :
hekaru