[ابتسمت أنا]

بِسمِ الله الرَّحمنِ الرَّحيمْ ~ يَا عِيدُ أهلاً إذْ أتيْتَ مُعانِقًا . . . . . . . . . . . . . . للرُّوحِ تُهدِي حُبَّهُ وتَزِيدَا يَا فرحَةَ المُشتَاقِ إذ نَال المُنَىْ . . . . . . . . . . . . . . أكرِمْ بهِ عيدًا عَساهُ سَعيدًا كُل عَامٍ وأنتمُ للفَرحِ أقربْ كُلَّ عَامٍ ورِضا الباريْ يغشاكُمْ نبدَأ بسمِ الله فِي عِيدِ الأضحى المُباركْ قمتْ السَّاعة 5 ونصْ مُتأخرةْ جدًّا صليتْ صلاة الفجر وجهّزت دشَاديشْ إخوانيْ وأبوي الله يحفظهُمْ وبعدهَا رحتْ أهنّي أمي وأبوي بالعيد ونزلتْ تحتْ وهنّيتْ جدّاتي الله يحفظهم إييه صح وبعد رحتْ أهنّي الشُّغالات بالعيدْ وقالن ينتظرنْ عيديتهنْ قلت انتوا أكبرْ حطّيتْ الكامْ في الشَّحنْ وطلعتْ برا والجُو ر و و و و و و عَة مَا شاء الله وسمعتْ زَقزَقة عَصافير تهنّيني بالعيدْ وارتحتْ نفسيًا ورحتْ أتسبّحْ وأتكشخْ وأتلبّسْ وأتعطّر وأهمْ شَيْ حطيتْ عو و و و و دْ وهَذيْ لبستيْ : جَهزتْ تقريبًا السَّاعة 7ونصْ وبديتْ حملةْ التَّصوير وجدّاتيْ يقولُوا انتِ بس تَصوّريْ تَعبنَا قلتْ ما أعتقكُم من التَّصوير إلا بعد مَا تطلعْ الصَّورة حلوةْ وتكونواْ مبتسمينْ وصّورتْ إخوانيْ وأبوي والعايْلةْ الكَريمةْ أوّل الضُّيوف وَصلُوا السَّاعة 8 وتتَابعوا بعدهَــا وبدِينَا بالفطُور هالشَّيْ أسَاسي عندنَا واسمه مندَازيْ والهَريس معْ هالوصفة السوداء إللي مَا أدري وشْ اسمهَا أعرفْ اسمها بالعمَانيْ "تُرشةْ" ووقفنَا في المَكَان إللي بين مجلس الرِّجَال والصَّالة نسلّمْ عَلى جَدّي وخوَاليْ وعمُومتِيْ وبعدهَـا بفترةْ نطّينَا علىْ الحَلوياتْ الحَلوىْ العمَانيةْ مَرمَريهْ جُوزيةْ عِينْ الجَملْ والقَهوةْ وبدَأ تَوزيعْ العِيديَّاتْ وشفتْ بنت عمَي تعد فلوسهَا فصورّتْ وهنَا يبدَأ الجُزءْ الأهمْ منْ الحكَايةْ الشَّعبْ لابسِينْ لبسْ فلسطِينيْ مُعظَمهمْ كنتْ بلبسْ مثلهُم بس غيّرتْ رأيي ولَبستْ شَيْ مُميزْ عمتِيْ وبنَاتْ عمومتِيْ وبنَاتْ عمَّاتيْ وزُوجَاتْ عمُومِيْ وخَالتِيْ كلهُمْ لابسينْ الزِّيْ الفلسطِينيْ وهَذَا مِنْ رسمْ بنتْ عَمّتِيْ مَا شَاء الله وشغّلنَا أنَاشيدْ عنْ الأقصىْ وَبعدهَا عَمتِّي إللي بعمرِيْ جَمّعتْ الأطفَالْ وقصّتْ عَليهمْ بأسلوبْ مَسرحِيْ جَمِيلْ قصّة احتِلالْ الأقصىْ وكيفْ فتحهَا صَلاحْ الدِّينْ مُستمعِينْ وهَذَا المَسرحْ وهَؤلَاء المُشركِينْ (نَصارَىْ وَيهُودْ) لونهم أزرق >< وهَؤلَاءْ المُسلمِينْ لونهمْ أبيضْ بقيَادةْ صَلاحْ الدِّينْ الأيُّوبِيْ أبيض وبرتقالي وهَذَا مُجسّمْ المَسجدْ الأقصىْ وهُو في الأسَاس حَصّالةْ : ومَكتُوبْ علىْ الجَوانبْ هالدُّعَاء : وبعدهَــا لمَّا الضُّيوفْ تَقلّصْ عددهُم السَّاعة 11 تَقريبًا بدِينَا بالعرضْ عنْ تَاريخْ فلسطِينْ مِن إعدَادْ عَمّتِيْ وبمسَاعدة بنَاتْ العَمْ -العرضْبصيغةْ بوربوينتْ ما رضىْ يدرج في المُرفقات - طَبعًا فِيهْ رؤوس أقلامْ وعمتِيْ تشرحَها * تُعجبُنِي بشدّةْ مَقولة عُمر بن الخطّاب رضي الله عنه وفِيْ أثنَاءْ العَرضْ وصلتْ قُرآنِيْ نبَض به أحيَا وشهدتْ جُزء منْ العرض وراحتْ وفِي أثنَاء العرضْ سولفتْ مع قطفطفيْ بالواتس أب استمرّ العَرض للسَاعة 1 ويتخللهْ أناشيدْ عنْ فلسطين الحَبيبةْ وبعدهَا قمنَا نصلي وإلى الغَــــــــــــــــــــــــداء بريَانيْ دجَاجْ مَشَاكيكْ وبعدْ الغَدا كلْ حدْ رجعْ بيتهْ أو دخلْ ينامْ >< وجلستْ أسسولف مع بنات عمّيْ وبنت خالي لينْ راحُوا وبعدهَا بدينَا سوالفْ مَعْ حَكَايا ورَاحتْ تنامْ الأخت عندهَا الساعة 11 ولا 12 بالليل ما أتذكر بالضبط وبعد كم دقيقة رَسلت قطفطفيْ وكمّلنَا سوَالف لقرب المَغربْ ووصلتْ ربيعةْ أختِيْ وشغلّونيْ مُصورةْ لهمْ قلت لهمْ الصُّورة بريال وبعد أذَانْ المَغرب صليت ونزلتْ الصور وعدلتهَا وقلتْ أحسن أنزل الموضوعْ اليومْ وانتتتتتتهى عيديْ وأنتظرْ عيديّة منْ كل وَحدة منكُمْ وكلْ عامْ وأنتمْ بألفِ ألفِ خييييير وأدرِيْ طَولتْ كثيرْ بس استحملونِيْ ششششكرًا لجنَةْ التطويرْ على جُهودكُم وششكراً لانا على الفكرَةْ حُييتُمْ أحبَّتِيْ /..

المصدر: منتديات بنات دوت كوم

---

dQh ud]E HiXgWh Y`X HjdjQ lEuhkrWh -Vtu~hgdm hguAd]XC-

الموضوع الأصلي : يَا عيدُ أهْلًا إذْ أتيتَ مُعانقًا -{فعّالية العِيدْ}- || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : ابتسمت أنا