هلا والله مس
الفكرة حلوة منها تساعد البنات الي بيتخرجون من الثانوي
ومنها نتعرف على تخصصاتكم
على فكرة مس ...
اسماء مقرراتك صعبه ماعرفت أقرا بعض الكلمات خخ
1- الدولة ؟
السعوديه-الرياض
2- الجامعة ؟
جامعه الامام محمد بن سعود
3- التخصص ؟
أصول دين
4- هل هذا التخصص كان برغبة منك ؟ و أي تخصص كنتِ تتمنين ؟
يعني نص ونص
كنت أبيه لانه قسم شرعي ومواد دينيه يعني تفيديني سواء توظفت ولالا
وكمان فيه ميزة حلوة ... مافيه انقلش كمادة الزاميه (فيه انقلش اختياري بس ماخذتها طبعا) ...لاني وللاسف ماافقه فيه شي بتاتا حتى الارقام اعرف الى 20 بس واعرف الاشياء البسيطه جدا جدا
لكن تقولين لي ألفي جمله مفيدة أروووح فيها هههههههههههههههههه الجمل الي اخرفها لازم تكون مشوهه وناقصه .....
معني كنت شاطرة في الثانوي بس الظاهر العله في المناهج لانها كانت تعتمد على القرامر بسسسسس اما محادثات وواشياء مفيدة مافي >>>مو كأني كبيت عفشي
وفي نفس الوقت ودي في قسم رياض أطفال بس ماااش أهلي ما شجعوني عليه أبدا
ومسحته من مخي .....
5- أعطنا فكرة عامة موجزة عن تخصصك ؟
القسم حلو ومبسط والمواد دينيه
قران - تفسير - عقيده - مصطلح- ملل ونحل - حديث - سيرة- قراءات - اصول فقه -...........الخ
وفيه مواد مو تابعه للتخصص
زي نحو وجغرافيا وانقلش وتاريخ ووو
وفيه مواد تربويه مابعد درستها بس شكلها حليوه
القسم عموما حلو للي تبي تدرس مواد دينيه
6- بأي سنة جامعية الآن ؟
اولى - مستوى ثاني
7- ما هي لغة الدراسة ؟ ( اللغة العربية – الإنجليزية )
عربي
8- ما هي أصعب المواد في هذا التخصص ؟
والله هو على حسب الي يدرسنا هو بيده يخلي المنهج حلو وسهل وخفيف او كثير ومعقد
9- ما هي أسهل المواد ؟
تجويد
مصطلح الحديث
السيرة
تفسير
واغلب المواد تقريبا الحمد لله مافيه صعوبه
10- هل دراسته أسهل مما توقعتِ ؟ أو العكس ؟ و لماذا ؟
كل قسم يبي له مذاكرة واجتهاد ...
11- ما رأيك بالمعلومات و المادة العلمية التي تدرسينها ، هل كانت كتصورك عنها ؟
ايه نفس توقعي .. والمواد حلوة يكفي اني ادرس شي استفيد منه في حياتي اليوميه
12- بماذا تنصحين الطالبة التي تُقبل على مثل تخصصك ؟
اقولها اذا تحبين مواد الدين وحابه التخصص ادخليه ....
وترا ما يبي له شطارة زايده :
واهم شي الاستخارة ....
13- هل توجد دكتورة أو دكتور معين تنصحين به ؟
رمضان عسيري
عبدالله المخلفي
غادة العوض
مريم المحمود
14- ما هي مجالات العمل التي يتيح لك تخصصك العمل فيها بعد التخرج ؟
اتوقع معلمه بس
مادري اذا في مجال ثاني ..؟؟
15- نقطة أو كلمة أخيره تودين إضافتها
الجامعه حلوووة واحلى مافيها جووووووووووها والصديقات والفله والوناسه
والدراسه (بالنسبه لي) أخف ضغط من المدرسه مافي امتحانات كل يووووووم مافي واجبات كل يوم .... مافي مريوول ههههههههه
يعطيك العافيه مس