[الشمائل]

السلام عليكم

:
ادري بعضكم يكلم نفسه ، وينها من دهر ما شرفت
نفسي ما ادري وين كنت ، يمكن ضايعة في الجامعة أو حيرانة في البيت
كل آخر اسبوع أغوص بين الكتب بدل الغوص في المطبخ

عاد ذيك الأيام ولت وراحت للأبد ، ورجعنا مثل أول
بس للأسف تعودنا عالكسل

كل مابي اسوي شيء اسويه بعد كر وفر
وما اكلف نفسي بصورة وحدة ، إلا في اذا دق المزاج
ودق المزاج هالايام بفلوس

:
يللا مابي اطول عليكم
غضوا النظر عن ايام رمضان اللي طافت وطبخت فيها من دون صور
هالمرة جاية بالعيد ، بما انه حلا سهل جدا جدا جدا جدا


:


المقادير :
- أوريو كثر ما تقدرين
- ظرفين دريم ويب
- كوب صغير حليب بارد ( ماي ونيدو )
- قشطة

بث



الطريقة :



اخلطي في البداية الحليب والدريم ويب يلين ما يكثف



بعدها ضيفي القشطة وخليها دقيقتين زيادة



في هالاثناء اكسري ثلاث ارباع حبات الاوريو قطع كبار
وافرشيها في البايركس



وصبي فوقها الخليط



الربع الاخير من الاوريو اطحنيه ورشيه فوق الخلطة وفوقه هيرشي كاكاو







:

هني وعافية على قلوبكم
ادري سهلة بالحيل وفيها عجازة ولا تاخذ 5 دقايق
بس كل السالفة اني ابا احط شيء المطبخ واشاركم فيه

المصدر: منتديات بنات دوت كوم

---

Hsig pgh H,vd, >>K

الموضوع الأصلي : أسهل حلا أوريو ..، || القسم : مطبخكِ يحكي لنا || المصدر : منتديات بنات دوت كوم || كاتبة الموضوع : الشمائل