[بشائرالخير]

السلام عليكم ورحمة وبركاته حبيباتي الجامعيات
اشتقتلكم كبر السمااااااااء

مالكم بالطويلة والغثا

ابغى مشورتكم أنا طالبة بكلية إدارة الأعمال بجامعة الملك سعود مستوى ثالث اعداد عام بعد السنة التحضيرية...
وبعد هذا الترم بأختار أحد هذي التخصصات عشان أكمل فيها مسيرتي الجامعية وهي:
إدارة مالية
نظم معلومات إدارية
محاسبة
إدارة
تسويق
إقتصاد

مشكلتي يالغوالي إني محتارة بين 3 تخصصات من بينها (إدارة مالية, محاسبة, إدارة)
الإدارة المالية: تخصص باللغة الانجليزية مرغوب من جميع الطالبات ولايقبل فيه الا المعدلات العالية وعدد الطالبات اللي يسمح بقبولهم فيه 60 طالبة فقط وأنا معدلي التراكمي بإذن الله بيكون مرتفع لكن ماأضمن القبول فيه لان عدد الطالبات المسموح قبولهم فيه قليل.
المحاسبة: تخصص باللغة العربية ويقبل عدد كبير من الطالبات وانا صراحة مااحب المحاسبة ممكن امشي فيه لكني احسه معقد ومتعب وبصراحة القى بالمحاسبة متعة احيانا واللي مخليني اختاره انه باللغة العربية.
الادارة: تخصص باللغة الانجليزية ومجالاته متوسعة وحلوة وهو التخصص اللي كنت ارغب فيه من السنة التحضيرية ولكن اللي حولي قالوا لي حرام معدلك مرتفع ومجتهدة وتدخلين تخصص مثله ,, واللي نخليني اتراجع عنه انه جميع مواده باللغة الانجليزية وانا بالانجليزية مو مرة لغتي ممكن امشي فيه لكن باتعب.


اللي بيحصل ياحلوات اني باحط رغبتي الاولى ادارة ماليه لكن محتارة ايش احط الرغبة الثانية لاني مااضمن القبول بهالقسم للاسباب اللي قلتها لكم فمحتارة احط ادارة اللي كله انجليزي وممكن اتعب فيه ولا محاسبة اللي كله عربي بس اني مو راغبته مرة.


انصحوني الله يجزاكم الجنة لان التخصيص قرب وانا جدا محتارة مالي الا رب العالمين ثم انتم
وتقبلوا مني خالص شكري

المصدر: منتديات بنات دوت كوم

---

lpjhvm td jowwhj ;gdm Y]hvm hghulhg

الموضوع الأصلي : محتارة في تخصصات كلية إدارة الاعمال || القسم : جـامعة بنـات دوت كـوم || المصدر : منتديات بنات دوت كوم || كاتبة الموضوع : بشائرالخير