[وردهـ {ح} ـمرآ]

و عليكم السلام و رحمة الله و بركاته ؛

بما إنج حابة تخصص الادارة المالية و راغبة فيه بقوة خليه رغبتج الأولى مثل ما قلتي ؛
يمكن يصير من نصيبج ما تدرين

أما الرغبة الثانية فأتوقع لو تحطين الإدارة أفضل من المحاسبة "رغم ان تخصصي محاسبة و هو من أفضل التخصصات عندنا في البحرين مثل ما قالت خفوق الروح و الناس كلها تبي تحول من تخصصها للمحاسبة !"
لأن انتي حابته أكثر من المحاسبة ؛
و إذا على اللغة الإنكليزية راح تتعبين بس في بداية الأيام و بعدين راح تتعودين ؛
انتي ترجمي لج الكلمات اللي ما تعرفينها و بعدين راح تلاقينها تتكرر على مسامعج وايد ؛
و بمجرد ما تقرأينها راح تعرفين معناها !

المحاسبة بما إنج مو راغبة فيه بالمرة خليه رغبتج الثالثة ؛
و إذا قدر الله و كانت من نصيبج . . فرغبي روحج فيه لأنه تخصص ممتع "إنتي قلتي إنج تلقينه ممتع أحياناً"

و إذا على المعدل . . فأي أفضل تدخلين تخصص تحبينه و تعطين فيه و ترفعين معدلج به ؛
و إلا تخصص ما تحبينه بس تدخلينه لأنه أفضل و تهملينه و بالتالي ينزل معدلج ؟!

و إنتي بعد شوفي متطلبات سوق العمل و استفسري عن التخصصات أكثر ؛
لأن يعني أكيد وضعكم في السعودية غير عنـّا

و بالتوفيق لج حبـّابة