صباحكم
..............مسائكم
................................فرح
حييتنّ في يومي الأول من أيام عيد الفطر المبارك
الأربعاء
1\شوال\1432هـ
31\8\2011مـ
أتمنى لكنّ قراءة ممتعة
ببدأ يومي من ليلة العيد
بعد صلاة العشاء دق فراسي وقررت إني أتحنى !
أدري الوقت متأخر ومستحيل أحصل مكان فاضي حالي !
بس أخت صديقتي تحني وسألتها لو ما معهم زحمة أروح عندهم ^^
ورحت وتحنيت أنا وأختي وبعدها رجعت البيت طلعت ملابس العيد وجهزت كل أغراضي ^^
ودزيت مسجات للأحباب أهنيهم بالعيد ^^
بعدها رحت أنام
بس طول الوقت فوق السرير وأنا أفكر شو بسوي بكرة وشو بيصير !
المهم نمت وصحيت الساعة 4:30 ص
صليت الفجر وبعدها خذت ملابسي ورحت أكويهم والشيلة
و عباتي كانت جاهزة خلاص ومكواية وكل شيء ^^
بعدها دخلت غرفة أمي لقيتها تبخر دشاديش أخواني
خذت نعلانا وخذيت لهم صورة !
شو رايكم بالفردة البنية الغاامقة ؟! (رجالية)
شريتها لأبوي هدية من فترة وقرر يحطها للعيد ^^
المهم تجهزنا والكل لبس وخلصنا أمورنا
وبدأنا نسمع تكبيرات مسجد الحي
خلصنا بسرعة وطلعنا واحنا نكبر مع بعض ف السيارة لين ما وصلنا المسجد
بعد ما وصلنا الرجال راحوا لمصلى الرجال (أبوي وأخواني!)
وأنا وأمي وأختي رحنا لمصلى الحريم
صلينا التحية وبعدها بدينا التكبيرات
وللأسف اخترب مكبر الصوت وصرنا ما نسمع التكبيرات مع الرجال
وبدت حرمة جزاها الله خير تكبر واحنا وراها ^^
بعد كذا تصلح مكبر الصوت وصلينا صلاة العيد وسمعنا الخطبة كان رووووووعة
بعد كذا سلمت على صاحباتي وبعض من الأهل اللي جوا يصلوا ^^
المهم بعدين طلعنا رجعنا البيت
طبعا ما أحب شيء اسمه مكياج أبدا ><
بس قلت أتكحل وحطيت مرطب شفايف مررآآ خفيف وما يبين !
بعدين أمي -ربي يحفظها- قالتلي أصور أخواني بلبس العيد
وصورت لكم هالصورة ^^
سموا
بسم الله
ماشاءالله
هذا أخوي الصغير
داخل الصف الثاني بإذن الله
ربي يحفظه ويبارك فيه صام شهر رمضان كامل وما رضى يفطر ولا يوم برغبة من نفسه
بعدها طلعنا وبدينا نمر ع البيوت نسلم ع الأهل والأصحاب
أول شيء رحنا عند جدتي أم أمي سلمنا عليهم وكانوا بعض أخوان وأخوات أمي واصلين أكلنا معهم العرسية شوي وع السريع لأن أساسا ناكل العرسية عند عم أبوي
بعدها طلعنا وف طريقنا
صورت لكم هالصورة ظاهرة فيها شنطتي ^^
وخذت لكم هالصورتين واحنا ف طريقنا ف طريق مسقط السريع متجهون إلى العامرات ^^
رووووعة الطريق بين المرتفعات والجبال
بس في نفس الوقت مخيف شوي ><"
المهم وصلنا عند عم أبوي
وكانوا كثير اللي متعودين نشوفهم هناك خلاص طلعوا
لأننا تأخرنا بسبب عطل مكبر الصوت ف المسجد ><"
تأخرنا نصلي فتأخرنا نطلع
بعد كذا رحنا عند عمتي نسلم عليها وشفنا عيالها ربي يحفظهم
سموا
بسم الله
ما شاءالله
بعد كذا أمي تمت عند عمتي عشان اتساعدها
واحنا طلعنا نكمل نسلم ع الأهل مع أبوي
ما كان كثير حلو بدون أمي
المهم تتوقعوا ألحين احنا وين ؟!
هني كنا ف طريقنا لبيت هم بسوم ^^
ابتسمت أنا
بعد ما صورت هالصورة دزلتي هي وينك ... بعدك ما شرفتينا ؟!
ما رديت عليها وإلا وأدخل عليهم !
كان وناااااسة من زماااان ما التقينا
بعدها رحنا عاد آخر بيت كان ع الساعة 12 وشيء الظهر
وصلينا هناك وأبي وأخواني -ربي يحفظهم- راحوا المسجد
بعدها جوا ياخذونا ورحنا بيت خالي البيت اللي نتغدا فيه
كان أحلى ششيء
وصلنا جهزنا الغداء
وبعد كذا جت بنت خالتي وقالت أريد هدوء ومحد يتحرك من مكانه !
فتحت لنا عرض فيديو لصور الصيف (صيف2011)
كان العرض روووووووعة مع الأناشيد
استانسنا بالمشاهدة
وفي نفس الوقت إجوا خوالي وأجدادي دخلوا عندنا وبدوا يعيدونا ويوزعون لنا العيدية ^^
بعديت جت خالتي ووزعت لكل الأطفال شرات هذا
داخله العيدية وحلويات وهدية بسيطة ^^
وبعدين حطينا الحلويات والقهوى وهالسوالف
وأحلى مافي العيد في بيت خالي
الحلوى العمانية ^^
لذيييييييذة مرة
أنصحكم تذوقونه
بعد كذا ع العصرية طلعنا ثلاث سيارات مع خالاتي ورحنا لمرزعة حد من الأهل نسلم عليهم
بعد كذا اجتمعنا ف بيت جدتي أمي وأخوانها وأخواتها وعيالهم
كان وناسة
رتبنا فلوسنا أنا وبنات خالاتي وكان ودنا نطلع بس ما خلونا نروح بروحنا
وبعدين تكاسلنا لان محد من خوالي رضى يطلعنا
ف جلسنا هناك مع بعض نفرفش
وبعد صلاة المغرب كان خلااص كل واحد تعبااان وما فيه حيل لأي شيء !
جمعنا الصدقات
هذا الشيء لازم نسويه كل عيد نحط ظرف عشان نعود الأطفال ع إخراج المال من يوم ما هم صغار
وكل طفل يطلع المبلغ اللي يريده من فلوس العيدية
وماشاءالله عليهم صدق " وفي ذلك فليتنافس المتنافسون " ربي يحفظهم ويتقبل منهم ومنا أجمعين
بعد كذا تعشينا عشاء خفيف وكل واحد انطلق لبيته
رجعنا البيت جلسوا أخواني كل واحد يرتب ويحسب عيديته
واللي بقاله مثلا 700 بيسة ويبي يكملها ريال يخبر أمي أو أبي عيدونا 300 بيسة
المهم بعدين فتحت اللاب
نزلت كل الصور
وعدلتهم ورفعتهم وصغرتهم بس حسيت نفسي تعبانة بالحيل وما قادرة أسوي أي شيء !!
فحفظت روابط الرفع وسكرت اللاب وسيييدة رحت أناااام !!
وبكذا يكون يومي انتهى !
أتمنى إنكم استمتعتم معاي
واعتذر عن الإطالة والتأخير
واعذروني في بعض الفعاليات ما قدرت أصورها وأنزلها لكم
عسى ف العيد القادم تكون الأمور أسهل وأيسر
*طبعا كانت معكم فعاليات أخت من سلطنة عمان
وهذي الفعاليات تتواجد ف العاصمة مسقط
أما ف البلدان العيد فيها يكون فيه فعاليات بوجهة نظري تكون أروع !
بس لأننا ف عيد الفطر ما نورح البلد
نروح البلد ف عيد الاضحى بس
فأتمنى ف عيد الأضحى يكون فيه نفس هالفعالية عشان أبلغكم بفعالية البلدان روووووووعة تكووون !
تقييماتكم ،، ردودكم ،، آرائكم
تشرفني وتسعدني
انطططلقوا
YAkQlQh hgXuAd]E gAlEkX oQhtQ dQ,XlQ hgX,QuAd]X r1lajv;m tAJ(tuhgdm hgud] td fgh];A)
الموضوع الأصلي :
إِنَمَا الْعِيدُ لِمُنْ خَافَ يَوْمَ الْوَعِيدْ ق1مشتركة فِـ(فعالية العيد في بلادكِ)
||
القسم :
مُستظل لِ أرواحٍ حالمة
||
المصدر :
منتديات بنات دوت كوم
||
كاتبة الموضوع :
قرآني نبض به أحيآ