SMS : استغفر الله واتوب اليه
رز ب الملفوف ( آخو البرياني ) المقادير : دجاجه مقطعه أثمان نص ملفوف مقطع شرايح رفيعه بصل مقطع شرايح طوليه معجون طماط ملعقتين كبار كتشب كركم \ بهارات \ مكعب ماجي \ فلفل اسود رز حسب الكميه اللي تبين زعفران منقع بماي ورد الطريقة : نجيب الدجاجه المنظّفه والمقطعه نسلقها بماي يحتوي : بهارات \ معكعب ماجي \ فلفل اسود وقبل لا تستوي بشوي ناخذ قطع الدجاج ونحطها بمقلاة نحط على الدجاج ملعقتين كتشب وملعقتين معجون طماطم و نقلّب ثم نضيف فلفل اسود وكركم وشوية ملح ونقلّب لين يتحمر الدجاج . نخلي الدجاجه على طرف وننتقل للخطوه الثانيه : نقلي البصل الشرايح مع بهاراات " كركم \ فلفل اسود " و نص علبة معجون طماطم ليين يشقر البصل ويستوي , نحط البصل على جنب ونبدا بالخطوه اللي وراها : ناخذ الملفوف المقطع شرايح ونقلّيها بزيت , مع كركم وفلفل اسود وشوية ملح . الحين نجيب الرز اللي نكون منّقعينه ساعه كامله بماي دافي , نشخله ونحطه على الماي اللي طبخنا فيه الدجاج , و قبل لا يستوي نشخله " يعني يكون مستوي 3 ارباع السوا يعني ما استوا للحين " الخطوة الثالثة نجيب قدر جديد ونحط طبقة رز , وبعدين طبقة من الملفوف و نحط فوقه نص كمية الدجاج و شوي من البصل اللي حمسناه مع معجون و نرش عليهم من الزعفران اللي كنا منقعينه بماء ورد نكرر الطبقات من جديد " طبقة رز \ طبقة ملفوف \ طبقة دجاج \ طبقة بصل \ ماي ورد وزعفران " : آخر طبقه طبعا بتكون رز ساده , نحط عليه قرون فلفل حار و نقطع عليه زبده ب العافية