(( روحــــي فــــداك )) قصة حب كويتية..من تأليفي...

[هدباء]

بــــــــــــــل ذهبت لأعود مجدداً

هلا فيكم و هلا بكل من يديد من العضوات شرفونا برايهم و بتواجدهم

كنت من خلف الكواليس اراقب كل ردودكم

و ما قبلت ارد عليكم و انا خالية بليا الجزء

فقررت اييكم و معاي الي يسر بخااطركم بأذن الله

ولو أن الجزء تعبني و اشوي طولت فيه علشان القى الافكار و المواقف و الأحداث الي

تعبجكم و أن شاء الله بأذن الله أكون عند حسن ظنكم

الجزء أبي رايكم فيه بعد ما تقرونه و هذا طلبي الوحيييد و ان شاء الله

ما تبخلوون علي فيه

أتركم مع الجزء الحادي عشر .. الفصل الثالث

.. تـــــــــــــــــــــابــــــــــــــــــع ..

[هدباء]

..".. الجزء الحادي عشر .."..

.. الفصل الثالث ..

الايابحــري الهــادي

أبي اجلس معــكهالليــل..

وأبحكيلــك وأسولــف لــك..

عن غــالي وحشنيحيــل..

أكل عقلي.. واخذ قلبي

ومن بعده شربت الويــل..

أناأحبه وأوده ومن بعده

دموعي سيــل..

فداهـ عمـــري ..فداهـروحــي

وله عينــي تشيــله شيــل

..".. الفـــــصــــــل الثــــــــالـــــــــث .."..

مضت الحظات و الثواني و الداقيق و الساعات و الأيام و يوم بعد يوم كل منا يعيش بهدنيا و يلقى مصيره فيها و كل يوم بعد يوم تنكشف لنا لعبة الدنيا علينا أكثر و أكثر .. مرت الأيام على عايلة بن فارس أشبه بسحابة الغيم السودة و عدت عليهن بهلحظات إلي أجمعتهم بطلعة ناصر من المستشفى بسلامة بعد ما بقى بالمستشفى لمدة اسبوع و اكثر ولكن برحمة رب العاليمن حالته استقرت و ردت له سلامته بأذن الله ....

في اليلة الأخيرة لناصر يرقد فيها بالمستشفى كان جاسم بوقت متأخر بنهاية الرخصة لزوار بالمستشفى مع عمه...

ناصر وهو بعفسته مع جنطته يشيل كل أغراضه:_ و ليش مجابلني بويهك و أتبسم لي شنو حرمتك أنا و ما أدري جان فيك خير يا ولد أمك و أبوك قم بس ساعدني بهلعفسة.

جاسم وهو يزيد ببتسامته:_ أحس بشي ينولد بقلبي حلووو و شي يخليني أتفأل بهدنيا برغم من كل إلي فيني و كل إلي حل علي و يصيبني.

ناصر يترك اغراضه و يستوي بقعدته قبال جاسم:_ افاااا حبيبي يغرد و انا اتركه لحاله لا و انا عمك اقول حبيبي غرد اشعر قول اشفقلبك هذا اشمتعبه يا بعد هالناس كلهم.

جاسم:_ وخر اقول شايفني ماخذ بالجو تبي تطلع الي فيني مب متحجي.

ناصر:_ افاا توك من اشوي شحليلاتك بعدين تخش على عمك حبيبك و نيسك باليل و النهار نصفك الثاني.

جاسم:_ بس بس بس ولي سلم عمرك لو ما سكتك بعد هدبت لك شارع اشطوله من هلحجي انا ما ادري من وين تييبه.

ناصر:_ اااااااااه من هلقلب المحروم من حبيبته لكن الخير ياي انت بس املج على ريمووه و ما اعطل بقلبي و روحي على اليوم الثاني ملجتي على حبيبتي عيل انا ناصر بن فارس ابقى عزابي لا وعدوينك ما اسويها .

جاسم:_ ههههههه اذا هلكثر مستعيل على العرس شلي منطرك لهلوقت.

ناصر وهو يكفخ خده و يعلق على حركات الحريم :_ يا حظي انت الي معطلني دنيا و أخرة انت تزوج و باليوم الثاني دخلتي انا على حرمتي.

جاسم:_ بل بل عليك اعنبوك اخاف و اليلة الثانية حرمتك متنسية.

ناصر:_ ههههههههههههه افا عليك حبيبي جسوم ما اكون عمك اذا ما اسويها.

جاسم:_ يوز أقول بلا هلهرج إلي ما منه فايدة و خلك معاي أنا ناوي بعد الحين طلعتك أتقدم لريم أنت شتقول اصبر بعد لي اشوي والله اتوكل على الله.

ناصر:_ اذبحه هذا شتصبر يبه باجر كاني بطلع من هسجن يلا روح و ييب الملاج و املج اشناطر.

جاسم بحزن:_ و ريم .

ناصر:_ جوف عاد ريم هذي سالفتها علي انا و لا تحاتي و صدقني لو ردتك بالأول ترى تبي تسويها وحدة بوحدة لكن بالأخير بتقبل فيك لأنها مجبورة.

جاسم:_ حشى والله ما ابي اجبرها على شي ما تبيه.

ناصر:_ اقول بلا هلمشاعر الجياشة و الكلام الفاضي شي و مكتوب و لازم يصير و لا تحط الحواجز لنفسك انت بس ابشر و الباجي على الله.

جاسم وهو يوطي راسه ويقوم من على السرير و يمشي بخطواته ليمن يوصل لدريشة إلي بغرفة عمه و يناظر السمى و البرد إلي يحمل الغيم الأسود بهليل و تدمع عينه و تلمع ادموعه بضو القمر الساطع على ويهه الحلو وبدى يردد ال بخاطه على مسامع عمه:_ إلي اعرف الريال لمن ينوي بالزواج يكون وياه اكبر اخوانه و ابوه و انا منو وياي لتقدم للأنسانة إلي برتبط فيها طول عمري وبعيش دنيتي وياها.

ناصر و قلبه يتلوى على جاسم و يمشي له و يوصل له و يمسك جتف جاسم و العبرة مانعته من الكلام:_ علشاني يا جاسم لا تعور قلبي عليك و لا تقول هلحجي صدقني و الله يعلم بأن ابوك ما رح تنعدم جيته لزواجك أنت ولده انت جاسم الي يفتخر بك بين الناس لا تفكر انه ما رح يكون وياك بخطوتك هذي بحياتك.

جاسم يلتف لعمه:_ وشلون يا عمي وهو الي ما رادني بالبيت اكون وياه.

ناصر ببتسامة وسط ادموعه:_ قلب الأبو حنون و صدقني لا تفكر بيوم بأن ابوك الحين مرتاح لأنك بعيد عنه ترى اشكثر يتلوى على بعدك بس اهو الي سبب هشي لنفسه و بيعرف اشلون يردك مثل ما ضيعك و ابعدك عنه بنفسه انت توكل بطلبك لريم بزواج و صدقني ملجتك ما رح تقوم الة و ابوك على يمينك واقف.

جاسم:_ وشلي مأكد لك هلكثر بيرضى علي و بيحضر كل زواجي من اوله لتاليه.

ناصر:_ هذا اخوي و انا الي اعرفه.

جاسم وهو يتطمن لحجي عمه:_ أن شاء الله يصير الي تقوله و يرتاح بالي و قلبي.

ناصر:_ ها شنو الحين يالمعرس ما بتساعدنا يعني.

جاسم ببتسامة:_ أفا عليك انت بس تامر مو تطلب.

.................................................. .......................................

ببيت أبو طلال وسط جمعتهم كلهم و كان الغشمة و الوناسة قايمة بينهم...

أبو طلال:_ يا أم طلال ترانا اليوم أنا و أبو مشعل نوينا و خططنا على باجر بأذن الله تكون عزيمة بالمزرعة بردة ناصر بسلامة من المستشفى.

طلال وهو إلي طار عقله من عرف بهشي معناته بيجوف مروة .. (( بيني و بينكن بخبركن بأخر التطورات طبعاً بعد أتصال طلال لمروة الأول بخلال الأسبوع إلي مر تطورت الأتصالات و تعلقو ببعض وااايد و كل من الثاني يموت لو ما سمع صوت الثاني كل يوم و نقدر نقول بعلاقتهم رسمو أحلى إيطار حب يحتوي الشوق و الوله و الحب بأحلى ينون ))...

لولوه:_ بسم الله اشفيك انت يارقلة منصدم و كأنة قايلين لك الحرب العالمية الثالثة بتبتدي.

طلال:_ جب يلا جب مالج شغل فيني.

شيخة:_ لا تتليقفين فيه تراه صااير كلش مليييغ هليام.

طلال:_ ولي سلم عمرج خليت الملاغة لج.

ريم:_ ولا قطاوة ما يعرفون يسكتون يمه منكن.

فراس:_ طلولو حبيبي اشلك بالحريم تراهن يلوعن الجبد.

طلال:- صج انك اثول والله الي ايننون.

لولوه:_ وااااااااااااااي طلولو اشصاير فيه لحظة لحظة اكيد متولع في بنت عشان جذي انقلب مرة وحدة وصار ويانا على الخط.

طلال:_ مو شغلج.

ابو طلال:_ ولييه ما أتحجى كلمة و إلة تقاطعوني ليتكن تعلمتو أصل أمكن أشلون تزعل على حالها لو قاطعتني بالحجي.

طلال وهو يصفر:_ يا عيني على الحب يا أم طلولو و فديتك أنت يا ابو طلولو ااااااااه منك اثاريك بالعسل ذايب و حنا ما ندري صج لين قالو تحت السواهي دواهي اااااااااه تحذر فراسوه ترى هذولة خطيرين.

ابو طلال وهو يضحك:_ يوز اقول بلا هلهرج.

فراس:_ وااااااااي يستحي ابوي.

ام طلال:_ يمه عيب عليك.

طلال:_ جوف جوف تدافع عنه ياعيني بذووووب انا.

لولوه:_ واااااااااااااي امي و ابوي ررررررررررررومنسيين.

طلال:_ ههههههههههههههههههههههههههه و ريح تاخذج لولووووه اشلون تمدين حجيج.

شيخة:_ اوووووه مزاجي متعكر بروح اجوف لي شي بثلاجة اكله.

فراس:_ هههههههههههه متعكر وحشتها ثلاجتها مب مخلصة اكل البيت الة شيخوه العنز.

شيخة تلتف لفراس:_ فراااسوووه.

فراس وهو يرتجف بمحله:_ ياك الموت يا تارك الصلاة ها شنو عمري اي بالعافية عليج اكلي الي تبينه بس لا تقوم كشتج علينا و نتخرع و ما ارقد اليل.

ريم:_ ههههههههههههههههههههههههههه و ابو ارماح يلفك .

.................................................. ..........................................

على الساعة تقريباً 12:00 في اليل وين ما كان جاسم بالسيارة بطريجه للمزرعة راد من عمه من المستشفى و يلمح تلفونه يستقبل اتصال من زياد ...

جاسم وهو يرفع اتلفون:_ الو.

زياد:_ هلا حبيبي.

جاسم يتغشمر:_ هلا والله بحرمتي الثانية.

زياد:_ هههههه افا حرمتك الثانية عيل من الأولة.

جاسم:_ مالك دخل لا تدخل عصك في شي ما يخصك ما تيوز انت من هطبع.

زياد:_ هههههههه شسوي ربي خلقني جذي زين اقول دريت ان عمامي نواين على باجر يسوون عزيمة بردة عمي ناصر بسلامة بالمزرعة للعايلة كلها.

جاسم:_ صج والله لا ما دريت توك انت الحين متحجي و من امتى هلكلام.

زياد:_ من اشوي الوالد مكلمني علشان نزهب لباجر طلبية غدى للعايلة و تتوصل للمزرعة.

جاسم:_ افاا عليك لا تكلف على حالك و لا شي انا الي بتكفل بكل شي و من الحين ادق على نوف و ما تقصر ان شاء الله.

زياد:_ لالا انا بتصل و بحجز الغدى لباجر و انت الباجي عليك شقلت.

جاسم:_ خلاص عيل تم.

زياد:_ عيل تصبح على خير و السموحة لو زعجناك.

جاسم:- لا وين تزعجني والله انا بالطريج راد من المستشفى.

زياد:_ عيل نصووور متونس.

جاسم:_ ههههههه و ماهب تارك خباله على العرس.

زياد:_ هههههه فديته عمي يلا ما اطول عليك نلقاك باجر على خير في أمان الله.

جاسم:_ في حفظه ورعايته.

سكر جاسم و دق على نوف إلي كانت توها داخلة غرفتها و تبدل اهدومها بترقد التفتت لتلفونها و راحت له لتشوف من المتصل...

( تـــــــــــــابـــــــــــــــع )

[هدباء]

نوف و اهي تفج الكلبسة من شعرها و تتهادل خصلات شعرها الناعم على خدينها:_ الووو.

جاسم:_ هلا نوييف.

نوف:_ هلا بحيب قلبي اخوي جسوم شنو للحين ما ياتك النودة.

جاسم:_ افااا اليوم ابي ارقد معاج فشلون تيين النودة.

نوف:_ عن اتلزق.

جاسم:_ زين اقول نويف اشكثر تحبيني.

نوف:_ ااااااااااااااااااه كبر البحر و الارض و السمى كبر هلكون كله.

جاسم:_ واااااااااي احرجتيني زين الي يقول لج اليوم ما ترقدين الة حذال اخوج حبيبيج جسووم.

نوف:_ اقول جسوم انت وينك الحين.

جاسم:_ ليش ؟

نوف:_ حجيك يقول عند البيت ورايد ايي ارقد معاك بالمزرعة اليلة.

جاسم:_ يا عيني على الي تفهمني ما اظن في مثلج بهلكون كله.

نوف:_ لا و انت الصاج في ريم بنت عمي.

جاسم وهو يضحك:_ عسا الله يخليها ان شاء الله انتي شنو الحين بتقبلين عزيمتي والله شنو.

نوف:_ واااي مينونة لو رديتك ثواني البس و ايي لك.

جاسم:_ يلا بانتظارج انا كاني دخلت الفريج.

نوف:_ ان شاء الله باااي.

جاسم:_ سي يو.

سكرة نوف و اهي من الوناسة راحت تلبس لتروح مع جاسم ...

ثواني و لحظات تركت نوف جاسم بالسيارة لينتظرها و أهي تزهب حالها...

جاسم وين ما كان بالسيارة و تفكيره مرتكز على موضوع زواجه و طلب يد ريم بهلوقت بعد طلعت عمه بسلامة من المستشفى و كل همه و خوفه اشلون رح يتقبل رفض ريم أهي أكيد أكيد رح ترفضه و هذا شي واقعي لا تحلم يا جاسم و تطير بأحلامك أن ريم تقبلك بعد ما أنت هنتها و رفضتها و هجرت لبلاد و السبب أمر زواجك منها ااااااااه ... انتهى تفكيره العميق بتنهيدة اطلعت من أعماق قلبه و هلت غيوم الراحة بقدوم نوف لسيارة ... مر بباله جاسم بهلحظات العابرة كلمح البصر بأن أحلى ما يقدر يريحه أهي نوف و يقدر يلتهي معاها بسوالفها و ينسى عمره وياها ولو أنها قرقة بس يا حلات قرقتها معاه ....

و على هتفكير أدخلت نوف السيارة و استقبلها جاسم ببتسامة تطمن من يناظرها و تسرق الأنظار لعيونه ليغرق من يناظره بحلا دقت عيونه إلي تتميز ببريقها ألامع برونق فضيييع ...

نوف:_ يا حيالله الشوف كله شحالك ؟

جاسم وهو يلف عينه لطريق لينتبه لسياقة:_ الله يحييج و يهنيج والله نسأل عنج و عن أعلومج.

نوف:_ سألت عنك العافية يارب إلة شلي طاري على بالك تمرني بهليل.

جاسم:_ ليش ما دريتي بأن عمي ناصر باجر بيطلع من المستشفى.

نوف:_ أي ادري بس اشدخل هذا في ييتك لي بهليل اقول بلا الغازك الي تخلي الواحد يتيه تراااني بالحيل النودة حارقة عيني لا تلعب بي في اخر اليل تحجى من الأخر.

جاسم:_ هههههههههه أي الغاز الله يهداج بس اعمامي الله يحفظهن مسوين على باجر بالمزرعة عزيمة لردة عمي من المستشفى بسلامة.

نوف:_ احين عمك المطفووق يستاهل عزيمة هههههه والله حالة.

جاسم:_ عن الغلط مو بس عزيمة نصوور يستاهل الة حفلة.

نوف:_ يلا على حسابك.

جاسم بغشمرة:_ مب مستعد للخساير و المصاريف الي مالها داعي كافي مصاريف حفلة الزواجي الي بطريج.

نوف تنصدم و اهي تناظر جاسم:_ و عساني ما اتوفق يوم مووووتك بتتزووووووووووج.

جاسم:_ ههههههه ليش مسوي الحرام و انا ما ادري والله بايع شرف بنت اعوذ بالله.

نوف:_ جسووووووووووم تحجى لا ذبحك بتتزوج.

جاسم:_ بيني و بينج القلب ما يطيع يعيش لحاله يبي من يكون ويااااه.

نوف بينون و نست تيأله من العرووس:_ كلللللللللللللللللللللللللللللوووووووووووش.

جاسم:_ نويفووووووه و وجع بالسيارة و اخر اليل تيببين فضحتينا و لا عمج الثاني.

نوف:_ طاع هذا ما تعرف تفرح انت لكن مقيولة دومه ناسي الفرح اشلون يعرف يفرح.

جاسم:_ الة ياخبلة ما سألتي من بتزوج.

نوف بثقة حلووة:_ من يعني غير قمر البنات كلهم ريييم بعد عمري.

جاسم يبي يلعب بأعصاب نوف أشوي و تكلم بجدية:_ مب معناتها تقبلت فكرة الزواج معناتها بتزوج بنت عمج.

نوف تهدء و تناظره :_ جسوموه يوووز احسن لك شنو ما تبي ريم انت ما وصلتها علشان ترفضها.

جاسم بغرور مصطنع بس لايق على حلاه:_ و ليش اوصلها قولي انت الي تعديتها بس المهم زواجي بيكون على ختياري يعني حتى الي بتزوجها على ختياري.

نوف:_ بلا هلحجي لا بيدي الحين اوريك شغل الله.

جاسم:_ زين ما تبين تعرفين قلبي من مختار.

نوف:_ دام قلبك مختار اكيد مختار جيكرة من هلي بالشوارع او تدري اكيد وحدة من الي بايعين عمرهم ببريطانيا او فرنسا.

جاسم:_ لالا خليها فرنسا احلى.

نوف:_ جب احسن لك و ردني البيت ماهب راقدة معاك مالت عليك و على هلويه ويا صكتك طير مني النودة الله لا يبارج في عدوينك .

جاسم وهو بينفجر من الضحك على نوف:_ قرقة و ما تيووووز من طبعها.

نوف بزعل:_ قرقة عليك ويا هلويه.

جاسم:_ اصلاً انتي تحلمين بملمح من ملامح ويهي.

نوف:_ جب يلا روح عني وخر لا تقرب ماهب انا حرمتك روح للفرنسيا الي تبيها.

جاسم:_ هههههههههههههههه طاع هذي صدقة عمرها باخذ فرنسيا ليكون انا مدمغ هذا و لا سنتين علشان افهم على حجيها.

نوف:_ ....... ( تمت حاقرته وهو كل اشوي يناحسها ) ....

جاسم:_ يا تتكلمين يا بردج البيت.

نوف بعناد:_ يكوووون أحسن.

جاسم:_ تحلمين زين إلي يقول لج بأن الي في قلبي أهي نفس الي في بالج شتقولييييييييين.

و يبتعد عنها لتمثل بأنه خايف من ردة فعلها و يغطي ويهه بيده يصد نظراتها له...

نوف تلتفت له و اهي زين ما الحين تذبحه من رقبته...

نوف:_ خايس واحد مالت عليك يا نذل.

جاسم وهو يضحك:_ هو شكو انا تغلطين علي شمسوي لج.

نوف:_ جب و لا كلمة.

جاسم بدلع:_ واااااي على قلبي بتذبحه حتى جب تطلع عسل منها.

نوف:_ جسوووم وخر عني و بلا هلمغلاقة الي ما تنظاق منك.

ضحك عليها و بدت قرقتها بعد ما راضها على سواته و ليمن أوصلو المزرعة و أنزلوا و ألتفت جاسم لسيارة مشعل إلي مركونة عند المظلات و عرف بأن اليلة مشعل بيرقد بالمزرعة بس ما خبر نوف و حب يخليها تعرف لحالها....

أول ما نزلوا من السيارة نوف ألمحت سيارة غريبة مركونة و التفت بويها لجاسم.

نوف :_ أكو أحد يرقد بالمزرعة غيرك .

جاسم :_ ساعات نواف ولد عمتي ام فيصل و ساعات فيصل و يعني عيال عمج و عمتج .

نوف فز قلبها ليكون مشعل بعد يسويها و يرقد اهني لالا ما اظن هذا ما يفارق بيتهم أي يحليلاته سيد هلقلب متوطن ببيتهم زين والله عشان باجر لين صرت حليلته ما يفارج اليت و عن نظر عيني فديته ههههههه و فديت خبالي عليه هرقلة ابو القرقه بس مقيولة طالع علي وااااي ليتني اجوفه والله انه وحشني...

جاسم الي عجز وهو يناشد نوف و اهي بعالم ثاني عنه :_ نووفوووووووه .

نوف تفزع من صوت اخوها :_ هي انت ما تعرف تنادي حالك حالد الأوادم لازم تفزع قلبي.

جاسم بنحاسة:_ صار لي عشر دقايق و انا اناديج من سارق هلبال والله انه يباله بكس روحه صوتي و انا اناشدج .

نوف :_ هي عدال عاد شنو قاعد اتغلط انت و انا ساكتة لك اقول مش احسن و ابرك لك لا بالنعال على راسك اطربقه.

جاسم:_ ليش غلطت على منو .. ( و النحاسة واصلة حدها عند جاسم و نواي ايننها ) ....

نوف:_ و عسا يارب لا يوفج عدوينك اقول مش قاعد يتليعن لي بنص اليل .

جاسم وهو في باله انا والله مشعل الي اليلة بيتليعن لج بنص اليل و قعد يضحك من قلب بس مسك ضحكته لا احين يطيح في قرقه نوف الي مالها لا اول و لا تالي ...

مشوا لداخل فلة المزرعة ادخلوا و الجو هادء ينم عن ان ما كو احد بالفلة جاسم الي حب يطقها لعانة في نوف تركها وهو يستأذن بيصعد فوق و وصاها جان انها تسوي له ولها شي ياكلونه لانه مبت من اليوع .. نوف اهبطت بشيلة على جتفها و عباتها الي كانت تتميز بطريقة ناعمة عليها مشت فيهم بوسط الفلة العودة الفخمة الي تتميز بالتصميم الملكي الفاخر و شعرها الي كان بسواده ترك ويها الابيض متوهج و ينير بحلاه و طفوليته الروعة الممتزجة بانوثة نوف لكونها بنت بسن الشباب الي تعمر فيه الحيات و النشاط و تهادلت خصلاتها على يمين و يسار ويها الي تعدو طول ويها لكثر طول شعرها الحلو و بقى شرعها الباجي مرفوع بالكلبسة الناعمة الي تتميز بذوق نوف الحلووو ...

مشعل الي كان بالمطبخ واو ما سمع حس جاسم كان ناوي يطلع له و يفجأه بوبجوده لكنه سمع حس ما خطر على باله و انصقع قلبه اليلة نوف بترقد بنفس المكان الي اهو فيه ياويل قلبي اليلة وين انام حاول يجوفها لكنه ما ظهر من المطبخ و تم يتسمع لكلام نوف و جاسم و لمن عرف نوف بتيي المطبخ اخنش ورى الباب و بطريقة يقدر يجوفها تتنقل بزواة المطبخ براحتها من دون ما تلمحه لكن ما عرف لحاسية نوف بانها تشعر بتواجد احد معاها بنفس المكان بسرعة كبير .. تم منخش ورة الباب ليمن اوصلت نوف للمطبخ و توجهت لثلاجة جان تلقى شي بسيط تسوه لها و لجاسم .. و عيون مشعل تراقبها و تتمتع بحلاها و هدوئها الروعة و نعومتها الطبيعية و اهي تتنقل بالمطبخ الوااسع ...

لحظات و مشعل يناظر نوف .. نوف تحسست لمن اسكتت و هدئت و وقفت ازعاج المواعين الي طلعتهم تحسست لنفس احد ثاني معاها .. تذكرت حجي جاسم بان عيال عمتها و عمامها يرقدون فخافت احد منهم بالمطبخ بس وين وشلون ما جفته يااااه شكلي انا اتوهم اوقفت تحاجي نفسها بطبعها :_ والله ان قلبي قارصني بان نفس احد بالمطبخ .. زين ما اكو احد .. ياربي اشهتوهم الي يحل على غبائي انا .. و اذا يعني قال لي جسوم انحيس عيال عمامي و عمتي يرقدون اهني ببعض اليالي لازم اتوجس جذي اااااااااه ياقلبي المتعذب ليت الي بيرقد اليلة اهني يكون حبيبك يا قلبي يكون مشعل هلقلب بالوله و الشوق واااي فديته وحشني والله انه اينن و يخبل .. و مشعل ياويل قلبه وهو يتسمع لتوجسات و كلام نوف وهو ناسي عمره و ماسك حاله لا ينفرط من الوناسة و اضحك على نوف و كان كل قلبه يدعي لا ايي جاسم الحين و يقط الجو عليه وهو يستمتع بلي قاعد يصير له اهو و نوف ....

مشت نوف متجهة لثلاثجة لتظهر علبة عصير لتاخذ منها قلاصين منها لها و لجاسم ...

بهلوقت ظهر مشعل من ورة الباب و مشى بحيث ما تحس عليه نوف و صار تماماً ورة ظهرها و تكلم بصوته إلي فزع قلب نوف وهو ينظرها بتصب العصير بقلاصين و بس ...

مشعل :_ لا خليهم ثلاثة احسن مالي نصيب يعني معاكم .

تنصقع نوف من الصوت و تلتف لتنصدم بقوة بتواجد مشعل و تطيح عينها على عينه تمت جامدة بمكانها مثل قطعة ثجليد لا نفس لا حركة و عينها الي تعلقت على مشعل كان هذا احسن شي صار لمشعل ليتمتع بلمعان عيون نوف و بهلقرب الحلووو و لحالهم لحظات و بدت ترتجف مشعل الي مد يده و مسك علبة العصير و الكوب الاول الي حاملته نوف ...

مشعل بهدوء روعة و بصوت حاني و دافي بالشوق و الوله :_ اشلونج نوف .

نوف و اهي مب مستوعبة الي يصير لكنها مع كلمت مشعل ردت لواقعها الي جدامها و اسرعت و اهي ترفع اشيلة على راسها و ويها بدى يهلل بالون الاحمر الي يين مشعل و عرفها استحت منه يعل قلبي فدها تستحي مني انا يا ويلك يا مشعل ...

نوف و اهي تقوم بردة فعلها العكسية جدام مشعل :_ أنت من أمتى أهني .

مشعل :_ من اول ما دخلت حبيبتي قلبي بهلمطبخ .

( تـــــــــــــــابـــــــــــــــع )

[هدباء]

نوف :_ انت جليل حيا ما تستحي على ويهك اشلون تسمح لنفسك تبقى بمكان انا فيه و ما تحشم حالك ان ما كنت مغطية راسي مالك سنع انت .

مشعل :_ حلاااااااااااااااااالي و ماحد له شغل فيني حتى انتي مالج شغل مو انا حبيب قلبج و مشعل قلبج بالوله و اشوق و تفديني و و حشتج و اينن و اخبل خلاص يعني سلمتي قلبج و روحج كلها لي و انتي مالج شغل انتي صرتي ايرت قلبي فاهمتني و لا كلمة .

نوف تتخبل على حبه اتلمكي لكنها واجهته بالعكس و بلعانتها :_ و من قاص عليك بهلحجي و مخليك امصدقه و تطير فيه جذي .

مشعل بنظرات اغرور يننت نوف :_ السانج الي فديته وهو يتوجس من اشوي.

نوف بنكر مفضوح جدام مشعل :_ انا يمسود الويه قول الة اذنك الي تتحلم ويا قلبك اقول اذلف عني مو كافي مفزعني نص اليل.

مشعل :_ شنو اذلف انا اليلة برقد اهني خل هشي يكون بمعلومج اقول خلي لي قلاص معاج انتي و جاسم تراني بالحيل يوعاااان ..

طلع من المطبخ ليترك نوف بينونها ياربي شلي صاير لي ما عسا لساني تحجى يتمنى ان اهو الي يكون اليلة بالمزرعة يرقد و الة يتحقق الي تمنيته يااااه دعواااي مستجاب بس الله ياخذ ابليسه جذي سوة فيني ياويلي سمع توجسي الله ياخذ ابليسي كان له داعي اتوجس بصوت عالي ياربي عليه اينن ياعسا اسنين العمر تمضي لتيي الوقت الي اجوف حالي وياك و ما نتفارج دووووووم ....

مشعل من صوب ثاني طلع وهو منهبل على نوف ياربي ياقلبي عليها يا ارض احفظي من عليج والله بنتحر و بسويها في حالي و السبايب هلحلى كله .. ليمن قطع افكاره نزول جاسم من على الدرج ...

جاسم :_ أوب أوب مشعل أهنيييي .

مشعل :_ هلا بالخااييين وين هلغيبة لو متزوج بنقوول معذووور لكن يالمعصقل عزاابي شكوا جذي قاطعنا من شوفتك والله انك محتاج لخ عقال .

جاسم :_ ههههههههه حسبي الله على سوالفك بعدين على سالفة عزابي فنشناها .

مشعل :_ لا تقول بتتزوج .

جاسم :_ لا بس افكر .

مشعل :_ عيل الله يعين اذا تفكر يبالك سنة اشلون تطبق لا عيل فرخنا بيض بسنتين و انت توك تفكر .

جاسم :_ ههههههههه الة اقول ما لقيت نويف .

مشعل وهو يتذكر نوف و يرجف بمكانه :_ قصدك قلبي .

جاسم :_ و رماح يلفك اشفيك انت اشقلبك لا تسمعك و تمييع علينا اهني .

مشعل :_ لا عيل اذا جذي ابشر تراها جافتني و جفتها و ذوبتها .

جاسم :_ لا يعني مخلص .

مشعل :_ اشلون عيل .

جاسم :_ بس عيل وين الملاج تقول مخلص .

مشعل :_ ياخي اهي بس شوف اذبحتني مب زواج و 24 ساعة اجابلها لا يابوك و الة بعد جم يوم اييك صريع على الارض .

جاسم :_ اوب اوب اوب مب جنك مصخن .

مشعل :_ يا اخي استر على عمري و رد اختك لبيتكم ترى ما اقدر ارقد و اهي بنفس المكان .

جاسم :_ ههههههه يوز و لي سلم لي عمرك زين تعال نروح ساحة الفروس والله احس محتااج اشم لي اشوية هوى .

مشعل :_ خبرك زيوود بالعزيمة .

جاسم :_ وهو يطوف يعني لازم يدق و يعطيني الاخبار اول باول .

مشعل :_ العربية للأخبار .

جاسم :_ ههه لا الجزيرة احلى .

و على غشمرتهم اطلعو من الفلة و تحركوا لساحة الفروسية الوااسعة المملية ارضيتها بالترااب النااعم و على بعد كان موجود اسطبلات الفرووس ...

نوف إلي كانت بالمطبخ بعد ما زهبت العصير و اهي للحين تتذكر موقفها مع مشعل و تحس نفسها تبي تسوي أي شي تركض تنط تسوي أي شي لتخرج هشعور الي تخللها ((فأحساس بالفرح و من ناحية أعز ما تغلينه بهدنيا شعور لا يوصف و لا يمكنها كلماتي أن تنمقه لكم لتدخلكم بالأحساس نفسه)) ...

اطلعت لتندهش من خلو المكان وين راحوا اكييد اطلعوا برة احين شكوا انا خدامتهم اناشدهم اوهوو والله اليوعااان خيرته بيي ...

و وصلت لصالة و حطت الصينية الي مملية من بعض الأكلات البسيطة و غيره من شي يسد اليووع على الأقل و رمت بعمرها على الكرسي بحيث ارتمى راسها على الكرسي و تهادلت خصلات من شعرها من اشيلة الي لبستها لمن جافت مشعل و تسكر عينها لترتسم لها عيونه و كل دقة تفاصيل مشعل بعيونها و تترنم بحلاه و لتذوق قلبها من حلاة ما عزته بهدنيا و ما اهدته كل ما فيها فداه ولجله ...

.................................................. ...........................

بين ظلام هليل الي يحمل الجو الباارد و ينعش كل قلب ما جفت له عين و بقى سهراان و ين ما كانت ريم بغرفتها و اهي على سريرها و ترفه خصلات من شعرها تسحبهم لفوق ليمن يتهادلون على جبينها و على يمين و يسار ويها و بالها ممتلي بالأفكار لكن كل إلي تمحور عليه شي واحد ( جاسم ) ما تدري ليش من تسمع ذكره أو تسمع حتى بأسمه تحس هلأنسان تكرهه لكن من تذكر تراسيم ويهه يتعاكس مع مشاعر كرها له احساس بالأنتماء له حوتها الحيرة من قلبها ليش قاعد يتصراع بالمشاعر اتجاه هلأنسانة اشلي فيه انا بعد ما اهو الي دمرني و حطم حياتي كلها اهو الي بسببه حطم طموحي و ترك هلي يمنعوني من التسجيل بالجامعة و كل ارفيجاتي سجلوا وهو الي هاني و جرحني و رفضني برغم لا شافني و لا عرفني هذا واحد متعصب و تملكي و أناني لنفسيته يبي يسوي الي في باله و كأن هله الي ربوه و يابوه مالهم شور عليه مستحيل يكون شريك حياتي بهصفات اكرهك اكرهك و لا تحلم بيوم تكون بنسبة لي زوج و حتى لو كنت بالصورة و بس لكن بقلبي مستحيل يتقبلك كزوج و كحبيب و اكثر بتبقى ولد عم لا اكثر و لا اقل .. لكن اشسبب هلقلب الي يحس انه ينتمي له ليش يا قلبي شوراك ياقلبي ليش هلحساس انخلق فيك و بداخلك و الى منو لهلأنسان عديم الأحساس الأناني المتسلط الي يحب يفرض رايه اهو و بس ليش يا قلبي ليش لا تقول بيوم انه يعني لك شي يريحك لا تقول هذا عمره ما عرف يريح غيره هذا يمشي ليلقى راحته اهو و بس ...

ليمن هدء بالها و ارقدت مثل الياهل الي يحاوط ويهه تراسيم البرائة الملائكية الحللوة و يدها تحت خدها و خصلات شعرها متهادلين بطريقة حلووة و اغرقت بالنووم الي رح يكون راحة لجسمها و نفسها بعد ما انخلق لها هتفكير الدائم قبل كل ليلى ترقد فيها بجسام ...

.................................................. .........................................

في هليل الي حوى كل الاسرار لقلوب هلبشر وين ما كان زياد مع سارة سهرانين مع بعض مثل عواايدهم ...

زياد :_ سارة .

سارة :_ عيونها .

زياد :_ تحبيني .

سارة الي ارتبكت من سؤال زياد الغريب عليها عمره ما واجها بهصراحة القوية على قلبها ...

زياد :_ ارتبكتي .

سارة :_ ويبالها سؤال بذمتك .

زياد :_ السموحة بس جوابيني تكفين تحبيني .

سارة :_ اشلك بهسؤال يعني ما تعرف جوابه .

زياد بأصرار وتجاهل لكلامها :_ تحبيني .

ساةر :_ زياد تكفى لا تكرره .

زياد باصرار :_ تحبيني .

هلمرة سكتت سارة و اطرت ترضح لسؤال زياد حسته محتاج يسمع شي يريحه ...

سارة بصوت هاامس ولكنه مخملي و ترنم على مسامع زيااد :_ اي .. احبك والله الشهاد علي احبك حب ما وصله اي معشوقة لحبيبها .

زياد :_ تعرفين ليش اصريت على سؤالي .

سارة :_ ليش .

زياد :_ لي هدف بعدين تعرفينه بس ابي منج طلبين و اتمنى ما ترديني .

سارة :_ ما عاش الي يردك انت امر و مالك الة طيبة الخااطر .

زياد :_ لجل غلاتنا الي اربطتنا في بعض ابي هلغلا تخلينا يد وحدا لا تبعدنا لا ارياح و لا اي من ينوي يفرقنا ابيج اتوثقين انج مع الي بيصونج و ما دامه حي ما عاش الي يهينج و يجبرج على شي ما تريدينه .

سارة :_ انت تامر و ما طلبت .

زياد :_ و الشي الثاني ولو انه شي غريب و بيفجأج بس تكفيين أتمنى أنج تعطيني رقم ولد عمج .

سارة و أهي تندهش :_ ليش اشتبي من رقمه و اشلك فيه .

زياد :_ سؤال سارة و جاوبيني لو خيروج بين ولد عمج و بيني تختارين منوا .

سارة بكل جرئة :_ انت .

ترددت كلمتها على مسامع زياد الي هزت كيانه لكنه بقى على موقفه :_ دامج تبيني عطيني رقمه و بعدين تعرفين ما رح اخش عليج ليش ابي رقمه بس بعدين اخبرج لا تستعيلين انتي الحين عطيني رقمه .

سارة :_ لولا ثقتي فيك ما رح اعطيك رقمه قبل لا اعرف بس المشكلة رقمه ما اعرفه .

زياد :_ ما تقدرين تلاقينه من شخص تعرفينه و قرييب منج .

سارة :_ بحااول ان شاء الله الاقيه و اول باول اييبه لك .

زياد :_ بس ما وصيج لا تبطين علي استعيلي اشوي ولي يسلمج .

سارة :_ ان شاء الله .

زياد وهو يعرف طبع سارة :_ لا تحاتين اعرفج انا ما رح يكون الة كل الخير باذن الله ...

سارة ببتسامة :_ ما شاء الله هلكثر تعرف اطباعي .

زياد :_ اذا مو انا الي اعرفهم منوا الي يعرفهم عيل .

سارة و اهي تترنم بضحكتها الي اذبحت زياد :_ ههههه راعي سوالف انت و لا تيووز .

زياد :_ هاه يبه حلالي شكوا ما اسوي لي سوالف بحلالي بعد حلالي و بتحرمني اياه لا يابوج و عسا الموت بعدوينج ما تحرميني منه .

سارة :_ و من قال لك احرمك منه تراه حلالك و انه كلي تحت امرك .

زياد :_ عسا الله لا يحرمني منج .

سارة :_ و لا منك يا بعدهم كلهم .

.................................................. ...........................

بالمزرعة و ين ما نوف كملت لها سندويجة و كوب عصير و حست بالتعب فسوت لجاسم مسكول و خبرها بمسج انه مع مشعل بساحة الفروسية و يمكن يطول فطرشت لهم الخدامة بالأكل لأنة عينها بالحيل محمرة و مب قادرة تستوعب تبقى صاحية اكثر ماهب انه مثل جسووم راعي السهر ايي متعلم ماهب مثلي دياية من امجبر ارقد و دام معاه مشعل هذا ابو السهر بعينه و علمه يعني اليوم سهرتهم صبااحية و انا شكوا ابقى صاحية ما رح ييون يقعدون وياي بعدين انا ما اتحمل تواجدي مع مشعل بمكان وااحد ااااااااه الله يعيني لمن نتزوج اضحكت على اخبال عقلها و اصعدت لطابق الثاني بفلة المزرعة لترمي بعمرها من التعب الي حواها بهليل تقريباً الساعة 1 و نص و هذا وقت معجزة اذا لقيتوا نوف فيه صاحية ...

بخطواتها المتناهية وصلت لأحد الغرف الي بتوزيع و تنسيق منزلي بالطابق الثاني و ادخلت و افصخت العبات و اشيلة و اتركت جنطتها على الكرسي الي جنب السرير و اخذت لها اهدوم لتبد اخذت احتياطها لمن خبرها جاسم بانها اليلة بترقد بالمزرعة معاه و ادخلت الحمام تبدل .. لحظات و تطلع من الحمام كانت بخطواتها لسرير لكنها تراجعت لتاخذ لها تلفونها تسويه سايلنت ما تبي احد يزعجها بعز ارقادها .. اندهشت بان فيه 2 مسكول منو هذا الفاضي و ما كملت بتفكيرها الاطني و الة يظهر لها بمكالمات لم يرد عليها رقم مشعل دق قلبها اشيبي و متى اتصل راحت لتعرف الوقت لقتها من لحظات معقولة لمن دشيت ابدل اتصل زين اشيبي و مع هتفكير و بين يدينها يرن تلفونها و ارتجفت اول ما لقت شاشة اتلفون تنير بالنور لها بعيونها تعلن باتصال على تلفونها و بصوت هاادي رفعت اتلفون و تهادل خصلات من شعرها على عينها :_ الو .

مشعل :_ يا حيالله هصوت وراعييه .

جاسم الي كان حذاله يقرصه :_ جب ما تستحي اختي و تغازلها عيني عينك .

يحقره مشعل و يعطي كل اهتمامه لنوف ...

نوف ببتسامة لمن سمعت بحس جاسم اخوها :_ أي والله شكوا ما تستحي تتغزل فيني جدام اخوي .

مشعل :_ الله وكبر هي انتوا شنو الحزب الثلاثي علي سويتوه نعنبووا و لا واحد منكم يصير وياي افا نووف جذي تقطين حبيبج على جنب و تكونين ويا اخوج هلهيس الاربد .

جاسم :_ حمار واحد طالع عليك هيس احترم لا احين احرمك من شوفت اختي و سامع صوتها و حتى الزواج منها ترى كلمتي مسموعة كيفك عااد .

و نوف فاقعة ضحك على تهديد جاسم لمشعل .. مشعل :_ لا ويهدد جوفي يا تمسكين اخوج يا افكر فيه والله اليلة و باجر تسمعين خبره .

نوف وهي غرقانة بالضحك :_ اسم الله عليه عسا يومي قبل يومه .

جاسم يتمثل بانه يوجه كلامه لنووف :_ واااايد فديت عمري كله نوييف ..

نوف :_ هههه فديت الي يتفدوني .

( تــــــــــــابــــــــــــــع )

[هدباء]

مشعل :_ اقول بسكن لا احين اسكر الحين انا متصل فيج بدال لا تغزلين فيني تذوقيني من حلاج تقعدين تغزلين بهمعصقل الي كانه من مجاعة افريقيا ياي مالت على هلويه .

جاسم :_ هييي ترى اختي تعبانة من صوتها يبان يلا سكر خلها ترقد مو جذيي نووييف عمريي.

نوف بعنااد هلمرة لجاسم :_ لالا يحرم علي الرقاد لجل مشعل حلاله و فدوة له.

مشعل :_ ااااااااااه ياويل قلبي اليلة انا مب قايل لك لا ترقد اختك بالمزرعة ما تسمع انت لانك ثور و تبي ذبحي اليلة اسمع شتقول .

جاسم :_ لالا تخونين نويف تصيرين ويا مشعلووه الدقمة لالا ما اصدق انا .

نوف :_ الحين بذمتكم قاعدين سوالف و غشمرة و قاطيني لحالي بالفلة لكن هين والله اسويها فيكن وحدة بوحدة .

مشعل :_ شسوي الود ودي ايي معاج بس هلمعصقل الي ميوعينه قاعد لي اهني و عاجبه الهوى بيني و بينج شكله عشقااان .

جاسم هلمرة بقوة يقرص مشعل يخليه يقفز من مكانه :_ و رمااح يلفك يالمعصقل ذبحتني مب قرص هذا انت ليكون تعذبني نووف جوفي اخوج ذابحني يده واايد اطويلة و يطقني مورني الوييل .

نوف :_ اسم الله عليك يزااه عندي انت لا يهمك بس اقول ذلفوا ما ابيكم الحين تذكرتوني اقول خلوني ارقد .

مشعل :_ هاه يبان قلبت علينا حنا الثنين .

جاسم :_ وييييييي وييييييييي تستاهل .

مشعل :_ جب يالخايس كل منك قاعد لنا اهني .

نوف و اهي تكتم ضحكتها من حركات جاسم :_ اقول مشعل .

مشعل :_ ااااااااه يا حلات اسمي على لسانج عيديه .

جاسم :_ هي انت يالهيس اعقل اشوي اثقل ياخي كل اشوي و ذااب لنا .

مشعل :_ قسم بالله اليوم بلخ العقال ما بتلاقي .

جاسم :_ لا ارجووك تكفى تصدق خفت الحين منك .

مشعل :_ افففففف شنو نويف ما بتسكرين حلج اخوج لو اتصرف معااه .

نوف :_ لا يهمك امر اشتبي .

مشعل :_ كنت بقول لج اخليج الحين اخوج هذا المعصقل مو ويه احد يكلم غاليه حذاله اقول نووم العواافي و احلام حلوة يارب و تحملي بحاللج .

نوف :_ و انت اكثر و انت من اهل الخير والله يعافيك و يهنيك بدنياك يارب .

مشعل :_ اااه انتي الهنى كله بدنياي .

نوف :_ تسلم .

مشعل :_ أستأذن .

نوف :_ أذنك معاك .

مشعل :_ في أمان الله .

نوف :_ في حفظه ورعايته .

سكر مشعل و نوف من صوب الثاني الي حطت التلفون على قلبها الي كان يدق براحة نفسية و يا حلات راحة القلب اهي الي تعمر نبض الدنيا و الحيات بقلب الانسان و تحلي كل ما حوله بعيونه فقرب حبيبه منه احلى راحة يمكن يحتويها بدنياه و يقدر يرقد و يمضي بهدنيا بقلب رمتااح .. اما مشعل الي سكر و تلقااه جاسم من صووب ...

جاسم :_ ياعيني اشوفك رايح فيها .

مشعل :_ جب يلا جب انت مب ويه احد يحاجي العالم و انت حذاله ياخي اشفيك ما عندك اصول و سنع .

جاسم :_ ويييييييي اخرتها مشعلووه الدب يعلمني انا الاصول يبه حبيبي انا الي اعلمك مب انت بس تعرف لعااااانة .

مشعل وهو يناظره بستحقاار :_ خلها لك مب ناقصتني لعاانتك كاافي زيووود علي .

جاسم :_ زييييييين ما يسوي فيك هذا تربايتي زيوود فديته .

مشعل :_ لا و الله .

جاسم الي حس انه الحين صج بيعصب مشعل و بينكفخ اليوم :_ سوري سوري.

و تنحى عن مشعل متهرب منه و بقت سهرتهم على سوالفهم و غشمرتهم و لعانتهم مع بعض طول اليل ...

يمضي اليل و كل من العشاق يسامر معشوقه و كل من مهموم يواسي همومه و كل من بعيد يحن لديار هله و كل من محروم ينزف دموع حرماانه و كل من بقلبه امنية يرسلها لسما ربه لتلمع وسط النجوم و كل من حاير بحياته يرمي بحيرته لهلبحر الي حمل كل الهموم .. مضى اليل بعد ما توج هظلام بنور الشمس الي تشرق من نواحيها على الكويت و اراضيها و تبث روح النشاط و اليوم اليديد على اهلها و ناسها .. اما القدر الي بدى بيومه ليرسم و ينقش حظ و نصيب كل انسان بهدنيا عاييش و على مكتوب ربه راضي و قانع ...

تقلبت مروة على فراشها و اهي تترنم بسماع صوت تلفونها يعلن قدووم مسج لها من الصبح .. رفع خصلات شعرها المتهادلة و اسحبت تلفونها و فتحت المسج لقته من طلال ...

يسعد صباحك .. و طلتك وين ما رحت

ما دمت للي يعشقك .. مصدر أفراح

أفز من طولي .. اذا قلت لي طحت

و اضم قلبك بين .. الأضلاع و ارتاح

رمت براسها على المخدة و اهي تناظر المسج و قلبها مب قادرة تشيله من هالراحة الي عمرها ما خطرة على بالها بيوم تحويها كل الي بفكرها انها انخلقت لتتعذب بحب انسان ما يعرف عنها و لا بيوم يمكن يبادلها بنفس المشاعر لكن بعد الي صار بقت تحمد ربها على كل لحظة تقضيها ويا طلال لكن يبقى ألمها الوحيد اصرار امها على ارتباطها من ولد خالتها الي تكرهه كره الموت و تتمنى موته و اختفائه من هدنيا لترتاح منه فوجوده اكبر مصيبة مسبب لها كل ما تلقى الراحة تعمر بخفوقها مع طلال يراودها ببالها ليعكر صفو بالها يااااه ياربي انت الي خلقتني و عارف بحالي هدنيا عمرها ما تعرف تكمل الفرح بقلوب ناسها لازم تتركه نص مرتاح و نص حاير و نص متلوي من مصايبها و فوق هذا و ذاك تبي منه يواجه فيها مع كل قسوة بشراها ااه يا دنيا منج فيج ننجرح و لا بيوم عرفتي او تعلمتي تداوين الي تجرحيهم ....

ارفعت حالها لتقوم تبدل و اوقفها دخول ملاك المفجأ عليها ...

ملاك :_ صحيتي .

مروة بستغراب لملامح ملاك المتوترة :_ أي ليش .

ملاك :_ بدلي و نزلي تحت امي تبيج .

مروة :_ خير عسا ما شر .

ملاك :_ الشر ما اييج انتي بس بدلي و نزلي .

مروة :_ اوكي بس ملاك لحظة .

ملاك الي كانت تتهرب من ويه اختها :_ هلا .

مروة :_ اشفيج متوترة جذي .

ملاك برتباك :_ ها انا مافيني شي اشتوتره ليش امبين علي شي .

مروة :_ ملاك لا تهربين اشصاير اشفيج .

ملاك الي ما عادت تتحمله :_ مروة كلمة ما غيرها خلي ربج معاج بقلبج و بدلي و نزلي باااي .

ما لحقت مروة تنادي ملاك و الة ملاك اطلعت من الغرفة و سكرت الباب ...

.............................................

ببيت ابو وليد وين ما كان الحيوية تعمر فيه من الصبح محمد و وليد بصالة يشربون الشاهي و ام وليد بالمطبخ معاها بدور يزهبون الفطوور و ابو وليد مثل العواايد بغرفة مكتبه و البييت بهدووء .. لحظات و يرن تلفوون البيت و يرفعه محمد ...

محمد :_ الو .

نوف :_ يا حيالله هصوت صبااح الخييير .

محمد وهو مستغرب شكوا نويف متصلة اهي مب في البيت :_ نويفوه يازطية هلكثر تلفونج فيه فلووس صرتي تدقين و انتي بدارج يعني ما تعنين نفسج تنزلين يا ست الحسن و الجمال .

نوف :_ ههههه لا حبيبي انا مب في البيت مب مينونة ادق و انا في البيت .

محمد :_ شنهو برة البيت وين ذالفة الله لا يبارج في عدوينج .

وليد الي استغرب نوف برة البيت في وين من صباح الله طالعة و محد يدري عنها

نوف :_ شسوي خطفني اخوك بنص اليل و رقدني معاه بالمزرعة .

محمد :_ و عسا رماح يلف الي معادينه فزعتي قلبي عليج .

نوف :_ لا تذبحني هلكثر تحبني .

نوف :_ قصدج اكرهج خلصيني اشتبين من الصبح ويا هصوووت يخسه من صووت ويخس راعييه .

نوف :_ ماللت اقول بس متلصة اخبركن اني مو في البيت و لا تبطون على جية العزيمة الييوم .

محمد :_ نويفوه منو بييب نصوور من المستشفى ما قالج المغبر الي معاج جسووم .

نوف :_ هي هي لا تغلط على اخوي و جب يلا بعدين نصوور بيبوونه عيال عمامي كلهم يعني طلال فراس مشعل و زياد و جسووم معرسهم و كاييدهم بعد قلبي كله .

محمد :_ لالا مسوي لج شي هسحلية الي معااج معرسهم صارر زين و انا و وليد وين رحنا .

نوف :_ انتوا اكيد معاهم بس ما اظن الكل بيروحون لازم يبقون من الشباب لو قليل لتزهيبات المزرعة .

محمد :_ تدرين ذلفي انا ادق على المعصقل اخووج و اتفاهم وياااه بعدين شكوا يخطفج من غير علمي و درااي .

نوف :_ وييي حرمتك انه و ما ادري .

محمد :_ تتمنين والله .

نوف :_ تفت تف تف عليييك من يتمناك انت غير خاايس الحظ ويا ويهك باااي .

محمد :_ لا تخليني اتوعد فيج نويفوه لا اكون اول الحاظرين و انتف لج شعرج كله و خله عاد مشعل يتهنا فيج بعديين .

نوف :_ وييييي خوفتني عااد اقول اذلف ما اكلمك انا يا معشووق شهد .

محمد الي من سمع اسم شهد ارتعش قلبه :_ جبي زين لا تذبحين قلبي من الصبح ويا هلويه .

نوف :_ وييييي ذبحته يقوول اقول خلك على ذبحك باااي بس لا تنسى تيي العزيمة ترااهم بيكونون موجوديين .

محمد :_ ذلفي لا بارك الله في عدويينج .

ضحكت نوف لانها عصبت محمد هذي لعانتها ويااه دووم و كل منهم سكر اتلفون من صوب ...

وليد :_ وينها نوف شكوا تدق اهي مب في البيت .

محمد :_ اسالها مسودة الويه راقدة بالمزرعة مع المعصقل اخووك.

وليد :_ شكوا مسودة ويه ما سوت شي غلط رقدة مع اخوها .

محمد :_ احين لا تشغل حالك فيها رايح اخبر امي بانها مب في البيت و بدق على المعصقل اتفاهم ويااه على منوا يبيقى بتجهيزات المزرعة و من بيكون مع الي بييبون عمي .

وليد :_ عيل احسبني من الي ببقى بالمزرعة ما ودي اروح معاكم عمي و بجوفه لمن ايي .

محمد وهو يبتعد عن وليد و يتوجه للمطبخ :_ ابشر .

راح محمد و التقى ببدور الي طالعة من المطبخ لتنادي وليد للفطور...

محمد بهمس :_ العويين الله من الصبح لا تسوون لنا اكشن انتي و الرومنسي الي اهناك .

اضحكت بدور على محمد و مشت عنه متوجهة لصالة الي اول ما وصلت استراحت عند وليد حذاله ...

وليد بحركة غشمرة يسد خشمه و يتنحى عن بدور :_ افففف شهريحة الخايسة خيستيني قومي ذلفي زيين .

بدور :_ مااااالت جزاتي اسوي لك الفطور بيدي زين قوم افطر انه بصعد ابدل ريحتي كلها طبااخ .

وليد :_ يكوون احسن خيستيني وييه بختنق قومي وخري بلاج لازقة جذيي.

بدور :_ هي انت لا تقعد تزف فيني جذي و لا ماكلة حلالك انا .

و اوقفت بتمشي عنه و تسراع لها بخطواته وليد و مسكها من يدها ...

بدور بعصبية تلف له و تتهادل مع لفتها خصلات من شعرها :_ فج يدي اشلك فيني ماسكني مب انه ريحتي خايسة و بخنقك و خر عني زين .

وليد بنظرته الي تذوب القلب القاسي و تفتت الصخر الي ما يلين و عيونه تبرق بحلاها :_ فديت الي ما يتحملوون الغشمرة .

بدور الي هالات الخجل بدت تلون خدينها لكنها تداركتها بالعصبية :_ ما بصدقك انت ناوي على زعلي اليوم و استاهل ما بييك فج يدي احسن لك .

( تــــــــــــــابــــــــــــــع )

[هدباء]

وليد :_ ما بفجها شبتسوين .

بدور :_ بناادي لك عمتي الحين .

وليد :_ ما تقدرين لأنج لو حاولتي بسد حلجج و بحملج و بهرب فيج فووق و انتي تحملي هلعنااد و لعبة اليااهل شبيي رداً عليها منيي ...

بدور بعصبية بدت تهلل وياها دموع عصبيتها من وليد :_ سو الي تبيه بتلقى الي بييك فج يدي .

وليد الي حسها ناوية ترد على عنادها اول ما كانوا متزوجيين فحب يرجع لها هليام اليوم ليذوقها اشوي من تصرفاتها معااه و يتوبها ما تفكر بيوم تعيدها ...

وليد يفج يدها و يمشي عنها بتجااهل كبيير و يستحقر نظراتها الي بدت تجول بعينها عليه وهو يمشي ارتعشت من سكوته و ابتعاده عنها حسته زعل و اكيد السبب انه ياااه الحين شسوي كل من تفاهتي ياربي كم مرة قايلة لنفسي ما اعيد هلحركاات .. لكن يستااهل محد قاله يقعد يقط علي كلام و يزفني جزاتي اسوي له الفطور بيدي .. و ما طولت بوقفتها بصالة و اصعدة لفوق لتبدل و لا حسبت انها بعد ما تبدل بتطل على رنيم و تشوفها راقدة و الله لا و بتنزل يعني بتتواجه مع وليد مرة ثانية و الي نسته اكثر من تزوجو ليومكم ما تفطر و الة اهو على يمينها لكن كل هذا بيحظر في بالها اول ما تنزل و رح نشهد كل من الحرب الباردة الي بدت تستعد قواتها بين وليد و بدوور بس على شنو بتنتهي يا ترى هل برضى بينهم والله بانتصار و احد من الثنين ....

.................................................. ...

مروة الي بدلت و زهبت نفسها و فجت بابها لتطلع من دارها و الخوف يحوي قلبها من توتر اختها و طلب امها لها من الصبح عسااه خير يارب و بدت تذكر الله و تسمي فيه على لسانها و تتعوذ من ابليس الي دوم بوساويسه يسوي من الشي الصغيير بالتفكيير شي كبير و ما ايي من ورااه غير عواار الرااس ....

انزلت مروة ببدلتها البيتية الحرير الي بلون زهري حلوو و بلمعة هاادئة كانت قميص ناعم مع صروال حلو لكنه على رشاقة جسم مروة طالع بروعة انيقة و شعرها المرفوع بالكلبسة و تمشي بهدوئها لصالة الي كل ما تقربت بانت من الموجودين فيها كانت امها و ابوها و زياد لكن اختفاء مشعل عن الساحة عرفت لانه بالمزرعة لكن وينها ملاك و ليش بس هثلاثة موجودين و بدى قلبها يدق بعنف لاحساسها القوي في شي جايد صاير و انا ما ادري عساه خير يارب عساه خير هذا الي تردد في بال مروة و اهي تمشي بخطواتها لصالة ....

ملاك الي اختفت عن الساحة كانت بغرفتها و كاتمة قهرها لانها من امبارح و اهي مارة على غرفة امها اسمعت امها و اهي تحاجي ابوها بموضوع مروة مع ولد خالتها و لازم انه يشوف راي مروة لانهم عطوها مجال زيادة عن الزووم ملاك الي بالمثل راافضة هزواج لانها تعرف مصلحة مروة مستحيل تكون مع ولد خالتها الي شخصيته تفرق بين شخصية مروة فرق السمى و الارض و مستحيل هلثنين ينجمعون بإيطار الزوااج و ماهدت و اهي متوترة و تدعي لاختها بس انها تكون بقد الموقف و تحاول بقد قدرتها تداافع عن رايها .. لكن الي ما عرفته ملاك بان ابوها اكبر عمود رح يكون صااد لهزوااج لو رفضت مروة فلسبب عدم معرفتها بهشي حست يمكن ابوها و امها يكونون على مروة و هذا شي صعب لمن يكونون اثنينهم ....

مروة اول ما وصلت توجهت لبوها و باست راسها و صبحت عليه ببتسامة حلوة لكن زااد اتوتر لمن صبحت على امها و ابتسمت لزياد و توجهت لكرسي بحيث تكون بعيدة عن زياد الي قريب من ابوه و عن امها الي انفردت بزااوية من القعدة ولكنها منظمة معاهم بالجلسة ....

احساس قوي نبض في قلب مروة بانها واقفة لتواجه هلشخاصب بس بشنو و عشان شنو تواجه هذا الي مر في بالها ...

مروة ببتسامة عفوية :_ خير يمه ملاك قالت لي تبيني في شي .

ام مشعل :_ ماهب انه الي ابيج و بس انه و ابوج نبيج .

مروة :_ خير ان شاء الله .

زياد يناظر مروة و يلمح نظرات الخوف فيها و يعطيها بعيونه نظرات تشجيعية و مطمئنة برغم يعرف شنو هلموضوع الي بيفاتحونها فيه و عارف رفضها ...

ابو مشعل :_ الخير بويهج يابنيتي بس يا يبه انه اليوم و امج رايدين راايج بشي وااحد ولو ان انعرف بس سبحان الله كل شي جاايز بهدنيا يتغير و ينقلب و لا حنا ببالج لنعرف شنو تفكيرج الحين ...

مروة الي بدت تنكشف لها الوحة باوقا تراسيمها و اول ما نبض قلبها فيه اهو موضوع ولد خالتها و الي خوفها اكثر بنظرتها الى امها ابوها خافت ان ابوها انظم مع امها و هذا اشي تركها ترصخ بداخلها لااااااااااا مستحيل اكون لغير طلال مستحييل ....

ام مشعل تكمل على كلام زوجها و اهي تحس بالانتصار نوع ما لاشتراك ابو مشعل معاها بالموقف لتسمع موافقة مروة بدل رفضها :_ و حنا يا يمه لو ما نبي مصلحتج ما يينا و كلمناج و انتي عارفة يا يمه غير الاهل ما يعرفون مصلحة عيالهم ...

مروة بخوف :_ تبون رايي بولد خالتي أن كان ابيه زوج لي و شريك حيات او لا ؟

قالتها بحزن و بقهر يلتوي بقلبها و كأنة بنبرة صوتها ترسل هلحزن لقلب زياد اخوها ليتلوي فيه و ابرقت عينه بالدموع الدافية و وطى راسه و اخفى الي فيه لا يلفت انتباه أي احد من الحاظرين ...

ابو مشعل :_ وانتي عارفة بكل شي الحين يينا نسألج يا يبه بعد ما عطيناج المجال الكافي يا يبه .

ام مشعل :_ والله ودي اعطيج كل راحتج بالتفكير بس خالتج يا يمه الي ابطينا عليها و اهي كل يوم تتحرى عن السالفة و الله ماهب حلوة علينا يا يمه عطينا رايج و هذا كل طلبنا منج .

مروة بعتاب و بعيون تلمع بدموعها و اهي تعانق اعيون ابوها الي احرقه قلبه على هنظرات الي تتوجه له مثل السهام له من اصغر عياله و من اغلاهم ...

مروة :_ انت يا يبه انت الي كنت لي السند و انت الي كنت لي الحظن الي انخش فيه لمن اخاف من هدنيا الي تتمثل بالوحش الي ينوي بذبحي انت يا يبه الي كل ما أتألم ذكراك و حسك معانا و وجودك بينا اهو راحتي انت الي ترسل لي بحنانك احلى امان بقلبي توقف مع امي الي عمرها ما فكرة ابيوم غير انها تشوفني مع ولد اختها لكنها ما تفكر اشلون بعيش معاه اشلون ان ما بقدر استمر وياه اشلون بلقى كل الشقى معاه و الذل بعد ما انه عايشة بينكم مكرمة و بعزي و دلالي ليش يا يبه انت و امي تبون لي هشقى ليش ما تذكر يا يبه والله ناسي لمن قلت لك ما ابيه لكن يمكن قلتوا غيرت رايي و تبون رايي الحين ما طلبوتا يا هلي كلمتي وحدة و اعتلي فيها بينكم و الحق مع ربي و يمكن تقولون وقفت بويهكم و انتوا هلي و لازم اطيعكم بس ربي وياي و انتوا تبون راحتي ما تبون شقاي بهدنيا انتوا ما ربيتوني الة لتلقوني بالهنى بنهاية عمري تكفوون سمعوا رايي و لا تجبروني على شي ما ابيه لمن قلت لكم ما ابي ولد خالتي ببقى اقولها لاخر يوم بحياتي و لاخر نفس بقلبي و روحي هلأنسان يا هلي عمره ما رح يعرف يوريني الراحة معاه تكفوون فهموني و لا تكونون انتوا ضدي تكفوون هذا اخر رجااي الي لي عندكم ...

ام مشعل الي حست بحزن كلمات بنتها و المحت تأثير كل كلمة على تراسيم ويه ابو مشعل و خافت لا يرجع لموقفه فاسبقت الكل بنبرتها الي رنت بأذن مروة و كل من الحاظرين و اعتلت لمسامع ملاك الي كانت عند الدري تسمع كل الي يدور و بقلبها تحاتي اختها بدون ما حد يعرف بوجودها ...

ام مشعل :_ وشلون تحكمين على شي ما شفته بعينج يا يمه انتي ما شفتي ولد خالتج و لا عاشرتيه والناس ما تعرفينهم الة لمن تعاشرينهم ...

ابو مشعل بصوت اربك ام مشعل :_ سمعيني يا ام مشعل وافقت افتح الموضوع معاج للبنت لكن كانت كلمتي وحدة لو لقينا رفضها رح نرضى به و هذي حياتها و اهي حرة فيها لو اهي ردت الصح و الي لها مصلحة فيه بنوقف ضدها لكنها درت شي اهي بنفسها ما تشوف راحتها وياه لو تقدر تعطي ولد خالتها حياتها و تعيش وياه و ترسم ساعدتها معاه و لا تبخل عليه بشي من قلبها له ما جان سمعتي رفضها و انا كلمتي وحدة رايي من راي بنتي و بالأصل عمري ما تمنيت مروة تكون لولد خالتها .

تهللت برودة الفرح على قلب ملاك مثل زخاات المطر الي تروي ضمى قلبها من الخوف و المحاتات و انصدمت معقولة ابوي ضد امي الي عمرهم ما اختلفوا على راي بحياتهم سبحانك يارب سبحاانك انت وحدك العارف بكل شي و العالم بالمخبى و المكشووف و انت وحدك تظهر الحق و الباطل ...

ام مشعل الي بدت تحمي فيها نار القهر :_ دومك تخذلني يا ابو مشعل وين كلمتك لي شنو ما هان عليك انك تجبر بنتك على الزواج من واحد ما تبيه اصلا بعدها ياهل و لا تعرف لمصلحتها وشلون تمشيك ياهل يا ابو مشعل خلك واعي و فااهم لهلحيات لو بنتك و اغلاهم ما ترضى تردها لو طلبتك بعدين وليش ما تتمنى ولد اختي لبنتك شكوا شايف فيه العيب والله مسوي العار و لاعب ببنات الناس اسمع وعلمن يوصلك ويتعداك ولد اختي ريال و عيب على الي ينقص من شانه و هزلت والله اخر زمنها بنتك هذي ترده .

ابو مشعل بزمجرة صوته الي اول مرة يعتلي و يصدم زياد و مروة نفسها و ملاك

ابو مشعل :_ ام مشعل لا تتبلين علي بالكلام و انتي الاحق بالمعرفة انج تعرفين كلمتي ورايي بهذا الموضوع و انا ماهب بمعناتها ما اتمنى مروة لولد خالتها يعني الريال يحوشه عيب و انا ما نطقت بشي من ايل قلتيه و اعوذ بالله اني اغلط على ريال ما أذاني و لا لي الحق عليه اذمه بس كلمتي وحدة انا الريال بهلبيت و انا الي تمشي كلمتي و هزلت والله اخرتها حرمة تمشي بيت يعمر فيه الرياييل .

ام مشعل الي خلاص حست تستنزف كل قواها جدام عيالها و حتى ملاك الي ظهرت على الساحة و اهي عند الدري تشهد على كل شي يصير و زياد الي يراقب كل شي و عينه تحمي مروة الي بدت بالخوف يجتاحها و ادموعها تنزف على هصراع الي تشهده ...

مروة بصرخة وصت ادموعها :_ تكفوون يا هلي طلبت راحتي ما طلبت هصراعات تنولد بينكم ان جان وجودي يسبب كل هذا بذبح حالي و برتااح يا يمه بسج يا يمه ليش ما تفهميني يا يمه ما ابي ولد خالتي لكن اهم ما علي رضاج يا يمه رضااج تكفين رضاج علي اهم من كل شي و انت يا يبه الي عمري ما شفت صراعك مع امي ليش كل هذا اشوفه جدام عيني و بينكم ماعدت اتحمل انا تكفوون.

ام مشعل :_ لا تجذبين على حالج يا مروة اخر ما تتمنينه اهو رضاي لو تبين رضاي ما رفضتي ولد خالتج و انتي تعرفين بموافقتج عليه اهو رضاي عليج دنيا و اخرة .

مروة و اهي تقترب من امها و تقف بقرب لدرجته لهيب و حرارة قلب مروة من الشي الي تمر فيه بدت تجتاح ام مشعل ...

مروة :_ لا يا يمه لا .. انه بنتج الي ربيتيني و الي حملتيني و شقيتي فيني 9 اشهر انا الي حلمت برضاج و كل يوم القى ابتسامتج لي تكون اهي راحتي و اهي قوتي بهدنيا يمه من وين شفتيها هذي بنت ما تتمنى رضى امها عليها يمه انه منج و فيج انه قطعة من لحمج و دمج اشلون ما اتمنى رضا الانسانة الي كانت سبب وجودي و الي ربتني و حمتني و كبرتني و الي اسهرت علي لو صابني شي جايد من مرض والله من وجع اشلون اجذب عليج اني ما ابي رضاج وشلون علميني وشلون هذا الي ارتجيه منج يا يمه وشلوون ..

انهارت جدام عيون الكل بالبجي و اهي تمري نفسها ماهب على الارض ولكن على صدر امها الي بحركة عفوية لا ترتمي مروة على الارض مسكتها ام مشعل بيدينها و ثبتتها على صدرها ولكن احساس غريب اجتاح ام مشعل صعف بنتها و ادموعها الي بدت تبلل اهدومها و تسيل على يدها كانت دافية و بحرارة قلب تسمع ونين بج بنتها و بحساس قوي و عنيف حست لدقات قلب بنتها الي تعلن عن شقى عانته اسنين ولكنه ما بدى يظهر بتراسيمه و دقته الة بهلقرب و الكل بعيونه تجول على هلموقف ابو مشعل الي يناظر كل شي و ملاك الي بشهقات من البجي تشارك اختها فيها تناظر شيصير و زياد الي كان موطي راسه رفع راسه وهو يندهش من الي قاعد يشوفه و كل من يناظر هشي امنية وحدة اجمعتهم بان ام مشعل ترد لعقلها لطيبتها لشخصيتها بهلحظة و بهلموقف ال اجبرتها مروة عليه و ترحم مروة و تقبل برفضها لولد اختها ....

هل هلأمنية رح تتحقق أو رح يرتسم صراعات اكبر و لا يمكن شي يهز ام مشعل؟

.................................................. .............

بين أشراقة هصبح الي حمل كل هم و كل راحة و كل شي مختلط كمزيج يحير كل بال و قلب .. تهللت اسارير الفرح على سارة الي لقت رقم ولدعمها الي اطلبه منها زياد من تلفون اخوها و قدرت تاخذه من غير ماحد يحس عليها .. وبفرح كبيير راحت تركض لدراها لتتصل في زياد لكنها توقفت على جكت اخوها عليها و ارتعشت بمكانها ...

علي :_ ساروه شتسوين بداري .

سارة :_ أ أ أ اأي كنت ادور عليك .

علي :_ خير اشتبين يابعدهم كلهم .

سارة :_ ها أي أي كنت ابي اقول لك تقدر تروح تشتري لي كردت ابي اعبي تلفوني والله ما عندي شي حتى حق مسكوول .

علي :_ ما طلبتي بس تدرين اشلون لبسي و خلني اطلعج معااي بالحييل زهقاان و مالي غيرج بهلبيت اطلعج معااي .

( تــــــــــــابــــــــــــع )

[هدباء]

سارة :_ صج والله وااااي يا بعد جبدي علوووي احبك انه خمس دقايق و اكون زاهبة .

علي :_ أي قلتيها خمس دقايق مب تبطين لا تخسرين هدعوة لطلعة و انتي الخاسرة مب انا .

سارة :_ افا عليك ما اسويها مب مينونة يلا اشوفك بعد خمس دقايق .

ابتسم علي على وناسة اخته الي تعمر في قلبه الراحة يمكن اهم الوحيدين بالهبيت و لا غيره موجودين لامهم و ابوهم ولكن تواجدهم مع بعض بنى احلى علاقة اخوان بينهم اثنينهم ...

ادخلت سارة غرفتها و اهي تروح لتلفونها و تطرش مسج لزياد .. لحظات و تطرشه و تترك تلفونها و تدخل الحمام تغسل ويها و تبدل اهدومها لا يحرقها عليها علي و يخسرها الطلعة تعرفه وااايد ما يحب يقعد ينطر ...

وين ما كان زياد ارتجف قلبه لمن سمع صوت مسج يعلن بوصلوه على تلفونه و اول ما فتحه لقاه من سارة ..

.. هلا حبيبي .. ما عشا الي يردك هذا رقم ولد عمي ******** ..

طاار عقله من راسه لمن لقى المسج يا بعدهم ما تطيع تردني ولكنه حس بالراحة اكثر ليعيش هليوم مرتااح .. لكنه انتبه لحاله بانه بصالة بين امه و ابوه و خواته و مشكلة مروة سكر تلفونه لانة حس الشي كلش مو وقته يلتهي بتلفونه ....

..................................................

بين غشمرة لولوه و ريم بصالة اسمعوا تلفون طلال الي يرن نساه خلاه بصالة وراح بالمطبخ مع امه مثل عواايده يقضي بعض من وقته مع امه عزه و دلاله و فرحت ايامه بهدنيا ... قامت ريم و ارفعت تلفونه بلعانة من غير ما تاخذه لطلال و هذي كانت تدبيرة من تدابير لولوه علشان انها تعرف منوا المتصل لمن شافت اللقب الي ظهر بتلفون طلال للمتصل ....

ريم :_ الو .

جاسم اول ما سمع هصوت ارتعش و كأن يدفع احساس قوي فيه بان هصوت ماهب غريب عليه او صوت صاحب له تأثير كبير بحياته ...

جاسم :_ السلام عليكم .

ريم الي من سمعت صوت جاسم ارتجفت مكانها و قرصت لولوه الي تلوت على القرصة لكنها تفدعت من الضحك على الي سوته بريم برغم ريم للحين ما عرفت من المتصل ...

ريم بصوتها المخملي :_ و عليكم السلام .

جاسم :_ مب هذا تلفون طلال بن فارس .

ريم :_ أي هذا هو ثواني اناشده لك .

استسرعت بالحجي لتبتعد عن نبرة هصوت الي تحتوي بقلبها شي من الارتجاف ليش ما تدري برغم اهي مب اول مرة ترد على تلفون طلال ...

ريم نست ان جاسم يمكن يسمع نجرتها مع لولوه :_ يالحمارة صبري لوريج شغل ربج الحين بس اناشد طلال و تجوفيين .

لولوه بلعانة :_ و انه شكوا انتي الي رديتي مب انه .

ريم :_ لا مسويتي حالج انتي بريئة انتي سبب الي صار انتي الي قلتي ردي لكن صبري .

لولوه :_ زين ريمووه عرفتي من الدااق .

جاسم الي كان يسمع نجرتهم و يضحك اكيد هذول بنات عمي بس ما كان يعرف أي ثنتين منهم ولكن فز قلبه من سمع وحدة تنادي الثاني بريموه معناتها ريم معقولة الي ردت علي ريم نفسها مستحيل ...

ريم :_ و شكوا اعرفه ريلي و انه ما ادري .

فقع من الضحك اهني جاسم بس اخ لو تعرفين من كلمتي الحين

لولوه :_ سكتي يالمعصقلة ويا ويهج فضحتينا جدام الرياال نجرتج تنسمع نسيتي اتلفوون .

ريم الي تحط يدها على ثمها :_ حمارة وحدة اشلون نسيت الريال ذلفي زين .

و قامت تاخذ اتلفون لطلال الي كان بالمطبخ مع امه ..

ريم :_ طلال تلفون لك .

طلال وهو ياخذ اتلفون تكلمه ريم :_ انا فجيت الخط تراه ينتظرك الريال .

طلال :_ عرفتي منوا .

ريم :_ لا ... مشت خطوتين و استوقفت لمن سمعت طلال لمن حمل اتلفون وهو يهلي بالمتصل ...

طلال :_ هلااااا بالمغبر هلا بجسووم قاطعنا .

و اشهقت ريم و حطت يدها على ثمها و راحت بقهرها و عصبيتها لصالة لولوه الي ما حسبت لعصبية ريم لو عرفت الي كلمته اهو جاسم و لولوه تدري بهشي و تعمدت تسويها فيها مقلب لتاكله بحلاته كله ...

.................................................. ...................................

بدت احلى الصراعات بين زوجين و حبيبين و كل من محمد و ام وليد يشهدونها باستغراب لاول مرة يلقون هلتواجد بين بدور و وليد بهلبروود و تحسووا لنظراتهم الي تحوي نوع من التحدي و التجااهل ...

ادخلت بدور المطبخ و لا اعارت لأهتمام وليد بأي شي و وليد بالزوودة تاجهل دخولها و راح قعد مكانه ..

ام وليد :_ يمه بدور قبل لا تستريحين هاتي كاسين .

بدور:_ ان شاء الله يمه .

سمع نبرتها الأنطواعية الي تحمل نبرت الطيبة و صوتها الي يخبله و تراقص قلبه بلهفة انه يلتف لها و يمسكها من يدها و لا يتعبها و اهو يلبي الي اطلبته امه لكن خلها تستاهل الي بييها مني و انت ياقلبي تصبر ما تتحمل يعني بعدها هلكثر كل ما تشوفها او تسمع صوتها لازم تنهز مالت عليك طالع على صاحبك تذوب بكلمة و نظرة او لمحة بصر بثواني ...

ابتسمت بانتصار بدور و كانها تحس لرغبت وليد بلهفته لها لمن تكلمت و اخذت كاسين و حطتهم على الطاولة و اقعدت على كرسيها المعروف على يمين وليد بتجااهل كبيير و المعرووف بدور اول ما تقعد تردد كلمتها لوليد بالعافية عليك وهو يردها لها الله يعافيج ويهنيج ...

لكن هلعبارتني اليوم ما سمعتها ام وليد و هذا اول شي بدأ يدخل الشك بقلب ام وليد ان اكوا شي بين وليد و بدور ...

بدوى الفطور و العيون تتحارق بالنظرات و التجاهل لتام و محمد الي استمتع بهلحرب الي عرف لها الباردة و اهو يتنهى بأكله ...

بعد ما انتهوا الفطور و ام وليد ما تكلمت بانها تتسأل على هشي الي حست فيه قالت اكيد شي بينهم وهم الأحق يحلون الي بينهم من مشاكل وليد ريال كبير و اعرف بكل شي و بحياته و بدور بنت عاجل و فاهمة ...

محمد الي حب يفضحهم لمن قامت امه و اهي تحمل الصحون لتاخذهم للمغسلة :_ ياعيني شكوا من الي انتصر الحين ما خبرتونا .

وليد الي حاس بمكانه و بدور مسكت ضحكتها على حركة محمد حست وليد انغسل اشراعه من الزين...

ام وليد :_ يمه محمد عيب عليك .

وليد :_ لا خليه اهو ناوي على لقافته يلقى حاله بالطريج مكسر .

محمد حس لعصبية وليد و بدور الي ارتعشت من نبرة وليد شكله معصب و زعلان ياربي رحت فيها ...

محمد :_ زين زين تغشمرنا يا اخي ما قلنا شي احنا .

وليد :_ هئ هئ وايد خفيف ...

وقف ببرود لتجاهل تواجد بدور :_ الحمدالله .

و مشى طالع من المطبخ .

محمد :_ زين اقول وليد .

وليد بعصبية و ما لف ويهه لا يلتقي ببدور و يرجع له قلبه بحالته الغير مستقرة من شوفة بدور كلش مب وقتها الحين :_ خير .

محمد :_ الخير بويهك ان شاء الله بس اتفقنا ان انت و مشعل و فراس تبقون بالمزرعة لتجهيزات .

محمد :_ ابشر ان شاء الله بس ازهب اكون بالمزرعة .

طلع وليد ببرود و صعد فوق لداره وهو يتوعد بهلحرب بانه يكون اهو المنتصر فيها و يعلم بدور اشلون تعيد حركات ياهلتها علي ...

بين حيرة تشعل القلب و ضمير يتأنب على كل الي يصير كان ابو وليد بمكتبه الي ببيته و باله بعييد و حاير و غرقان بالتفكيير .. اااه اليوم ردتك يا خوي و ما بقدر احمدك على السلامة بس والله لو كنتوا عارفين اشقد قلبي يتلوى على مصلحتكن عرفتوا ليش سويت كل هذا والله ما رايد يصير كل هذا لكن العوين الله .. قطع على حبل افكاره طقة ام وليد المعروفة ...

ابو وليد :_ حياج ام وليد .

ام وليد ببتسامة :_ الله يحييك .

ابو وليد :_ ها يا ام وليد تامريني بشي .

ام وليد :_ حنا اليوم غدانا بالمزرعة للعزيمة الي لناصر بردته بسلامة ما بتكون ويانا .

ابو وليد ينحط بموقف صعب عليه اشلون يكون موجود يعني رح يلتقي بولده و اخوه الي ذلهم و جرحهم ياااه شصعب هلموقف علي ....

.................................................. .........................................

دنيا بلا ايام مستقرة تقلب كل موازين نبنيها و تحطم كل اماني نرسمها ...

يا ترى شرح يكون موقف ابو وليد و هل رح يحظر العزيمة ؟

موقف أم مشعل بعد الي صار هل مروة بتصرفها هذا قدرة تحيي ضمير امها الي اندفن من لمن اشبعتها اختها بافكارها ان بنتها لازم تصير لولدها ؟

سارة و زياد شيحمل لهم القدر ؟ وشنو الي في بال زياد ليطلب رقم ولد عم سارة ؟

طلال و مروة هل مصيرهم بعد الي صار رح ينولد بالأمل بأنهم رح يكونون لبعض أم شنو ؟

و ما توقعاتكم للحرب الي بدأت بين وليد بدور شنو نهايتها ؟

جاسم و ريم و مصيرهم هل يشارف على الأرتباط و التقارب أم رح تظهر من يوقف كل هذا ؟

شنو موقف ابو وليد لمن يعرف بان ولده جاسم ناوي بزواجه من بنت عمه ؟

تساؤلات و افكار تجول بفكرنا

كل هذا رح نتعرف عليه مع متابعتنا للأحداث و لتعايشنا معاهم بكل ثانية و لحظة و موقف

ترقبوني بالجزء الثاني عشر بأحداث و مواقف لحيات من عشنا معهم و ترنمنا بمواقفهم

لا تبخلوووووون علي بتواجدكم

تحياتي

.. هدباء ..

[حبر وردي]

...أبدعتي ..

[LOVECITY]

ماشاء الله تبارك الله


رائعه



بورك بك


بكل تأكيد لي تحليل خاص


لهذا العدد


انتظري عودتي للرد


هنا فقط أحببت


ان اضع لكِ


مشاركة مميزة +التقييم



ولي عودة

[حبر وردي]

أبدعتي هدووووب ما شاء الله الجزء طويل لا باس فيه
أنا ناطرتك حبيبتي ..متحمسه أعرف شراح يصير بالثنائيات : طلال ومروه ، وزياد وساره ، وريم وجاسم ...
في إنتظارك غلاي ....
يعطيك ألف عافيه ...