وقت القهوة

[m!ss pepsi]

مسـائكـم \ صباحكـم بريحـة القهـوه
ياهـلا فيكـم وغـلا ..
والي طـل وهو صايـم ! يأجلهـا لحـد مايفطـر ..



\


/


\


When & How





قبل كم سنـه مو بعيـده .. كنـا نقدر القهـوه العربيـه بشكل مو طبيعي
ومع الايـام دخلت علينـا النسكافيـه .. وماكانت مرغوبـه .. وقليـل الي جربهـا
تطورت بعدهـا للكبتشينـو .. وبرضـو مااشتهـرت كثيـر ..


يوم بعـد يـوم .. دخـل النـت
وماكان يدخلـه الا قليـل .. واغلبهـم شبـاب .. والبنـات كان ممنـوع عنهـم
بحكـم انه شي جديـد وكالعـاده لازم يحاربونـه بالبدايـه
عيالنـا بسم الله عليهـم من النـوع الي يستعملـون الاجهـزه بالخيـر قبل الشـر
وكذا شهـر وبالكثيـر سنـه وبدا ينتشـر .. وفضلـوا الشبـاب يشتغلـون ع النت في الكوفي اكثـر من البيـت
وبانتشـاره كثرت الكوفيهـات .. وبدت تتنافـس !!





قاموا يتفنـون بالمشروب وكل كوفـي يحاول يقـدم اكثر انواع تجذب النـاس عن الكوفـي الثانـي
وخـلال السنـوات الاخيـره طلعت كوفيهـات راقيـه .. كوفيهـات الموكـا والمكياتـو والنرفانـا
الاثـاث فاخـر والديكـور راقـي .. وكثيـر منهـا سوت قاعـات خاصه للاجتماعات المغلقـه والساعـه بميـة ريـال
وبكثرة المنافسـة بينها .. تنوعـت أساليبها في صيد الزبايـن ..
ويجلس الشبـاب فيهـا بالساعـات ..
وموكـا جاي وكبتشينـو رايـح واسبريسـو في الطريـق ولاتيـه تحت الطلـب
وخلال ذا السنتيـن بالتحديـد .. بدت النـاس تعرف النسكافيـه بانواعهـا ..
وصـارت قهـوه رئيسيـه لكثيـر ومايستغنـون عنهـا


بدايـات تعرف النـاس عليهـا كانت على الكبتشينـو ..
وعرفـوه الناس بشكل سريـع
دخل بعـده على طول الموكـا .. وسوى ضجـه !!
المنتديـات وقتهـا كانت بس تعليق وضحك عند ذا الموكـا ..
ويسولفـون فيه وهم مايدرون اصلـه وشو !


والحيـن !!



صـاروا يتفنـون في الكوفـي .. ويعرفونـه نـوع نـوع ..
وادمنـوا عليـها مثل ماكانـوا مدمنيـن على قهوتنـا المزعفـره اول
ومثل ماللشوكولاته بانواعهـا عندنا قـدر .. صـار للكوفـي بانواعـه قدر اكبـر ..
ويعاملونـه باحترااام .. ومزاجهـم معـه دايم رااايـق ..


كثير شركـات تخصصت في ذا المجـال ..
لكن الشركـه الرئيسيـه والاسـاس الي بدا منه الكوفـي .. " .. نستلـه .. "
وفيه نـاس تفضل " كروجـر " وفيه الي يفضـل " نوتـريفـود "
وفيـه الي يموت في التخليـط في الكوفـي ..
اما بالشوكولاته او القرفـه او البنـدق او العسـل او او او او الـخ ..
وعلى فكـره الي يحبـه بالشوكولاتـه .. ترى احلى شي هينتـز ..




About Nescafe





تاريـخ النسكافيـه يرجـع لعـام 1930 ..
لمـا " Max Morgenthaler "
وفريـق عملـه بدوا يدورون طريقـه يسـوون فيهـا
القهـوه وشويـة مويـه وتضبـط !
وبعـد سبعه سنيـن قضاهـا في الابحـاث في المختبـرات السويسريـه .. وصـل للطريقـه !
وسـوى المنتـج والي سمّـاه ..:
" Nescafe "
وهو دمـج بيـن ..
" NESTLE " و " CAFE " ..


واول انطلاقـه للمنتـج كانت في " سويسـرا " ..
فـي 1 - ابريـل - 1938 ..
وصار من بعدهـا المشروب الاساسـي للقـوات المسلحـه الامريكيـه خلال الحرب العالميـه الثانيـه !!!؟
و شوفـوا متى وصـل لنـا !!؟


المهـم انتشـرت النسكافيـه .. وفي الخمسينـات صار مشروب اختيـاري للمراهقيـن ..
وصاروا يتجمعـون في الكـوفي هاوسـس يكيفـون ع القهـوه مع ميوزك للروك اند رول !
ركـزوا في الخمسينـات !
مالـت علينـا خخخخخخخ




Have you ever wondered where coffee originally came from





بالضبـط من ويـن مايـدرون !
لكن المعـروف انـه الكوفـي كانـو يشربونـه من سنـة 900 قبل الميـلاد
وترجـع للاسطـوره الي تقـول انـه راعي قطيـع اثيوبـي اسمـه " Kaldi " ..
كان مستغـرب من حـال قطيعـه اذا زاد نشاطـه وقام ينطط من حولـه بعد ماياكـل من نوع معيـن من الكـرز الاحمـر
جرب " Kaldi " ذي الثمـار واكل منهـا .. حس بنشاطـه ارتفـع وعطتـه طاقـه






والمعروف انـه المسلميـن من زمـان كانـو ينقعـون شـراب
من الثمـار المجففـه بعـد ما لقوهـا تعطيهـم طاقـه في ساعـات صلاتهـم الطويلـه
والي صـارت بعد كذا معروفـه باسـم " القهـوه " ..
وماجـاء القرن الخامس عشـر .. الا والقهـوه متعارفـه بشكل كبيـر بين المسلميـن في العالـم .. وصار مشروبهـم الشائـع
وبعد كـذا وصلت لاوروبـا وسووا الكوفيهـات في القـرن السادس عشـر ..
في لنـدن
والحيـن الكوفـي صارت اكثـر شيوعـا من قبـل ..
وحاليـا لو بنخمـن عـدد اكـواب الكوفي الي تُـشرب في اليـوم الواحـد !
بنلاقيهـا تقريبـا ثلاثـة الاف كـوب خـلال كل ثانيـه !!؟ تخيلـوا


all thanks to Kaldi the goatherd
!!


.
.



World of coffee drinking




تختلـف المناطـق في طريقـة شربهـا للكـوفي \ النسكافيـه ..


العـرب ..
يشربـون النسكافيـه سويـت .. يعني لازم يحلونهـا ..


الفرنسييـن ..
يشربونهـا ع الفطـور وفي زبديـه .. ويعطرونهـا لازم بالتشيكـوري والي هـو
(( جـذور نبتـة الهندبـاء جافـة ومحمصـه ويستخدمونهـا كبديـل للقهـوه ))


الهولندييـن ..
يحبـون قهوتهـم سترونـق .. ويقدمونهـا في ابريـقها ولازم معهـا سكـر وعلبـة الكريـم وكـاس مـاء




الايطالييـن .. سـووا من النسكافيـه " الاسبريسـو " ويحبـون يقدمونهـا بدون حليـب في اكـواب صغيروووونـه






الروسييـن .. ديرة اهـل الشـاي .. يشربـونهـا بـلاك مع السكـر ولازم شريحـة ليمـون


اهل الهنـد الجنوبيـه ..
يحبـون يشربونهـا مع كميـه كافيـه من الحليـب ..
لانهـا تهـدي فمهـم بعـد مايشـب نـار من وجباتهـم المبهـره بالفلفـل الحـااار





السـودانييـن ..
يضيفـون له قرنفـل وبعض البهـارات ويحبونهـا بـلاك ويقدمونهـا بالابريـق


الامريكييـن ..
يحبونهـا لايتلـي .. يعني تحميصتهـا خفيفـه ولازم عليهـا كميـه بسيطـه كريمـه


اما التركييـن ..
يحبـون بقايـا قهوتهـم علشـان يقرون فيهـا الكـف ويتكهنـون بمستقبلهـم ..
وطبعـا يسوونهـا مع مـاء وسكـر .. يغلونهـا بالابريـق .. وتطلـع سـوداء بقـوه وغليظـه





.
.



Coffee Syle




انـواع الكوفـي كثيـر .. وتختلـف من مقهـى لمقهـى .. لكن الاساسـي منهـا :


Espresso - Cappuccino - Mocha - Macchiato
Americano - Latte - Corretto - Romano
Ristretto - Con Panna - Granita de Caffe
Cafe au lait - Demi-creme - Cafecon Leche




.
.



الإسبريسـو \ Espresso





كلمـه ايطاليـه تعنـي " express " او " fast " ..
ويعتبـر الاسبريسـو الاسـاس لاي قهـوه مميـزة
وكل المدح الي في العالـم للاسبريسـو وانه الافضـل ..!
جـاي من الايطالييـن نفسهـم
وطُـورت اول إسبريسـو ماشيـن \ ماكينـة اسبريسـو في فرنسـا لكن كانـت دمدمـه ( يعنـي شغـل اي كـلام ) .. واشتغلـوا على ذا الماشيـن الايطالييـن
لحـد ماطوروهـا بشكلهـا الي نعرفـه اليـوم


سعـر كـوب الاسبريسـو في ايطاليـا تحـدده الحكومـه نفسهـا ..
ويقدمونهـا بالـ " demitasse " والي هـو نص الكـوب العـادي
ويحـوي واحـد ونص اوقيـه من القهـوة الغامقـه والغنيـه مع الكريمـه ع سطحهـا
يحبـون ذا النـوع من الكوفـي .. النـاس الي تقـدر القهـوه القويـه


-
-


الكابتشينـو \ Cappuccino





حليـب مبخـر مع اسبريسـو .. وقياسهـم متسـاوي


-
-



الماكياتـو \ Macchiato



اسبريسـو مع رذاذ او نقـط من الحليـب المبخـر


-
-



الامريكانـو \ Americano



إسبريسـو مضـاف له مـاء حـار


-
-


اللاتيـه \ Latte




إسبريسـو مع حليـب مبخـر وعلى سطحـه رغـوة حليـب
يفرقـه عن الكابتشينـو انه حليبـه اكثـر


-
-


الكوريتـو \ Corretto





وهـذا موب عندنـا ولا فيـه امل يجينـا .. لانـه عباره عن اسبريسـو مضـاف له الويسكـي
يشبـه الغرابـا اذا سمعتـوا فيـه .. شـراب ايطالي مسكـر معـروف



-
-



الرومـانـو \ Romano





اسبريسـو يقـدمونـه مع شريحـة ليمـون


-
-



الريستريتـو \ Ristretto




اسبريسـو بس مضاعف


-
-


الكـون بانـا \ Con Panna





اسبريسـو فوقـه كميـه من الكريمـه المخفوقـه


-
-


القرانيتـا دي كافيـه \ Granita de Caffe





إسبريسـو بـارده ومضـاف لهـا ثلـج مسحـوق


-
-


كافيـه او ليـت \ Cafe au lait





قهـوه فرنسيـه مع حليـب


-
-


ديمـي كريـم \ Demi-creme





نـص قهـوه مع نـص كريمـه او حليـب


-
-


كافيـه كون لاشيـه \ Cafe con Leche





قهـوه اسبانيـه او برتغاليـه غامقـه ومحمصـه مخلوطـه مع سكـر وتقـدم مع الحليـب الحـار


-
-


الموكـا \ Mocha



ثلثـه اسبريسـو والثلـث الثانـي هوت تشوكليـت والثلـث الباقـي حليـب مبخـر
هذا طلبي .
.




Coffee Plant





The noble coffee bean starts its life as a flower on the coffee plant


شجـرة القهـوه تشابـه شجـرة الغـار ( شجـرة دايمـا خضـراء ولها ثمـار سـوداء )
وتنتـج شجـرة القهـوة ثمـار مثل الكـرز لونهـا احمـر كل ستـه شهـور
وبوسـط ذي الثمـار حبـة القهـوه وتستخلـص اما بتجفيـف الثمـار او بانتـزاع اللـب
وتختلـف انـواع الحبـوب وتـدرج قيمتهـا ونوعيتهـا حسب الوانهـا واحجامهـا


To Make a Coffee


وهذي كـذا طريقـه ع السريـع ..:
اولهـم واسهلهـم



" .. كوفـي البيـت .. "


ملعقـه صغيـره نسكافيـه
ملعقـه كبيـره وربـع نسكافيـه
وكـوب حليـب


اغلـوا الحليـب ثم ضيفـوه للكـوب الي فيـه السكر والنسكافيـه وحركـوه
والي يبي يضيـف له شوكولاتـه بيطلـع احلـى .. بس اكتفـوا بربـع الملعقـه الصغيـره



" .. نسكافيـه .. "


ملعقتيـن كوفي ميـت
ملعقتيـن سكـر
ملعقـه نسكافيـه
وكـوب ماء مغلـي



" .. كوفـي الشوكولاتـه .. "


اربـع ملاعـق بن كـوفي
( تاخذونهـا من ستاربكـس او د. كيف او اي مقهـى وتختلـف نوعيتـه حسـب الاسبريسـو او القولـد او الكلاسيـك انت ومزاجـك
او شوفـوا من الي راح اعرضهـم بعد شـوي من منتجـات نستلـه .. رووعـه البـن عندهـم )
ملعقتيـن حليـب بـودرة
ملعقـه شوكولاتـه حلـوه
وماء مغلـي


" .. كوفـي القرفـه .. "


اربـع ملاعـق من البـن ايـاه
ملعقتيـن حليـب بـودره
نص ملعقـه قرفـه
نص ملعقـه توفـي
ومـاء مغلـي



" .. الموكـا المثلجـه .. "


كوبيـن ايس كريـم فانيـلا
كـوب ونص حليـب
4 ملاعق كبـار سكـر ناعـم
و4 ملاعـق كبـار نسكافيـه
وفي الخـلاط .. مع ثلـج مكسـر



باقي شغلـه ماعرفتهـا .. القهـوه القريبـه من الميلـك شيـك
وثقيـل قوامهـا .. ونسبـه الكريمـه فيها كثيـره وزي الطبقـات ماحصلتهـا في كوفيهاتنـا ! وين الاقيهـا ووش اسمهـا !!



.
.



Tips


Next time you make coffee, try these top tips, and enjoy the perfect cup of NESCAFE coffee



المويـه لاتتركونهـا تغلـي كثيـر في الغلايـه
- يفضـل تستخدمـون الميـاه المعدنيـه
- صبـوا المويـه من تغلي على طـول في الكـوب لاتتركونهـا تبرد لو شـوي
- بـن الكوفـي لاتحفظونهـا في المخـزن ..
احفظوهـا في الثلاجـه .. لانه في غيرهـا بتطيـر النكهـه




.
.



Did you know


- ثمـار شجـرة القهـوه ماتطلـع الا كل 6 شهـور ..
وحب الكوفـي يستخـرج من لب الثمـار نفسهـا


- كلمـة " coffee " جايـه من ..
الكلمـه العربيـه " قهـوه " .. وتعنـي " النشـاط & القـوة " ..


- في القـرن التاسـع عشـر انتشـر شرب الكوفـي
بشكـل كبيـر في بـلاد فـارس ..
وكـان واسـع الانتشـار في كافـة انحـاء بلاد المسلميـن في ..
القرن الخامـس عشـر


- بـدا الهولندييـن يزرعـون القهـوه في ..
جزيـرة " Java " .. ( الي الحيـن جـزء من اندونيسيـا )
في عـام 1696 ..


- وصلـت القهـوه لاوروبـا بوقـت مبكـر في القـرن السابـع عشـر ..
وكان محـط اهتمـام .. " لويـس الرابـع عشـر & بـوب كليمنـت الثالـث " ..


- اول مقهـى كوفـي افتتـح في انجلتـرا ..
كان في اوكسفـورد في عـام 1650 ..
وبعدهـا بسنـه افتتـح الثاني وراه في لنـدن ..
وماجـاء عام 1700 الا وعـدد الكوفيهـات في العاصمـه ..
تقريبـا 200 مقهـى ..


- في القـرن السابـع عشـر .. سـرق ضابـط فرنسـي اسمـه ..
" Gabriel Mathieu de Clieu " ..
قطعـه من شجـرة الكوفـي من مزرعـة الملك في ..
" Jardin des Plantes " في بـاريس ..
وخـذاها معـه لجزيرة الكاريبـي وزرعهـا هنـاك ..
وبعـد خمسيـن سنـه صار عدد شجتر القهـوه هنـاك 18 مليـون شجـره


- خـلال القـرن الثامن عشـر ..
اصبحـت البرازيـل المنتـج الاول للقهـوه في العالـم


- الاديـب الفرنسـي " Honoré de Balzac "
كـان مايحـرر كتاباتـه الا بعد مايشـرب فـوق
الـ (( 60 )) كـوب من الكوفـي خـلال اليـوم
.
.



Nutrition & Health





تحـوي القهـوه " الكافييـن "" .. وبشكـل معتـدل ..
علشـان بس يساعـد ع التركيـز وكمنبـه ..
ويساعـد برضـو على تحسيـن الأداء العقلـي والجسـدي للشخـص ..
ويشـوف معظـم اخصائييـن التغذيـه انـه
اربـع اكـواب قهـوه في اليـوم تعتبـر كميـه معتدلـه
لكـن الخبـراء يأكـدون انـه 500 الى 600 ملـغ من الكافييـن
في اليـوم الواحـد ( يعنـي 6 اكـواب قهـوه تقريبـا )
تقـي الشخـص من مشاكل الصحـه العامـه
وطبعـا هذا يختلف من شخـص لشخـص وحسب نـوع القهـوه الي يشربهـا

\


/


\

الأسئلة:

شو المقهى المفضل؟؟

شو تتتطلب؟

صورة لو تقدر

و ليش تحب هاي القهوة بتحديد؟؟


ملاحظة منقول من عضويتي من منتدى اخر

يلا تراني تعبت على الصور
Thanx for your Reading

المصدر: منتديات بنات دوت كوم

---

,rj hgri,m

الموضوع الأصلي : وقت القهوة || القسم : مواضيع منقوله || المصدر : منتديات بنات دوت كوم || كاتبة الموضوع : m!ss pepsi

[%ضحكة الدنيا%]

يسلموا حياتي ع الموضوع الروعه

ملاحضه: ستار بوكس يهوديواتمنى منك ومن كل الاعضا المقاطعه

[« ᾧ ϵ ṩ ō Ờ »]

مـَـَـَوضوع رـأإئـِـِع../~
لِا تحرمـِـِـِينـأإ مٍـٍـٍن هـَـَـَذِهـ"^^ الأإبداعاـت.*

نَـَـَقل موفقٍ..!