فن التعامل مع الاختبارات,,نصائح مهمة(اتمنى التثبيت)

[.:محـبة الجنـان:.]

سلالاموون عليكمون

شلونكمـ ؟

هذا موضوع مهم وعجبني قلت اطرحه على خواتي عسى ربي يوفقهن
وهـــــــــــو,,,,
\
/
\

موضوعي اليوم حده حلو انا حضرت دورة اسمها( فن التعامل مع الاختبارات (حلوهـ

للأستاذ(عبد العزيز بن طالع الشهراني ) عاد استفدت منها شياء واجد حلوهـ ومن أهمها
( اذا جاك سؤال ماعرفت تحله بالاختبار شنو تسوي)
عاد حبيت اقولكم بعض من اللي استفدته بالدوره عشان تستفيدون منه ..

اول شيء نبدأ بالكلمات القاتلة ذاتياً و( المدمرة ) اللي هي :

ـ لا أستطيع .
ـ مستحيل .
ـ صعب .
ـ مشكلة ..

استبدل كلمة [ صعب] بـ | سهل ، ماي | ..
استبدل كلمة [لا استطيع] بــ |أحاول| ..
أستبدل كلمة [ مشكلة] بــ |أحاول| ..
أستبدل كلمة [ مستحيل] بـ |ممكن| ..

المذاكرة الذاتيه :

ـ استعد للمادة اللي بذاكرها ..
ـ الإيحاءات الايجابية : [ حلو ،سهل ، ماي ، يجنن ، رهيب ]
ـ التصفح السريع <= التسخين [ الاستعداد ]
ـ قراءة سريعة لبعض المواضيع والعناوين ..
ـ أستخدام الخطوط والرموز والقصص والمواقف <= لربط المعلومات مثلاً مادة المكتبة بما انها كلها كتب وكذا وخصوصاً بثالث ثانوي مثلا كتب الرياضيات ارمز لها بـ [ O] وكتب الجغرافيا ارسم خريطة لها وكذا ..
ـ القراءة الشاملة لجميع الكتاب ..
ـ النقل إلى الهامش
الخريطة الذهنية*
شلون هذي الخريطة الذهنية ترتب معلوماتكـ كلها بـ خريطة زي كذا

تكتب الكلام وترسم له صوره عشان تتذكر بالاختبار ..

ارسم هالخريطة بالصورة اللي تحب .

أعداء التعلم:
التكبر 2ـ الخجل 3- الخوف 4- التسرع 5- التوقع ..

الاستاذ قالنا رسموا طبعاً كل واحد يرسم من خياله
اول شيء كتبت الاعداء اللي قالها بعدين رسمت صورة ترمز على الكلام عشان ماانساه
الكبر رسمت واحد راسه وش كبرهـ
بعدين الخجل واحد يابعد قلبي ميت من الخجل
بعدين التسرع قلت مدام سرعه خليني احط سياره
والتوقع علامات استفهام وتعجب ..
والخوف واحد ميت من الخوف ..
طبعاً ماعليكم من رسمي ادري ماشاء الله عليّ ممتازه

كيف نرسخ المعلومه في الذهن :

ـ التكرار ..
ـ الكتابة
ـ القراءة ..
ـ السماع ..
ـ التطبيق ..

ـ إذا خلصت الدرس لاتروح عنه قبل ماتراجعة والفصل بعد لا تنتقل للفصل الثاني الا لما تراجعه
ـ تنام الساعه [ 9 ] وتقوم الساعة [ 1ونص ] الثلث الاخير من الليل تحفظ فيه اكثر
ـ تنام قبل الأختبار بساعة لاتروح مواصل ..
ـ تنام بعد الأختبار ساعة فقط او 40 دقيقة
ـ اشرب شاي مركز أو عصير
ـ تذاكر فترة العصر .، تبدأ بالصعب طبعاً ..
ـ بين المغرب والعشاء لاتذاكر بس راجع اذا تبي حل الاشياء اللي يبيلها حل بس لاتذاكر ..
ـ بعد العشا تذاكر ساعة او ساعتين بعدين نام

الاستمتاع بالمذاكرة :

المكان المثالي للمذاكرة :

1ـ هادئ , 2ـ صامت , 3ـ متوسط الحجم , 4ـ مرغوب , 5ـ دائم ..

أو

[ يحتوي على طاولة وكرسي ومستلزمات المذاكرة ]

ـ لاتذاكر بغرفتكـ ..!!
ـ الغرفة اللي لونها احمر ماتنفع للمذاكرة لأنها تخلي الدم كله بالراس ..
ـ لأزم تذاكر في غرفة دائمة مش كل شوي تنقل مكان ..
ـ أفضل لون للغرفة عشان يساعدك على المذاكرة

معوقات المذاكرة :

ـ ازعاج الأهل
ـ الأصدقاء ..<= قفل جوالك ايام الاختبارات عشان يرتاح قلبك
ـ الترفيه ..
ـ الاندماج في أوقات الراحة <== يعني مثلاً وقت الراحة تجي تقعد على النت وتنسى عمرك وماتتذكر عمرك الا بعد اربع ساعات ماينفع ذا الكلام
ـ التفكير السلبي ..<== يعني تقول وه الله يعيني المادة اليوم صعبة موت وتعاريفها كثيرة ولا بعد المعادلات صعبة عط عمرك إيحاءات إيجابية .
ـ عدم برمجة الوقت <= يعني ماعندك وقت ثابت تذاكر فيه ووقت للراحة ..
ـ الجوع والظمأ <= يعني اذا كنت جايع وقف مذاكرتك وروح ابلع
ولا تصيرون نفسي انا اجيب كاس الماي قدامي وبموت من العطش اقول مراح اشربه الا لما اخلص الجزئية اللي محددتلي اياها بس اشوف الماي اموت ابى اشربه بس معاقبه عمري اكتشفت انه هالشيء خطأ
ـ الحاجة للنوم <= اتوقع كلنا يبينا نوم منوم ..
ـ الجلوس الخاطئ <= الجلوس الصح هو انه تسند ظهرك على الكرسي وتقرب لك الطاوله اما انك تكندس [ماينفع]

كيف تحافظ على التركيز أثناء المذاكرة:

ـ روح مكان ترتاح فيه ..
ـ افتح اللمبات كلها وخصوصاً اللمبات البيضاء ولا تفتحون الصفراء لأنها ماهيب زينه لأنها تصيب بالتوتر ـ حط لك قوانين في البيت وخارجه
ـ أخذ ما تحتاجة من الراحة ..

/كيف تقاوم الإرهاق والملل :

ـ اشرب عصير ليمون ، برتقال ، شاي اخضر
ـ غير جدول المذاكرة ..<= يعني اذا بديت الكتاب من اول ابداه من الاخير وكذا ..
ـ أمشي وانت تذاكر ..
ـ تذاكر مع أهلك ..
ـ اذا تعبت من المذاكرة أبدأ من اخر الكتاب ..
ـ أثبت للمعلومة انك تذاكر من اخر الكتاب ..
ـ كون إيجابي ..

/ شلون تعرف وشو بيجيك بالاختبار :

التكرار <= اذا شفت الاستاذ كرر الاسؤال اعرف انه مية بالمية بالاختبار مستحيل يكرر السؤال مايجيبه ..
لغة جسد المعلم <= إذا كان متحمس الاستاذ وكذا يعني السؤال مهم إما اذا قال الكلام وشو قاعد على الكرسي مثلاً يعني السؤال ماهوب مهم ..
إذا طلبك منك الكتابة <= يعني قالك اكتب ذا الكلام تراه مهم يعني تراه بالاختبار مية بالمية ..
تعليقات المعلم على الاختبارات السابقة <= اذا قال ياطلاب يا طالبات ترى ذا السؤال جبته السنة الماضية يعني اكيد ذي السنه بيجي وله ليه قال ..
ابحث في الامتحانات الشهرية والنهائية والقصيرة <= يعني الاختبارات اللي يسويها لكم ذاكروها واحفظواها زي اسمكم لانه اكيد بجيب منها اسأله وخصوصاً اذا كانت الاسئلة حلوهـ وسهله .

- إسأل عن المعلم كيف طريقة شرحة وشلون يحط الاسئلة وكذا ..

/ المواجهة مع الأمتحان :

ـ قلق الأمتحان <= لاتقلق مره ترى القلق ياخذ نصف جهدك ..

/ كيف تعرف هذا الشخص يحاتي او قلق :

عرق في قبضة اليد..
ـ احساس بعدم امتلاك إي معلومات عن المادة ..

أفضل طريقة للتخلص من القلق :

ـ نظم اوقات الراحة في المذاكرة ..
ـ نظم اوقات النوم ..
ـ احذر من التغير المفاجئ لحياتكـ ..<= مثلاً النقل من بيت لبيت او من غرفة لغرفه او تغيير السيارة ..
الحذر من الاتصالات المحبطة
<= يعني يكلمك صديقك يقولك المادة صعبببببببببببببببببه مرررررره ماعرفت كيف اذاكرها هذا ماعليك منه ولا ترد عليه احسن
ـ قلّل من اهمية الأمتحان <=يعني لا تخاف وهون على نفسك
ـ تتدرب على الاسترخاء <= رخي عضلاتك بالاختبار كل [5] دقائق عشان تتذكر المعلومة ..
، الإيحاء الإجابي ..<= أفضل الإيحاءات الإيجابية هو ذكر الله كـ قول [ لا إله إلا أنت سبحانك إني كنت من الظالمين ..]

/ استراتيجية الأمتحان :

وانت رايح للإختبار سوّ هذي الاشياء :

ـ تخيل انك بالبيت ..

ـ روح لإختبار وانت مرتوي من الماء <= الماء ممتاز جداً يحرك المخ ..
ـ اذهب إلى دورة المياة

/ الفطور :

ـ حليب فيه عسل و بيض ..
او بس حليب فيه عسل
ـ شوكولاته أو تمر ..

/ إذا وصلت المدرسه :

إذا وصلت المدرسة قبل الإختبار بنص ساعة أو ساعة لا تذاكر شيء واذا ماخلصت مذاكرة ذاكر ..
- كلم نفسك إذا جيت تدخل الإختبار أنسى وعط عمرك إيحاءات إيجابية وأبتسم وأذكر الله عشان تذكر الأمتحان وأنت مش قلقان ..
- إذا دخلت الإمتحان لا تقول [ الله يستر ، يماخايفـ/هـ ]لا تعطي عمرك إيحاءات سلبية ..
- قبل أن تبدأ الإختبار قول الدعاء وآية الكرسي ..
الدعاء [ اللهم لا سهل إلا ماجعلته سهلا أنت تجعل الحزن إذا شئت سهلاً ..]
[ لا إله إلا أنت سبحانك إني كنت من الظالمين ..]
- أفتح الورقة .. - اكتب أسمك بهدوء .. - سمي بالله ..
- أقرأ الأسئلة قراءة شاملة إذا كنت مرتاح .. أما اذا كنت ماأنت مرتاح لاتقرأها ..
- جاوب الأسهل بعدين الأصعب ..
- أكتب في الهامش كل اللي تتذكره ..
- نفسياً تخيل انك لحالك ..
- لا تسأل المعلمـ/هـ عن الإجابة أسئلهـ/ـا عن توضيح هذا السؤال ..
- لا تنتقل عن الفقرة حتى تراجع هالفقره ..
- لما ماتعرف حل هذي الفقرة حط علامة عندها مثلاً [ * ] عشان لما تجي تراجع تنتبه انك ماحليته وتحله
- اذا توترت استرخي ..
- راجع بصورة دقيقة ثم سريعة <= تراجع بسرعة يعني يمكن في سؤال ماحليته وتحله اما دقيقة يعني تقرأ الاجوبة وتشوف صح ولالا ..
- كل نصف ساعة ريح ربع دقيقة ..

/ إذا المعلومة ماطلعت :

* اذكر الله / واستعن بالله ..
* تخيل أنك فاتح الكتاب واوصل عند هالمعلومة وحلها واذا ماتذكرت شيء طنش ياخي واسترخي بعدين روح للفقرة الثانية واحلها بعدين ارجع حق هذي الفقرة وان شاء الله تتذكرها ..

/ وشو اسوي إذا جاني سؤال صعب :

- عط عقلك الباطن فرصة عشان يفكر ..
- وخر التوتر ..
بعدين انزل على السؤال الثاني حله وانت تحله بتجيك الاجابة حقت السؤال اللي فوق ..!!

- أكتب واشرح كل شيء في بالك .. حتى ولو توقعت الاجابة خطأ أكتبه بالهامش الزبدة لاتخلي الورقة فاضية ملها تملي ..

/ وشو تسوي بعد الاختبار :

- لا تقرأ كتاب نفس المادة
- فكر في الإجابات الصحيحة اللي كتبتها واستانس انه بوه شيء صح احسن من غيرك ..
- إخرج من الحالة النفسية بأي طريقة تراها صحيحة ..
- لاتقابل إي طالب سلبي .. ام ممتاز شايف عمره لما تقوله غلطت بالشيء الفلاني يتطنز عليك <= ياكرهيلهم

- الوقت بين الفترتين :

- خذ فترة استرخاء ..
- راجع الملاحظات لوحدك <== الخريطة اللي انت سويتها حق عمرك ..
- جاوب على اسئلتلك اللي انت حطيتها ..
- لاتهتم اذا ماتذكرت المعلومة ..

/ [ إذا ضاقت بك الدورب ولا تعرف المعلومة ولاشيء نسيتها ..

إبدأ من هون :

-الأسئلة الأختيارية :

إذا تشابهت اجابتين عليك لا تختار ولا وحده منهم اختار الثاني..<= لاتسوي فيها فاهم وتكون تعرف الاجابة تحط اجابة ثانية هذي بس اذا ماكنت تعرف..
اذا شفت اجابة واضحة على السؤال الصعب تراها غالباً ماتكون خطأ ولكن الإجابة اللي تشوفها قريبة منها غالباً ماتكون صحيحة ..
إذا تقاربت كميتان اختر احدهما ..<= يعني اذا صار شيين نفس الشيء بالضبط وتعرف انه صح اختاره ..

- الأسئلة المقارنة : التوصيل

إذا ماعرفت أسأل احساسك ..
الكلمة الطويلة تناسبها القصيرة ..
ركز في أن تكون الإجابة أو سبب النتيجة يناسبون لبعض ..
دايماً في التوصيل [ الأولى يناسبها الوسط ] و [ الثالثة الأخيرة

- الأسئلة الصح والخطأ :

أكتشف طريقة معلمك ..
الجملة الطويلة دايم [ × ]
العبارة التعميمية دايم [ ×] العبارات هم [ كل ـ دائماً ـ ليست ـ أبداً ]
أسأل احساسك اذا احساسك قالك [ ×] حط [ صح ] يعني عكس احساسك ..

- الأسئلة المقالية :

حدد المهم في السؤال ثم ركز على اجابتك ..
إبدأ بالإجابة الصحيحة واطل الشرح فيها ..
ارجع لشرح الإجابة السابقة ..

/ التخلص من رهبة الأختبارات :

إذا تخلصنا من الصورة السيئة بالاختبارات نتخلص من الرهبة ..

- بالرياضيات المسأله المحلوله بالكتاب غير الأرقام [ 3]مرات حلها انت من عقلك وشوف تعرف تحلها ولالا

- إذا راحت عليكـ نومه مثلاً وما ذاكرت شيء أفتح الكتاب وركز على الأشياء اللي انت حافظها بس وتعرف انها مهمه بس ..

/ أساليب الحفظ :

بالانقلش :

طبق الكلمات حقت الانقليزي عشان تحفظها ..

ملاحظات مهمة جداً :

ـ إذا بغيتـوا تحفظون اي شيء مثلاَ وماهوب راضي ينحفظ ارسموا صورأو أشكال تساعدكم بالحفظ

ـ،اذا بغيتوا تحفظون أدب مثلاُ او نصوص اللي هو ومش قادرين لحنوا القصيدة وإن شاء الله تحفظون تعرفون ليش الناس يحفظون الأغاني أو الأناشيد لأنها [ملحنة]عشان كذا انت لحن القصيدة وبتحفظها حتى بعض الاحيان الناس يحفظون لحن الأنشودة أو الاغنية ومايحفظون كلماتها هذا دليل انه اللحن يخليك تحفظ الشيء ..

ـ في قاعة الأختبار اذا جيت تبي تتذكر المعلومة لاتطالع الأرض لأنك اذا طالعت الأرض تفكر [بــ عواطفك ] طالع في الوسط ..

ـ إذا انقهرت وضاق خلقك من المادة وشوي وبتصيح اذا مسكتها ومش قادر تذاكرها غير شكل الكتاب مثلاً يعني صور اي شيء تحبه وغلفة بالكتاب كله

إذا جيت تذاكر لا تخطط كل الكلمات خطط بس الاشياء المهمة عشان بالاختبار تتذكرشيء المهم لانك حاط عليه خط ..

ـ لاتذاكرون جماعي تراه ماهوب زين يعني يمكن انه زين للطالب [ الكسول ] انه ياخذ معلومات من الزملاء بس الطالب[ الممتاز ] ماتنفعله بالعكس تحبطه لانه يمكن يذاكرون ربعك شيء انت فاهمه وعارفه يجون يخربون معلوماتك ..!!

ساعة مذاكرة وعشر دقايق راحة ..

لما تبغى تكتب ملخص او اي شيء عشان تحفظة اكتبة بورقة بيضاء غير مسطرة عشان التسطير يشوش المخ

ـ كل 20 دقيقة تذاكر ارتاح ربع دقيقة ..

ـ إذا جيت تحل في الإختبار لا ترص على القلم لأنه اذا رصيت ياخذ جزء من الوعي ..

ـ لما يجي وقت الراحة بعد المذاكرة مش تروح تقرأ مسجات وتسوي عمرك هولاكو لأنه اي شيء فيه عواطف يضيع المعلومة ..

ـ لما نجي نذاكر تركز أن نتعلم مش نحفظ عشان الاختبار بس ..

- لاتتسرع في المذاكرة ولا تتسرع بالاختبار ..

Eلغة وليس مادة ..

التطبيق <= كل شيء تاخذه طبقة اشرح الشيء اللي اخذته حق اي احد لو انه اخوك الصغير يقول الاستاذ حتى لو تروح على الدرج وتمثل مع الهوى عادي المهم انه تثبت المعلومة بمخك ..

ـ لا تذاكر بعد الأكل على طول ..

اذا اخذت غفوه في مكانك وانت تذاكر تراه شين زين ..
لا تذاكر على سريرك ..

المصدر: منتديات بنات دوت كوم

---

tk hgjuhlg lu hghojfhvhj<

الموضوع الأصلي : فن التعامل مع الاختبارات,,نصائح مهمة(اتمنى التثبيت) || القسم : مواضيع منقوله || المصدر : منتديات بنات دوت كوم || كاتبة الموضوع : .:محـبة الجنـان:.

[الجوري وبس]

أشگرگ يآ أمـ الـأفگار ع ـآلموضـوعـ الـرووع ويشرفنيـ أگونـ أولـ آلردود
وذگرتيـ فيـ موضوع ـگ طرقـ مفييدهـ وبع ـضہآ أولـ مررهـ أسمع ـہآ
مثلـاًـ انـ مآ نذآگر فيـ ورقـ مسطر لـأنـہ يشوشـ الذهنـ *ولـآژمـ تگونـ*
الـأضواء ع ـاليـہ وأح ـلى طريقـہ انـہ نلح ـنـ القصيدهـ ع ـلشآنـ نح ـفظہآ :هيهي:
وپع ـد أهمـ شيـ أنـہ مثلـ مآ ذگرتيـ پع ـد الـإمتح ـآنـ مآ نرآچعـ
المآدهـ نفسہآ ع ـلشآنـ مآ نتندمـ إذآ مآ ح ـلينآ صحـ
وآسمح ـيليـ ع ـالـإطالـہ ويع ـطيگِ الع ـآفيـہ يآا فنتگ * *

[.:محـبة الجنـان:.]

والله الشرف لي يالغلا,,
وصدقتي والله حتى انا يوم قيرتها استفدت وعرفت اشياء ما كنت اعرفها بالاول
عشان كذا قلت احطلكم اياه,,,
اي والله ياكثر ما راجعنا الماده بعد الامتحان وتحطمنا,,بس الحين لا للمراجعه بعد الامتحان,,
والعفو قلبوو نورتي الصفحه,,

[bahbah]

شكرا على الموضوع يسلمو اديك وعنجد هالموضوع مهم وكل الي بيعمل بهذا الموضوع الا مايتوفق دايما في امتحاناتوا شكرا عمري

[.:محـبة الجنـان:.]

العفو يا قلبي,,
اسعدنــي ردك,,

[قلب الوردة]

مشكوووووـــورة إنشاالله يكون في موازين حسناتك.
...شكرا على الموضووع الأكثر من رائع.....
جزاك الله كل خير...


تحياتي لكم جميعا

[القصــ عنود ــيد]

مشكوره ياااعسل يعطيك ربي الهناء
والسعاااده يسلمووو
معللوووماات قيمه بستفيد منها تدرين جت في وقتها لانو انا بثاااالث
ثاااانوي

تقبلي ودي

[G н ά d є є я]

-- { شكراً لك محبّة الجنان ~

بجَ’ ـد نصـآئِح حلوه ومفيده واللهي ’

.

.

تسسلمين على النقل

[.:محـبة الجنـان:.]

اسعــدنــي مروركم غالياتــي,,
وعســى ان شاءالله اكون افدتكــمــ,,
ههه حتى أنــا اخر سنه جعل ربي يوفقنا والمسلمــين,,