][||ioi||][العـــذوب" أول قصة من تأليفي"][||ioi||][

**رمش الهدى** · #1 28-05-2006, 03:25 PM

░░▒▓██ العـــــــــــــــــــــــــذوب ░░▒▓██

قصة العذوب نعنبر أول قصة من تأليفي و أتمنى أشوف التشجيع و الدعم منكم

اليوم أمسك القلم لأكتب قصة لم يعرفها الزمانا على متن سفينة
عرف العشاااق موقعها فهيا ابحروا معي في عاالم العشاق الذي
تغمض عين كل فتاة و تحلم بفاارس أحلامها ....... ( شو راايكم في التعبيير)

الجزء الأول

العذوب: يلا يلا مريووووم اتأخرنا .
مريم: انزين يالعذوووب و الله عذبتينا صدق لا سموج العذووب
العذوب بنت في 18 آآخر سنة لها بالمدرسة و مريووم ربيعتها روح بروح من صغرهم متربييين
مع بعض و هم من الإمارات عايشين في لؤلؤة الخليج (دبي)
ما منسيير بعيد خلونا انشووف وين يبون يسيرون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مريم : يلا و الله تأخرنا ..
العذوب: بعدها السااعة أربع و نص العصر تونا امصليين العصر ليش مستعيلة شو ورااايج باشر
الخميس إجازة يلا عااد بسج حنى خلاص خلصت ..
العذوب: أمي أنا طالعة بسير الإمارات مول تامرين بشيء يأم سيف ؟؟
أم سيف : سلامتج يالغالية بس لا اطولين و تصلي فيني لما توصلني .
العذوب إن شاء الله مريوم يلا مشينا .
و ركبت مريم و العذوب بذيج السيارة و قالوا حق الدريول يوديهم المول و مريوم قاعدة اتنكت
على العذوب على الجلوس إلي حاطته كانت عذوب توها شاريته من باريس غاليري b:
كرستن ديور لونه ياي على بطيخي بس حلو طاالع يجنن على القمر و يه الجلوس إلي مايل
على الحمرة يااااي و حاطة آي شدوا على الخفيف و تارسة عيونها بالشحال كانت طاالعة
ككول إهي ما اتحب تتمكيج بس على الخفيف مثل ما اتقولون لمسات البنات (هههههههه)
المهم وصلت العذوب مع مريم بالإكس فايف على المول و قالوا حق الدريول ياخذهم الساعة
تسع و نصف و ساروا البنات تسوقوا و اشتروا إلي يبونه لكن مريووم تذكرت إنها امفصلة عباية
في دار الإختيار الأول (عبيهم و لا أروع) سارت خذتها و عجبتها وااديد بعدين بعد ما خلصوا كانوا
يتمشون رايحين ياخذون عشاء من ماكدونالز طلبت مريوم بج ماك و فرنش فرايس سوبر و العذوب
اخذتلها نفس الشيء بس إسبايسي بعد ما طلبوا ساروا يدورولهم على طاولة لقوا طاولة فاضية
تصلح لأربع أشخاص المهم عجبهم المكان و قعدوا فيه الطاولة إلي حذاها كانت فااضية و بما أن
يوم الخميس يعني الإزدحام . فكان في وثلاثة شباب يدورون على طاولة فاضية يتعشون فيها
ماكان في إلا الطاولة إلي حذا طاولة العذوب و مريم قعدوا الثلاث شباب حذا طاولتهم طبيعي الوضع
بيكون البنات و لا كأن شايفينهم لأنهم ما يحبون سوالف المغازلة :q
واحد من الشباب إلي كان قاعد التفت إلي طاولة البنات بس كانت مريم إهي إلي طالعة جدامهم
أوضح لأنها امجابلتهم مرة و العذوب معطتهم ظهرها شال الشاب الكاشخ الوسيم عينه من
طاولتهم بس لاحظ إن وجبة العذوب هي نفسها وجبته عجبته الحركة أكثرلما شاف نفس المبيال
إلي عنده عندها أهو بس كان يتريه يشوفها .
محمود: محمد شيل عينك من الطاولة هذي قاعد شنك رادار اتراقب كل حركة .
خليفة: صدقت يا محمود شيل عينك انت مب في أمريكا إنت بالإمارات.
محمد: أموت و أعرف شكل البنت هذي إحساسي يقول إنها ملااااااك بس لو تصد إشوي
محمود :و الله إنك سخيف.
محمد : روح زين أنا ألحين بتحرك أوني ساير آخذلي بارد من المطعم
خليفة : يلا زين عن السخاافة كل هذا بس عسب تبغي اتشوف البنت و الله إنك سخيف اقعد
امكانك احسلك.
خلونا نتكلم عن الثلاثة محمد و محمود و خليفة هذيلا الثلاثة ثلاثيين مرحين و كل واحد أوسم
من الثاني بس محمد كان منافسهم في الجمال طول و وسامة و عينين مرسومتين مع الحواجب
و الخشم طويل و حلو و أنيق و كشيخ و إلي تبونه في صفات الرجولة كلها و الأحى إنه دارس في
أمريكا يعني خريج أمريكا أهو مال شاف دبي من 11 سنة من يوم ما عمره كان 12 سنة ودوه
أمريكا يدرس أوامر أبوه خلفان و ما طب الإمارات إلا من شهرين كأنه ضيف علينا بعده , و محمود
إنسان ملتزم و خلوق و رائع اتعرف عليه في المطار و أهو ياي من أمريكا بس محمود كان رايح علاج
و الحمدلله تعالج و رجع بسلامة و بالنسبة لخليفة ربيعه روح بروح إلي مستحيل يفارقه أبد اتقولون
توم في كل شيء بس يختلفون في الأذواق. و أعمارهم محمد 23 و محمود 22و خليفة 23. نرجع
لوين ما وصلنا صوت المبايل يرن و يا سلام نفس الرنة ماشاء الله محمد قال اكتملت ردة العذوب
على التلفون و قالت : هلا حبيبي خالد اشحالك و شو امسوي وينك فيه ؟............إلخ
و محمد صدق واصل حده قال لا تقولون طارة عصفورتي منوا هذا خالد إلي اتموت عليه و لا أتقله
هلا حبيبي و الله خوش.
محمود يرد عليه: إنت ليما ألأحين ما شفت ويها و شذي اتقول و تعال إلي يسمعك اتقول شنها
خطيبتك
و من الجهة الثانية العذوب: أوكي حبيبي راح أشتريلك اللعبة حقك و حق أحمد يلا بااي .
محمد سمع الرمسة هذاي و ارتاح قال : يمكن أخوها و لا ولد أخوها إلي هو المهم طلع ياهل و الله ارتحت .
و خليفة يقوله : إي إنته اشبلاك اليوم متغير علينا ؟؟ طاايح في مغاازلة غير شكل و مع نفسك بعد
لاااا اللهم زد و بارك قوم تحركنا قبل ما انروح فيها شكلك اليوم ما بتخلينا في حالنا .
محمد : ألحين انتوا شو حارنكم ماني متحررررك من مكانييييييييييييييييييييي بعد ما شاف الأخ
الأنسانت قاموا قام اهو و قال مشينا .مشت العذوب و مريم و اهم مو دارين لأنهم ما يهتمون و لا
يحاسبون من يروح وراهم مشو ليما دخلوا محل ألعاب البليستيشن و هذي الخراابيط راحت تسأل
عن اللعبة إلي طلبها أخوها خالد و لقته و أشترته اهني محمد كان حذاها عند ا
لكاشير سبحان الله نفس اللعبة خذت العذوب الكيس من الحرمة بس الكيسة طاحت
على الأرض محمد استغل
هذي الفرصة و قام و رايح شايل الكيس بس حركت العذوب كانت أسرع إهنيء محمد شافها لأول
مرة و قال في قلبه : آآآآآآآآآآآآآآآآآآآخ و لا جمال عبلة يا قلبي أنا قلت إحساسي ما يجذبني .
العذوب قالت حق محمد بصوتها الناعم شكرا على المساعدة
محمد وااي ضاع المسكين و قال: العفو ماصار إلى الخير .
مشت العذوب و هي معجبة بجمال محمد بس ما بينته عسب ما يلاحقها و تتمشكل معاه محمد
إلي وقف سرحاان ليما محمود يقرصه على كتفه و قال: آآخ يالكلب مو وقته يلا يلا مشينا قبل ما
يختفون.
العذوب ومريم كانوا امخلصين الشوبينج و ينتظرون الدريول اتصلوا فيه و كاهوا و صل و ماشاء الله
على حمووووود واقف مراقب يقول يا سلام ورااهم و قعد يحلقهم بدس و محمود غيض و قال إنه
بيسير السينما و خليفة مستانس بسالفة عجبته أصلا روحه كان منعجب في مريم قعدوا يلاحقون
السيارة ليما ضاعت عنهم بسبب توقف الإشارة الحمراء محمد صدق غيض و قال و ين بلقااهم
ألحين مستحييييل و في الجهة الثانية
العذوب: و الله تفشلت لما قام أونه بيشيل الكيس
مريوم : هههههههههههههههههههههههههههههههههه و الله حلوة منج يالعذوب مسكين حب
يساعدج بس ما يدري إن ليلى طارت عنه و قيس يصييح قاعد يدور عليها
العذوب غيضت: قالت أي قيص و أي خرابيط الله يهدييج و الله حرام عليييييييييييج شو سوييت فيج
شو هل كلام الماصخ
وصلت العذوب بيتهم و مريم بعد بيتهم كان جريب في نفس الشارع تقدرون اتقولون جيران.
العذوب : السلام عليكم
بو سيف : و عليكم السلام يظهر إنج ما خليتي شيء في السوق إلى شتريتيه و انا المسكين
ما فكرتي تشتريلي شيء
العذوب : لا والله حشى عليه ما يهون عليه يباه ما اشتريلك هاك هذا أحلى و أغلى عطر في
المحل شو تبا أكثر من شذي يا سيد جاسم .
بو سيف : ما أبي غير هذي الإبتسامة الله لا يحرمني منها .
العذوب: آآآي يالهيس قم من عندي .
أم سيف: بلاج على الولد خليه في حااله مستانس فيج
أمي مو يعظني .
أم سيف : إلا هو ياهل بو سنة تعاال حبيبي تعال عند ماما بدلعك رايح عند اختك اشتبا فيها .
ما اشترتلك شيء .
العذوب كانت ناسيه أخوها عبود مرة ما خذتله شيء . بس مو مشكله المرة الثانية .
العذوب : يلا أنا بسير داري ببدل و بنام تامروني بشيء .
بو سيف مايامر عليج عدو يا بنيتي .
سارت العذوب و نامت في أحلام وردية بعد ما خذتلها شاور ينسيها الموقف إلي صار و محمد .
و محمد من جهة : آآآآآآآخ يا خليفة والله حلوة حلللللللللللللللللللوة تدري شو يعني حلوة هذي
شذي وين بلقاها . قلبي و روحي فيها .
خليفة:بس بس بس هون عليك انته بس شفتها عيل إذا قاعد معاها شو بتسوي . ؟؟؟؟؟؟؟؟.
محمد: و الله ما أدري و لا أبويه يبغاني أتزوج بنت عمي ياخي ما أبيه لا شفتها و لا شافتني فوق
هذا كله ما أبييييها صغيره بعدها تدرس آخر سنة لها في المدرسة و الله حلوة .
خليفة : انزين انت شوفها و بعدين احكم !؟.
محمد اشلون نبغيني أشوفها و أقعد معاها لا أبويه مالي خلق حق اليهال انزييين تكفى خليفة
خلني بروحي.
خليفة طلع و سار بيتهم و اهو كلش مو عاجبه محمد يقول من هذي البنت إلي من نظرة خلت
محمد إنسان ثااني من بس محمد عاقل و ااعي إلا هي كمن يومن و ينساها و لا يلقى غيرهااا
بعد .
الصبح أصبح و محمد ما نامت عيونه يدري إن اليوم أبوه رايح يخطبله بنت عمه و اهو مب راضي
بهذا الشيء راح قام و صلى الصبح و نزل يشوف الريوق شاف ابوه بو سعود قاعد و يه الوالدة
استغل الفرصة و سارلهم محمد: السلام عليكم (يحب راس أبوه)
بو سعود : و عليك السلام و الرحمة حياك .
أم سعود تعال يمه تريق وشوف شو يعجبك
محمد: تبوني أتريق و أنا أقلكم ما أبيها !!!.
بو سعود غيض: عكيفك ما تبيها بتاخذها يعني بتاخذها ماهب على كيفك و ين بتلقى أحلى
من زينا جمال و نسب و أخلااق قولي شيء ام سعود و لا و ااقفة وياه في صفه تسنديينه .
أم سعود ما كانت تبغي اتزوج ولدها أهو مب راضي عن البنت إلي بتاخذه بس إهي مب حابة
تكسر كلام ريلها : صح يمي ليش ما تباها؟ حاط عينك على وحدة ثاانية و تبيها ؟؟
محمد : هيه يمه حاط عيني على وحدة انزين و أبغيها هي ما غيرها و ما أبغي هذي إلي اسمها
العذوب شفتها و أنا عمري 11 سنة ما أدري10 سنوات ما أبيييييييييييييهااااااااااااااااااااااا .
بو سعود : يظهر الدلع الزاايد و اااااايد أمأثر فيك لكن عناد يا محمد بتاخذها و الخطوبة اليوم فااااااهم
و إذا لك شيء بتقوله فضي ألحين هذاي إلي ناقص يبغي ياخذ وحدة مالتـ استايل و كشخة و حب
و سواالف ما هقيتها منك و أنا أبوك .
محمد كلام أبوه ما خلاه يتكلم من مكانه سكت ة قعد و ما عرف شو يقول يعني بيتزوج انساانة
ماله أي مشاااعر من ناحيته محمد تضايق و سار عند ربيعه خليفه يشكي له همومه .
خليفة: أوكي يمحمد الأمر ألحين مب بإديك وافق يمحد بنت عمك منك و فيك .
محمد : ليش ؟؟؟؟ يصير فيني كذا . خليفة شااف إنه محمد اليوم مو كووووووووول قال بياخذه
يغديه برع في المطعم يمكن نفسيته تهدا و في نفس اليوم البنات كانوا امسوين عزيمة لأن
أسبوع و تبتدي امتحاناتهم فيبون يرفون عن نفسهم إشوي قبل الإحتكار المنزلي, و كانوا سايرين
نفس المطعم . محمد استين يوم شاف العذوب قاعدة مع البنات قال في نفسه هذي المرة ماني
تاركها إلى إني أكلمها و لا أرقمها أنا أبيج انتي ما غيرج ما أبي العذوب و غيرها بس لو أعرف
إسمج . خليفة ما عجبه تفكير محمد لأن الصراحة وايد متأثر في البنت هذي و المشكلة إنه محمد
ماكذا مرة تعلق و لا حب بنت في حياته يمكن كان يقردن بس ما وصل إن حب ما جرب صوب بابها
لا في دبي و لا في أمريكا الله يستر.
مريوم : يلا بنات مشينا شو رايكم انسير السينما و بعدين كل وحدة اتسير اتجابل كتبها ههههههههاااااااي
البنات: ههههههههه.
محمد قال في نفسه حلو إلي وااايد حلووو دفع الحساب و قال حق خليفة امش بسرعة ركب
الكورفيت اهو و خليفة محمد يعجبه السبورت كار .قعدوا يتريونهم لي ما ظهروا و ركبوا السيارة و
مشوا محمد عرف أي سينما سايرين من طريج قال أنا أوريهم رااح السينما و زيد من السرعة و
وصل اتوهق يقول أي فلم ألحين بيدخلون قعد يترياهم و وصلوا الآنسات و خذوا تذاكرهم محمد
خذاالنذاكر بعدهم على طول لدرجة قال حق الكاشير : سيم تيكييت .
دخل محمد و سار يدور عليهم ليما لقاهم امصفين سيد استانس أكثر لما شاف إن السيد ينتهي
بالحب الأول و الأخير سار و ير خليفةو قاله تعال و قعد حذا العذوب من جهة و من جهة خليفة و
محمد طاير عقله وقال حق خليفة قوم سير اشتر ببكون بسرعة نسيت أشتري و هات أي شيء
أوكي و البعبط حق العذوب: سبحان الله ما كأني أمس شفتج .
العذوب انصدمت إي هو إلي شافته انحرجت و قالت : سبحان الله
العذوب ما تبغي تتكلم معاه لأنها مب حلوة بحقها العذوب: لو سمحت أبغي أشوف الفلم .
محمد : إن شاء الله و في قلبه من عيوني .
خليفة رد و قاال ها شو استوى محمد : راسها ياابس ما تبغي اتكلمني قلي شو ناقصني اليوم
ليش مو تارس عينها .
خليفة : يمكن البنت ما اتحب لسوالف هذي
محمد قال: مو على كيفها .
خليفة : ما عجبته النبرة هذي فهم إن محمد بيغصبها إنه تاخذ رقمه. و أهو كلش مو مندمج في
الفلم بما أنهم داخلين فلم رعب تعرفون دلع البنات و إنه في منهم خوافات منهم العذوب
امدخلينها غصب المسكينة . فيا مقطع يخوف و من الفزعة إلي في العذوب صارخت و بالغلط
لمست إديها إدين محمد
محمد : إشفيج يالغالية .
العذوب والله فشيلة انت من وين ياااي في كل مرة موقف : السموحة أخويه ما حسيت بروحي
آآسفة .
محمد : عذرج مقبول بس ما أحب وحدة مثلج تتأسفلي.
العذوب تضايقت من هل كلام و قالت حق مريوم إنها بتروح البيت اتصلت حق الدريول و قالتله إي
ياخذها ألحين و الدريول في الدرب و محمد مستاانس قال يا سلاااام أحب أفلام الرعب أنا إلي
أموووت فيها
خليفة: محمد والله انحرجت البنت و إنت ياي تقط عليها كلام ماهي بعدلة و الله تضايقت أقلج
البنت مو راعية هذي السوالف .
محمد: سير زين أنا بمشي عسب ما تحس فيه بعدين يلا في أمان الله .
خليفة : انزين خذني ويااك
محمد: قوم شو ناطر قاموا و العذوب ارتاحت و قامت هي بعد ما الدريول وصل قامت و طلعة من
السينما
محمد: يظهر إن المصادفات لازم تجمعنا و الأحاسيس متشابها .
العذوب: صدق إنك قليل أصل و مب امرباي أخ عليك من ولد ماعندك شغل ترضى ودة اتسوي
بخواتك شذي؟
محمد انصدم من كلامها و لو إنه ردة فعل طبيعية من أي بنت يتحرش فيها واحد .
محمد: مشكورة على الكلام الحلو و لو إنه ما عندي إخت بس كلامج على العين و الراس كل كلمة
اتقولينها .
العذوب : أوووه أصلا أنا إلي ما عندي سااالفة قاعدة أتكلم مع واحد نذل مثلك .
و ركبت السيارة و سارت و محمد هل مرة ما لحقها خلاها اتروح مصدووم المسكين ايقول ليش
اتسوي فيني شذي؟ ليش؟ تعذبني؟ و قال: مامن فايدة طارت العصفورة يا خلووف ليش؟؟؟
حظي جذي هذا يوم إني بحب .
خليفة انكسر خاطرة على حبيبه أخوه صديقه حموود : أفا يا حبيبي لا تقول شذي أمش مشينا
و لا تنسى إن اليوم أبوك ساير يخطبلك .
محمد: آآخ يا خليفة محد يفهمني إلى انت
و لامة محمد وقعد حاضننه بقوة يستمد طاقته من أعز الناس
خليفة قاال : يلا محمد مشينا .
خليفة كان يقنع محمد على بنت عمه العذوب و محمد سرحان في وادي ثاني وده بس يعرف
إسمها . و العذوب من جهة دخلت البيت و الحمدلله ما كان حد موجود لأنها خلاص دموعها بدت
تنزل من عيونها سارت غرفتها وقفلة الباب و عقت روحها على السرير و قعدة اتصيح و اتصيح و
اتقول :ليش ؟ يا ربي يصير فيني شذي لييش؟؟ قامت و تغسلت و قعدت و فتحت مصحفها و قعدت
تقرأ ليما خالد أخوها دق عليها الباب و قاطعها .فتحت الباب :هلا خلود بغيت شيء
خالد: لا بس ملاان قلت انسير بيت عمي فهد بسير بلعب مع ماجد والله واحشني من زمان ما
شفته و إذا بدت الإمتحانات ما بشوفه
العذوب : خلاص حبيبي أنا بوديك و بي معاك لا تظايق بروحك ثواني ألبس و أنزل أوكي .
ساروا بيت العم فهد العذوب من زمان ما سارت بيت العم فهد لأنه ما عندهم بنات بس بس
اتسير إذا عندهم مناسبة .و صلوا البيت و دخلوا محد كان في البيت إلى العم فهد و ماجد ينتظر
خالد قعدت العذوب مع عمها و هي خلاص اندمجت في الكلام و ميته ظحك من السوالف ليما
تأخر الوقت و نادت خالد وقالـت: يلا عمي مشنا نحن اتأخرنا واايد مع السلامة
العم فهد : و الله قعدتكم ما تنمل بس شو منسوي هذا راايج في حفظ الله.
العذوب من يوم ما صار الموقف مع محمد قرت إنها تتغشى و هي طالعة شافت واحد مار ما
دققت عليه بس كانت ملامحها حلوة و خالد ما عرفله بس اهو كان داخل بيت عمهم و لا بدون
ما يدق الجرس قالت يمكن هذا واحد من عيااال العم فهد قالت حق خالد : تعرفه خالد
قال: لا أولمرة أشوفه .
و ساروا . بالنسبة لمحمد :هلا يبا هلا يما اشحالكم و اشعلومكم هلا بخويه الصغير و ينه سعود ؟؟
بو سعود : بالمهلي علينا يالشيخ بالديوانية.
محمد: أوكي ثانكس دادي .
سار عند أخوه سعود و قعد وياه يسوولف ما ندري شو طاري علييييه .و في بيت بو سعود
بو سعود: ها شو سرتيلهم اليوم ؟
أم سعود لا قلت البنت داخلة امتحانات آخر السنة خلها اتخلص و بعدين يصير خير
.بو سعود: فكرة حلوة زين ما نبا شيء يأثرفي امذاكرتها .
محمد و سعود وصلوا البيت و قعدوا و تعشوا أرواحهم لأن أهل البيت كانوا منتعشين و جريب كل
واحد يصعد على غرفته محمد : ها يمه شو سويتي سرتي خطبتي الآنسة العذوب .
أم سعود : لا بس ياريتك كنت إهني اليوم .
محمد : إنزين يمه مو مهم وين أكون و ين كنت خبريني ليش ما خطبتيها ليكون غيرتي رايج .
بو سعود كان في غفوة و يظهر ما سمع شيء من الكلام قام و كمل رقااده بداره و محمد و أمه
قاعدين يتسولفون و سعود امجابل التلفزيون من قناة على قناة ما عرفنالك .
( سعود ولد وسيم و طيب و على نياته ما يحب الحشرة الهدوء من صفاته عكس أخوه محمد
تماما طالع على أمه ) المهم مل سعود وقام راح ينام و أم سعود ملت من الهذرة الزايدة حاول
يقنعها محمد بأي طريقة: بس ما قدر يمه أنا تعبت و بقلج أنا ما أبيها حراام بتعيشوني
في جحيم .
أم سعود : قول حق أبوك يلا مع السلامة .
قعد محمد في الصالة يفكر و يتخيل العذوب هذي بنت عمه من هذي و من تكون والله حشروني
فيها بس مو أحلى من البنت إلي شفتها أنا أحس إن البنت هذي من نصيبي وهذي العذوب ماني
ماخذنها ما أبيها بس شو أسوي أبويه أعرفه زين ما زين إلي برااسه لازم يصير والله ماصارت حالة
يا عالم حسو فيــــــــــــــني.

نهـــــــــــــــــــــاية الجزء
شو تتوقعون بيصير إذا شفت ردود أكمل القصة و لا تنسون ترى القصة من تأليفي
يعني لا تحبطوني

المصدر: منتديات بنات دوت كوم

DF||ioi||DFhguJJJ`,f" H,g rwm lk jHgdtd"DF||ioi||DF

الموضوع الأصلي : ][||ioi||][العـــذوب" أول قصة من تأليفي"][||ioi||][ || القسم : صندوق ذكرياتـــنــا .. || المصدر : منتديات بنات دوت كوم || كاتبة الموضوع : رمش الهدى

**لوسيندا** · منذ /28-05-2006, 04:29 PM

يسعد صباحج خيتوو ملاك..
شحالج ...؟!
عساج طيــوبة..
قريت البداية..
وما شاء الله عليج...تحفة....
تفاعلت ويا الشخصيات..
وبالأخص"محمد"..مسكين..ولو أنه قهرني...بأنه يتحرش بالعذوب...
بس سبحان الله..بنت عمه نفس الأسم....اتوقع انه يحبها..
وموقفه ويا العذوب..موقف يتكرر...
وراح تمر الأيام...وبينساهاااا...
وبيحب بنت عمه....^^
اما عن العذوب....شخصيتها حلوة....مرهفة بالاحساس..ونعمووومة...فديتها..
صج صدمها محمد...بس احسن تتغشى..
ما عندي توقعات الحين
همم يمكن بعدين

يلاا سي يووو
وثانكس غلاي ع البارت

**رمش الهدى** · منذ /28-05-2006, 05:52 PM

(لو سيندا)
شكرا على الرد الرائع و هذا جميل منكي كثيرا عزيزتي

ترقبي الأجزاء الجديدة في أقرب وقت و سأنتظر تعليقك على

ما سوف تحدث من

مفاجآآة

و

وجهة نظر أخرى

أشكرك

صديقتي مرة أخرى

محبتكي

ملاك البنات

**سديم الأمل** · منذ /28-05-2006, 07:50 PM

صرااااحة

الجزء واااايد عجبني

وقليلة عليه كلمة رااائع

لا يسعني إلا ان أقول

بالتوفيق عزيزتي

ننتظركـ يالغالية

تحياتي

سديم الأمل

^_*

**رمش الهدى** · منذ /29-05-2006, 10:20 AM

مشكورة سديم على الرد الحلو مثلج و إن شاء الله باجر أنزل الأجزاء اليديدة

بنات وين الردود

**الصبورة** · منذ /29-05-2006, 10:43 AM

شكل القصه حلوه

أبي اشوف نهايتتها

**رمش الهدى** · منذ /29-05-2006, 11:17 AM

من عيوني دموع إنتي بس تابعيها

**HawEeto** · منذ /29-05-2006, 12:26 PM

البدايه روووووووووووووووعة حتى
يمكن كلمة رووووعة إشوي وأتمنى

**HawEeto** · منذ /29-05-2006, 12:29 PM

البدايه روووووووووووووووعة حتى
يمكن كلمة رووووعة إشوي وأتمنى
لك المزيد من القدم

**رمش الهدى** · منذ /29-05-2006, 03:35 PM

ثاانكس هاويتو و أتمى اتابعيني أول بأول

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق