صج له نفس ..!
توه ذابح الخدامه .. وماخذني وياه الحديقه ..!
بس أحس ألحين أحسن .. حاولت أنسى اللي صار .. وكان سهل إني أنسى .. لأن الجو كان وايد حلو .. مغيم اشوية والهوا الخفيف يحرك شعري .. وأنا قاعدة على الكرسي المواجه له .. والطاولة الصغيرة بينا ....
اهو شكله متضايق من الشمس اشويه .. لكنه مستحمل ..
فهد: أنا ماقدر أقعد وايد تحت الشمس ماقدر اتحملها لمدة طويلة ..في الليل أكون أقوى .. أما من تطلع الشمس وأنا ضعيف .. فما عندي قوتي نفس اللي بالليل..
انا: .. أي قوى هاي بعد ..؟
فهد: ..أقدر أطير لمسافات طويله في الليل .. وقوتي اتكون أكثر بوايد .. و ...
أنا: يعني تقدر اتطير نفس سوبر مان ؟!؟
فهد واهو يضحك :.. ايوا تقريبا نفسه !
كان في نافورة اكبيرة جدامنا .. كنا انطالعها والماي مثل حبات الألماس كأنه يطيح في هالصحن الكبير ..!
أنا تخيلتها هالشكل ..
كانت المسافه اللي بينا وبين البحيرة بعيدة اشوية .. لكن كنت أشوف الأشجار الكثيفة اللي وراها .. شنو ورا هالشير ؟
بشوفها بعدين ..!
قلت له بمرح ..: متى بتاخذني في الغراند توور(الجوله الكبيرة) ..في قصرك ؟ عشااا ن يعني أدل الأماكن ..؟ (حاطة في بالي ادور على طريقة عشان أشرد من هالمهووس!)
ابتسم وقال: قريب ...
اهو دايما هالشكل ساكت ..! ما يبطل حلجه إلا وتطلع كلمة ولا كلمتين منه ..(قلت لكم .. شكله العاشق الرومانسي الحزين!)
أنا: خلنا انروح نقعد جنب البحيرة اللي اهناااااك(دلوعة يعني خخخ)
انا بس أبيه يصدقني وما يشك فيني .. بس عشان اتييني الفرصه وأشرد منه ....
وشكلها يات الفرصه ..!
فهد: أوكي يللا يا حـ.....!! *_*
احم .. احم .. يللا يا لي لي الحلوة ..
(^_^ وناســـــه!!)
وقت الهرب ! هاي اللي كان براسي ..
مشينا اشويه ليما وصلنا لطرف البحيرة الصغيرة ..
والغيم راح فالشمس وصلت أشعتها للأرض .. قام اهو قعد عالأرض .. شكله تعب في هالجو..
ايوا جذي أحسن .. عشان ما يلحقني ....!!
أنا قعدت عند طرف الماي .. وقعدت ألعب بيدي فيها .. وأشوف انعكاسي في الماي ..
طالعته .. ولا منزل راسه وحبات العرق تتلألأ على يبهته(جبهته)
أنا قمت ابسرعة .. واهو انتبه لي .. وقام معاي ... وقال: .. خلاص ؟ خلنا انروح نرجع ألحين ..
ومد يده لي .. بس أنا ما مسكتها .. تميت أناظره ..
قمت جمعت قوتي كلها .. وسكرت ايدي مثل قبضة .. ومرة وحدة ..
عطيته .. بووووووووووووووقس !!!
واهو يطيح عالأرض مثل الميت ..!
وأنا ابسرعة أشرد عنه .. وتميت أركض وأركض بعيد عنه وانا رايحة في طريجي للشير الكثيفة اللي جدامي يمكن أقدر أطلع من اهناك ..
تعبت .. قمت أتنفس ابسرعة كأني ركضت مسافة طويلة وايد .. بس اتعرفون أنا عندي فقر دم .. يعني ما ركضت وايد بس تعبت ابسرعة .. ووقفت ..
وحطيت ايديني على ركبتي وتميت آخذ كم نفس...
ولفيت ويهي لورا ولا أشوفه من بعيد قاعد.. وكأنه توه يحاول يقوم ..
وقلت خلني أروح قبل ما يلحقني ولا شي ...
رفعت راسي بصعوبه .. ومشيت مشية سريعه .. وتقريبا وصلت عند الشير .. لكن في على جنبي بعد شجيرات اكبيرة اشوية ..
وأنا أمشي طالعت ورا .. وبدون ما أحس ..
إلا حد يمد ايدينه من الشجيرات ويصيدني ..!!
حط ايد وحدة على حلجي عشان ما أصارخ .. والثانية لافها على جسمي عشان ما أشرد ..!
ما شفت منو كان ..!
قمت أتحرك عشان أنفك منه لكنه كان أقوى بوايد .. وماقدرت أصارخ .. حاولت لكن .. حسيت بالدوخة من كل هالتعب .. والمقاومة .. وآخر شي ..
اغمى علي .....
شردت من مصيبه وطحت في مصيبه أكبـــر !!!
شنو هالظلمة .. ايوا في شي على عيوني .. وماقدر أتحرك .. لأني قاعدة على كرسي وايديني مربوطة ورا الكرسي ...
وقاعدة أسمع أصوات اتيي من .. أظن في غرفة اقريبه من اهني .. والأصوات اتيي منها ..
أصوات جماعة يتهاوشون على شي ..وأصواتهم اتخرع ..
سكنت وقعدت أتنصت شنو يقولون ....
؟؟؟: لاااااا لاااااا أنا اللي باخذ البضاعة ..!
انت هذيك المرة خذيتها .. لكن ألحين دوري !
؟؟؟:لاااااا .. تبي اتسوي هالشي بالطق ؟!؟ يللا عيل نطلع بره ونشوف منو يذبح الثاني ..!!
لكن سمعت صوت مخيف وهادي اشوي يقول ..
؟؟؟: هدوا هدوا .. مو لازم أي واحد ياخذ البنت .. احنا بنقسمها !!
واهني ارتعشت . وارتفع صوت أنفاسي ..!
لا! لا! كلما أروح مكان .. في حد يبي يموتني !
في هاللحظه فكرت في .. في ... فهد!
وينه ألحين جان أنقذني ..؟
ولا فجاة أسمع صوت قوي حق شي يتكسر ..!
مثل صوت باب خشبي ....
ويصير هدوووووووووء!
ولا واحد منهم يصرخ ويقول : ... هذا انت ؟!؟
ويقومون يتهاشون وأسمع صراخهم .. وكأنهم....؟؟؟
قامت أصواتهم اتقل ... من ثلاثة .. اثنين .. واحد ..؟!؟
وساد الهدوء مرة ثانية ...
وعقب أسمع صوت اريول حد ياي .. يقرب أكثر وأكثر ..!
اوه لا ليكون في واحد ثاني جا عشان يذبحني بعد ..
شالسااالفة .. صرت خاروف عندهم ..!!
وأخيرا .. وقف الصوت جنبي .. منو هاي .. ألحين اشبيسوي ..
ومشى مرة ثانية وراي وفك الحبل .... وعقب جا جدامي وفتح الربطة اللي كانت على عيوني..
ويااا للصدفه ..!
طلع اهو!
مر وقت طويل بدون ما أحس .. صار وقت المغرب ..اللي مفروض اتغيب فيه الشمس .. وترجع قوته !!
لكن .. هالمرة اهو ما تكلم بـ ولا كلمة ...
بس شلني في حضنه (يا حظي خخخخخ)
وطلع بره هالكوخ العفن .. واهو مبرطم وكأنه زعلان من ضربي له آخر مرة ....
وقف بره الباب.. وفووووووووم !!
ارتفع في الهوا .. ! (اشدعوة طيارة فووم خخخخ)
يااااااااي فله قاعدة أطير مع فارس أحلامي .. أوه أقصد .. مع دراكولة أحلامي !!
مع انه الطيران حلو .. لكن احنا كنا على ارتفاع اكبير فكنت أحس بالحماس والخوف !
ولافة ايديني على ارقبته ..^_^ ( وناسه !خخخخخ)
بعد وقت مو طويل وايد بس تقريبا ساعة .. وصلنا للقصر ..
شفته من فوق كان شكله وايد حلو .. وشوي شوي نهبط .. هبوط اضطراري !(طيارة أقولكم خخخخخخ)
ونزلنا عالأرض ..
ومشى وهو شايلني ودشينا البيت وأول ما دش .. نزلني من عنده ..(أووووووووووه مرة ثانية مرة ثانية ! )
وقعدنا انطالع بعض .. اثنينتنا مادين براطمنا شبرين ..!
أنا أحس بالذنب لأني ضربته وشردت من عنده مع انه ما سوالي شي ... لكن اهو خاطفني ...بــــــــس....-_-...
أما اهو ماعرف شنو يدور براسه .. أكيد يكرهني ألحين ..
قمت نزلت عيوني ودفنتها بالأرض ..
ولا يرفع ايده ويرفع ويهي .. ويقول ...خلاص .. أنا عضيتج وانتي رديتيها لي ..بضربه ...وحدة بوحدة !
تعادلنا ..!
وانا ابتسمت على خفيف ..
قام يتغشمر ويقول : بس انتي كله اتطيحين نفسج بمشاكل ..!
مرة مع الخدامه اللي تبي تشرب دمج .. والثانية مع هاذولا الصيادين الوحوش..!
ليكون الثالثة معاي أنا أقوم أعضج مرة ثانية ..!
عاد أنا بطلت عيوني على وسعها وبطلت حلجي بعد اشويه ..
من صجه هاااي ؟؟!!؟؟
ضحك وقال : لالا اشدعوة .. ماسوي فيج جذي .. يا .. لي لي الحلوة ..!
بـــــــــــــس .. اممممممممم..
وأنا أنطر رده .. تأخر فقلت له : بس شنو ..؟
طالعني وقال .. موألحين .. بكرة بكلمج .. أوكي؟
قلت : أوكي.
وعقب وصلني لـ تحت الدري العوود .. وقال لي أكيد اتعرفين الطريج ألحين .. صح؟ قلت : ايوا أعرف ..
قال: أوكي خلاص .. روحي غرفتج اذا تبين ترقدين .. أكيد تعبانه ولا شلون ..؟
قلت: ايوا اشوية .. يللا ..
قال: تمسين على خير .. وقلت: وانت بعد ..
وطلعت عالدري واهو يطالعني.. ليما وصلت لغرفتي وغيرت ملابسي .. واستعديت للنوم ..
بس مع اني تعبانه اشوي .. لكن ما رقدت علطول .. كنت منسدحة عالسرير.. وقاعدة أفكر .. شنو اللي راح أسويه ؟
يعني أقعد معاه مثل ما قال ؟ وأتعرف عليه أكثر؟
ولا أشرد منه وأفتك من السالفة ..طبعا لازم أعرف أنا وين أصلا عشان أشوف طريج يوديني البيت ..
لكن شكله .. مادري شلون .. يكسر الخاطر .. ماقدر أسوي فيه جذي ...
لكن ياترى اهو يعرف إن في حد ثاني يحبني ؟!؟
ماظن ....
تميت لوقت طويل صاحية .. وأنا غايصة في أفكاري .. رحت فيها .. رحت حق عالم الأحلام ....
راقدة في سكـــــــون .... كأني سنو وايت ! (لا يا شيخه احلفي ! )
لكن ... أحس بشي غريب ... أنا بنص وعيي .. نص راقدة ونص قايمه .. وكأني راح أقوم .. ألحين ..... بس في شي غريـــب ..
أفتح عيوني اشوووووووووووي ....
أنا : آآآآآآآآآآآآآآآآآآآآآآآه !! + فهد : آآآآآآآآآآآآآآآآآآآآه !!
أنا : شتسوووووووي اهنــــــــــي خرعتني مع ويهك !!!
فهد : آه قلبي بيوقف من صرختج !! خخخخخ
أنا : صرختي أنا ولا انت يالبنت ...!؟!
فهد : وي !! بنت عاد؟ .. انزين انزين سمعي ....
ليش راقدة لهالوقت المتأخر؟؟
صارت الساعة 10 ونص الظهر .. يللا قومي ..!
أنا : أووووووووووه تو الناااااااااااااااس .. وأحذف عليه مخده وأنخش داخل البرنوص ( اللحاف) ..
ولا اهو يمسك البرنوص ويحذفــــــــــــــه بعيــــــــــــــــــــــد !!!
وييييييي برررررررررررررد
آآآآآآآآخ يالقهر .. احلى نومه قومني منهااااا ... وأتكور على نفسي .. ماني قايمه .. يعني ماااني قايمه ...
فهد : بعد ما تقومين ؟؟
صبري خلني أييبلج مااي بااارد ..!
أنا : *_* !! قمت قمت ..!
خلاص يه ... أكاني قمت ...
فهد : ايوا جذي أحسن .. اسمعي الكلام .. خخخخخ
أنا ليحين قاعدة على حافة السرير وقلت : انزين انت دراكولا المفروض ترقد الصبح واتكون صاحي بالليل ..؟
فهد : أدري ... بـــــس عودت نفسي عشانج .. عشان أكون قايم لما اتكونين قايمه انتي ..
(انيااهاهاهاهاهاااااااي حلو حلو !)
أنا: انزين .. يعني تقدر تطلع ألحيـــــــن ؟!؟
فهد : .... اي اي .. آسف .. بس تجهزي ابسرعه .. أبي أقولج شي ..
وراح صوب الباب وطلع ..
اشفيه مستعيل هاي بعد ..؟
أول ما طلعت من باب غرفتي .. ولا أشوفه ياي صوبي .. يقول: يللا ابسرعه ..!
ومسك ايدي واهو مسرع ويركض فيني ..!
يوم وصلنا تحت وداني للصاله .. ووقف جدامي وقال : اليــــــوم يا لي لي الحلوة ..
بنروووح حفلــــــــه ..!
أنا قلت : حفلـــــه؟!؟!
لكن ......
فهد : بدون لكن .. كل شي جاهز ..
أنا : شلون جاهز ؟!؟ مافي فستان ولا شي .. وبعد .. انا موب رايحه ..
فهد : نعم نعم ..؟!؟
لالا حبيبتي بتروووحين وياي .. انا أصلا ماحب هالحفلات الممله .. بس لو مارحت هيبتي بتقل عندهم ..
(خوش هيبه خخخخ! )
وبعد .. لازم ... اتروحين وياي .. عشان .... امممممممم ...يتعرفون على... .....أوهووو خلاص بتروحين يعني بتروحين .. !
أنا : لالا ماااني رايحه !!
فهد : يللا عاااد لي لي .. يللا يللا .. يللااااااا .. عشان خاطري ...؟
أنا : أوهووووو ...
اممم . .
انزين خلاص ..
بس ...
فهد : خلاص! زين انج رايحه وياي !
تعالي نتريق وبعدين لج عندي مفاجأة !
(ياااااااي أحب المفاجآت خخخخ )
بعد ما خلصت الريوق وأنا أفكر بالمفاجأة اشبتكووون .....
فهد نادى الخدامه .. وهمس لها في إذنها شي ... واهي حركت راسها .. وراحت ..
قلت له : انزين شنو اهي المفاجأة ؟
فهد: صبري ..
بالنسبة للحفلة .. بس بنروح اشوي وبعدين نرجع .. بعد ما أعرفج على البعض..
و...بس!
قلت : أوكي ..
وتميت أطالع فيه واهو منزل راسه ويفكر ...
في هاللحظه يات الخدامه وكان صوتها واطي وقالت له شي ما سمعته ..
وابتسم فهد .. وطالعني ..
راحت الخدامه واهو قال: يللا روحي غرفتج وشوفي المفاجاة ...
رحت ولما وصلت وفتحت الباب .....
شفت فستـــــــان معلق ..!!!
كان لونه بني .. وفيه بعض الأماكن اتلمع .. ماله أكمام وطويـــل ذيله حريري وعليه فصوص بنيه اتلمع في أماكن متفرقه على الذيل .. قربت .. وصرت ألمسه .. وكان وايــــــد حلــــو وعجبني .. (قلت لكم ذوقه حلو !)
هاي متى لحق يشتريه ؟ أكيد يوم كنت راقدة لوقت متأخر !
ولما التفت ورا شفته واقف عند الباب يبتسم .. ابتسمت له .. وقلت له بخجـــــل ...: شكــــــــرا ... ^-^
وقبل ما يتكلم .. الخدامه الغبيــه طلعت بالسالفه !
وقالت له إن له تلفون من .. ؟؟؟ ..
الصراحه ماسمعت الإسم .. بس شكله تملل .. وراح علطول ....
وانا لفيت وتميت أطالع في ... فستاني ....! ^_^
مر الظهر والعصر .. ودراكولتي .. قاعد في مكتبه .. مادري شيسوي .. بس أظن انه قاعد يسوي اتصالات ..
الغدا ما تغدى معاي .. وأنا الخدامه قاعده وياي .. يعني بمعنى ثاني قاعدة تحرسني عشان ما أشرد !
أنا متوترة .. ماعرف اشبسوي في حفلــه ماعرف فيها حد .. ناس ماعرفهم .. أو يمكن وحوش ..! من يدري ....
أخيـــــــــــرا !
طلع من مخبئه .. وقعد معاي بالصاله جدام التلفزيون ..
فهد: امممممم.... ماراح تتجهزين ألحين ؟؟
قلت : تو الناس .. باقي وقت وايد .. احنا في نهاية العصر ألحين ..
ليش الحفله متى تبتدي؟؟؟
فهد: الساعه 7 ..
أنا: خلاص المغرب بتجهز .. أصلا ماخذ وقت وايد ..
فهد: ايوا لأنج أصلا ما تحطين مكياج وايد ..صح؟
أنا: ايوا صح .. ماحب أحط وايد .. أصلا الكثير ما يناسبني ..
فهد : صح انتي ويهج طفولي ! خخخخخ
أنا: هيييييييه تتطنز مع ويهك !؟!
فهد : لالا .. بس يعني ..ولا شي ... ^_^...
تدرين كنت وحيد في هالقصر مافي حد غير الخدم حوالي .. يوم انتي ييتي عندي .. أحس الحياة ابتسمت لي أكثر ..مع انج ما تقعدين وايد معاي .. بس يعني ألحين أحسن .. وأتمنى لووو .. يعني... لو تقعدين معاي أكثر وتسولفين معاي .. لأن سوالفج حلوة ...ومعاج ما أحس بالوحدة ...
أنا ما قلت شي .. أخاف ينتظر مني رد ولا شي .. بس تميت مواجهة التلفزيون...
واهو بعدين قال لي ان أتجهز المغرب عشان انروح ... وبعدين طلع بره الصاله ..
وقـــــــــــت الحفــــــلـه!
خذيت دش سريع وعقب لبست فستاني الحلو ...
وقفت جدام المنظره وبديت أمشط شعري .. وسويت تسريحه حلوة وايد وتناسب الفستان .. لفلفت نهايات الخصل عشان اتصير مموجه أكثر .. وهديت شعري مفتوح مع تجعيداته الحلوة ..
وسويت مكياج بسيط لكن ركزت عالعيون .. أصلا أنا ماحط مكياج كلش .. الكحل وايد علي ..
لكن هاي مناسبه عشان جذي سويت مكياجي باللون البني نفس فستاني .. حطيت على عيوني ظلال بنيه وعلى أطراف الظلال حطيت لماعي ذهبي ..
وماسكارا بعد .. واللمسه الأخيره حطيت روج بني يلمع ..
أي وبعد لا أنسى المانيكير لونه بني خخخخخ
لبست الكعب اللي كان مع الفستان .. وشفت نفسي بالمنظرة الطويله .....
الفستان يظهر لون عيوني البني .. كلي بنيه إلا شعري الكستنائي .. لكن مع بعضهم كل شي طلع حلو ..
أحس كل شي اكتمل .. ..لكن لحظة !
نسيت البودره اللي تلمع !
حطيتها على ايديني وذراعيني وعلى منطقة ارقبتي وعلى اكتوفي وكل مكان ظاهر ....
ألحين صرت ... لمبه منوره ! خخخخخخخخ
ولما خلصت الخدامه دشت في الوقت المناسب .. وقالت إن فهد ينتظرني تحت ...
وأنا قلت لها خلاص ألحين يايه ....
ولما طلعت من الغرفه ووصلت عند راس الدري العود وقفت وشفت فهد تحت يطالع ساعته .. لكن شنو هاي اللي لابسه؟!؟
سمع صوت كعبي وطالعني .. وتجمد !
وبطل عيونه على وسعها كأنه ما شايف خير خخخخخ
كان واقف وحاط ايد وحدة ورا ظهره .. وكان لابس مثل .. روب أسود .. نفس الدراكولا ما يلبسون .. طويــــل أسود وهالشي اليابس واقف ورا راسه خخخخخ
رداء الدراكولا على ما أظن !
تحت هالـ روب أو الرداء .. كان لابس بدلة أنيقه ...
شكله كان .. يجنـــــــــن !!!
لكن اهو اللي شكله مستخف علي .. !
وصرت أنزل عالدري ليما وصلت عنده .. واهو ليحين لاصق في عيوني ويطالعهم .. يحاول يركب جمله ما يقدر ...!
فهد: انتي ... وايد ... الفستان ... عيونج ... كل شي ... أأأأأأأ ....!!!
خخخخخخخ مسكين !
أنا قلت : أها ..امممممم انت بعد شكلك .. زين ...
(مثقله عمري يعني خخخخخخ)
قلت : يللا بنروح ولا لا ؟
ألحين شكله توه عقله رجعله .. وقال : أوه !
لحظة في وقت .. اممممممممممم
انتي الصرااحه ماقدر أوصفج يعني .. يعني يعني ... بالمكياج 180 درجة غير ..
أنا قلت له : اشمعنى يعني انا مو حلوة بدون بالمكياج ؟!؟
فهد : لالا .. قصدي اي اي حلوة .. لكن يعني المكياج يطلع جمالج أكثر ..!
بس ... اممم .. في شي ناقص !
وأنا اطالعه مستغربه !! أفكر شنو اللي ناقص بعد؟؟
واهو يطالعني بنظرة خبث !
قلت : شنو اللي ناقص؟
ايده اللي كانت ورا ظهره طلعها .. وكان فيها ورده !
ورده مو طبيعيه .. صناعيه ..
وقال : شوفي الصدفه ! الورده نفس عيونج .. ورده بنيه وأطرافها عليها لماعي ذهبي !
أنا : ايوا ! حلوة وايد ..
فهد : انتي أحلى ! .. ومد يده وحط الورده بشعري ....
قال: ألحين صرتي اميرة الورد البنيه !
أنا : ههههه .. ايوا لأن كلي بني في بني ..!!
فهد: ايوا ! قبل لا أنسى .. يبت لج هديه ..
أنا قلت : وي ! صج ؟ .. شنو اهي ؟
فهد : أوكي لحظة أييبها ..
راح دش واختفى ورا باب من أبواب هالمتاهة .. وبعد عشر دقايق رجع .. وفي ايده مثل قماش أسود .. ولما فتحه ونفضه طلع نفس رداءه .. !
فهد : شوفي ! يبت لج نفسي .. عشان تلبسينه فوق فستانج !
أنا قلت : ياااي .. شي الصراحه ! خخخخ
فهد: هههه زين انه عجبج ...
وعقب جا وراي ولبسني اياه .. وعقب أنا لفيت لفه سريعه .. وقلت له : اشرايك ؟!؟
قال : ايوا اتجننين ألحين .. صرتي دراكولتي الصغيره ..!
أنا ضحكت وقلت : ألحين بنروح؟
ابتسم وثنى ذراعه عشان امسكها ونروح الحفله !
وقـــــــــــت الحفــــــلـه!
خذيت دش سريع وعقب لبست فستاني الحلو ...
وقفت جدام المنظره وبديت أمشط شعري .. وسويت تسريحه حلوة وايد وتناسب الفستان .. لفلفت نهايات الخصل عشان اتصير مموجه أكثر .. وهديت شعري مفتوح مع تجعيداته الحلوة ..
وسويت مكياج بسيط لكن ركزت عالعيون .. أصلا أنا ماحط مكياج كلش .. الكحل وايد علي ..
لكن هاي مناسبه عشان جذي سويت مكياجي باللون البني نفس فستاني .. حطيت على عيوني ظلال بنيه وعلى أطراف الظلال حطيت لماعي ذهبي ..
وماسكارا بعد .. واللمسه الأخيره حطيت روج بني يلمع ..
أي وبعد لا أنسى المانيكير لونه بني خخخخخ
لبست الكعب اللي كان مع الفستان .. وشفت نفسي بالمنظرة الطويله .....
الفستان يظهر لون عيوني البني .. كلي بنيه إلا شعري الكستنائي .. لكن مع بعضهم كل شي طلع حلو ..
أحس كل شي اكتمل .. ..لكن لحظة !
نسيت البودره اللي تلمع !
حطيتها على ايديني وذراعيني وعلى منطقة ارقبتي وعلى اكتوفي وكل مكان ظاهر ....
ألحين صرت ... لمبه منوره ! خخخخخخخخ
ولما خلصت الخدامه دشت في الوقت المناسب .. وقالت إن فهد ينتظرني تحت ...
وأنا قلت لها خلاص ألحين يايه ....
ولما طلعت من الغرفه ووصلت عند راس الدري العود وقفت وشفت فهد تحت يطالع ساعته .. لكن شنو هاي اللي لابسه؟!؟
سمع صوت كعبي وطالعني .. وتجمد !
وبطل عيونه على وسعها كأنه ما شايف خير خخخخخ
كان واقف وحاط ايد وحدة ورا ظهره .. وكان لابس مثل .. روب أسود .. نفس الدراكولا ما يلبسون .. طويــــل أسود وهالشي اليابس واقف ورا راسه خخخخخ
رداء الدراكولا على ما أظن !
تحت هالـ روب أو الرداء .. كان لابس بدلة أنيقه ...
شكله كان .. يجنـــــــــن !!!
لكن اهو اللي شكله مستخف علي .. !
وصرت أنزل عالدري ليما وصلت عنده .. واهو ليحين لاصق في عيوني ويطالعهم .. يحاول يركب جمله ما يقدر ...!
فهد: انتي ... وايد ... الفستان ... عيونج ... كل شي ... أأأأأأأ ....!!!
خخخخخخخ مسكين !
أنا قلت : أها ..امممممم انت بعد شكلك .. زين ...
(مثقله عمري يعني خخخخخخ)
قلت : يللا بنروح ولا لا ؟
ألحين شكله توه عقله رجعله .. وقال : أوه !
لحظة في وقت .. اممممممممممم
انتي الصرااحه ماقدر أوصفج يعني .. يعني يعني ... بالمكياج 180 درجة غير ..
أنا قلت له : اشمعنى يعني انا مو حلوة بدون بالمكياج ؟!؟
فهد : لالا .. قصدي اي اي حلوة .. لكن يعني المكياج يطلع جمالج أكثر ..!
بس ... اممم .. في شي ناقص !
وأنا اطالعه مستغربه !! أفكر شنو اللي ناقص بعد؟؟
واهو يطالعني بنظرة خبث !
قلت : شنو اللي ناقص؟
ايده اللي كانت ورا ظهره طلعها .. وكان فيها ورده !
ورده مو طبيعيه .. صناعيه ..
وقال : شوفي الصدفه ! الورده نفس عيونج .. ورده بنيه وأطرافها عليها لماعي ذهبي !
أنا : ايوا ! حلوة وايد ..
فهد : انتي أحلى ! .. ومد يده وحط الورده بشعري ....
قال: ألحين صرتي اميرة الورد البنيه !
أنا : ههههه .. ايوا لأن كلي بني في بني ..!!
فهد: ايوا ! قبل لا أنسى .. يبت لج هديه ..
أنا قلت : وي ! صج ؟ .. شنو اهي ؟
فهد : أوكي لحظة أييبها ..
راح دش واختفى ورا باب من أبواب هالمتاهة .. وبعد عشر دقايق رجع .. وفي ايده مثل قماش أسود .. ولما فتحه ونفضه طلع نفس رداءه .. !
فهد : شوفي ! يبت لج نفسي .. عشان تلبسينه فوق فستانج !
أنا قلت : ياااي .. شي الصراحه ! خخخخ
فهد: هههه زين انه عجبج ...
وعقب جا وراي ولبسني اياه .. وعقب أنا لفيت لفه سريعه .. وقلت له : اشرايك ؟!؟
قال : ايوا اتجننين ألحين .. صرتي دراكولتي الصغيره ..!
أنا ضحكت وقلت : ألحين بنروح؟
ابتسم وثنى ذراعه عشان امسكها ونروح الحفله !
منذ /23-08-2006, 06:48 PM
