[1] مُتميزة (جامعيات غيـر)

[~ أشـواقـ اللـقـا ~]

:





في عالم الإنترنت الكثير من مواقع السوء , و الأكثر من ذلك
المتعاونين في هذا السوء ..

و كـونك في هذا الموقع الفاضل , و في حملتنا هذه التي لا نبتغي
من ورائها إلا رفعة بأخلاقنا و أعمالنا فهي لله وبالله ..


فهذا أمر يستحق الحمد .. حيث أن الرحمن الرحيم ساقك يـا غير مسجل
إلى حملتنا ..



ابحثي في فضاء الإنترنت ستجدين المواقع المحرمه لاتعد من كثرتها ..
فالحمدلله الذي نجاك منهم ( كَذَلِكَ لِنَصْرِفَ عَنْهُ السُّوءَ وَالْفَحْشَاء) ..

أسأل الله أن يُثبتنا على الحق إلى أن نلقاه ..



:

اتفقنا نكون غـيـر ؟

لأننا :

1* من أمة الحبيب -صلى الله عليه وسلم- .

2* لأننا خلفاء الله في أرضه .

3* لأننا نؤمن أن بنا سنتهض الأمة
" نصرت بالشباب "-حديث شريف-

4* لأننا قررنا أن نحرر فلسطين! فكما وعدنا ربنا
"إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ"

5* قررنا أن نعيش بسعادة!!

6* لأن طاقتنا كبيرة ونريد توجيهها بأفضل الأمور ..

7* نعد للإجابة لن تزول قدم عبد يوم القيامة حتى يسأل عن أربع خصال :
عن عمره فيما أفناهُ
وعن شبابه فيما أبلاهُ
وعن ماله من اين أكتسبه وفيما أنفقهُ
وعن علمه ماذا عمل فيه ..


وكثير هي الأسباب و لعل كل طالبة فيكم لديها نيات و أسباب أخرى .

:


:

اتفقنا على 3 أمور في كل أسبوع ونصف ..

* خُلق جديد ..
* عبادات و خصصنا " الفرائض"
*قراءة ..

يُتبع ..

المصدر: منتديات بنات دوت كوم

---

F1D lEjld.m ([hludhj ydJv)

الموضوع الأصلي : [1] مُتميزة (جامعيات غيـر) || القسم : جـامعة بنـات دوت كـوم || المصدر : منتديات بنات دوت كوم || كاتبة الموضوع : ~ أشـواقـ اللـقـا ~

[~ أشـواقـ اللـقـا ~]

الأسبوع الأول بيكون خفيف جداً و ان شالله ممتع و سهل ؛) .

سميته متميزة , و ليش سميته متميزة ؟
لأن بهالأسبوع بنسوي أشياء صارت من النوادر !!

ومن يفعل النوادر أكيد بيكون متميز ، وأنتم بإذن الله كذلك :)



الخـلـق :

*1
شيء منتشر جداً جداً في الكفتريا و بالبيت ساعات!
لاحظوا .. لما الكل يخلص أكله شسوي ؟

يمسح أيده و يقوم

طيب! الاغراض و الطاولة الحوسة
مخلينهم لعاملات النظافة ! هي شغلتهم مالنا شغل احنا!

ياجماعة (ارحموا من في الأرض يرحمكم من في السماء)
العاملة شتلحق عليه
طيب هو أكلك يعني من باب العدل انتي تشيلينه ..

ولا اللي من جد يقهر ..
لما تدخل فلانه الكلاس و تخلي بقايا الأوراق أو الأكل وراها!

ممكن هذا الخُلق كفيل بأن يعلمك من المتميزة فعلاً!!!!!!
و البيت نفس السالفة إلا من رحم ربِّ





2*
عن أنس قال رسول الله الخلق عيال الله فأحبهم إلى الله أنفعهم لعياله

عن ابن عمر قال قيل يا رسول الله أي الناس أحب إلى الله قال أنفع الناس للناس

الخلق كلهم عيال الله تحت ظلاله ** فأحبهم طرا اليه أبرهم لعياله

وخير عباد الله أنفعهم لهم **رواه من الأصحاب كل فقه
وان إله العرش جل جلاله **يعين الفتى ما دام عون أخيه


:

أعتقد اللي فوق كفيل بأن يوصل لكم الرسالة :)

لأننا غير ..

لابد نساعد نقدم .. مانطلب عرفان ..
زميلتك محتاجه أوراق أجيبها لها حتى لو ماطلبت
لو شفت نفسي فاضيه أساعد المستجدات!
مذكرات المواد السابقه أتركهم في مكتبة التصوير لكل اللي يبيهم
أتصل على زميلاتي مين تحتاج النوت الفلاني .. أعطيها لها ..
أنا فاضيه! وأحب أسوي بحث! أسوي لزميلاتي ..
أشرح لهم .. أساعدهم بالواجبات ..

بس لازم أن هالشي ما يأثر على مصلحتي.."فن الأولويات"

و بالنهاية مساعدتي هذي كلها مو لهم لربي .. (لا نريد منكم جزاءً ولا شكوراً )
لاتقولين أنا سويت و سويت ومابين بعينها .. قولي الحمدلله ربي يسرلي و أعاني
أعين أختي و بإذن الله مكتوب أجري!

“من كان في حاجه اخية , كان الله في حاجته”.-حديث شريف-

في أحد مايبي الأجر!


*********************************


بالنسبة للفرض :

*نصلي الفجر بوقتها ..

الله المستعان ، الآن نادر اللي يصلي بوقتها ..
لا أساساً صار بمفهومنا اللي يصلي الفجر س5 هذا ماشالله عليه
مع انه متأخر على الصلاة ساعة .. بس انه صلاها قبل لايصير الشروق!
استغفر الله!

(ركعتا الفجر خير من الدنيا وما فيها) .. -حديث شريف-

الدنيا بكبرها بكل أشياءها الحلوة العجيبه بس هالركعتين خير منها ومن اللي فيها!!!



*************************************


أمــــــا الكتـــاب :

فاخترت لكم كتاب جداً رائع ومحتاجين نقراه!
يمكن تستغربون أني اخترته .. بس اهو خير كتاب يعلمنا !!!!



كتابي اهو ..


القرآن الكريم ..



جد جد خلونا نقرآه كأننا أول مره نقراه .. نقراه مو قرايه!
تدبر ..

دايماً لما نقرى الكتب نحاول نستخلص الفوائد و نفهم الكاتب شنو رساالته منه
و نسأل عنه ووو

والقرآن قراية والسلام ..

هالمره جد لاتقرون .. و مو البطلة اللي تختم قبل ..

نبي بس صفحه باليوم .. بس هالصفحه تدبرينها و تطبقين أغلب اللي فيها ..

عن أم المؤمنين عائشة لما سئلت رضي الله عنها عن خلق النبي عليه الصلاة والسلام ،
قالت : ( كان خلقه القرآن) ..

تبين تتدبرين صح ؟

لاتعطين القرآن فضلة الوقت!

احنا مو اتفقنا نصلي الفجر بوقتها ؟

طيب .. ورى الفجر .. اقري قرآن أول وقتج ...
..



يعني هالأسبوع ..

متميزة :

1* نظافة مجلسي ..
2* نفعي لأخوتي ..
3* صــلاة الفجــر بوقتها ..
4* أخــلاقي قـرآنية ! ..




"ما خرج من القلب فهو للقلب"

أنتظر تقاريركم اليومية هُنّا :)

.

[لانا]

اشوآق اللقآء كما عهدآنكِ متميزة . . .

الله المستعآن . . .
مسلمين في الهوية بس في الأفعآل الله يعفوا عن الجميع يآرب . . .


من نآحية صلاة الفجر الله يعفوا عنّا !
تدرين اوقت جوآلي على كم توقيت ! على اساس اصحى ! لاني مو من الرنة الاولى اصحى !

فتلقينى على خمس وشي صحيت ! بس قبل الشروق !
تتوقعين يعني يروح اجرّ الصلاة في قتها ! ........ يالله توني أدري ! =(

والاشياءالثانيه مقدور عليها ان شاء الله . . .
ماحبّ أترك أكلي في مكآنه! وأحسّ بالذنب ! الا اذا نسيت !

خدمة البنآت الحمدلله أمس خدمت بنت خدمة بسيطة يآرب أجعلهافي موآزيني!

والقرآن الله يساعدني اتدارك معانيه يآرب !

أشوآق اللقآء الله جعله في موازين حسنآتك يآرب
بالطبع نعمة انك انتي وامثالك نتواجد معهم نحن في مكان واحد !

ربي يسعدك

[Яα!η]

..

الأخلآق~
بآلنسبه للأخلآق
بعد مآ نكتسبهآ ان شآء الله .. ننتبه لآ نتعود عليهآ ><
بمعنى .. إن كل مرة نطبق فيهآ هذي الأخلآق نستحضر النيهـ ^^
فرق مآبين شي متعوده عليه , وشي تذوقين لذته في كل مرة تعمليه

..

الفرض ~
الله المستعآن T_T
أغلبنآ مقصر .. إلآ من رحم ربي ؛
بآلذآت صلآة الفجر .. يعني أحيآن نقوم ع الوقت بس .. الله يرحم حآلنآ ,
مآفي خشششوع !
الله يصلح الآحوآل قبل لآ يخلص الأسبوع T_T

..

الكتآب ~جداً كنت موفقه في اختيآر الكتآب ..

لاتعطين القرآن فضلة الوقت!

 

 

هذي مشكلتنا .. نعطي فضلة الوقت .. و ننتظر نتيجه !

..

الله يسعد قلبك شوآقآ .. و لآ يحرمك أجورنآ ..
لي رجعه بكره بآلتقرير .. ربي ييسر لي و لكم الطآعهـ []
..

[Zainab Al Lawati]

.‘

بدايَة ممتازة !

1* نظافة مجلسي .. 2* نفعي لأخوتي .. 3* صــلاة الفجــر بوقتها .. 4* أخــلاقي قـرآنية ! ..

 

 

بالنّسبة لواحدْ الحمدُ لله ما عندي مُشكلة فيها . .

تأدبتْ لمن راحت شغالتنا فكنتْ أنا أنظف المائدَة وأشيلْ وكذا . .

وحسيتْ يالله شكثر أتعبْ هالـ " مُساعداتْ " يومياً يشيلونْ ولا قد اشتكُوا !

منْ يُومها صرتْ أشيل أغراضيْ دايمْ (:

2) إن شاء الله بهتمْ فيهْ أكثر لأني مقصّرة فيهْ !

3) ما عندي مُشكلة بالنسبة للوقتْ - الحمد لله -

الله يخلي الوالدْ دايمْ يهتم ويقوم البيتْ كله . .

بسِ المشكلة في عدم استحضار الصلاة . . يعني صلاتي مفروغة من الخشُوعْ !!

4) سيتمّ التطبيقْ بعونِ الله . .

أشواقْ . . جزاكِ الله كلّ خيرْ

.‘

[м α d е Ŀ е ı n е]

بالنِسبة لِي ..

مُستَحيلْ أترُك أي شيْ ورآي وأشمَئز مِن البنآت إلي زي كِذآ ..

واليومْ شرَحتْ لصّحبآإتِي ريآضِيات لأنْ بُكرآ فِي إختبآرْ ..

وصَلآتِي بإذنِ الله رآحْ أوقِت السـأإعة وأصحَى ..

ورآحْ أحطْ لِي وردْ يومِي مِن القرآن ..


دعَوإآتِك بالإلتِزإآم ..
شُكراً

[● ليلـﮛ]

طيب! الاغراض و الطاولة الحوسة

 

 

الصرآحة أحيآنا أسويييهآ ,,,

بس من اليوم ورآيح ,,, أصير كذآ

وخير عباد الله أنفعهم لهم **رواه من الأصحاب كل فقه وان إله العرش جل جلاله **يعين الفتى ما دام عون أخيه

 

 

ممممم

حلووه الفكرة بوقتها خصوصا واحنا على وجهـ اختبآرآت

وممكن كنآ نعين بس مانحتسب الاجر ,,,

الله المستعان ، الآن نادر اللي يصلي بوقتها .. لا أساساً صار بمفهومنا اللي يصلي الفجر س5 هذا ماشالله عليه مع انه متأخر على الصلاة ساعة .. بس انه صلاها قبل لايصير الشروق! استغفر الله!

 

 

ايييي والله انك صآدقــهـ الله يغفر لنآآ بس ,,,

ويعيننآ عليــهآ ,, ويزيدنآ خشوووع ,,

تبين تتدبرين صح ؟ لاتعطين القرآن فضلة الوقت! احنا مو اتفقنا نصلي الفجر بوقتها ؟ طيب .. ورى الفجر .. اقري قرآن أول وقتج ... ..

 

 

اختيآآآآآآآآآآآر موفق||

مممم بس انا وودي اقرآآهـ قبل النوووم ومتعودة ع هالشي ,,,

متميزة : 1* نظافة مجلسي .. 2* نفعي لأخوتي .. 3* صــلاة الفجــر بوقتها .. 4* أخــلاقي قـرآنية ! ..

 

 

يإذن الله من هاللحظـهـ نصييير متميزآآآت ،،،

وندآآوم على الصفآت هذي " ادومهآ وان قــل "

~ شوآآآآقهـ ,, دمتي على هذآ التميــز minihrt.


لك { }
,
,
,
,

[sweetbutterfly]

مــتـمـيـزهــ بـمـوآإآإضـيـع’ــج دوووومـ إخـتـي ~ أشـواقـ اللـقـا ~ ح’ـمـلــهـ مـمـتـآإآزهـ و روووع’ــــهـ و مـبـدع’ــــهـ فـييييييييـهـآإآإآ 1- بـآإآلـنسبـهـ ح’ــق آلـخـلـق .. آإآنــهـ قـد مـآإآقــدر و آإآنــهـ كـنـتـ بـكـآإآفـتـيـريـآإآ أو آلـبـيـتـ أو مـجـمـع آشـيــل آغـرآإآضـي بـروووح’ــي و جـذي آح’ـســنـ و ع’ـلـشـآإآنـــ غـيـري مـآ يـقٌـولـوونــ عـنـدي إنــهـ آنـــآ كـسـلآنــهـ أو مـهـمـلـهـ مـآبـي آشـيـل آغـرآإآضـي و مـآإآدريــ شـنـووو .. 2- بـآلـنـسـبـهـ ح’ـق آلـثـآنـي .. آلـحـمـدلله آسـآآإآعــد غـيـري فـي آمُـووورهـ إذآ آح’ــتـآج آيـــ مـسـآإآعـدهـ 3- بـآلـنـسـبــهـ ح’ــق آلـفـرضــ .. آنــهـ مـتـى مـآإآ سـمـعـتـ آلـآذآنــ آقٌـووومـ آصـلـي آلـفـجـر و آرقــد بـس إنـــ شـآإآء الله بـآإآوآظـبـــ ع’ـلـى وقـتـهـآ 4- بـآلـنـسـبــهـ ح’ــق آلـكـتـآإآبــ إذآ آقـرآإآهـ آتـدبـر و آركـز فـيــهـ و إذآ مـآإآ فـهـمــتـ آقٌـووومـ آسـآلــ أمـي أو أبـوي ع’ــنـ مـعـنـآتـــهـ ربـي يـعـطـيييييييـج آإآلـفــ ع’ـآإآفـييييييـهـ غ’ـلآتـي و قـلـبُـووو الله يـكـثـر مــنـ آمـثـآلــج ح’ـيــآإآتـٌـووو

[~ أشـواقـ اللـقـا ~]

أهلييين بالغوالي ..

ماشالله طلعتوا متميزات واحنا ماندري ؛)


استانست على الأخلاق اللي عندكم اياه , وان شالله دايماً من أحسن لأحسن ..


:


تقيمي لليومين اللي فاتوا ... 7/10

صليت لكن تأخرت شوي ..
شلت الأغراض ..
هممم يمكن قدمت نص مساعده ..
الكتاب .. الحمدلله ؛)



ان شالله تجي أيام نكون 10/10

[الشمائل]

ما خرج للقلب يذهب للقلب

وما يأتي منه يذهب إليه

=)

1* نظافة مجلسي .. 2* نفعي لأخوتي .. 3* صــلاة الفجــر بوقتها .. 4* أخــلاقي قـرآنية ! ..

 

 

1- بالجامعة اي اهتم ،، لكن البيت لا
سواء امس او اليوم

2- النفع موجود الحمد لله
سواء امس او اليوم

3- صلاتي مو بوقتها
لكنها قبل شروق الشمس
والحمد لله امس واليوم

لكني بقدّم المنبه من 5:20 إلى 5 بالضبط

علشان يكون عندي وقت ، ولأني ما اعرف الموعد الحقيقي للأذان
بما اننا داخلين لفصل الصيف


4- للاسف ما قريت ،،
سواء امس او اليوم

لكن ان شاء الله


...


وباذن الله ما يطوف الاسبوع إلا ونحنا متعلمين عادات حميدة