الجزء السادس والعشرين:
لينة : أنت ما تسمع أرجع البيت بسرعة
ريم : وش فيك خالتي وش بلاك
عمر مخترع من عمته لكن لازم يقول شي
عمر : هدي الحين وعلمينا وش فيك
لينة : شف أمك وش راسلة أول ثم تكلم
عمر : وش دخل أمي الحين
لينة : خذ الجوال وبتشوف أنا ما عندي أخلاق أنا بنت عبدالعزيز ما عندي أخلاق والله لي حساب وياك لا مو وياك إلا مع زوجك وان خذته وش فيها وش الي صار حلال أخوي حلالي غصبن عن أي أحد وانت أرجع البيت سمعت
السواق : صبر ماما فيه سيارة واجد
عمر : لا أمش للسوق وانتي ياعمة ما عليك من أحد دام أنك مستأذنة من صاحب الشان وامي بقول لها الي صار كله ممكن أنها مو فاهمة أو أسمعت بالغلط شي ثاني
لينة : مستحيل أروح السوق
ريم : عفية خالتي لا ترجعين البيت خلينا نروح السوق أنا ما صدقت أجي الخبر عفية لا ترديني لا تردين حبيبتك ريم
عمر بخاطره : ليتك تقولينها لي مو لخالتك بس إذا كانت هذه رغبتك فأبشري يا بنت العمة ويا دواء الروح وبلسمها
عمر : عمتي ماهنا رجعه للبيت من دون ما تشترون شي وان كان على أمي فهي عندي
لينة : ما طفيتوا النار الي بقلبي لكن على شرط ما نطول
ريم : يا حيا العدل يا حيا يا حيا
عمر : أقول منوا هذا يحيى
لينة : ههههه حسبي الله عليك والله أني متضايقة بس بقولك هذا ذكرتني بشي أقول وش فيكم فرحانين أثنينكم ولا عمر
عمر بخاطره : حسبي الله ونعم الوكيل يعني كلا يدري ولا أحد أمعبر حبنا
لينة : وانتي يا شهرزاد
ريم مستحية : خالتيييييييييييي ترا نرجع البيت أحسن
لينة : يكون أحسن يلا رجعنا
عمر وريم بصوت واحد : لا
راحت لينة السوق مع أعيال أخوانها وحاولت تتناسى الي صار لكنها من تنسى أشوي إلا وتتذكر مرة ثانية ويحترق قلبه غيظ
في الجهة المقابلة كانت منيرة نار مسعورة وعلى مين على خالد
خالد : وش فيك أنتي أذيتينا
منيرة : كيف أذيتك أقول أختك ماخذه السواق من دون أذن
خالد : ومين قال كذا
منيرة : بشوف عيني خذته
خالد : أساسا أنا أمطرش ولدك عمر معاها لأنها أستأذنت مني ووافقت لها وان صار أنها ما أستأذنت فأنا أخوها وتمون علي
منيرة : كان عندها بدل جوالك 3 جوالات كان كلمتهم
خالد عصب على هالكلمة لكنه ما تمالك أعصابه : منيرة أنا المالك هنا مو أنتي ولا أحد غيرك الحلال حلالي وانا الي أذن وانهي مو أنتي وان عدتي هالكلمة راح يجيك شي ما شفتيه مني وما راح يسرك حبي الله ونعم الوكيل أنتي مو مرة ولا زوجة ما تدرين أن فيني السكر والضغط خافي ربك مو فايدك السواق بعدي والحين طلعي من الغرفة خليني أرتاح بسرعة أرجوك
منيرة حست بأن خالد متضايق حيل لذا أطلعت وهي مكسورة شوكتها
منيرة بخاطرها : الحرب سجال والأيام بيننا يوم لك ويوم عليك لكن الشاطر من يضحك بالنهاية وانتوا يا عيال عبدالعزيز ماراح تتهنون في حياتكم والعز الي أنتوا فيه لي أنا بيرجع وعيالي
راحت منيرة جنب الحريم الي كانوا منشغلين بمها والضيوف الي جايين
عند الساعة السابعة صباحا بتوقيت أمريكا دق جرس الساعة
خليل وهو نايم يتكلم : أمي دقيقة بس أرجوك أبي أنام وانت لا تروح وقف خل الجازي أشوي
واحد من الساكنين بالشقة : خليل قوم موعد محاضرتك قرب
خليل : مين
الرجل : خليل قوم الساعة سبعة
خليل : خلاص روح أنت وانا بقووووم
الرجل : كيفك بس تذكر أن عليك أختبار
خليل : وانت صادق خلني أراجع لو كلمتين تنفع
قام خليل وتسبح وذاكر له كم كلمة ومن ثم راح للجامعة
في الجامعة قابله معاذ
معاذ : السلام عليكم
خليل من دون خلق : وعليكم السلام
معاذ : وش دعوة يا ابو إبراهيم كل هذي الغيبات ولا ولهت علينا
خليل : مو علينا إختبار ليه ما تذاكر وتترك هالصبغ
معاذ: أنا الي علي سويته حبيت أكسبك وارجعك خيل الأول الي ينضرب فيه المثل لكن وش تقول مع السلامة
خليل : الله يسلمك فمان الله لا تعاوده مرة ثانية
معاذ يلتفت على خليل ويناظره مو لأجل طار ولا حق له ولكن يناظره نظرة تحسف والم على صديق مثل خليل
خليل : مو كأني زدتها أشوي معاه لا مازدتها خله يعرف أحدوده وين مو وصي هو علي , لكن هذا معاذ, خلاص سكر السالفة
معاذ يدخل الكلاس
روز : معاذ تعال جنبي
معاذ : تيش عندك قمتي تتعلمين أشوي أشوي كلامنا
روز : البركة فيك وبخليل
تضايق معاذ من هالكلمة وما يدري ليه هل عشانه توه حصل بينه وبين خليل سوء تفاهم ولا عشانه يحب روز ولا بقادر يخبرها
روز : معاذ ماذا بك
معاذ : ما فيني شي بس خليل
روز : أكيد تشاجرت وياه
معاذ: ياليت
روز : ياليت !!!!!
معاذ : أيه والله عندي المضارب أهون من أني أسمع كلام زي السم الهاري
روز : شدة وستزول وإنشاء الله سيرجع خليل كسابقه ونعود كما كنا
معاذ : وأنا
روز : وانت ماذا
معاذ : لا خلاص بيبدى الإختبار
روز : لكن أين خليل
خليل توه فاتح الباب ودخل للكلاس
روز : السلام عليكم خليل
خليل : وعليكم السلام
روز : تعال هنا
خليل : لا بجلس هنا أحسن
روز : على كيفك كنت بغششك
خليل : لا شكرا
روز : العفو
روز بخاطرها : لازم أصبر واحاول أتقرب له ففضله علي كبير
بدء الإختبار والكل بدء الحل
نرجع للسعودية وبالأخص بيت إبراهيم عند الساعة السابعة مساء كانت لينة توها راده من السوق وشايلة معاها كيس لا قبل وما خلت ريم وعمر مرتاحين كلن شايل له خير
الجوهرة : ما تعبتي أنتي من الشراء يكفي
عمر : وانتي صادقة يا جديدة كل ما تدخل محل تشتري ما صارت زي بنات الأيام يدخلون كل المحلات ولا يشترون شي وبعد ما يلفون السوق كله ياخذون لهم شي عن الخاطر بس
لينة : حرام يمه والله أني لسا ما خلصت وزواجي قرب ولا فيه أحد يعاوني على التجهيز كلن منشغل بحاله
الجازي ونورة يسمعون لكن الي فزت هي العنود
العنود : أفا يا لينة ما هقيتها منك تقولين عنا كذا بس انتي عارفة تو مها والد ولا زم لها رعاية
الجازي : وهي صادقة وانا هم عندي أغراض لازم أشتريها حق زواجي وانتي يالنذلة ليه ما قلتي أنك بتروحين شان رحت وياك ولا إذا غاب القط العب يا فار
منيرة لقتها فرصة جيدة للدخول الحين لأنها كانت تتسمع الكلام
منيرة : وانتي صادقة يا شنتي إذا غاب القط العب يا فار
منيرة تمسك يد الجازي على أنها معاها في الهجوم على لينة
لينة : الجازي أنتي وياها
الجازي : لينة
منيرة : ايه وياي مو انا حماتها
لينة : كلامي مو وياكم كلامي مع أخوي هو الي بينصرني عليكم
منيرة : شف مابقى شي تسوي الجريمة وتبي تهرب منها
الجوهرة : وش صاير وش هالألغاز تكلموا
لينة : أمي
منيرة أتقاطعها : عمتي بنتك خذت السواق من دون ما تستأذن مني وانا كنت أمواعدته قبل لا تطلع معاه لكنها كسرت كلامي وخذته وإذا تبين أناديه
راحت منيرة تنادي السواق
منيرة : أنت أنا ما قلت لك بطلع
السواق : نعم ماما
لينة : كذاب
منيرة : صبري : وليه طلعت
السواق : ماما لينة كلام يبي يروح سوق انا في كلام ماما في يطلع بعد نص ساعة هو كلام خلي ولي مافي يطلع هو كلام
منيرة : أذلف الحين
لينة مستغربة من هالكلام ومتى صار
ريم : كذب
منيرة : سكتي انتي إذا تكلموا الكبار يسكتون الصغار
ريم بخاطرها : هين
راحت ريم لعند الرجال تبي عمر وبالصدفة لقته لوحده
ريم : عمر ألححق على خالتي لينة
عمر : وش فيها
ريم : أمك شكلها حفظت السواق كلام وخلته يتهم فيه لينة بأنها قالت له خل ماما ولي وخلنا نروح السوق وهي مالها أي ذنب غير أنها أستأذنت من أبوك عمر طالبتك رح لبوك وقل له يجي بسرعة ويوقف هالمهزلة ولا لينة راح يجيها شي
عمر : أمي !!!!!! أنزين روحي أنتي
ريم : فمان الله
عمر : فمان الكريم وخلك جنب عمتي
راحت ريم للصالة ولقت الجوهرة تكلم لينة والكل ساكت
الجوهرة : عيب يا بنيتي أنا ما ربيتك على كذا
لينة الكلمات تطيح عليها كأنها أجبال ما تتحملها والأفضع من كذا تشوف ربيعتها الجازي من صف منيرة
لينة : الجازي تكلمي قولي شي تكلموا قولوا شي ترا حرام الي يصير مو ذنبي أني من دون أبو يدافع عني مو ذنبي أن أمي تصدق مرت أخوي وتكذبني لكن ذنبي أني أستأذنت من أخوي وعطيت هالنذلة فرصة تمسك علي شي ( بدت لينة تبكي (
الجوهرة : أحترمي مرت أخوك وتأسفي منها
الكل ما يدري مع مين يصف مع لينة ولا منيرة الي معها الأدلة
شيماء : مو تقولين أستأذنتي أجل خل يجي خالد وبعدها يظهر الحق (شيماء أطالع منيرة بكره (
منيرة : وليه يجي زوجي يكفي السواق شهد وبعدين تعرفون ليه أتبلى أنا عليها شوفيها بدت تتباكا عشان تتعاطفون معاها أقول خلوني أخليكم واروح مع بنتي الجازي
الجازي : لا بجلس أنا هنا
لينة بصوت فيه عتاب وألم : لا روحي مع حماتك صدقيها وكذبيني
الجازي : لينة
منيرة : ماعليش منها أنا بروح تبين تعالي
سارة : تعالي الجازي جنبي
الجازي : إنشاء الله يمه
راحت منيرة توها رايحة الا وصوت خالد وهو يتحنحن
خالد : أحم أحم
الجوهرة : تغطوا يا بنات قرب خالد
خالد : السلام عليكم
الكل : وعليكم السلام
لينة مسحت ادموعها
خالد : وش صاير
الجوهرة : مافيه شي
لينة : حتى في هذي ما تبون أحد يدافع عني , الا فيه يا خوي كلن تخلا عني حتى أقرب الناس لي وما بقى غير قول يرفع عني التهمة الي أتهمتني فيها زوجتك يا خوي مو أنا أستأذنت منك عشان السواق وقلت لك أن كان فيه حد يبيه وقلت لي لا ما حد يبيه واذنت لي بالروحة مو يا خوي , يا خوي حسيت بفقدان أبوي بهاللحظة بغيته يدافع عني وياخذ بحقي منهم لكنه ميت وما بقى لي أي أحد
خالد والحزن والألم بعيونه : لا يا حبيبتي أبوي وصانا عليك والحمدلله أنتي بتتزوجين وهم إذا تزوجتي لا زلنا ننصرك ونعاونك ونحبك اما عن الي صار صحيح أنتي أستأذنتي مني وقلت روحي مع السواق ولش الحق تاخذينه متى بغيتي من دون أذن كل مالي لش بس أنتي أمري وهذي حبة على راسك تبين أكثر من شذي والحين ضحكي ووريني القمر لينة
لينة تمسح أدموعها وتبتسم لأخوها
الجوهرة : أجل ليه تقول زوجتك كذا على أبنيتي
خالد : صحيح كلام زوجتي لأنها قالت لي انها بتطلع وانا نسيت فقلت للينة وانا ناسي موضوع زوجتي
الجازي بخاطرها : ياين غلطت عليك يا لينة لكن والله مو قصدي ولا نويت على أذيتك كنت أمزح بالبداية لكن عمتي قلبتها جد
خالد : وين حرمة أولدي قربي جنبي خلوني أشوفكم واشبع منكم قل لا يا خذونكم أرجالكم
لم خالد الجازي ولينة والعيون تقابلت بين الجازي ولينة
الجازي : لينة أسفة والله موقصدي وانتي تعرفيني زين مو هذا معدني الغدر طالبتش سامحيني على فعل ما قصدته كان غصب عني ولا وربي ما ضنيت فيك العيبة ولا ثانية
لينة : أمسامحتش قبل لا تقولين منيرة هذي حية رقطة الله يعينش عليها طيعيني سكنوا برا انتي ووليد
خالد : وش تتساسرون عليه
لينة : ماشي يا خوي
عمر : والله أنك كبير يا بوي عرفت كيف تحلها والا على طاري أمي أنها قالت لك شذب لكن الخبرة لها دور وانتي يا أمي الله يهديك مالي غير أني أدعي ربي لك
ريم : بس بسسسس
عمر : هلا والله بغصن البان
ريم : وعما أستح على وجهك أهلنا جنبنا
عمر : أجل طلعي برا
ريم : أفا يا عمر كذا تقول لي
عمر : وش أسوي إذا شفت الساحرة قدامي وسحره وسحر وجها وعيونها و......
ريم : أقول خلني أبعد عنك بس أقول طلعت ذيب مشكور يا
عمر : يا أيش قوليها
ريم : يا يا ولا أقول أقولها لك بعدين
عمر : متى يا غصن البان فقد مللت الإنتظار والشوق قد بلغ حده متى يا غصن البان
ريم : طالع هذا وش يقول يا طوط طوط عجل علينا فالحنين إليكم لا يدنوا عن شوقكم إلينا ونحن على الوعد ما حيينا
عمر : أه اه
شيماء : ريم وش عندك هنا
عمر تلخبط وريم تبي تصرف الموضوع
عمر : باقي أغراض لعمتي بعطيها إياه
شيماء : أغراض ها أقول روح عند الرجال وانتي تعالي عاونيني على تجهيز العشاء أبيك تروحين بيت ولدي وانتي حرمة أصيلة مو بعدين يقول طالع ماربوها أهلها على السنع
عمر : حيلش فيها خليها تطلع حرمة بيت
ريم : وش دخلك أنت
عمر : ها وش تقولين أنا ولدها
شيماء: بعيد يله
شيماء وريم يضحكون على عمر الي انحاش
مرت الأيام وانقضى اسبوع ومها تسترد عافيتها أشوي أشوي ولينة منحاسة على الأخار بس البنات مو مقصرين وياها
خلونا نترك السعودية ونروح لخليل الي كان ياكل مع أخوياه
خليل : وين العزم الليلة
صاحبه : الليلة عاد فرق عن كل الليالي الليلة بروح لذيك البنت الي وريتك أياه بنجلس مع بعض لمدة يومين تعرف إجازة وانت وش بتسوي تعال معي أعرفك على وحدة تنسيك كل همومك واسمر معها وانسى روحك اشوي بعدها راح تدعي لي
خليل : أتهقى بستانس
صاحبه : أفا عليك أسأل أمجرب ولا تسأل خبير
خليل : خلا ص روح أنت وانا بضبط روحي ولا تنسانى مع خويتك
صاحبه : أفا عليك عز الله ما ني بذاكرك مع هالجوهرة
خليل جلس يفكر
خليل بخاطره : أنا أسوي كذا أنا أزني أخر عمري . أقول أسكت عن هالفلسفة واستمتع لو ليلة . خليل أصحا ولا أقول لك خلاص سو الي تبي لكن لا تنسى شور أبوك . أي والله أبوي قالي شي عن هالموضوع خلني أنفذه
جلس خليل يصبر ويصبر لين تجي الساعة المطلوبة ويوم جا الصباح راح للفندق يبي يشوف له وحده ودلوه الي بالفندق على الطريق
خليل : وش السالفة كل ما أطق على وحده ألقى عندها رجال , خلنا نشوف هذي شكله خويها مشى يا سلام اليوم يومك يا بو إبراهيم
البنت : good morning
خليل : good morning do you busy
البنت : no I wait you from yesterday
خليل استانس على كلامها ودخل الغرفة
خليل : ايش هذا كيف رضيت على روحي أدخل يه واحد ثاني بعد حسبي الله ونعم الوكيل صدق أنكم براميل أزبالة كلن يحط فيكم ويمشي لكني ما دني روحي لمستواكم وجزاك الله الف خير يا يبه على نصيحتك كنت تبيني أشوف هالعالم وبعدها نفسي راح ترفض هالشي
البنت : where are you going I love you come here
خليل : روحي تقلعي يا بنت الكلب كأنك كنيف كلن يدخل فيه ويطلع
طلع خليل وهو متندم على الي يصير له في حياته لكن لازال يكابر بس مو مطول زيادة على التكيبر وراح يرجع للحق
خلونا نروح لروز مع معاذ
روز : معاذ أتيت بالرقم
معاذ : أيه أظنه هذا رقم قوم خليل بس مين بيكلم أنتي ولا أنا
روز : طبعا أنا
روز تكلم الجازي على جوالها
الجازي جالسة مع لينة والعنود يرتبون حق العرس
الجازي عن أذنكم جاني أتصال وشكله خارجي
العنود : وين بتروحين كلمي هنا
الجازي اطلعت برا الغرفة
روز : الو السلام عليكم
الجازي : وعليكم السلام
روز : كيف حالك يالجازي
الجازي : ابشرك بخير من معي
روز : أنتي ما تعرفيني لكن تعرفين شخص عزيز عليك بغيت أكلمك عنه أعرف أن مو من حقي لكني عجزت عن الحلول وما بقى غير حل واحد وهو أنتي
الجازي : شكلك غلطانة أختي
روز : لا مو غلطانة أنا روز زميلة ابن عمك خليل
الجازي بخاطرها: خليل ما غيره خليل والحين وليه ومين هذي أه يا خليل نسيتك لا والله إلا أحاول أتناسك لكنك بالقلب والروح والدم تجري
روز : الجازي أين ذهبتي
الجازي : هلا روز أسفة خوفتيني على خليل وش فيه
روز : خليل تغير كثير مو خليل الي تعرفونه ما أبي أقول أنتكس لكنه بأذن ربي راح يرجع وعن طريقك لأنه من جا وهو متغيرة أحواله والسبب ما ودي أقول أنتي أعرف مالك ذنب لكن حبه لك ما مات وهو تعب من الشوق ويحاول ينساك لكن ما قدر ومالقى غير الا صحبة السوء جروه للمعاصي أرجوك الجازي رجعي خليل لطبيعته والله أنه غالي علينا تدرين أنا كنت بجهنم لا محالة لكن بفضل ربي ثم خليل أسلمت وخليل أنسان حبوب وطيب ويحب الخير للناس ولا يرضى على الدين لكنه بالفترة الأخيرة أختلف كثير
الجازي تسمع والدمع ينزل منها
الجازي : روز وقفي ذبحتيني بكلامك لكن وش أقدر أسوي وانا تعبانة نفسه كيف أعالجه وهو مرضي
روز : حبيبتي تراك انتي دواه وهو دواك كلميه وراح يسمع منك كل شي انتي امري وهو بينفذ بس أختي لحقي عليه بسرعة تراه في خطر
الجازي : ممكن أسالك سؤال
روز : تفضلي
الجازي : أنتي تحبينه
روز : من دون أي شك أيه أحبه لكن مو الحب الي تظنين انا أحب أنسان ثاني قريب جنبي وخليل أعتبره أخو لي ما ولدته أمي
الجازي : بشري يا روز وما راح تشوفين إلا كل خير بس صبري علي عشان أكلمه
روز : يله أجل مع السلامة
الجازي : مع السلامة
سكرت روز السماعة
معاذ : روز منوا الي تحبينه هذا وقريب جنبك
روز استحت : بعدين بتعرفه
معاذ بخاطره : وانا الي كنت أظن أنك تحبيني
جد أبله يا أخي حس أنها تحبك بس أقول قلبك مو دليلك
نرجع للجازي الي من أسمعت الكلام راحت لغرفتها وسكرت على روحها الباب
الجازي والدمع ماوقف من أسمعت كلام روز : خليل يا عديل الروح , كنت أظن أني بس أنا الولهانة , لكني صحيت ولقيتك تجاوزت الوله , طفت الأراضي تبي حل ودوا لعلتك , جاووك أصحاب السوء وغروك وغشوك وانت ضعيف تترجى من المسلمين العون , جروك وبهدلوك في طريق النار أخرته , لكن أطلعت لك من هي كانت ودة بشوك ملاذه بالأخير قاع لجهنم لكنك خليت هالوردة من دون شوك وبدلت مكانها من جهنم إلى دار القرار بأذن الفرد الصمد وهالوردة الجوري أبت إلا أن تكون معها في دار الخلود وجات تستغيث فيني على وعسى تلقى الحل عند انسانة ما نستك ثانية كل نبضة تقول خليل كل نفس اشمها فيها طيبك كل الي حولي يذكروني فيك وأتاريك أمبهدلا مثلي وضايع في رياض المحبين خليل ما راح أترك للمغوين وراح ادمر كل الأساليب الي تجمعك بهم ولو بالقول وانت يكفيك القول عشان تصحا الكلمات تخجل أمامك فانت من علمها كيف الحديث كنت تلاعبها وترقص معها تسير متى شئت وتجعلها في نحور الضالين والحين تخجل أنها تنرد عليك لكن يا حبيباتي لا تخجلون هذا وقتكم تردون الدين الي على رقابكم كونوا عليها هينين وفهموه الصح من الغلط فهذا خليل بلسم على أي جرح يبرا , راح أكلمه بس موالحين بالعرس
مر أسبوع وجا اليوم المرتقب اليوم تطير العصافير وتغرد فوق كل بيت تخبر العالم أن أحلى عروسين راح يجمع بينهم عش جميل فيه راح يتحابون ويعشقون والكل يبارك لهم ويقول ربي يجمع بينكم بخير
لينة : العنود لا تهدوني والله خايفة
العنود : يا بنات سمعوا الي كانت متلهفا على الزواج خايفة الحين
لينة: العنود والله أني فرحانة بس خايفة لا تتركوني خليكم معاي ولا تنسون كل الي رتبناه خلوا هالليلة ماتنسي
الجازي جالس بطرف أخر : الو
خليل : الو
الجازي : السلام عليكم كيف حالك خليل
خليل : وعليكم السلام بخي
انصدم خليل
خليل : أنتي الجازي
الجازي : لا أنا الي تركت حبيبا على قلبي يتركني لجل أسعده ويرجع رافعا راسه والكل مبهورا به يقول شوفوا هذا خليل هذا قدوتنا وانا أناظرهم واقول هذا حبيبي الي عفته لغيري وحبيت يكون سيد زمانه هذا خليل الجازي ما تغيره البلدان ولا الأشواق ما يضعف بسب فتاة ولا تاخذه في الله لومة لائم يغار على دينه ولا يرضى الدنيه هذا حبيبي أما الي أكلمه إنسان ثاني تغير لا قالوا لي تغير لكني قلت مستحيل المعدن الأصيل ما يحلا يمكن يصيبه أغبار لكنه في وقت ينفظ الغبار ويرجع براق يذهل العالم ويعمي الضاين مو صحيح خليل لا تغلطني أنا صبرت عشان ترجع لنا خليل نفسه إلا أحسن منه أرجوك لا تخيب ظن المحبين
خليل دمعة سالت من عينه كانت حارة لكنه حس أنها دموع الندمان وهالدمعة أغسلت كل الذنوب الي عليه
خليل : من زمان أنتظر هالصوت وما توقت يكون في موقفي هذا لكن يا أغلى أنسان عندي بالوجود أعاهدك أني أرجع زي ماكنت وراح توصلك أعلومي الزينة ومشكور على أتصالك لكن بغيت أسألك كيف حالك
الجازي : من دون خليل الروح أنا بليا روح أنا هي نفسها لكن مو بروحي روحي مع خليلها تهوم بالسما وترفرف بالعالي ولا أنا غلطانة
خليل : إنشاء كل شي خير وش أخبار الأهل
الجاز ي : ما أنت أمصدق الليلة زواج لينة وهذه تتزين
خليل : عطيني أياها
لينة : منوا
الجازي : حبيبك
خليل : الو
لينة : ما تقدر تصبر ما بقى شي واتشوفني
خليل : يا حظ فيصل فيك اميرة زمانك
لينة : قول والله قول والله أنت خليل
خليل : عشيون عيل أنا تتزوجين وتهديني
لينة بدت الدمعة تسيل منها : أنتي الي تركتنا ورحت من دون احم ولا دستور بعد هذا تبينا نستشيرك خلاص أحنا أمزاعلينك
خليل : بالله تقدرين على الخصام
لينة : خلني مرة أخاصمك بس في الأخير تفوز والله أني زعلانة ليه ما جيت
خليل : تعرفين يا حياتي البنات هنا وش كثرهم ولا أقدر أهدهم
لينة : لا خليل يقول كذا
خليل : والله الدراسة ماخذه كل الوقت لكن هانت راح الكثير وما بقى الا القليل وش أخبار معرسنا هالله هالله فيه وهالله هالله في قومنا
لينة : أيهم
خليل : تبيلهي ما كبرتي على هالحركات
العنود : منوا يكلم
الجازي : أخوك
العنود : خليل هاوشها وخلها تصير مرة سنعه
خليل : سمعتي العنود وش تقول
لينة : أيه خليل والله بيخترب المكياج سكر ترا دموعي حارة والمكياج مايصدق تجيه حرارة
خليل : أنتي الي تحبيني وتصيحين علي
لينة : هذا جزاتي أج
خليل : يشهد ربي أني أحبك أكثر منك والدليل أني بسكر الحين لا تنسين سلمي على الكل
خليل : سبحان الله هالمكالمة كانها دواء من رب العالمين ريحتني كثير جد ظلمت ناس كثير واولهم معاذ ولروز لكن برد لهم حقهم بطريقتي
نترك خليل ونروح للعرس الي كان في غاية الروعة الكل فرحان وأولهم المعرس الي أمرسم وصاير أكشخ واحد لكن المنافسين وش كثر واولهم وليد وعبدالرحمن ويعقوب
كان الفرح على وجوه الكل وخاصة الجوهرة الي أرتاحت من حمل كبير البنات ما قصروا جلسوا يرقصون والكل يناظرهم وكل وحدة من الحريم جالس تنقي لعيالها منهم وهذا هو طبع الحريم هالأيام وش نقو لغير الله المستعان
المهم جات أم نواف تناظر في البنات وطاحت عينها على وحدة تبي تعرف أسمها
أم نواف : منيرة منوا هذي البنت
منيرة : أيهم
أم نواف : أم الوردي
منيرة : ليه وش فيها
أم نواف : والله أدخلت قلبي من شفتها وبغيتها لولدي نواف
منيرة : هذي بنتي
أم نواف: ماشاء الله
في المسرح كانت نورة ترقص مع عائشة نورة لا بسة فستان أصفر غاية في االروعة على البرنسيسة وعائشة لا بسة فستان وردي ( لاحظوا المعنى(
نورة : أقول شكلها تبيك لولدها
عائشة : منوا
نورة : الي أتلكم أمي وأتأشر عليك
عائشة : وان أفترضنا ممكن تبيك أنتي
نورة : كان ودي لكن حبيبي ما يرضى وان درى قلب هالعرس على راسه
عائشة : أدحيم يخوف
نورة وهي تضحك : أسمه عبدالرحمن بس أنا الي أدلعه
أم نواف: أجل بنجيكم عشان نخطبها
منيرة : هذه الساعة المباركة بقدومكم
أم نواف : فمان الله
كملت العائلة العرس وكلن فرحان وجا وقت مغادرة العروسين غادروا الصالة للفندق الي بيقضون فيه ليلة ثم بيروحون لماليزيا
فيصل : كان حلم وتحقق حلم ما توقعت يكون بهالحلاة ربي لك الحمد
لينة منحرجة والحيا ماخذ مكانه
فيصل : عارف أنك مستحيا لكني بروح عنك أشوي بصلي وبجيك عاد قولي السلام عليكم ولا أي شي يا هووو يا عالم أروح أصلي أحسن
راح فيصل يصلي وهو في الصلاة أضحكت لينة
فيصل بخاطره : أحلا أضحكت لي خلني أروح أسلم عليها
قطع الصلاة وراح يسلم
فيصل : السلام عليكم
لينة /...........
فيصل : السلام عليكم
لينة : ................
رجع فيصل يكمل صلاته
لينة هم أرجعت تضحك
فيصل تشقق وقطع صلاته
فيصل : السلام على من سرقت قلبي وروحي
لينة : ....................
فيصل : قولي بس وعليكم السلام تكفي
لينة : .................
رجع فيصل يصلي لكنه هالمرة عصب لأن لينة أضحكت
فيصل : قسم بالله أن ما قلتي لي ليه تضحكين لتكونين أنتي بدرب وأنا بدرب مو عدل الي تسوينه فيني أسلم عليك ما تسلمين أصلي تضحكين علي
لينة تداركت الموقف
لينة :هههههه حبيبي طالع وراك شوف السهم يأشر على وين للصلاة القبلة العكس
فيصل انحرج وبعدها بداء يضحك على روحه صلا ومن ثم
فيصل : لينة قربي جنبي
قربت لينة وحط يصل أيده على راسها ثم دعا
فيصل : اللهم لك الحمد على كل شيء اللهم يا حي يا قيوم لك الحمد أن زوجتني ريحانة قلبي لينة اللهم أجعلني اسعدها واخضع لها بالقول والين لها اللهم وفق بيننا واستر عوراتنا اللهم احفظ سرنا وادم المحبة في قلوبنا ربي بارك لي فيها وارزقني منها ذرية صالحة اللهم أمين
لينة : أمين
فيصل : فيصل أمين ها من بعد ما ضحكتي علي المهم قومي بدلي وحسابك بعدين معي
راحت لينة تبدل ملابسها وتفك التسريحة وامسحت هالمكياج الي عليها بعد ماتعطرت لفيصل أطلعت من الحمام
فيصل صار أمسبه : أكيد أنتي زوجتي يا بنت الناس فيه وحدة أدخلت الحمام شفتيها ما كانت بجمالك ولا تصف جنبك حتى
هنا لينة أقفطت وعطت فيصل ظهرها
قرب فيصل للينة وبدا يفرد الجدايل من شعرها لدرجة أنه يدخل شعرها بفمه
فيصل : لينة والله لو علي ما خليت مخلوق يشوفك تدرين مو قادر أعبر بس أبي أقول لك شي واحد والله أني مغبون فيك حتي أغبن روحي أنتي زوجتي ما شاء الله تبارك لينة احبك وبظل طول عمري أحبك لينة تذكرين أول لقاء بينا
لينة : أذكره كنت جريء كثير
فيصل : وش تبيني أسوي أشوف حورية واسكت والله أني تخيلت فيك هذا وانا شفت عيونك بس كيف لو شفتك أشهد أي بموت
لينة : لا تقول كذا حرام عليك
فيصل : ياهوووو والله أني أسعد أنسان حبيبتي جنبي وش أبي زود ما أبي شي
لينة :هههههه ذكرتني بذاك اليوم يوم تناقز في الشليه
فيصل : يوم تدخلين علينا وانتي ماسكه الشاي كانك تسوقين سيارة
لينة هنا تذكرت الموقف ولا حبت فيصل يذكره لذا أستحى لدرجة انها بكت
فيصل : أنا غبي أنا حمار ليه أقول كذا ليه الواحد بزواجه يتغزل بحرمته وانا أذكر ليالي ماضية لينة سامحيني مو قصدي أرجوك فوتيها لي
لينة : أكيد تنساها
فيصل : أكيد
بعد كذا كل شي ممنوع قوله أو شرحه نام العروسين
منذ /28-11-2006, 01:56 AM
