لا تظن اني ما احبك (قصة سعودية)

[toola]

نرجع للعايلة بالشاليه

عبدالوهاب فز يوم شاف أهله داخلين كذا

عبدالوهاب : وش فيكم عسى ما صار شي ترانا مو ناقصين

مها : ما فيه شي أرتاح أنت

جاوا الرجال ويم شافو لينة تعبانة قربوا جنبها

خالد : أشفيها أختي تكلموا بسرعة

منيرة تبي تصطاد بالماي العكر: لا ما فيه شي بس أختك ما تعرف تسبح وكانت بتغرق

خافت لينة أخوها يسوي لها شي لأنها جربت ضرب أخوها مرة من زمان ولاتبي هالشي يتكرر فجلست متخبية ورا الجوهرة ومنيرة فرحانة

منيرة في خاطرها : أخيرا راح يصير شي بهذي العيلة

لكن لكن خالد رفع يده وتوه بينزلها على لينة سمعها تصيح خليفة

لينة : ألرجوك خالد أسفة أسفة أتوب ما راح أسويع=ها مرة ثانية

الكل يطالع لينة وفيه الدمعة لهذي الدرجة هي خايفة من خالد أخوها الكبير جفى خالد على ركبتيه وجلس يبكي بدل الدمع دم وقلنا إذا بكى الرجل وش يصير الكل تفاجئ خالد يبكي

خالد :وهو يبكي : لينة أرجوك سامحيني على الي سويته لك من قبل لهذي الدرجة تتذكرين لازم أقطع اليد الي أنمدت عليك لازم

راح خالد للمطبخ يبي يقطع يده جدلهذي الدرجة متأثر خالد الكل الحقه أباهيم مسك أخوه خالد وعبدالوهاب بعد السكينة من يده الجوهرة : حرام عليك يمه

خالد : يمه خليهم يخلوني أنا السبب بالي أختي فيه لازم أخذ عقوبتي لازم

جفى مرة ثانية خالد على الأرض يبكي بحرارة لكن لينة أمسكت يد أخوها وقبلتها

لينة تبكي : ما عاش الي يخلي هاليد تنقطع هاليجد هي الي ربتني وعلمتني سمحني يا أخوي لا لا أبوي أنت مقام أبوي الي ما دلعني كثير مات لكنك خذت كثير من مكانه في قلبي

حب خالد أخته وحضنها والكل حولهم يبكي جلس عبدالوهاب وإباهيم والجوهرة ويوسف وليلى جنب بعض يحضنون بعض كلهم يبكون لكنهم الحمدلله أثبتوا حبهم لبعض

منيرة منقهرة من هالشي كانت تبي تخرب عليهم لكن ما نفعت معاها الي كانت دايما تخطط لها من زمان الي تخلي خالد يعصب على أهله لكن بعد وفاة أبوه تغير 180درجة غير صار يحبهم ويحن عليهم صار من حال لحال

شيماء أطالع منيرة بحقد وكراهية

شيماءبخاطرها : لهذي الدرجة أنتي حقودة لككن لا وألف لا ما راح أخليك أتخربين الي بينهم مرة ثانية أوعدك

منيرة لاحظت نظرات شيماء وهي منقهرة منها كثير

نترك العايلة بفرحهم هذا ونروح للغايب الحاضر بالبال سامي زوج ليلى الي كان بالمستشفى مع الطبيب

الدكتور : هذي أخر مرة أنبهك فيها لا تجهد روحك يا أخي ترا صحتك في مرحلة خطيرة وأنت أنسان مؤمن بالله وقدره لكن أقولها لك بكل صراحة أنت ماراح يبقى لك الكثير من عمرك قلبك ضعيف كثير

سامي : دكتور أرجوك كم باقي

الدكتور : بصراحة ممكن شهرين إلى ثلاثة شهور

سامي : الله كريم وراح يسهل علي وانكان الموت هو مصيري فالحمدلله

طلع سامي من المستشفى وكان حزين واجد على الي راح يصير له ووانه راح يترك زوجته الي يحبها موت وعياله الي ما يقدر على فراقهم

فاجئه صوت الجوال

سامي : الله كأنها تدري أني أفكر فيها

سامي : السلام عليكم

ليلى : وعليكم السلام كيف حالك

سامي في خاطره : حالي ما يسرك

سامي : أبشرك أنتظر رجعتكم بفارغ الصبر وأنا بخير وعافية

ليلى : الحمدلله وشخبار وليد

سامي : الله يا حظ وليد الي يسئلون عنه وأحنا لا

ليلى : تغار من ولد أخوي

سامي : أغارمن نفسك الي معك على طول أحبك يا بعد عمري

ليلى : وأنا بعد

سامي : وأنتي أيش

ليلى: خلاص أحنا كبرنا

سامي : أ،تي بس لكني مازلت قوي وقلبي لازال يعشق ويهوى وأن ما بادلتيه الحب راح يحب غيرك

أنزلت دمعة حايرة من سامي لأن قلبه عكس كذا ضعيف لكنه يحب وحده بس هي ليلى ليلى

ليلى : اجل خلاص أنا أعشقك وأتمنى أحب تراب رجليك

خالد : الله الله خلك أجل بسوريا عشلن هالكلام الحلو يتم أكثر

ليلى : المهم فمان الله وخل بالك على نفسك وعلى قلبي الي بقلبك لا تخليه يتألم مع السلامة

سامي يبكي لكنه قاوم: بحفظ الرحمن سلام

سامي : كيف ما اعوره وانا داري أني راح أعوره ليه ياربي كذا أستغفر الله الله يتوب علي لكن ما راح أعور قلبك يا عزيزتي ليلى

نترك سامي مع ألمه ونروح للعايله الي يتصلون على أهل الهنوف يعزمونهم على العشاء

شيماء : السلام عليكم

أم الهنوف: وعليكم السلام

شيماء : أسفين على الأزعاج بس هل هذا بيت الهنوف

أم الهنوف : نعم معك أمها مريم

شيماء : والنعم كيف حالك يا عمة

مريم : الحمدلله بخير مين معاي معليه ما عرفتك تعرفين كبرنا وقمنا ننسى

شيماء : لا إنشاء الله أنك بخير لأنك جد ما تعرفيني أنا شيماء جارتكم بالشاليه وتعرفنا على الهنوف وهي راح تروي لك القصة الي عرفتنا بالغالية الهنوف ونبيكم اليوم تشرفونا على العشاء وهي تعرف العنوان وما راح أرضىبأي عذر يا عمة

مريم : الله يهديك ما خليتي مكان للأعذارإنشاء الله راح نلبي أطلبك

شيماء : أجل سلمي لي على الهنوف ويله مع السلامة

مريم : الله يسلمك

راحت أم الهنوف تقول لبنتها عن العزيمة

مريم : يمه الهنوف توها شيماء متصلة وعازمتنا كلنا وأنا ما لقيت أي رد غير أني أوافق بس تعال منو هذي شيماء والله أني أرتحت لها واجد وكاني أعرفها من زمان

الهنوف : هذي قصتها طويلة بقولك أياها الحين بس لازم ننجهز عشان نروح لهم بس وين أخوي

مريم : أتلاقينه على البحر لوحده وأبوك نايم

الهنوف : القصة هي (جلست تسرد لأمها القصة كلها لين ما خلصت)

بعد ما صلوا الشباب العصر توجهوا للبركة يسبحون وجلسوا يسبحون ويتسابقون المهم كانت السباحة روعة وخصوصا الزحليقة الي خلتهم يسوون أنواع الحركات عليها

نترك الشباب ونروح للبنات الي معصبين على لينة

العنود : وش فيك أنتي ما تجوزين

لينة : كيفي أبي أركب الجيت سكي ( الدباب البحري)

العنود : منو بيوديك

لينة : أحمد ولد أخوي يوسف

أحمد توه داخل وشاف البنات صراخ مع لينة

أحمد : أيش فيكم صوتكم لبرا

العنود : كيف بتركب لينة الدباب وهي توها غرقانة

أحمد: والله هي الي تبي وبعدين أنا بركب وأخيرا فيه بدله للحمايةمن الغرق

لينة : عاش أحمد عاش عاش

راح أحمد ولينة وأجروا دبابين للينة واحمد ألعبوا والكل مستانس والبنات ميتين قهر أنهم ما يلعبون في هذي الأثناء فيصل كان يلعي بالدباب حتى هو وفجاءة لقى وحدة الوحدها بهذا البحر هي لينة قرب منها

فيصل : السلام عليكم

لينة كانت متلثمة وتبين عيونها

فيصل دايخ جالس يدقق النظر فيها ويطالع عيونها

لينة : عمى بعينك أستح على وجهك كيف تناظرني كذاجد ما تستحي لو أختك مكاني كان مارضيت أحد يكلمها

فيصل : والله أسف وأعتذرأن قليت حياي معك بس كنت أبي أعرف أن كان عندك مشكلة

لينة : ما عندي أي مشكلة يله مع السلامة قبل لا يجون أهلي

أحمد جاي مسرع وشاف الي يكلم لينة

لينة: قلت لك أمش بسرعة لكنك ما طعت ومشكور على المساعدة

تحرك فيصل بسرعة ما يدري هل الي يسويه صح ولا لا لكنه كان خايف فراح بسرعة لكن أحمد ما خلاه جلس يلاحقه لين وصل له وأول ما وصل له طشر عليه الماي بالدباب وفيصل ما قدر يوازن الدباب فطاح بالبحر بس الحمدلله أنه يعرف يسبح وأحمد جلس يحاول يساعده مسك فيصل يد أحمد وركب الدباب حقه لكن فيصل بدا بالكلام وفهم أحمد السالفة وجلس أحمد يعتذرله ويبين له أنه لو كان بمكانه وش راح يسويرجع الكل للشاليه ماله وجاء الليل وجاو عائلة الهنوف الي هم هنوف ومريم أمها وعلي أبوها وفيصل أخوها أيه هو نفسه فيصل ما حد أعرفه لأن أحمد مو هني كان طالع برا وما حضر العشاء ولينة ما راح تعرف فيصل لأنه مع الرجال

خلص العشاء وتقهووا الجماعة وشكروهم على تلبية الدعوة وعلى جميل بنتهم الهنوف الي ما يقدر بثمن فبفضله رجعت العايلة متماسكة أكثر والحريم هم نفس الشي جلسوا يشكرونهم وراح علي وعايلته في أخر الليل بعد سمرة حلوة معاهم

جلست الهنوف مع أمها

الهنوف : وش رايك يمه بلينة

مريم : ماشاء الله عليها جميلة واخلاق ونسب حلو مكتملة ولا كامل إلا وجهه

الهنوف : يعني : رضيتي عليها

مريم : على وشو

الهنوف : يمه فهميني نبيها لأخوي فيصل

مريم : هذا يوم السعد يا يمه أخيرا لقيت وحدة تصلح لأخوك صح أنا ماعرفناهم ألا بجلسا وحدة لكن قلبي أرتاح لهم كثير وخاصة لينة والجوهرة وشيماء والعنود كلهم والله مرتاحة لهم ألا وحدة منية أسمها ما أرتحت لها

الهنوف : ما علينا منها المهم خلينا نكلم فيصل الحين مستعجلة أبيها تكون لأخوي

الهنوف نادت فيصل وجاء فيصل

الهنوف: أخوي فيصل والله أنك كبرت وتخرجت الحمدلله من الجامعة وتشتغل بأحسن وظيفة والله مكرمك من كل شيء بس ناقصك شي واحد الزواج والحمدلله بعد طول تدوير وبحث لقينا لك الي بتسعدك وبتونسك وبتونسها اليوم شفناها بس لكنها جمال وأخلاق وأمي حبتها من أول نظرة

فيصل : حتى الحريم يحبون من أول نظرة

مريم : كلام أختك صحيح أنا حبيت البنية وابيها تكون كنتي وهم من الأحساء بعد

فيصل : وبنت أخوك ما تبينها لي

مريم : لا وأحنا ما كلمناهم بشي وهذي أحسن لك

فيصل : أفكر يا يمه بس مادام هي جميلة وأنتي راضية عنها هذا أهم شي عندي لكن خليني أفكر بس قولي لي شسمها

الهنوف : لينة

جلس فيصل لحاله يفكر بالي شافها اليوم بالبحر كيف كانت محترمة لأقصى حد ولا رضت له يقرب وأحمد الي خلاه يغرق بعدين أنقذه هو يبي هذي البنت مو الي قالت أخته وأمه عنها نام فيصل وصحا الصباح راح للبحر يبي يشوف البنت الي أمس لكنه خاب ظنه ورجع للشاليه لكنه سمع صوت وقرب لقى بنت داخل شافها تعجب من خلقها ملاك ملاك رجع للخلف وصورتها لازالت بعينه يتأملها طلع برا من جديد جلس يمشي لين وصل للشاليه الي كانوا أمس فيه لكنه أستغرب أنا أحمد توه طالع منه

أحمد : السلام عليكم

فيصل مستغرب: وعليكم السلام

أحمد : كيف حاللك

فيصل: الحمدلله بخير لكن وش جيبك هنا

أحمد : هذا شاليهنا

فيصل : أمس أحنا عندكم ما شفتك

أحمد : أمس أيه ما كنت أنا هنا طلعت مع أهلي من أمي المهم انت كيف جيت عندنا أمس

فيصل : أ،توا كنتوا عازمينا لسلامة بنتكم لينة

أحمد : أي عمتي تذكرت لكن أنت تعرف منو هذي مع أنه مو لازم أقول لك بس يله هذي الي كلمتها أمس بالبحر

فيصل مو مصدق الكلام بخاطره: هذي الي حبيتها أمس هي الي أمي أرتاحت لها يافرحتي وسعدي

أحمد : وين رحت

فيصل : أحمد أنا أحبك موووت سلامم

راح فيصل للشاليه مالهم ونادى أخته

الهنوف: وش فيك فشلتنا

فيصل: خلي : خويتك تتغطى بروح غرفتي

الهنوف : ليه

فيصل : تراني أموافق على البنت وأبي ألبس عشان نخطبها الحين

لينة تسمع الكلام بين الهنوف وأخوها

الهنوف : جد مو صاحي في الصباح بعدين كيف تخطبها وهي أهني

فيصل : حلفي البنت الي داخل هي نفسها يا فرحتي أمي شكلها تدعيلي طول الليل خليها تتغطى

الهنوف راحت للينة وشافتها لابسة عباتها بتمشي ودعتها وراحت جهة الباب لقت فيصل بوجها وخر فيصل ومشت هي لكنها ردت وناظرت زين

لينة: أنت مرة ثانية

الهنوف : ليه تعرفون بعض

فيصل : أيه أعرفها وصار لي معاها موقف

لينة : وكيف تعرفني انت

فيصل : شفت أحمد وقالي أنا أختي هي الي أنقذتك

(تابع............................................. .......)

[اسيرة ماضي]

مشكورا اختي

جنااااااااااااااان

[أسيرة القناص]

مشكورة أختي على القصة الروعه وأنتظر الجزء الجديد بفارغ الصبر

[سلافة]

:curtsey: :curtsey: :curtsey: تسلمين حبيبتي على القصة وننتظر التكملة

[toola]

الجزء الثالث عشر :

إهــــــــــــــــــــــــــــــــــــــداء خاص جدا جدا لمهاجر الشوق ولصـــــــــــــــــــــــــــــــــــــــــــــــ ــــغيرتي





لينة : هههههههههههههههههههههههههههه



الهنوف: تخبلتي أنتي شكله الغرق أثر عليك

فيصل منحرج مو لأن لينة تضحك لا وألف لا

فيصل : كل هذا لأن أحمد طيحني بالماي

الهنوف: نعم وش تقول أحمد طيحك بالماي شو تقولون أنتوا

لينة : أنا أستاذنكم مع أني مو قادرة أمسك روحي من الضحك سلام

فيصل : أقول ذيك المرة كنت خايف من أهلك بس هالمرة لا

الهنوف+لينة : يعني

فيصل : موعدنا العصر على البحر وأذكرك مين الي بيفوز أخر شي أنا ولا أحمد

لينة : العبرة بأول مرة

فيصل: لا الي يضحك يضحك بالنهاية المهم أنتي تعالي على البحر بعد صلاة العصروحتشوفين

راحت لينة لبيتهم الي كانوا أهلها يتريونها يبون يعرفون وين راحت

الجوهرة : أهلين حبيبتي وين كنتي

لينة : السلام عليكم توني داخله أكلتوني

الجوهرة : ردي علي وين كنتي

لينة : كنت عند هنوف أسولف وياها

الجوهرة : أنتي ما تستحين من الصباح رايحة لهم ولا قلتي لأحد ولا أفتكرتي أنك بسوريا خلاص ما أحد ولي عليك أصحي يا بنيتي أحنا ترى بديار ربي وكلها واحد ما يفرق مكان عن مكان

لينة : والله ما كنت أفكر أنا طلعتي بتسوي هذا كلا وإنشاء الله مو عايدتها أبد

الجزهرة : لا تزعلين مني يا بنيتي تراني خايفة عليك وأنتي زي ماتعرفين أخر العنقود وكل أخوانك أطمأنيت عليهم وباقي أنتي إنشاء الله ربي يسهل عليك وتفارجين وجهي

لينة : الله الله لهذي الدرجة مليتي مني أجل خلاص بطلع ولا بشايفتني

الجوهرة : الي يقول ذي ولد مو بنت

دخلت أسيل تلعب بالكرة مع جمانة وعلي

الجوهرة : يمه جمانة وخروا الكرة عني تراني مو ناقصة ضرب بعد

جمانة : معليك يا يديدة وأن جاك شي خذيها بنفس طيبة وقومي لعبي معنا ترا وناسة

لينة : لبمش أنتي ولد تلعبين كورة

جمانة : والله الكورة الحين مو بس للأولاد حتى البنات يلعبون كورة بس أنتوا هنا بالوطن العربي ما تلعبون متخلفين

لينة : من جدها هذي أقول خلينا العقل لش

جمانة : عميمة لا يكون صدقتي تراني ما أقصد

لينة : مو لازم تقدمين الأعذار خلاص فهمتك الحين أنتي من دعاة تحرير المرأة

جمانة : ههههههههههههه والله يعني أنفع أكون معهم

أسيل : جمانة كورة كورة

لينة : يا عيون جمانة وطوايف أهلها أقوم ألعب معك يالله شوتي

علي : عمتي لعبي أهني

شات علي الكرة لكن ها هاها باتجاه الجوهرة

الجوهرة : أيا المقاصيف والله لوريكم تعال يا عليان قرب

علي : مو أنا هذي بنتك لينة

لينة : أيا الجذاب بعد تكذب

علي : والله يا يديدة هي

لينة : خلاص ما دام حلفت فوالله لكذب عيني وأصدق حلفك بربنا

علي: شو تقولين أنتي

لينة : بعد شقول أنت حلفت بالله تعرف من أهو الله مو أي أحد يقسم أبا الله عزوجل معزز ومكرم عن كل المخلوقات عشان كذا إذا ابتحلف أحلف صدق ولا لا تحلف أبد بكذب سمعت

علي : أسف عميمة وأنتي ياجدتي أسف

جمانة : شاطر يا علي ولك مني بوظة مجانا

لينة : وين عنك عديلة الروح

جمانة : نايمة للحين وش رايك أنصحيها

لينة : يبيلها مقلب يالله تعالي معي

راحت لينة وجمانة للمطبخ ويابوا معاهم ملح وفلفل أسود تدرون ليه بعلمكم الحين

لينة : شو رايك

جمانة : أقول أنتي مجرمة حرب بس ودي بكاميرا بعد

لينة : أنا المجرمة الحين ها

راحوا أتجاه غرفة البنات ولقوا نفس ما توقعوا منال نايمة وغادة جالسة تقرا كتاب

غادة (بنت يوسف من زوجته قمر ): شو بتسوو هوني

لينة : أقول عاد تراش مصختيها والله لعطيك أطراق تحسنين من لكنتك ذي

غادة : قولي أنك منقهرة من الحشي حقي

جمانة : أخص صرتي حساوية عدل بعد كلمة الحشي

لينة : المهم خلينا نسوي المهمة الي جايين عشانها

حطت لينة ملح داخل فم منال وحطت فلفل عند خشمها (تقفون جربوا هذي التجربة ترا تموت ضحك ) المهم جلسوا البنات ضحك على منال الي ساعة تحك خشمها وساعة أطلع لسانها تبي لو قطرة ماي , قامت منال على صوت ضحكهم وراحت للحمام على طول

منال في خاطرها وهي تحك شعرها الي كان مسترسل مو لازم تمشطه : الحمدلله والشكر ليه يضحكون كذا وليه أنا ريقي يابس (جلست تحك خشمها (أنفها) ) وليه ريحة الفلفل هذي

غسلت منال ويها وطلعت على نظرات البنات الغريبة أتجاها عرفت أنه في خدعة وأخيرا

منال : أيا الزبالة أنتي وياها

لينة+جمانة : ههههههههههههههههههه توك تفهمين

منال : مو بس فهمت ألا راح أفهمكم

نطت منال عليهم وبدا شد الشعور بينهم وغادة تكمل قراية بالكتاب

منال : أنتي أهناك خلي عنك الثقف وساعديني

غادة : يالله يايتك

راحت غادة وهي مالها شغل بالموضوع وشاركت بالحرب البنوتية

نترك البنات الحين ونروح لعبدالرحمن الي جال على البالكونة

عبدالرحمن :

قد كنت أسمع بالهوى فأكذب

وأرى المحب وما يقول فأعجب

حتى رميت بحلوه وبمره

من كان يتهم الهوى فيجرب

جاه صوت من خلفه صوت أنثوي رقيق وعذب شقول بعد الصوت صوت من الي خلت القلب مهموم يسهر الليل بليا نوم

نورة : الله الله شو حلو هالكلام

عبدالرحمن يلتفت وراه مو مصدق فاتح كل عينيه

عبدالرحمن : يا شيخة أمري بس تبين الشعر يرسمك لوحة ولا تبينه يتغزل في جروحه الي ما أندملت بسسب محبوبه هاجره كم ليله بسبب غروره أمري بس

نورة : العنود طلعي بسرررعة أخوك ما خلا للحيا مكان

أطلعت العنود من مخبأها

العنود : انت ما تستحي ما في في وجهك دم هذا أهي لوحدها أجل لو معاها غيرك شو بتقول

عبدالرحمن : بقول يا رب أنت العالم بالحال أسهر الليل جافاني النوم أعد النجوم وأتخيله بكل مكان دوم ربي عجل لي بغيتي وخل الي مالهم أحساس بهموم ينفطر فيها قلبهم للي ما جاهم النوم

نورة : أقول يالله بسرعة أخوك بيخربها اليوم

عبدالرحمن : وأيم الله أن قلبي منفطر شقين

والحيا غشاني والا كان قلت زود

ا الشعر ما يسوى من دون ذكركم

الأهات بفؤادي لكني كتمتها بسدود

لا تخلوني وترحلون كفاني شوق

أناظرك ثواني واعطفي علي بالجود

العنود : نورووو نورروو

عبدالرحمن يناظر نورة وهي نفسه لكنها من خلف نقابها ما في أحلى من كذا

العنود : نورة

نورة : ها هات نعم

العنود : لا والله الحين نعم أقول بروح عنك

نورة: روحي الله ياخذ روحك

عبدالرحمن : ههههههههههههههههههههه

العنود : كذا خليتي العشاق يضحكون علينا

نورة تولعت المبات الحمر على وجنتيها وراحت داخل الشاليه ألحقتها العنود

أما عبدالرحمن طاير من الفرح تعبا عنده الحب ويقدر يكمل ألا يناقز بعد

راح عبدالرحمن داخل فرحان ويطرب بالأغاني

شيماء : الله يفرحك يا وليدي فرحنا

عبدالرحمن : يمه باركي لي

شيماء : على وشو

عبدالرحمن : عبيت فول اليوم وياليته كل يوم بس خلي بكرك يعجل تراني متوله يايمه

شيماء : قول كذا من زمان

عبدالرحمن : يمه وين خليل

شيماء : جالس مع نفسه بالغرفة

عبدالرحمن : يالله عن أذنك

دخل عبدالرحمن على خليل

عبدالرحمن : وشحال روميو

خليل : أي روميو أي خربيط

عبدالرحمن : أشفيك يا أخوي

خليل : ما فيني شي

عبدالرحمن : ألا فيك أتفكر فيها صح

خليل : شنك داخل قلبي ما شفتها لي يوم لا يومين المهم من زمان

عبدالرحمن : أيا قليل الحيا تقولها جهارا نهارا بعد خاف على البنت

خليل : وأنا قلت شي غلط أبي أشوف لو خيالها ما أقدر يا أخوي رح نادها خل أي أحد يناديها أبيها خلاص بكلم أبوي يخطبها لي

عبدالرحمن : خليل تصبر وأصبر وأصبر بس أقول لك شي يقهرك أنا توني شايف مــــــــــــــــــــــن أ؛ب وحادثتها

خليل : نعم وجالس تنصحني وتقول تصبر مين الي بيحوشك عني اليوم

طلع بسرررعة عبدالرحمن قبل لا يوصل له المم ألحقه خليل ومراكض بالشاليه لين ما أطلعوا منه عبدالرحمن تفادى الي قدامه لكن خليل لا وألف لا مايدري مين بيقابل طبعا الجازي توها راده ولا تدري بلي راح يصير لها خليل صدمها وطاحت على الأرض وجاها ألتواء خفيف بالكاحل لكن خليل على طول نزل يطالع رجلها مع أنه ما يجوز لكن عقله مو وياه خلاه عند الباب بس قلبه هو الي يشتغل جلس يهمز رجلها وهي تتألم خفيف

يعقوب توه جاي كان مع أخته يمشي على البحر وعبدالرحمن فاقص ضحك على أخوه ما يدري وش بيسوي لكن خليل ماعطى أحد فرصة أول ما جاء يعقوب يناضر خليل والجازي الوضع غير مطمأن للغاية لكن خليل كسر الصمت الي عند يعقوب

خليل: يعقوب يعقوب يعقوي وصمخ جيب بسرعة ماي حار

راح يعقوب للمطبخ جد كان خليل مو في وعيه ولا كيف يامره وهو كذا مع أخته لكن خليل طبيب يعرف وش يسوي جاب يعقوب الماي الحار وحط رجل الجازي فيه بعدها راح للحمام يغسل يده رجع وقال لها حطي ملح ودهني رجلك بالفازلين وأنشاء الله بيروح الألم

يعقوب : خليلوه خليلوه وش جالس تسوي

خليل : أسوي أيش أوه السموحة الجازي ما كنت أدري

الجازي : لا ما صار شي

خليل : يعقوب قوم وشل أختك داخل يله

يعقوب : إنشاء الله

مسكيعقوب االجازي وودها أتجاه البيت داخل لكنه رجع لصوابه كيف خليل يمسك أختي خليل يطالع يعقوب ويوم عرف أن يعقوب بيهجم عليه أنحاش ويعقوب ما كذب خبر ألحقه لين ما طيحة بالساحل

يعقوب : ليه تلمس أختي

خليل : هههههههههه لبمك ما شفت أختك طايحة وأنا طبيب

يعقوب : كل العالم أيه إلا أنت

خليل : وليه بالله

يعقوب : لانك تبيها

أستغرب خليل من يعقوب كيف عرف لا يكون عبدالرحمن قاله شي بس لا يكون حبي لها واضح لهذي الدرجة

يعقوب : أقول هذي أول مرة وأخر مرة ويوم تتزوجون يحلها ألف حلال

خليل : أنشاء الله يالنسيب وقوم بسرعة تراني خلاص ما أقدر أتنفس

قام يعقوب وكملوا الشباب مشي على الساحل

نروح عند مها وعبدالوهاب

مها : أأأأأأأأأأأأأأأأأأأأأهههههههههههه أأأأأأأأأأأأأأأأأأأأأأأأأأههههههههههههه

عبدالوهاب : وشفيك يا حياتي

مها : ولدك يعورني داخل بطني

عبدالوهاب : هديني عليه أربيه

راح عبدالوهاب عند مها وحط أذنه عند بطنها يبي يسمع الولد

عبدالوهاب : يا ولد أو يا بنت عيب عليكم خلو أمكم ترتاح ولا بحب أمكم

مها : لا خلاص أعقلوا

عبدالوهاب : قولي أنك ما تبيني أحبك أجل خذي بوسة

حب عبدالوهاب مها وأسيل جالسة أطالع

أسيل : عيب عيب

مها : شوف هذي وش عرفك أنه عيب

عبد الوهاب : سبحان الله الطفل يولد على الفطرة

أنخلي مها وعبدالوهاب ونروح للمطبخ

شيماء جالسة تظبط للغداء دخلت عليها منيرة متجنسة أشوي

منيرة: شو بطبخين لنا اللغداء

شيماء : تعالي وشوفي بنفسك

منيرة : وليه مالك لسان تقولين فيه

شيماء : ألساني صاينته وما أقول فيه ألا الزين مو مثلك

منيرة : ايش تقصدين

شيماء : والله ما أقدر أقول الي تسوينه لكنك أنتي أكثر وحدة عارفة الحقد الي في قلبك يا مرة أستحي وخلي كلن في حاله ألا تبين لينة تنطق وألا تبين البيت هذا ينهدم ليه أبي أعرف جالسة في بيت لحالك ما حد يضايقك ولا أحد يطب بيتكم صاير زي البيت المهجور ما فيه حياة حتى هذا أنعكس على أعيالك يا مرة أستحي وشوفي عيالك ولا تهدمين بيتك

منيرة (أتصارخ ) : أقول طالت وشمخت كل هذا بقلبك قولي بعد زود أنا قايلة أنتي أنسانة حقودة أفرك ساكتة طول هالوقت تكتمين بقلبك لكن عرفي شغله أني ما راح أهدك تستانسين على أحسابي والحين يا بنت المجنونة كملي غدانا بسرعة

شيماء أنقلب وجها وتغير صار أحمر وعيونها قامت أدمع

شيماء (بخاطرها ) : أنتي تسبين أمي أنا لا وألف لا والله ما أعديها لك أمي جا الوقت الي هالكلبة تسكت ولا عمرها تتكلم

[فجوره]

يعطيك الف الف عافية يا قلبي على الاجزاء الحلوة مثلك

[toola]

في هذي اللحظة دخل عمر واتجه ناحية المطبخ يبي ياكل أي شيء تفاجىء يوم شاف شيماء متغيرة وأمه أمقابلتها وأمه فيها الضحكة

منيرة : يمه عمر تعال شوف أمك المزيفة أستخبلت شوف يدها كيف تتحرك

منيرة أطالع يد شيماء لكن سبحانه من خلاها أطالع باليد هذي الي ماجلست غير ثانية ثابتة وبعدها شيماء عطت منيرة كف ما راح تنساه أبد

منيرة منصدمة من الكف

منيرة خاطرها : كيف تجرأت وعطتني كف والله لرده لها

توها بتمد يدها إلا عمر مسك يد أمه

شيماء (بصوت يطلع من أعماق قلبها ) طلعها برا طلعها برا لأرتكب اليوم جناية بسرعة طلعها

أنهارت شيماء وطاحت على الأرض عمر منذهل ومنيرة أطالعها وقلبها ماليه الحقد على شيماء رغم الحالة الي أوصلت لها

عمر (يصارخ): خليل خليل يباه عمي أبراهيم

الكل جا على صوت عمر خليل يطالع أمه مو مصدق

خليل : يمه يمه لا يا يمه قومي قومي

أبراهيم : شيلوها بسرعة للمستشفى

خليل شال أمه ألوحده وحطها بسيارته وطار فيها لأقرب مستشفى

الكل في البيت يصيح إلا منيرة تتباكى وفيه وحدة ثانية مو عارفة للحين مخبين عنها لأنهم يعرفون معزة شيماء لها الجوهرة ما تدري أتشوفهم يبكون لكن ما تدري ليه والجوهرة هي الوحيدة الي تعرف شيماء عدل وأتحبها كأنها بنت من بناتها ألا زود فهي بنت الغالية

الجوهرة : أشفيكم أتصيحون قولوا لي

العنود : ايديده ما في شيء

الجوهرة : ما فيه شي وتصيحون علموني بسرعة

ليلى : يمه ما في شي تعالي وأستريحي

الجوهرة : قولوا لي لا شق أهدومي

ليلى تبكي مو قادرة تقول لأمها لكن لينة أمسكت أمها

لينة تحبس الدمعات : يمه تعالي أبيك

راحت الجوهرة ولينة داخل غرفة يمه أنتي مؤمنة بالقدر

الجوهرة : تكلمي بسرعة ما ني قادرة أصبر

لينة : أمي شيماء

الجوهرة ما أستحملت ولا شياء إلا شيماء قامت أتصارخ وتولول

الجوهرة : لا ألا شيما ألا شيماء لا

لينة : يمه هي بخير بس طاحت علينا ووديناها المستشفى

الجوهرة : بروح لها ودوني لها بنتي بنتي بالمستشفى بسرعة ودوني

عبدالوهاب توه داخل راجع من المستشفى يبي يخبرهم بالأخبارسمع صوت أمه

عبدالوهاب : أشفيها أمي

راح ناحية الغرفة لقا أمه أتصيح ولينة معاها من شافت الجوهرة ولده طاحت على الأرض يمه ولدي ودني لشيماء أرجوك ودني

عبدالوهاب : يمه هي الحمدلله تعدت حالة الخطر الحين

الجوهرة : الحمد لله بس ودني لها يا وليدي

كملت الجوهرة بكا وعبدالوهاب رق قلبه يوم شاف أمه بهذي الحالة

عبدالوهاب : يله قومي بس ما فيه بكا جنبها أرجوك يمه وخلي العنود تجي بعدولا أقول لك لهم خليهم يجون

طلع عبدالوهاب يخبرهم بالي يبي يجي راح الكل ألا منيرة تعذرت أنها تبي تجلس بالبيت تبي تزهب العشاء لليلة

وصلوا المستشفى بس إبراهيم أول ما شافهم جا ناحية عبدالوهاب واسحبه من أيده لناحية ثانية بعيدة عنهم

عبدالوهاب : أشوي أشوي علي

إبراهيم : كيف أشوي أشوي وأنت ما راعيت هالعجوز المسكينه

عبدالوهاب : أمي جلست تبكي وتترجى تبي تي وابقية جيتهم أحسن من أنهم يوسوسون لوحدهم وبعدين حرمتك مو لك لوحدك تراها غالية علينا كلنا

إبراهيم : أنزين خلاص

عبدالوهاب : وش قالوا عليها الحين

إبراهيم : عندها هبوط حاد في القلب وأعصابها تعبانة والحين عطوها أبرة تخدير عشان ترتاح بس أبي أعرف شو الي جاها ليه صارت كذا واله لوعرفت أحد متعرض لها شوف الي يجيه

عبدالوهاب : مين يزعل على مرتك أنت الثاني مرتك ما في أحن منها على الكل تراعي مشاعرهم ولا ترفض طلب لأحد حتى لو على أحسابها مرتك من النساء النادرين ياليت منها الكثير كان الدنيا بسلام

ننتقل للعنود الي ما بطلت بكى والجازي تهدي فيها لكن هيهات هذي أمها الغلية

الجازي : عنود خافي على عمرك مو زين هذا لك

العنود تبكي : شفيك أنتي هذي أمي مالي أحد بعدها أأأأأأأأأأأأأههههههههه يا يمه الجازي شوفي جدتي جالسة لوحدها خوفي يجيها شي

الجازي : وأنتي

العنودد : ما عليك أنا بخير بس جدتي ما أظن

راحت الجازي للجوهرة الي حالتها يرثى لها

الجازي : أيديده

الجوهرة :.......................

الجازي تحط يدها على الجوهرة

الجازي : أيديده أيديده

الجوهرة : ........................

الجزي : مها مها تعالي شوفي أشفيها جدتي

جات سارة مسرعة مع قمر يبون يشوفون الجوهرة أشفيها

سارة : وش فيها

الجازي: ما أدري ساكتة كل ما أكلمها ما تتكلم

الجوهرة أطالعهم بس ساكتة

قمر : يمه فيك شي تكلمي

الجوهرة ما تكلمهم الي جاها ما يخلي للكلام أي معنى ولا للبكى كل هالأشياء مالها معنى زي السكوت السكوت بركان أمولع من داخل صاحبه يتعذب ويفكر بالي كان سبب العذاب الي فيه يفكر بكل المواقف الي صاحبته وياه هذا حال الجوهرة مو قادرة تبكي ولا تتكلم لين أتشوف الي خالاها كذا تبي تشوف شيماء بنت أختها الغلية الي صابها شر الدنيا كله ما جاها خير غير أنها تموت وتترك هالدنيا للي يببيها تتذكر الجوهرة أختها وكيف تعذبت مع أهلها وزوجها الأول بس يوم أنها أستجنت رماها زوجها وطلقها ويوم جاها حبيب قلبها الأول والأخير ما طولت معاه جابت شيماء وماتت هذي هي نفس القصة الي قصتها الجوهرة للعنود والجازي كانت أختها أم شيماء بعد وفاة أم شيماء تبنتها الجوهرة وربتها عندها حتى يوم تزوجت خذتها ولما أكبرت زوجتها لولدها إبراهيم بس ما حد كان يعرف بالسالفة إلا القليل

الجوهرة لازالت تفكر وفيه أنسان ثاني يبكي لا هم أثنين خليل وعمر كلن يبكي على أمه طلعوا الي في صدورهم للعالم أجمع وزي ما قلنا الرجال لمن يبكي يبكي بدل الدمع دم

جالس يطالع عمر ولده

خالد : ليه يبكي هذا كذا صحيح انها أمه لكن ليه لهذي الدرجة ويوم جينا هو الي كان جنبها مع منيرة ليه أبي اعرف

(ليتك تعرف زوجتك وش سوت بشيماء سبتها بأغلى أنشانة عندها يكفي هذا)

طلع الدكتور يبشرهم

الدكتور : أيه يا جماعة مالكم ترى الوالدة الحمدلله تعدت مرحلة الخطر وهي بألف عافية والحين تقدرون تزورونها بس مجموعة مجموعة

لكن قام فرحان أولهم الجوهرة الي من أسمعت الخبر أدخلت على طول

الجوهرة أدخلت ودمعتها حايرة في عينها ما ودها أطلعها مراعاة لشيماء وشيماء وجهه يهلل بالخير فرحانة يوم شافت أمها

الجوهرة : هلا والله ببنيتي ما تشوفين شر إنشاء الله

تعدلت شيماء لكن الجوهرة أمسكتها وخلتها نايمة

شيماء : كيف حالي أمي

الجوهرة : ما أدري وشحالي يوم أنك طحتي بس أرجوك لا يجيك شي قبلي تراني ما أقوى يا بنيتي والله ما أقوى

شيماء : أنشاء الله موم جايش شي بس أنتي ذكري الله

الجوهرة : لا إله إلا الله محمد رسول الله

شيماء : والله أني أشوف الدمعة بعيونك لا تحبسينها طلعيها تراني أقوى على البكا

الجوهرة من أسمعت هالكلمة قامت تبكي كأنها بزرة صغيرة تبي من يعطف عليها ضمتها شيماء وقامت تبكي وياها

دخل إبراهيم ويا الحريم

إبراهيم : هذه أهني وأحنا أندور عليها

شيماء أنتبهت لهم

إبراهيم : هلا بنور عيني كذا تخرعينا عليك تراكي والله غالية مو لازم تختبرينا

أبتسمت شيماء

الجوهرة : غصبن عنك غالية والله

إبراهيم : أنا خلاص ما أقدر أتكلم لو كلمة وحدة معاش يا شيماء محامي قوي والقاضي هم معاك

الكل قام يضحك كلهم جاو سلموا على شيماء الي كل وحدة حست أنا شيماء تبي تشوفها هي خاصة كلن يحس أن شيماء تحبه هو وحده من دون أحد ثاني الله يرحم حالك يا شيماء وياجرك على الي أنتي فيه

إبراهيم : ليتني زيك أوزع على الكل الحب من دون أي كره لأحد

شيماء : تعال عندي وبدرسك بس مو تمل

إبراهيم أنا أمل حشى والحشى بألف يمين ما مليت منك قبل تبيني أمل من حبيبتي الحين ما أقدر

شيماء : أشفيك أنت صرت زي أخوك ما يحشم أحد

مها : تقصدين مين

شيماء : أنا ما تكلمت هي الي تكلمت

الكل قام يضحك

شيماء : وين الشباب

العنود : هم برا ينتظرون أذنك

شيماء : خلوهم يدخلون أبي أشوف أعيالي وينهم

راح أبراهيم ينادي الرجال

إبراهيم تعالوا سمح لكم

دخل خليل وعبدالرحمن وخالد ويعقوب حمدان وسلطان وأحمد كلهم أدخلوا إلا واحد هو عمر مشى من المستشفى يوم درا أن شيماء بخير

خليلوعبدالرحمن راحوا لأمهم على طول مع أن الحريم جنبها لكنهم تغطوا والبقية جالسين خلف الستارة

خليلما قدر يكتم الدمعة الي بعينه يوم شاف أمه ولا عبدالرحمن كلهم راحوا لها وجلسوا على صدرها يبكون

شيماء: أفا يا عيالي كذا تبكون خلكم أرجال

عبدالرحمن : يمه ما أقدر يا يمه أنتي أغلى من روحي كيف ما أيكي عليك يوم أنك مرضتي كيف

شيماء قامت الدموع تنزل من عينها

العنود : قوموا عن أمي خلوها ترتاح

خليل : أقول سكتي جلستي جنبها من زمان ولا أختقيتي لنا تنادينا

العنود أسكتت لهذي الدرجة يحسبها خليل كلن دخل على أمه ألا هم

شيماء : يله كفوا عن البكاء ولا ببكي زيكم

خليل يمسح عيونه يجفف الدمع

خليل : خلاص يمه ما راح نبكي بس أنتي لا تنزلين دمعة وحدة تراها غالية علينا وأنت أدحيم قوم

عبدالرحمن أمخبي وجها بصدر أمه

خليل : ولد قوم عاد خلاص

عبدالرحمن قام لكنه قام وهو مبتسم مشقق روحه من الأبتسام

عبدالرحمن : يمه أنفع ممثل من بعد البكا ضحك

شيماء : تنفع لكل شي يا عمري بس وين ولدي عمر

خليل : حتى هنا بهذ الموقف تتذكرينه

شيماء : أه منك كل ذي غيرة

عبدالرحمن : يوم عرف أنك الحمدلله بخير مشى ولا قبل مقطع روحه بكى ولا يكلم أحد

شيماء بخاطرها : الله يعينك يا ولدي الي شفته اليوم أكبر من تحملك بس يالله الحمدلله على كل حال

عبدالوهاب وخالد يسلمون على شيماء مع باقي الشباب

يوم طولوا بالمستشفى إلى العصر أبراهيم خلا عبدالرحمن يجلس مع أمه والبقية أرجعو للبيت

بعد ساعة جا عمر يطق الباب

شيماء : تفضل عمر

عمر مستغرب كيف أعرفت أنه هو

عمر دخل وجلس أبعيد

عمر : السلام عليكم

شيماء وعبدالرحمن : وعليكم السلام

عبدالرحمن : أنت ما تستحي كذا أتسلم على أمك

شيماء : عبدالرحمن أطلع برا لوسمحت

عبدالرحمن مستغرب أنا أطلع برا ليه المهم طلع عبدالرحمن

شيماء : تعال يا عمر خلني أحضنك

عبدالرحمن جالس يطالع من الدريشة شاف عمر أنطلق لشيماء وجلس يبكي

شيماء : خلاص حبيبي لا تبكي تراني مو ناقصني إلا تزيد أشوي وأبكي وياك

عمر : أسف يمه والله أسف

شيماء : أنت ما سويت شي ومو لازم تحاسب روحك على شي أنت ما سويته

عمر : بس أمي هي الي سوت لك كذا أمي ظالمة ومتجبرة

شيماء : عيب عليك لا تقول كذا

عمر : أنتي الي تقولين كذا أهي الي ضرتك وخلتك هنا وما جات حتى تطمئن عليك لا لا تقولين عنها كذا ما تستاهل

شيماء : أمك طيبة بس ممكن أفعاله أشوي منها مو زينة ولا أهي طيبة تحبكم وأسهرت عليكم وأعلم أنا ما في أم ما هي طيبة ولا كان قضت على أعيالها الي جابوا لها الألم عند ولادتهم

عمر يطالع شيماء وهي تكلم جد كبرت بعينه لو غيرها ما قالت كذا

(البقية تتبع بالجزء القادم أنشاء الله )


اشوف وين الردود

[ريم العين]

تسلمــــــــــــــــــــــــــــــــــين

[فجوره]

مشكووووووووره على الجزء يا قلبي

[فجوره]

مشكووووووووره على الجزء يا قلبي