|
اشكر حبايبي اللي قيموني ورد الجوري شكرا للتقييم رهوفة واقلها مساحتك احلى زارا شكرا لمتابعتك ولا تقطعي روح تسلميي شوربة عسل اشكرك وغيرهم ممن قيمني واقلكم لا تقطعو متابعتكم وانتو اللي شجعتوني اشكركم (ق)(ق):9daf6d8b8708a209c3d:9daf6d8b8708a209c3d
|
السلام عليكم ورحمة الله وبركاته اليوم السبت 10\11 طبعا اليوم رحت متاخر شوية لانة ما نمت الا الساعة 3 تقريبا في الليل لانو رجولي كانت تعورني وما قدرت انام وصلت المدرسة دخلت الساحة لقيت 2 من صاحباتي فرحت انو تقابلنا ومتاخرين بسرعة فسخنا وتعطرنا عشان ما يكتبو اسامينا مع المتاخرات دخلنا لقينا الابلة اللي تكتب ماهي فيه مشينا بسرعة وطلعنا عالفصل اول ما دخلنا 3 مع بعض لقينا ابلة الانجليزي تحل الملزمة تعرفو كيف البنات يطلو والابلة لما تدخلي انتي وصاحباتك يحسوكي شردتي ورجعتي:هاع: الابلة قالت شي عن التاخير طليت فيها وانا معصبة قامت هيا طلت مستغربة تخيلو وحدة مي شبعانة نوم ساحبة نفسها عالمدرسة وتلاقي كمان وحدة تكلمها كذا من حقي اعصب اليوم المفروض انو في اختبار بس عشان بنات التحفيظ عندهم اختبار فالدوري حيبدا يوم الاحد بكرة واليوم في بنات عندهم دوري بس مو ثالث يعني اولى وثاني اتوقع عندهم في حصة للاختبار هيا نص ساعة اليوم كملنا فيها انجليزي وبعدين فسحة نزلنا الساحة رحت اشتريت وجلسنا طبعا اليوم في اختبار تسميع شافتني اليوم الابلة وقالتلي يلا وانا لسا فطوري فيدي ما خلصته وطبعا انا وصحباتي قاعدين نسولف عن احداث الربوع والخميس والجمعه هع وكانت سوالف حلوة فما قدرت اقوم واسيبهم قعدت وخلصت الفسحة قمت ورحت عند البنات اللي عندهم التسميع كلهم يطلو احسهم مقهورين اني قعدت الفسحة كلها :{h,,,3}:سمعت وطلعت طبعا انا دحين اعتبر متاخرة عن الحصة اللي علينا واللي هيا فقه دخلت لقيت وحدة من الابلات زي الادارية بس انها مو مع الادارة واحيانا تجي تحضر حصص والكل يخاف منها تقريبا طليت من شباك الفصل لقيتها جوا دخلت سالتني وين كنتي قلتلها اني اسمع او اختبر المهم سكتت جلست ومرت الحصة عادي بعدها كان علينا رياضيات كان عندنا واجب امس الساعة 1 او2 في الليل حليته دخلت وفتشت وشرحت الدرس وبعدين اخر الحصة قالت الواجب س 20 وهوا نفس الواجب حق يوم الربوع كل شوية بنت تطل وتستغرب و تقول هوا نفسه وانا اسكتهم الين في النهاية اللي قدام الابلة قالت هوا نفس الواجب سمعتها قبل ما تكمل البنت كنت ابا اسكتها بس شافتني الابلة قالت لا يعني تحسبوني ماني عارفة انا عارفة انو نفس الواجبوعقابا لكم ع حركتكم كمان 7 واجب :#::هيا: وبعدها كان علينا علوم قالتلناا المراقبة انزلو المعمل وهوا في الدور الارضي ونحنا ف اعلى دور نزلنا ودخلنا المعمل وكل شوية يدخلو بنات الين ما اكتملو طبعا اليوم كنت نكته :هاع:البنات يضحكو عليا سالت الابلة مين توصفلي البركان قمت انا وقلت جبل مفتوح من فوق قعدو يضححكو عليا وبعدين كل شوية بنت تستهبل او تعلق والابلة تنرفزت ودايما تتنرفز مننا :هاع::هاع: خلصنا وطلعنا كان علينا عربي دخلت الابلة تخاصم عشان تسكت البنات بعدين وحدة جات من الحمام وضربت صاحبتي قالتلها ليش تضربيني قلتلها روحي اضربيها واعطتيها مسطرتي اللي سرت اسميها سيفي لانها طويلة ضربتها والابلة شافت المسطرة قالت لصاحبتي هاتيها وتخذتها وقعدت تضرب في الطاولة الين الكل سكت وبعدها كان علينا تفسير وكدت انام في الحصة بس ما نمت وبعدها عربي وبعدها نزلنا صرفة ورحت لا تنسو التقييم لو اعجبكم يومي |
السلام عليكم معليش تاخرت بس لانو النوم والمذاكرة مسكوني ما قدرت اكتب بس قلت لازم اكتب ولو دحين ما بمسح صفحة من تاريخي هع > تاريخ المدرسة خخخخ اليوم الاحد 11\11 اول شي صحونا بدري قمنا تجهزنا وخلصنا وصلت المدرسة لقيت شي غريب صحبتي اللي دايما تتاخر جات قبلي فتحت عيني مستغربة:Emoticons-plus.com وهيا تضحك فسخت العباية ورحت سلمت قلتلها غريبة جاية بدري قالتلي صحيت وعلى بالي اني متاخرة وتجهزت بسررعة بعدين واحنا في السيارة عرفت انو مرة بدري قلت للسواق امشي بشويش ولما وصلت عند المدرسة قعدت في السيارة وهيا واقفة هيا ما كانت تبا تقعد لحالها في المدرسة بعدين دخلت دق الجرس قمنا وصفينا طابور الصباح خخخ <<مدري متى:××: يبطلوه طلعنا الفصل الحصة الاولى كان علينا عربي ووحدة من صاحباتي فيها رججه وبعض البنات يطلو فيها وودهم يكفخوها :هاع: عدت الحصة وقعدنا نذاكر للاختبار لانو بعد الحصة الاولى كان علينا حديث كان سهل بس ابلة الدين غايبة وعلينا بكرة اختبار فقه اختبرنا وحلينا اللي بعدها كان علينا دين وما اخذنا شي لانها غايبة بعدين علينا علوم قالتلنا انزلو المعمل نزلنا وكالعادة في بنات اتاخرو شوية قالولها كانت المديرة تسلم علينا <<اهم شي انها بتسلم عليهم :هاع:قالتلهم اها يعني انتو تقولو المديرة سبب تاخيرنا بعدين غيرو قالو رحنا نسلم عليها وعدت الحصة طلعنا فصلنا فوق اخر شي والمعمل في الدور الارضي المهم طلعنا قالولنا روحو المصلى والمصلى في الدور الارضي نزلنا مرة ثانية و دخلنا سوولنا برنامج عن العمل اصلا طفشنا ولما نزلونا احنا والفصل الثاني كلنا كان عندنا حصة فاضية لو خلونا في الفصل احسن واحنا قاعدين شلتنا قداام والبنات اكثرهم ورا كنت قاعدة اكلم بنت واللي تسوي البرنامج قالت مين تقرا في وحدة صوتها حلو في القران ماشاءالله واسمها زي اسمي و البنات قاعدين يقولو اسمها وهيا مو راضية تطلع مدري كيف وجهو السؤال ليا وتخيلو انو البنات قاعدين يقولو اسمي والابلة تطل فيا وانا اكلم صاحبتي ومديتهم ظهري واحسب انهم يقولو للبنت الثانية بعدين طليت لقيتهم يطلو فيا والابلة تقولي يلا تعالي اقراي قلتلها لا مو انا هما قصدهم عالبنت الثانيةقالتلي طيب تعالي قلتلها لامابا لانو صوتي مرة عادي وبعدين قرات الابلة :هاع: بعدين طلعنا واحنا في الدرج عصبت من صاحبتي ماسكه وحده من الفصل الثاني ومقفلة الطريق عليا:#::#: بعدين كان علينا رياضيات وبعدها قران طبعا نص الفصل في الحمام وانا منهم:هاع: لانو الحصة اللي بعدها كان علينا قران والابلة ما تنقص بعدين مسكينه الابله جات عالحمام:Emoticons-plus.com:هاع: رجعت عالفصل قعدت شوية وقلت للابلة ابنزل عند اسمع قالتلي طيب نزلت سمعت وطلعت و خلصت حصة القران بعدين كان عندنا حصة فاضية اكتشفنا انو ابلة الدين اشرت للفصلين الثانية تاشير غير تاشيرنا نزلت انا ووحدة كلمنا الادارة قالولنا ذاكرو زي ما اشرتلكم ولو جا شي من اللي مو مؤشر المعلمة تتحمل المسؤولية طلعنا بعدين انصرفنا :هق: |
للاسف ما مداني اكتب لكم يوميتي امس بسبب اختبار الانجليزي:52yicz::52yicz: |
السلام عليكم ورحمة الله وبركاته اليوم الثلاثاء 13-11 اليوم صحينا متاخر لانو نمنا متاخر تجهزنا رحنا وصلت المدرسة 7 وربع توقعت يكتبو اسمي بس ولله الحمد اللي تكتب ما كانت في عند المدخل طلعت الفصل لقيتو فااضي ولا بنت مافي غير كم شنطة لانو كان عندنا الحصة الاولى فني وبعدها اختبار اخدت ادوات الفني و ملزمة الانجليزي لقيت صاحباتي كلهم جو ماعدا وحده الابلة كانت تشرح وانا شوية اطل فيها وشوية في الملزمة بعدين خلصت شرح وقالتلنا خلاص راجعو باقي نص ساعة البنات يراجعو وكل شوية وحدة مننا تقول للثانية ايش اصعب شي ونتاكد جات صحبتي دوبها دخلت وجلست معانا وكملنا نتاكد :0rkbqrdly6cd: بعدين قبل ما يدق الجرس طلعنا لانو حنختبر ففصلنا جلسنا نراجع شوية دق الجرس رتبنا الطاولات وشوية جات الاوراق كان الاختبار كويس ولله الحمد بعدين دق الجرس و الابلة اخدت الاوراق بعدين اللي تطل فالملزمة واللي تتاكد مع صاحبتها وبعد الاختبار جا وقت فوفة http://www.banaat.com/vb/images/smil...20%2886%29.gif نزلنا قعدنا نسولف وناكل بعدين رحت للابلة اللي تسمع لقيت عندها بنت والابلة تقولها ايش جبتي غير الفصفص قالتلها ولاشي قالتلها الا البنت قالت تشيتوس بس خلصناااه:هاع: قالتلها والفصفص خلصتوه قالتلها لا باقي شوية:ewqqq:البنت من الفصل الثاني وجايبة معاها ماشاءالله فصفص وتشيتوس خخخ سمعت بعدين خلصت الفسحة طليت في الساحة ما لقيت شلتنا قلت شكلهم طلعو طلعت لاخر دور لانو دورنا ولقيت بنت وحدة ببس قلتلها وين البنات قالتلي لسا دحين حصة الفني الثانية تذكرت يعني المفروض ننزل لاخر دور مو نطلع نزلنا وورتنا ايش نرسم ودق الجرس بعدها كان علينا قراءة كان الدرس يضححك كل ما تشرح الابلة كم كلمة ننفجر ضحكا وحتى الابلة نفسها تضحكsm.20.دق الجرس واحنا ما خلصنا الدرس بعدين كان علينا فقه بس اعطتنا حديث وما معانا الكتب بعدين كان علينا علوم كالعادة الابلة عصبت شوية بس حلينا تمارين وما مدانا نكمل بعدين كان علينا انجليزي الابلة كانت تعبانة بس كعادتها ماشاءالله تقاوم واخدنا درس بعدين كان علينا رياضيات الدرس فهمناه بس ع اخر الحصة :هاع: بعدين انصرفنا نزلنا وع طول نادى اسمي ورحت البيت بلييز لاتنسو التقييم:034q::034q: |
السلام عليكم ورحمة الله وبركاته (ق)(ق) اخباركم مع الربوع ورجته :هاع: اليوم الاربعاء 14\11 ام نمت الساعة 2 في الليل عشان كذا بالقوة قمت تجهزت ورحت عالمدرسة:"(: دخلت عند الباب بفسخ عبايتي لقيت الثانوي طالعين والمتوسط لسا فسخت شوية اطل لقيت وحدة من صاحباتي ورايا سلمت عليها :70esf:وفسخت عبايتها ومشينا بين البنات الين وصلنا طابورنا فاخر لحظة بس وقفنا مشيو اللي قدام مشينا واحنا في الدرج جات صاحبتي الثانية سلمت عليها :70esf:ومشينا في الفصل طبعا كنا نراجع:dohaup_1024689511: الين ما تجي الابلة حق الحصة الاولى وكان علينا تفسير والاختبار فمادة القواعد دخلت الابلة سلمت وكذا بعدين قالت طبعا انا عرفت انو عندكم اختبار قواعد وحاعطيكم درس قصير لو ساعدتوني وما طلتو كتاب القواعد وانا اشرح حيبقى من الحصة تراجعو:dancegirl2: فيها شرحت الدرس كان مرة قصير حلينا تدريباته وراجعنا دق جرس الاختبار جاتنا ابلة العلوم وكانت هيا تراقب علينا عدلنا الطاولات واعطتنا الورق طبعا الاسئلة كانت سهلة بس في اشياء جات نبهتنا عليها طبعا بعد ما طلبناها الله يستر بس لا يكون عندي غلط ان شاء الله:52yicz: خلصنا جمعت الورق بعد ما دق الجرس رحت انا وصاحباتي كل وحدة تسال الثانية كنت شاكه في شي والابلة كانت عند الباب والبنات متجمعين عليها لما جيت بسالها تمشي والبنات حولها وهيا شكلها بتوصل لغرفة المعلمات بسرعة رجعت الفصل و جا وقت:smileybunny1: فوفة نزلنا اكلنا وتكلمنا بعدين رحت ابا اسمع المهم رحت عند الابلة وكانت تجمع بنات ثاني وحدة وحدة وانا اراجع ومستنيتها بعدين راحت هيا والبنات وسابتني وما كاني في شكلو كان عندهم اختبار بس كان قالتلي بدال ما استناها:"(::"(: عصبت ورحت لقيت شلتنا جالسين عالكراسي وعندهم بنتين من فصلنا طبعا جاني فضول قلتلهم ايش قالولكم ؟؟قالو بيسوو ____(اسم غريب ):doh: قلتلهم ايش يعني قالو حفلة رقص :هاع: قلتلهم مين بيسويها؟:همف: قالولي وحدة فيهم بتسوي وانو جاية تعزمنا لا وكمان بتسويها في اجازة الحج:w00t2::w00t2: قالولي بتروحي قلتلهم مستحييل وثنتين من شلتنا زيي قالو ما بنروح والباقيين قالولي ليش عادي ما في اولاد بس بنات؟ قلتلهم لا. وبعدين انا و ثنتين من صاحباتي كمان قلنا ايش حفلة رقص والناس في الحج مررة لا وكمان مالها مناسبة:eek5::eek: وحدة قالت اذا بتروح ___انا بروح قالت___ اذا ماما رضيت بروح انا استغربت ايش بهم صحباتي المهم لما طلعنا من الفسحة كان علينا فرااغ وبدا مفعول يوم الربوع البنات يطبلو ويرقصو رقص يضححك:dohaup_1428227937::md1 (13)::رقص: وتجي المراقبة اللي جننوها اليوم :هاع::4chsmu1: كم مرة تدخل تفك الباب وترجع تقفل بعدين فكت الباب قالت منتم شامين ريحة فصلكم ؟ قامت ردت عليها بنت قالتلها انتي بس تبي تقهرينا عشاننا مسوين رجة قالتلها تعالي واخذتها معاها بعدين قالت اطلعو شوية وارجعو يعني قلك عشان نشمها قامو البنات فررحو لما قالت اطلعو طلعوsm.10.:smileybunny1: مو كلهم بعدين رجعو الفصل وفكت الباب وقالت فكو الشبابيك فكوها شوية وقفلو كل شي الباب والشبابيك ورجعو يطبلو دخلت مرة ثانية وقالت ان شاء الله تنكتمو من الريحة اقلكم فكو الشبابيك وانتو زي اولى ابتدائي فهذيك الحصة كان في فصل غيرنا عندهم حصة فاضية المهم رجعو يطبلو ويرقصو رقص يفططس ضحك:hysterical::hysterical: بعدين قالو لوحدة من صاحباتي هيا مصرية قالولها تعالي ارقصي مصري قالتلهم لا اخجل قالتلها وحدة لا تخجلين يلا قومي ما بنقول لاحد :هاع:واحنا نتفرج ونضضحك قامت البنت ورقصت صفقولها بعدين قالو اعطوها طرحة شوية دخلت ابلة التدبير هيا فلاوية شوية بس بحدود قالت ايشبكم اصواتكم الين تحت طبعا احنا اعلى دور قامو البنات قالو واااا منجد :w00t2::w00t2:بعدين كانو يتكلمو عن الابلات ويقولو للابلة مين اكثر الابلات اللي يحبوهم بعدين دق الجرس جو بنات من الفصل الثاني مو بنتين ولا خمسة يمكن 10 بنات او اكثر قالو سمعنا صوتكم حمستونا طبعا مني فاكرة هما جو بعد مادق الجرس او قبل ما تدخل ابلة التدبير مساكين جو شوية بعدين قاعدين يجرو طلعو من الفصل وكان مررة زحمة:jumping0044::jumping0044: طلعو من عندنا وشكلو كان عندهم حصة اما احنا برضو كان عندنا حصة ثالثة فاضية جات الابلة حق فصلنا قعدنا نهرج مع بعض انا والشلة شوية قالت خلونا نتكلم مع بعض ايش في شي بينكم مشاكل او شي احلها معاكم عدت الحصة واحنا نتناقش على هذا الشي بعدين كان علينا رياضيات اخذنا حصة قبل هذي نكمل فيها الدرس حق امس وهذي الحصة جات تراجعلنا المهم كنت قاعدة مكان صاحبتي ومعايا الشنطة لما جات الابلة بتبدا اخذت شنطتي عشان اروح على مكاني وصاحبتي تجي مكانها وكنت ابا استهبل سويت نفسي رايحة ومعايا الشنطة وعند باب الفصل قلتلهم مع السلامة قامت الابلة تقولي ذاكري اللي حليناه ماعدا المسائل لانو عندنا اختبار يوم السبت ان ضححكت قلتلها مني رايحة وصاحباتي يطلو ويضحكو بعدبن:bluebiggrin::bluebiggrin: هيا سمعتني اني اقول ما اعرف المسائل قلتلها لاا مني رايحة رجعت ع مكاني راجعتلنا ودق الجرس كان علينا اخر حصتين تدبير نزلنا المطبخ حق التدبير سوو مكرونة بالبشاميل بس كالعادة ما اكلت وعدت الحصتين وانصرفنا ورحت عالسيارة طبعا اليوم كان مررة حلو نصه حصص ونصه فلله يلا ان شاء الله اكتبلكم يوم السبت لاتنسو التقييم :f.24: |
شكرا لكل من مر وقيمني
|
امس السبت 17\11 اول شي صحينا تجهزنا انا خلصت واختي تدور عبايتها دورت ما لقيتها والمشكلة انها يوم الجمعة لبستها وماهي عارفة وين حاطتها:XD.: ركبت السيارة استنيناها في النهاية قررت تلبس العباية القديمة:هاع: نزلت ومشينا وصلت لقيتهم طالعين وطابوري لسا واقف انا وصاحبتي دخلنا ووقفنا مع بعض طلعنا كان علينا الحصة الاولى انجليزي كانت حصة عادية وكان علينا اختبار رياضيات قلنالها تبقي وقت من الحصة ما بقي شي دق الجرس:د1: وصلحنا الطاولات راجعنا لين جا الورق حلينا البنات كانو يبو الابلة بس انو هيا كانت عند الادارة تاخرت بعدين جابوها وزودو وقت الاختبار سلمنا الورق بعدين جا وقت فوفة :عاشو:نزلنا قعدنا مع بعض ورحت اسمع سمعت وطلعت كان علينا تفسيربرضو مشيت الحصة بعدها كان رياضيات حلينا اشياء دخلت المراقبة تقول الحصة الخامسة خطة الاخلاء طبعا البنات يقولو ما سار اخلاء:همف::4chsmu1: بعدين كان علينا علوم الابلة تحسنت معانا وان شاء الله البنات يكونو احسن معاها :هاع:كانت حصة اقل رجة من كل حصة خلصت الحصة دق جرس الحريق بعدين جات وحدة من الادارة تقول يلا يلا:clap_: طبعا احنا مفجوعين شوية ايش فيها هذي متحمسة:doh: ووحدة من صاحباتي كانت تكتب ف ورقة جات الابلة تقولها يلا طلت:begging: وقامت طبعا نزلنا وكان زحمة انا صاحبتي ماسكتني شوية يدها تروح قدام وشوية يدي سبتها نزلنا الساحة لقينا بنات الثنوي كلهم في وقفنا طوابير شوية 2 من صاحباتي جلسو واحنا طلعنا الفصل طبعا الابلات اكثرهم نزلو طلعت مالقيت ابلات رحت عالحمام:dohaup_1428227937: ورحت عالفصل جات الابلة واخذنا تعبير ما اخذنا شي بس انو الحصة الجاية نجيب العمل خلصت الحصة كان علينا فقه كانت حصة حلوة اخر شي حلينا قواعد واخييييرا دق جرس الصرفة:dohaup_1428227937::ta7a_771::smileybunny1:s m.13:md1 (17): ورحت عالبيت شوية وانزلكم اليوم لانو سارت اشياء حللوه |
اليوم الاحد 18\11 اليوم بدا الحماس من قبل ما نروح المدرسة :ewqqq:امس في الليل بابا قال انو بكرة لازم يروح شغله بدري وقالولنا في المدرسة انو يوم الاحد عندكم حصة (مفتوحة)<<يعني تجيبو اكل ع كيفكم وفي اشياء تسمح في هذا اليوم:هيا: المهم امس في الليل طبعا الساعة 2 تقريبا الناس نايمة وانا حايسة بالمناكير@_@ خلصتها ونمت ويوم الاحد كان عليا اختبار املاء صحيت اليوم استغربت انو بابا ما صحاني بدري عشان نتجهز ويلحق شغله :همم:تجهزت وانا لسا ماا خلصت بابا قال اخوكي بيوديكم خلصنا الساعة 7 كنا مخلصين رحت لقيته نايم:حزين: صحيته وخرجت ماصحي راح اخويا الصغير صحاه صحي ونزل ما قلنا ولا شي نستنا نستنا:sma138: بعدين قلت لاختي روحي شوفي لا يكون راح :خير:راحت قالتلي مهو في شكله في السيارة :/:شوية دق التليفون رديت بابا قلي قاعد يستناكم ليش ما نزلتو قلتله ما قلنا نزلنا بسررعة ركبت ومشي طبعا هوا سواقته مررا عادية بس احيانا يسرع اما بابا ماشاءالله دايما سريع :هاع:كان يمشي عاادي والساعة 7 وربع مررة تنرفزت وقل فنفسي مني واصلة الا 7 ونص:md1 (17): بعدين شفنا الزححمة قفلو طريق وسار مافي الا طريق واحد تمشي السيارات منه وزححمة :عاا:قلت شكلي ما بوصل 7 ونص بوصل 8 الا ربع :#:ونمشي شوية ونوقف شوية ونوقف الين تقريبا 8 وربع_@_ بعدين فكت الزحمة تخيلو الحصة الاولى رااحت وحصة الاختبار بدات لها ربع ساعة تقريبا ولو ما اختبرت معاهم احتمال ما يختبروني الا بتقرير طبي :cray::mad0220:وانا خلاص متوترة وبطني تعورني من الخوف لا وكنت حاطة مرطب مسحته في السيارة قلت مالي وجه متاخرة وحاطه مرطب:هق: و اختي تقولي ليش مستعجلة قلتلها الاختبار باقيله ربع ساعة ويخلص (مرة تنرفز) :بكس:بعدين اخويا سار يسرع كويس بس وقف عند الباب ع طول نزلت من السيارة و مشيت ع باب المدرسة كنت خايفة انو قفلوه امشي وانا ماني عارفه بدخل ولالا واخويا شكله كان مستني عشان لو مقفل ما اجلس عند الباب :0023:هع ولله الحمد لقيته مفتوح :smileybunny1:ومعايا طبق وبسررعه عالمقصف وديته :028:والطرحة فسختها وانا امشي مافي مجال اوقف باقي 5 دقايق لو راحت ممكن يروح عليا اختبار دخلت محد كان في عند المدخل ولا احد سالني ليش تاخرتي وحتى اسمي ما كتبوه الحمدالله يارب:ewqqq::dancegirl2: طلعت بسررعه ابواب الفصول اكثرها مفتوحة والبنات يختبرو ويطلو فيا :Emoticons-plus.com:Emoticons-plus.comوانا امشي بسررعة ع باب الفصل بنات فصلي انفجعو طبعا لازم يعلقو لانوالظاهر ما كان عندهم امل اني اجي بسرررعه:هاع: فسخت العباية والابلة قالتلي احسن تروحي فصل ثاني عشان الجمل الاملائية رميت العباية عالطاولة والشنطة عالكرسي ووحدة من البنات تخوفني وانا مو نااقصة :1255139496vcxf21602تقولي ما رح يختبروكي:1aa: الابلة تقولي على مهلك الا حيختبروكي اخذت المقلمية وجات المراقبة رحت عالفصل اعطوني ورقة رحت على طاولة بس مالقيت كرسي:0222: راحت المراقبة تجبلي بدات تمليهم الابلة وانا اكتب وارتجف جابتلي كرسي ما صدقت جلست بس برضو الين ذحين مني مرتاحة بس ارتجف خلصت املاء وقلبت الورقة حليت الاستخراج اعطيت الابلة الورقة ورحت ع فصلي طبعا عندي خطاين:mad0261::00144: في الجمل ما الوم نفسي لانو اكثر البنات ففصلنا غلطو فيها بس دخلت فصلنا البنات قالولي ايشبك وطبعا الكل مستغرب قلتلهم عن السالفة:هاع: قالتلي وحدة من صاحباتي كنت زعلانة ولما دخلتي بسرعة قعدت اضححك على شكلك:hysterical::1255139178avfl51701 وبجد انا انرجيت ما قلت لبابا متى وصلنا وقلت لاختي ما تقوله لانو اخاف من العواقب:هاع: بس قلتله ما كتبو اسمي ومحد شافني ف شكله حسبني وصلت متاخر شوية لو يدري انو حصة ونص راحت:whistling: خلصنا بعدها نزلنا فوفة ما اكلت شي لانو ماكان ليا نفس دوبني جاية بعدين طلعنا وكان علينا حديث مشيت الحصة عادي بعدين كان علينا علوم كانت حصة كويسة لانو الابلة عرفت تشرح فيها:هاع: بعدها كان علينا حصة مفتوحة رحنا المقصف ناخذ اشيائنا جلسنا في الساحة طبعا دايما لمن تكون عندنا هذي الحصة البنات يلعبو كورة ولازم شلتنا كم وحدة تتعور:s3: مع انو محد يلعب مننا بس اللي يلعبو___ فيدقونا طبعا جلسنا فكينا اشيائنا وصبينا العصيرات دوبنا جلسنا تجي وحدة تشوت الكورة علينا كبو كاسة عصير انكبت على بعض الاكل:#::0052: سكتنا وقالو سوري ومدري ايش وصاحبتي عصصبت وجو مرة ثانية رموها علينا انكبت ثاني كاسة جو اثنين منهم وقعدو يمسحو معانا ويقولولنا معليش ومدري ايش صاحبتي راحت للمساعدة معاها بنت راحت وقالتلهم لانو مريولها هيا كمان جاه عصير المساعدة قالتلها ايوا انا شفتهم:bluebiggrin: واتوقع اخذو الكورة منهم جات وحدة من اللي كانو يلعبو قالت لصحبتي انتي قلتيلهم علينا قامت صاحبتي معصبة قالتلها كيفي:tease:<< (طبعا ما سوت كذا) البنت انقهرت قعدت تتريق عليها بعدين جات الابلة حقت فصلنا قالت ايش رايكم تروحو الركن قامت وحدة من اللي كانو يلعبو كورة جات مدري كيف تتكلم استغفر الله :mad0256:المهم انها قالت كلمة كانو انقلعو او ايوة روحو طلليت فيها :begging:قامت الابلة تقولها لا مو كذا تكلمي باسلوب قلتلها انا ايوة باسلوب :0052:الابلة قالت يلا انا بشيل معاكم قصدها ع خرابيطنا الاكل و العصير:poster_dev: طبعا تفشلنا OO5حتى انو في اداريات يطلو من شبابيكهم شلنا اشيائنا ورحنا عالركن واكلنا للاسف دق الجرس:c29::c29: طلعنا بعدين كان علينا رياضيات البنات مطلعين 3 كراتين دونات وكل وحدة تقول للابلة خذي وهيا مستحية وتضحك بعدين اخر الحصة خلوها تاخذ قامت وحدة تقول كل ابلة تجي اكلوها:هوهو: هع بعدين كان علينا قران دخلو بعد ما دق الجرس المراقبة ومعاها ابلة او اثنين قالو تفتيش:Emoticons-plus.com طبعا انا جايبة مرطب والمشكلة جايبته ولا استخدمته خبيته في المخبا السري الجزمةض1ض1 -الله يكرمكم- بعدين وحدة تتريق تقول هنا في القات والايفون<< قصدها الافيون وهذا كله من انواع المخدرات بعدين ابلة القران تقول انو هذا لمصلحتكم ومدري ايش وقرأنا وخلصت الحصة واخر حصة كانت انجليزي كنت تعبانة فيها :06q1:وفررحت لما دق الجرس :ewqqq::ewqqq:(ق)نززلنا شوية نادى اسمي ورحت عالبيت ان شاء الله تكون عجبتكم مغامرات اليوم لاتنسو التقييم وشكرا للي مرو وللي قيمو:L9f48322: |
السلام عليكم ورحمة الله وبركاته امس الاثنين19\11 طبعا امس ما مداني اكتبلكم لانو نمت من العصر للعشاء وصحيت احل واذاكر نصوص:dohaup_1024689511: المهم امس صجينا تجهزنا وخرجنا وصلت متاخر شوية مع الزحمة وكان علينا الحصة الاولى قواعد حلينا تدريبات و كل شوية نقولها توقف الين ما وقفت وكنا نراجع اختبار تفسير طبعا المذاكرة مرة كانت سهله:611_700x2147483647.:611_700x2147483647. جا وقت الاختبار جهزنا الطاولات بعدين جات ابلة العربي اللي كانت تدرسنا العام عشان تراقب علينا في الاختبار دخلت و شوية جا الورق شلنا الكتب واخدنا الورق كان مررة سهل الحمدالله وحلينا:ewqqq::2541: بعدين جات الابلة تجمع الورق وباقي صحبتي ما خلصت:د1: وطلبت ابلة المادة المهم انا وراها وفي وحدة بجنبها اشرتلي انها قاعدة تبكي طبعا استغربنا لانو هيا ماشاءالله شاطرة بعدين جو الابلة والمراقبة بس ما عرفت وكان عندها بس اسم صحابية كانت عارفة اسم ابوها بس اسم الصحابية -رضي الله عنها- نسيته وقعدت تبكي وكلهم يهدوها بس دق الجرس وحطت اسم ثاني غير اسم الصحابية :52yicz:المهم راحت بعد ما سلمت الورقة للحمام طبعا كلنا وراها ونقلها خلاص عادي يعني ممكن تنقصكي بس نص وبعدين جا وقت فوفة نزلنا قعدنا نتكلم بعدين هيا تقول اختبار الاملاء غلطت كلمتين واليوم كمان غلطت كل صاحباتي اللي في الشلة غلطو فنفس الكلمتين وحتى بنات الفصل سالت بعضهم قالولي غلطو يعني كثير غلطو:52yicz: وامس قلنا للابلة حق العربي قالت في كلمة ممكن اشوف انقصكم ولالا اما الثانية لا:Emoticons-plus.com بعدين قلتلهم مين يروح معايا الادارة نكلم المساعدة طبعا المساعدة مرة متفاهمة معانا ودايما اذا في شي زي كذا ننزلها:4chsmu1: قلتلهم احنا جينا للابلة بالطيب وكلمناها بس شكلو ما ينفع لازم نروح للادارة رحنا انا و3 من صاحباتي والرابعة كانت حاطة مناكير ولابسة جاكيت احمر فقالت ما بروح <<عشان لاتكلمها وحدة من الاداريات رحنا واحنا طالعين من الساحة للادارة كانت الابلة حق فصلنا عليها مناوبة فسحة قالتلنا وين رايحين قلنالها عند ابلة ____قالت حق ايش قلتلها المساعدة قالت ليش وانا طيب؟<< هيا قالتلنا لو في اي مشاكل مو لازم تروحو للادارة تعالو كلموني احسن :صياح: قلتلها لا عشان نبا اعادة للاختبار قالت ادخلو رحنا للمساعدة تخيلو 4 بنات داخلين مع بعض:0rkbqrdly6cd:<<طبعا اشكالنا مو زي كذا شافتنا قالت خير اللهم اجعله خير او شي زي كذا:هاع: المهم قلنالها قالت خلاص ان شاء الله نشوف ومدري ايش المهم كلامها كان ايجابي:2541: خرجنا بعدين طلعنا الفصل وكان علينا E كانت حصة عادية بعدها كان علينا علوم كانت الحصة كويسة نزلنا فيها لمعمل الكيمياء بعدين طلعنا وكان علينا توحيد كانت حصة حلوة بعدين علينا رياضيات مرت الحصة وكان نفسي انام فبدايتها بس بعدين تنشطت اخر حصة كان علينا مرة ثانية Eبعدين انصرفنا ورحنا عالبيت :هيا::شردة: |
| الساعة الآن 05:35 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.