|
وركض على حضن امه اللي انحرم منها 18سنة..ولاول مرة يحس بالأمان... وريم كانت اطالعهم واهي مستغربة من حال هالدنيا... اللي تفرق ناس وتيمع ناس... دنيا عجيبة معقده.. ترفع ابن ادم تسعده.. وان بغت هي تتعبه.. ما تلفت يمنه ويسار.. وبعدها.. سار حمدان اتعرف على اخوانه من امه ورحبو فيه وبدا حياة يديدة من اروع مايكون.. اما عيال مريم فخذتهم يدتهم تربيهم.. ومرت الايام وكل واحد رد لحياته الا ريم اللي بعدها واقفه مكانها... احمد... رد يكمل دراسته وكان فآخر كورس عنده..كان يعاني من غياب ريم عنه..ونفسيته تعبانة وايد وياه فيوم من الايام خبر انه ريم تبا تعرس..وزاد همه الف هم.. وطبعا مافي ايدينه اي شي يسويه..اهي ماتباه ومب متمسكه فيه يعني مايقدر يمنعها من شي.. طرشلها مسج وكتبلها فيه: قهر ماكنت انا ادري تعيش بقلبي كذابة قهر توني عرفت انك على الحبلين لعابه كذب كانت سوالفيك وكل كلمة على كيفك وانا اللي احسبك روحي ولقلبي اقرب احبابه وفيت لقلبك بعمري ولك ضحيت بايامي لقيتك للاسف كذبة اعيش ابها مع احلامي نعم صدقت كلماتك ولا ادري بنياتك وهذا اليوم انا كلي ندم من راسي لاقدامي قــــــــــــــهــــــــر خلاص الحين ابي ارحل وانا فيني الم غدرك ابا اخذ قلبي من قلبك واخلي قلبك فصدرك بداوي روحي بروحي وبكتم فيني جروحي بعيش الدنيا من دونك وعيشي بالقهر عمرك كانت ريم توها ناشه من الرقاد وسمعت صوت تلفونها واستغربت اهي اللي من شهر لاحد طرشلها شي ولا حد اتصل فيها... وقرت المسج..ودموع الندم كلتها.. بس اهو شو يقصد فهالكلام؟..؟! وتمت تفكر واخر شي اتصلت فيه وماطاع يرد عليها.. وطرشلها مسج: دخيلج خليني فحالي..والله يهنيج وردت اتصلت عليه وبعد 30مكالمة رد عليها... ريم:جان مارديت ليش كلفت على عمرك احمد:ولج ويه بعد ..شو تبين؟؟ ريم:شو تقصد من هالمسج؟؟ احمد:سالي عمرج والله..ع العموم انتي ماااااضي وانتهى ريم:انا ماضي؟؟ احمد:وندمان عليه ريم:ليش كل ها يااحمد؟ احمد:ريم الله يوفقج ويا اللي بتاخذينه ويمكن هو احسن عني ريم:اللي باخذه؟؟منو اللي باخذه؟؟ احمد:شدراني انا انتي اللي بتعرسين مب انا ريم:انا بعرس؟؟ منو قالك؟ احمد:مب مهم منو المهم اني دريت ريم:لا مهم..انا لابعرس ولاشياته احمد:لاتستهبلين عليه ريم:والله اني ما استهبل احمد:يعني هزاع يجذب عليه؟ ريم:اي هزاع بعد؟ احمد:اخويه ريم:هزاع اخوووووووووك هو قالك؟؟ احمد:هيه ريم:احمد اصلا هزاع قال حق اخويه انه يباني احمد:شووو..شو تقولين انتي؟ ريم:والله جي قالي ناصر احمد:وانتي شو رديتي عليه؟ ريم:لاا طبعا احمد:هو يعرف اني اباج كيف يسوي جي..انا براويه الخايس ريم:احمد خلاص ماعليك منه.. احمد:ريم ريم:لبيه احمد:بسألج سؤال وفكري عدل قبل لاتجاوبين لانه..... وللحديث تتمه فالبارت الثالث عشر... ياترا شو السؤال؟؟ وهل بيردون حق بعض ولا؟؟؟ الاجابة فالبارت الثالث عشر... |
على فكره البااارت حيل قصيررر
كملي عجلي ترا جانننننننننني حماااس بزيده احس الحين دخلنا في الروايه بالكاامل بللللللللللللللللللللللللللللللللللللللللللللليزوز زززززززز تحياتي ليلى |
البارت الثالث عشر: ريم:لبيه احمد:بسألج سؤال وفكري عدل قبل لاتجاوبين لانه..... ريم:لانه شو؟ احمد:لانه من عقب ماتجاوبين بيتحدد مصيرنا ريم:شو السؤال؟ احمد:ريم من الآخر انتي تبيني ولا ماتبيني؟؟ ريم:انا.... احمد:انتي شو؟؟ ريم:طبعا اباك احمد:عيل ليش تعذبين عمرج وتعذبيني وياج؟؟ ريم:............... احمد:خلاص ماعلينا من اللي طاف نحن عيال اليوم لو تبيني بنبدا من يديد ولو ماتبيني خبريني عسب انسحب من حياتج ريم:لا ابااك احمد:انا بيي اخطبج ريم:متى؟ احمد:اول ماتخلصين امتحانات ريم:..................... احمد:بلاج ساكته..شو ماتبين؟ ريم:لا اكيد ابا احمد:عيل؟؟ ريم:.................... احمد:حياتي انتي تصيحين؟؟ ريم:................... احمد:دخيلج لاتعورين قلبي خبريني شو فيج؟؟ ريم:مافيني شي احمد:لا فيج شي ريم:مافيني احمد:هييه عرفت شو فيج ريم:شو؟ احمد:مب مصدقه انج بتاخذين شيخ الشباب احمد هع ريم:ههههههه احمد:فديت هالضحكه ريم:تفداك رووحي احمد:والله تولهت عليج ريم:وانا بعد احمد:انا اكثر ريم:................ احمد:ريموو خلاص عاد لاتمين جذي ترا والله بزعل عليج ريم:................ احمد:يعني برايني ازعل مايهمج..ادري انا اصلا ماهمج صح؟ ريم:لا لاتقول جي احمد:عيل ليش تصيحين وتزعليني؟ ريم:غصبن عني والله احمد:ليش غصبن عنج خبريني اللي فخاطرج ريم:خايفه احمد:من شو خايفه؟؟ ريم:خايفه افرح واستانس وادفع ثمن هالفرح ندم وحزن احمد:ريمووووووووووووووووووووووو ريم:هلا احمد:اياني واياج تقولين هالرمسه مرة ثانيه ولا بس تفكرين تفكير في هالشي ريم:غصبن عني احمد:مافي شي غصبن عنج...خلاااااااااص انا وياج والسعاده دربنا ريم:ان شاء الله احمد:انزين يالدبه ريم:انا دبه؟ احمد:هيه دبه ماتشوفين عمرج ريم:وحليلي انا والله احمد:هيه وحليلج صح ريم:حموود احمد:عيونه ريم:انا رديت امشي احمد:صدق؟ ريم:هيه احمد:الحمدلله..الله يديم عليج هالنعمة يارب ريم:آآمين احمد:فديتج والله ريم:تعال انت فاضي ماوراك شي؟ احمد:اوووه ذكرتيني عندي كلاس بس حضرتج نسيتيني ريم:زين خلاص سير احمد:مب مكفنج ماخذه قلبي عني بعد عقلي ياسراقه ريم:هههههههههههههه كيفي حلااالي احمد:عسا دوم هالضحكه ياارب ريم:ويااك يارب احمد:يلا الغلا انا بخليج وبرد ارمسج فليل ريم:اوكيه تيك كير احمد:من عيوني ياعيوني ريم:تسلم عيووونك احمد:مع السلامة ريم:الله يحفظك وبعد ماسكرت ريم كانت الفرحه شالتنها من الارض ماتعرف شو تسوي معقوله انا اخيرا بتزوج احمد؟؟ معقوله بعيش وياه؟؟ معقوله بحبه جدام كل النااااس؟؟ ودشت عليها اختها لمياء لمياء:ممكن ادش؟ ريم:هييييييييييييه ممكن لمياء:شفيج؟ |
ريم:مافيني شي المسج:لمياء:زين ريمو ممكن طلب ريم:امري لمياء:ابا اظهر خلنا نسير السكيت ريم:اممممممممممم لمياء:دخيلج ريم:مب جنه امتحانات؟؟ لمياء:هيه بس والله مليت من الدراسه مابنتأخر بس ساعتين ريم:بفكر لمياء:دخيلج ريم:اوكيه خلاص سيري خبري امج لمياء:هاا ريم:شو ها بعد تبيني انا بعد اخبرها؟؟ لمياء:هيه ريم:سيري مافيني انا ثانويه عامه مابطيع انتي سيري لمياء:ريموو الله يخليج وغلات.... ريم:قوولي وغلاات احمد بوديج لمياء:منو احمد؟؟ ريم:هااا لمياء:انتي قلتي احمد ريم:هييييييييه احمد حبيبي لمياء:منو ها خبريني عنه والله مابخبر حد ريم:بخبرج بس مب احينه لمياء:تدرين اصلا انا بعد احب ريم:هههههههههههههههه لمياء:ليش تضحكين ريم: ماشي..انا حبيبي بيخطبني عقب مااخلص امتحانات وانتي حبيبج بيخطبج؟ لمياء:بقووله وانا وياج بنسوي عرسنا فيوم ريم:هههههههه توج صغيرونه وجي الله يعين يوم تكبرين لمياء:انا صغيرونه حرام عليج انا كبيرة عمري 10 ريم:فديتج لمياء:يلا سيري خبري امي ريم:اوكيه تعالي وياي وسارن عند امهن.... الام:عسا ماشر الربع متيمعين.. شعندكن؟؟ ريم:امي طالعي بنتج هاذي يالسه تقردني وماتخليني ادرس الام:لموووي ليش ماتدرسين انتي؟ لمياء:انا؟؟ ريم:هيه انتي يايتني اونها تبا تسير السكيت لمياء:ريموو ترا والله بخبر امي ريم:هااا لالا اتمصخر انا اللي ابا اسير (وخذتها من ايدها وقالت حق امها):امايه نحن بنسير السكيت سلاام الام:تعاااالي هني ريم:هاا الام:لموي شو بتقولين عن ريمو؟؟ ريم طالعتها.. لمياء:ماشي استهبل الام:تستهبلين ها الله يستر منكن انتن ريم:زين يلا بنسير الام:منو وافق؟ ريم:مب ضروري الا هو السكيت هني عدالنا الام:سيرن درسن وماشي طلعه ريم:فديت امايه الحبوبه اللي بتخلينا نطلع الام:هيه قصن عليه سيرن بس لاتأخرن ريم:امواااااااح جي نحن نحبج الام:يلا سيرن ولا ترا بهون وسارن السكيت... ومرت الايام ويت الامتحانات وانشغلو كلهم وريم كانت الدراسه ماخذه كل وقتها وتفكيرها وخلصت الامتحانات ويلست ريم على اعصابها سبوع تتريا النتيجه.. ويوم النتيجه... طبعا ماياها رقاد في هاليوم... وهي يالسه تفكر فالنتيجه وفاحمد ومصيرها ومستقبلها..وصلها مسج من احمد.. حياتي اليوم النتيجه وان شاء الله تكون نسبتج حلوة شراتج ولاتشيلين هم انتي قدها وقدود ولو نسبتج حلوة بهديج احلى هديه فحياتج ردت عليه: فديتك والله انا احلى هديه عندي وجودك وياي.. ياترا كم كانت نسبة ريم؟؟ وشو هي هدية احمد؟؟ وهل بيوفي فوعده وبيخطبها؟؟ الاجابة فالبارت الرابع عشر... |
البارت الرابع عشر: وثاني يوم الصبح.. يلست ريم تتريا حد ينش عسب يسير وياها لانها خايفة وماتبا تسير بروحها ويت الساعه 10 ومحد نش اخر شي سارت وعت عبود وسار وياها... وصلو المدرسة..وكانت مترددة وماتبا تسير... واخر شي سارت...ولقت النتايج معلقه على بورد وتمت ادور اسمها.. ويوم لقته اغمى عليها... يا عبود وشلها وروحو البيت... وفالبيت.. امها:خلاص ياريم ان شاء الله بتعوضينها مايستاهل كل ها حمدان:ريمووووو خلاص عاد فديتج وهي كانت اطالعهم وبس... وعقب قالت:معقوول انا اييب هالنسبه؟؟كييييييييييف ياناس؟؟ عبود:ماعليه بتعوضينها ريم:والله مب مصدقه اكيد مغلطين عبود:كم يبتي؟؟ ريم:يبت.............. ويلست تصيح ودق الباب وسار حمدان يفتح... ولقا باقت ورد وعليها كرت مكتوب فيه.. الى: اغلى انسانه عندنا"ريماني" الف الف مبروك يالغالية تستاهلين كل خير والله يوفقج من:احلى شلة friends 4 ever وسار حمدان وخبر ريم.. واستغربو كلهم... ورد عبود سألها كم يبتي.. ريم:يبت 90.4 عبود:هاااااااااااااااااااااااااااااااا حمدان:صدق؟؟ امها:معقولة؟؟ ريم:انتو انصدمتو جي انا شو اقوووول لمياء:الف مبروووووووووووووك ريم:تسلمين حياتي وعقبالج يارب امها:الف مبروك حمدان:تستاهلين عبود:مالت عليج مب هينه ودخل ناصر... ناصر:بلاكم صواتكم لين برع؟ ريم:احم احم ناصر:هيه هيه عرفت كم يبتي؟ ريم:كم تتوقع؟ ناصر:اممم80؟ عبود:لاااااا طلعت مب هينه ناصر:كم يعني..90مثلا خخخ ريم:هيه 90مب عايبنك ناصر:حلللللللللللللفي ريم:والله ناصر:ماشاء الله عليج ريم:بسم الله من عيونك حمدان:امري وين تبين تتغدين ريم:امممممممم برج العرب حمدان:تصبحون على خير عبود:ههههههههههههههه بنيه ماتنعطا ويه حمدان:اول مرة تقول شي صح ريم:مالت عليكم خليت الفيس حقكم ناصر:اقول انتي لاتكبرين راسج علينا هههه امها:خلها فديتها حمدان:زين تبون تطلعون ولا؟ ناصر:هيه نبا ريم:انا مابا ناصر:غصبن عليج لمياء:انا مابا اسير بعد عبود:انتي منو قالج اصلا بتسيرين كككككك لمياء:انت اللي مابتسير عناد فيك بسير ريم:هيه وانا بعد حمدان:يلا اتزهبو بسرعة ناصر:يلا امي مابتين ويانا امهم:لا وين ايي سيرو انتو حمدان:لا امايه بتسيرين ويانا امهم:عندي شغل وبتيني وحده انتو سيرو حمدان:براحتج وطلعو كلهم.. سارو اتغدو وتمو يحوطون واخر شي سارو يلسو فحديقة... واهم يالسين عالعصر... دق تلفون حمدان وكان ابوهم.. حمدان:الو السلام عليكم ابوه:عليكم السلام حمدان:شحالك ابويه؟ ابوه:الحمدلله..وين انت؟ حمدان:انا فالحديقة ويا اخواني ابوه:اها..غريبة متيمعين هب عوايدكم |
البارت الرابع عشر: وثاني يوم الصبح.. يلست ريم تتريا حد ينش عسب يسير وياها لانها خايفة وماتبا تسير بروحها ويت الساعه 10 ومحد نش اخر شي سارت وعت عبود وسار وياها... وصلو المدرسة..وكانت مترددة وماتبا تسير... واخر شي سارت...ولقت النتايج معلقه على بورد وتمت ادور اسمها.. ويوم لقته اغمى عليها... يا عبود وشلها وروحو البيت... وفالبيت.. امها:خلاص ياريم ان شاء الله بتعوضينها مايستاهل كل ها حمدان:ريمووووو خلاص عاد فديتج وهي كانت اطالعهم وبس... وعقب قالت:معقوول انا اييب هالنسبه؟؟كييييييييييف ياناس؟؟ عبود:ماعليه بتعوضينها ريم:والله مب مصدقه اكيد مغلطين عبود:كم يبتي؟؟ ريم:يبت.............. ويلست تصيح ودق الباب وسار حمدان يفتح... ولقا باقت ورد وعليها كرت مكتوب فيه.. الى: اغلى انسانه عندنا"ريماني" الف الف مبروك يالغالية تستاهلين كل خير والله يوفقج من:احلى شلة friends 4 ever وسار حمدان وخبر ريم.. واستغربو كلهم... ورد عبود سألها كم يبتي.. ريم:يبت 90.4 عبود:هاااااااااااااااااااااااااااااااا حمدان:صدق؟؟ امها:معقولة؟؟ ريم:انتو انصدمتو جي انا شو اقوووول لمياء:الف مبروووووووووووووك ريم:تسلمين حياتي وعقبالج يارب امها:الف مبروك حمدان:تستاهلين عبود:مالت عليج مب هينه ودخل ناصر... ناصر:بلاكم صواتكم لين برع؟ ريم:احم احم ناصر:هيه هيه عرفت كم يبتي؟ ريم:كم تتوقع؟ ناصر:اممم80؟ عبود:لاااااا طلعت مب هينه ناصر:كم يعني..90مثلا خخخ ريم:هيه 90مب عايبنك ناصر:حلللللللللللللفي ريم:والله ناصر:ماشاء الله عليج ريم:بسم الله من عيونك حمدان:امري وين تبين تتغدين ريم:امممممممم برج العرب حمدان:تصبحون على خير عبود:ههههههههههههههه بنيه ماتنعطا ويه حمدان:اول مرة تقول شي صح ريم:مالت عليكم خليت الفيس حقكم ناصر:اقول انتي لاتكبرين راسج علينا هههه امها:خلها فديتها حمدان:زين تبون تطلعون ولا؟ ناصر:هيه نبا ريم:انا مابا ناصر:غصبن عليج لمياء:انا مابا اسير بعد عبود:انتي منو قالج اصلا بتسيرين كككككك لمياء:انت اللي مابتسير عناد فيك بسير ريم:هيه وانا بعد حمدان:يلا اتزهبو بسرعة ناصر:يلا امي مابتين ويانا امهم:لا وين ايي سيرو انتو حمدان:لا امايه بتسيرين ويانا امهم:عندي شغل وبتيني وحده انتو سيرو حمدان:براحتج وطلعو كلهم.. سارو اتغدو وتمو يحوطون واخر شي سارو يلسو فحديقة... واهم يالسين عالعصر... دق تلفون حمدان وكان ابوهم.. حمدان:الو السلام عليكم ابوه:عليكم السلام حمدان:شحالك ابويه؟ ابوه:الحمدلله..وين انت؟ حمدان:انا فالحديقة ويا اخواني ابوه:اها..غريبة متيمعين هب عوايدكم |
حمدان:هيه عشان ريمو ابوه:صح اليوم النتايج بشر حمدان:لا ريمو قدها وقدود يابت 90 ابوه:ماشاء الله عليها حمدان:طالعه عليه ابوه:هههههههههههههههه..زين اباك تكون انت واخوانك فالبيت عقب صلاة العشاء حمدان:ليش؟ ابوه:بيون ناس يخطبون حمدان:اهاا..اوكيه ان شاء الله بنكون ابوه:يلا عيل فمان الله حمدان:مع السلامه ناصر:شو السالفه؟؟ حمدان:ابويه يقول يبانا نتم فالبيت عقب صلاة العشاء عبود:انا عندي مبارة حمدان:مب على كيفك ريم:زين ليش؟؟ حمدان:يقول بيون ناس يخطبون ناصر:منو يخطبون عبود:يمكن لموي هههههههههههه لمياء:ككككك ياااااااليت والله ناصر:منو ريم؟ ريم:هااااااااااااا حمدان:هيه يعني منو غيرها عبود:اخيرا بنفتك من وحده ريم:اسكت انت ناصر:ومنو هالناس؟ حمدان:مادري ماسألته ناصر:الله يوفقج ياريم ريم:انا مابا اعرس حمدان:الراي والشور عند ابوج مب عندج ناصر:بس مافي شي غصب..والله يجدم اللي فيه خير لمياء:عقبالي يارب ريم:لموووي جــــــــــــــــــــــب عبود:اعصابج حمدان:بلاج ريمو؟ ريم:ماتسمعها شو تقول ناصر:لميا احترمي عمرج صدقها عيب عليج تقولين هالرمسه ريم:خلنا نروح ناصر:تو اناس حمدان:لا خلاص يلا ناصر:اوكيه يلا وروحو البيت... واول مادشو سارت ريم حجرتها والدموع فعيونها ويلست تتصل على احمد وتتصل واهو مايرد عليها... ويا وقت العشاء.. والكل كان يتزهب لاستقبال الناس... وريم يالسه بروحها فاحزانها ومحد يدري عنها... ويت عندها لمياء وتمت تهديها وسارت تتيبلها ماي ويوم ردت قالتلها انه الناس روحو... وبعدين يت امها وقالتلها انه ابوها يباها.. وسارت ريم غسلت ويهها وروحت عند ابوها... ريم:السلام عليكم ويلست وعيونها فالارض وتحاول تخفي دموعها... ابوها:عليج السلام..هلا ابنيتي ريم:هلا ابويه ابوها:مادري اباركلج على النسبة ولا الخطبة ريم:................. ابوها:بلاج؟ ريم:ماشي ابوها:مبرووك عالنسبة ريم:الله يبارك فيك ابوها:ماشاء الله عليج ريم:................ ابوها:انزين ريم ثانويه وخلصتي ومابقا شي غير نشوفج فبيت ريلج ريم:بس.. ابوها:بس شو؟ ريم:انا ابا ادرس ابوها:بتدرسين فبيت ريلج..البنيه مالها غير الزواج ريم:لكن ابوها:لكن شو ريم:ابويه انا مابا اعرس ابوها:زين انتي عرفي منو هو ويلسي وياه وفكري وعقب قرري ريم:.................. ابوها:وعلى فكرة انا عطيتهم موافقه مبدئية حمدان:الصراحه ياريم الريال ماعليه كلام وشارنج ناصر:هيه والله ماينرد وللحديث تتمه... ياترا هل بتخطب ريم؟؟ وشو مصيرها ويا احمد؟؟ الاجابة فالبارت الخامس عشر... |
البارت الخامس عشر: ريم:يعني بتزوجوني غصبن عني؟ الكل:................. حمدان:انتي فكري ياريم والله مابتخسرين ابوها:نحن اهلج وادرى فمصلحتج ريم:انزين اعرفه؟؟ ناصر:هيه تعرفينه عبود:ولد ييرانا احمد ولد فلان الفلاني ريم:هاااا حمدان:بلاج؟؟ ريم:احمد خطبني انا؟؟ ابوها:انا بسير عندي شغل وانتي فكري عدل ريم:لا ابوها:قلتلج فكري مب احين تردين عليه ريم:انا موافقه ابوها:بعد فكري عدل ريم:لا خلاص انا قررت موافقه ابوها:يلا مع السلامة عبود:ههههههههههههههههههههههههههههههه ناصر:بلااك عبود:توها ابا ادرس ومادري شو حمدان:هههههههه قلنا ماينرد ناصر:هيه والله ياليتج ياريمو تاخذينه ريم:اكيييد باخذه عبود:اصلا هي ماصدقت حد يخطبها ريم:عبوود جب ودشت لمياء.. لمياء:انتي مب كنتي تصيحين؟؟ عبود:بس دام لقتلها حد يحميها من التشرد اكيد بتضحك ناصر:تراك مصختها عاد عبود:زين بظهر وبخليكم احسن بعد حمدان:وين ان شاء الله عبود:عند الربع حمدان:احينه؟ عبود:هيه شو بعد تو الناس ناصر:خله يسير ويفكنا من حشرته حمدان:زين لاتاخر عبود:اوكيه سلاام يالعوانس لمياء:محد عانس غيرك يالشيبه عبود:سيري سيري مارمس يهال حمدان:يلااا سكر الباب وراك عبود:يعني طرده اوكيك سلام ناصر:انا بعد ملان بطلع حمدان:الله يحفظك ناصر:انت بتم؟ حمدان:مادري يمكن اظهر ناصر:تعال وياي حمدان:لا مابا ناصر:افا ليش؟ حمدان:انت اجازة وبتسهر انا عندي دوام يابوك ناصر:لا ماعليك متى ماتبغي بردك حمدان:خلاص يلا عيل لمياء:ونحـــــــــــــــــــــــــــن مالنا رب ناصر:انتن اللي كبركن شربو الحليب ورقدو ريم:هاهاهاها وانت اللي كبرك احينه يحوطون يدورون على سمج ناصر:ههههههههه حلو التشبيه بس يخسي انا اطالع وحده غيرج ريم:هههههههههههههههه لا طالع ماعليك حمدان:يلا خلك منهن ناصر:اوكي باي لمياء:فــــــــــــكــــــــــــــــــة ريم:هههههههههه صدقج لمياء:انا بسير اطالع التلفزيون ريم:وانا بسير حجرتي وسارت ريم حجرتها... ولقت رسالة من احمد.. ان شاء الله تكون عيبتج الهديه... واتصلت عليه.. ريم:الو احمد:هلاا والله ملاااااااايين ريم:احــــــــــبـــــــــــــــــك احمد:انا بعد ريم:شو انت بعد احمد:اموووووووووت فييج ريم:ادري احمد:هههههههه تراج ماتنعطين ويه ريم:مشكوووووووووور عالهديه احمد:افا عليج ياغناتي ريم:والله مب مصدقه احمد:لا صدقي ريم:اخاف اكون احلم احمد:هيه تحلمين واحلى حلم..حلم للابد ريم:................ احمد:اهدااء.. اسالني لو حبيت انا غيرك ماهويت لومني لو اخطيك غير عينك ماهويت لي صوبي مريت من قلبي حييت لي زعلت مني ونيت لي تطعني حنيت وانا اللي بشوفتك ارتويت حلفت غيرك ماتمنيت لا وعدت غيرك عطيت من قلبي حبيتك ووفيت ريم: انت الغلا ذقت الملايين في خاطري يا اعز انسان روحي وروحك صدق روحين في جسم واحد طول الازمان احمد:احـــبـــــــج ريم:الله لايحرمني منك احمد:آآمين ريم:حياتي ماتبا ترتاح؟ احمد:هيه والله بس بعد مشتاقلج ريم:لاحق عليه احمد:لا انا اباج على طوووول ريم:ان شاء الله..بس احينه اباك ترتاح احمد:اوكيه غناتي ريم:تصبح على خير احمد:وانتي من اهله ريم:احلام سعيده احمد:بحلم فيج اكيد لازم تكون احلام...... ريم:هااا كمل احمد:هههههه سعيييييييييييييييدة ريم:ههههههه تحريت احمد:يلا غناتي اشوفج على خير ريم:اوكيه الله يحفظك احمد:مع السلامة |
ومرت الايام... وانشغلو فتجهيز البيت والعرس وهالسوالف... كانت ريم عايشة احلى ايام حياتها ويا احمد.. لكنها بعدها ما ملجت عليه.. لانه اهلها كانو مشترطين عليه يشتغل عقب يملجون.. والحمدلله اشتغل احمد عقب شهرين.. لكن البيت ماكان مخلص واجلو الملجة والزواج لين يخلص.. وبدت المدارس..وريم سجلت فكلية ودخلت(ادارة اعمال).. وانشغلت فالدراسه..واحمد انشغل فشغله.. لكن اخر الليل كانو يرمسون بعض ويخبرون بعض شو سوو طول اليوم.. وكانو مرات يتزاعلون..لكن بسرعه يتراضون.. وفمرة من المرات اهلها درو انها ترمسه.. وسوولها مشكله وقالولها خلاص مابتاخذه.. لكن حبهم كان اقوى واستمرو مع بعض.. واهلها ردو غيرو رايهم..وقرروا يسوون الملجه.. وحددو موعد للملجة بعد سبوعين.. وقرب موعد الملجه .. لكنـ... يوم الثلاثاء..وقبل الملجة بيومين... سارت ريم الكلية وكانت واايد مستانسه.. وكان عندهم حفلة فالكلية فليل وتمت هناك.. ردت ريم البيت تعبانه ورقدت ومارمست احمد.. وثاني يوم الصبح.. نشت ريم وطالعت تلفونها مالقت ولا مكالمه من احمد واستغربت.. اتصلت عليه.. ريم:الو احمد:................... ريم:احمد احمد:هلا ريم ريم:فيك شي؟ احمد:لا ريم:انزين شخبارك؟ احمد:....الحمدلله ريم:اكيد مافيك شي؟ احمد:هيه اكيد ريم:عيل وينك ماتتصل؟؟ احمد:كنت مشغول ريم:احمد شوو فيك احمد:..................... ريم:والله انه فيك شي احمد:هيه فيني ريم:شو فيك؟ احمد:امي ريم:شووووووو فيها؟ احمد:فالمستشفى ريم:قووووووووول والله؟؟ احمد:والله ريم:شفيها عسا ماشر؟ احمد:مادري مادري ريم:انزين اباك تمر عليه وبزورها احمد:مابا اسير ريم:ليش؟ احمد:بس ماباااا..وسكر التلفون ريم استغربت..اول مرة تشوف احمد في هالحالة.. وسارت اتلبست واتصلت فاخت احمد وسارت المستشفى عند ام احمد... فالمستشفى.. كان محد عندها هناك واهي بروحها وراقدة.. يلست ريم بهدوء وتمت اطالعها وتفكر.. وشافت ويهها وايد تعبان.. وحست انه روحها قربت تطلع.. وعلى هالخاطر يلست تصيح.. واهي تصيح..فتحت ام احمد عيونها.. ام احمد:ريـ...ـم ريم:هلا خالتي امري ام احمد:وين عيالي؟ ريم:احينه بيون ان شاء الله ام احمد: "وسكتت وتمت اطالع ريم" ريم:سلامتج خالتي ام احمد:ريم انتي ماتستاهلين احمد ريم:شو؟ ام احمد:انتي تستاهلين واحد احسن عنه ريم:احمد ياخالتي ما شاء الله عليه ام احمد:الله يسعدج وياه يارب ريم:فحياتج ان شاء الله ام احمد:كان ودي الحق على عرسكم بس الله اعلم جان بكون عايشة ولا ريم:ان شاء الله بتكونين وبتفرحين فعيالنا ودش عندهم احمد.. ام احمد:هلا ولدي احمد:امي طمنيني عنج ام احمد:احمد ريم امانه فرقبتك احمد:بدون ماتقولين يا امي..بس المهم احين انتي ام احمد:"صدت عنه وطالعت ريم"تعالي عندي ريم:"تذكرت ريم هالموقف ويا مريم" امري خالتي ام احمد:ريم انتي اسم على مسمى صدق انج الماس وغالي وايد واللي مايعرفج مايثمنج انتي تستاهلين كل خير والله يعطيج على قد نيتج ويسعدج يارب ريم:آآمين..انا ياخالتي سعادتي ويا احمد على حياتج ام احمد:احمد احمد:لبيه ام احمد:ريم يااحمد امانه عندك احمد:............... ريم:................. ام احمد:الله يهنيكم يارب احمد:اامي ام احمد:............ ريم:.................. احمد:امي ويلس يزقر ويزقر..واهي ماترد عليه احمد:امااااااااااااااااايه ريم:"وهي تصيح"خلاص يااحمد خلاص وحضنو بعض... كانت احلى لحظه تجمعهم في لحظة حزن... للاسف ام احمد اتوفت..وتغيرت كل الموازين.. لا ملجة..لاعرس..لازواج.. وريم الحيرة والحسره تاكلها..يعني مابيي هاليوم اللي يجمعني فيك يااحمد؟؟ ابي اسأل نهاية قصتي وياك شنو بتكون بعد الحب وبعد الشوق..؟؟ ياترا هل بتضحك ريم ولا الحزن مكتوب عليها؟؟ ليش كل ماتفرح اييها سهم يطعنها بالحزن..؟! شو هي نهاية ريماس؟؟ |
سوري على اختلاف الخطوط..
وترقبي البارت الاخير.. وشكرا كتيييييييير عالمتابعة وبتمنى تكون عجبتك الرواية.. |
هلااا
البااارت مرره حلوووو يسلمووو استمري |
البارت السادس عشر والاخير:
مر اسبوع..والثاني.. واحمد لاحس ولاخبر.. وريم تتصل عليه وهو مايرد عليها... فقررت ريم تسير بيتهم.. وسارت ولقت احمد واخوانه يالسين ويلست وياهم.. واستغربت من حال احمد.. كانت تتوقع بتلقاه منهار.. ماتدري انه اقوى منها بوايد..ومتقبل الامر وعايش حياته.. كان ودها تعاتبه..بس قالت مب وقت عتاب.. ويلسو كلهم يسولفون..وكان الجو مابين حزن وفرح.. وعقب قالها احمد..انه عنده دورة جريب..ويمكن يسافر.. انصكت كل بواب الامل فويه ريم.. وانسحبت من عندهم..وردت بيتها.. ويوم ردت البيت.. ناصر:ريم ابويه يباج ريم:انا؟ ناصر:حد غيرج ريم؟؟ ريم:شو يباني؟ ناصر:سيري وبتعرفين ريم:زين وينه هو؟ ناصر:فالميلس وسارت ريم عند ابوها... ريم:السلام عليكم ابوها:عليج السلام والرحمه ريم:امر ابويه بغيتني؟ ابوها:هيه تعالي يلسي ريم:امر ابوها:امممم ريم شرايج في منصور؟ ريم:منو منصور؟؟ ابوها:ولد عمج ريم:اممم بلاه ابوها:قلتلج شو رايج فيه؟ ريم:ماعرفه انا عدل بس سمعته طيبه ابوها:زين اليوم ياني عمج ويبونج حق منصور ريم:هااا؟؟ ابوها:شو هاا ريم:واحمد؟؟ ابوها:احمد لو يباج جان ملج عليج ريم:تراه كان بيملج بس امه اتوفت ابوها:مب عذر واصلا انا مب مقتنع فيه ريم:ومنو اللي كان يشجعني عليه ومادري شو ابوها:وغيرنا راينا ريم:غيرتو رايكم عقب شو؟ ابوها:ماصار شي بعده انتي ماملجتي عليه ريم:زين انا منصور ماعرفه كيف باخذه؟ ابوها:ولا احمد تعرفينه ريم:بس احينه قمت اعرفه ابوها:عادي ومنصور بعد بتعرفينه ريم:بهالسهوله؟ ابوها:ها ولد عمج واحق فيج من الغريب..واكيد بيثمنج اكثر..وانا بس اخبرج مااشاورج لانج بتاخذينه يعني بتاخذينه ريم:ماافي شي غصب ابوها:لا في شي غصب ريم:بس ابويه انا اللي بعيش وياه مب انتو ابوها:انا ادرى فمصلحتج والموضوع منتهي خلاص وعندج شهر تزهبين عمرج ريم:يعني محددين كل شي خلاص؟؟ ابوها:هيه نعم ريم:وعيل ليش خبرتوني جان ماخبرتوني الا يوم الملجة بعد ابوها:اظن كلامي واضح ووصلج وفي هالسالفة مالي نقاش وياج انتهينا منها ومشى وخلاها فصدمتها... ماكانت عارفة شو تسوي غير انها تصيح.. اهلها ماخذين موقف من احمد وخلاص مايبونه.. واهي ماتقدر تقول حق احمد.. كيف تقوله تعال نملج وامه ماصارلها شهر؟! اخوانها ماكانو راضيين عن ولد عمهم لانه راعي سوالف بس ما فايدهم حيلة ابوهم قرر وخلاص.. وبعد سبوع.. كانت ريم يالسه فحجرتها ترمس اليازيه ع الايميل وتشكيلها الحال.. دش عندها اخوها حمدان.. حمدان:ريم ريم ريم:اممم ليش مادقيت الباب؟ حمدان:اسف بس هب وقته احينه ريم:زين شو بغيت؟ حمدان:عندي لج بشارة ريم:هههه ماتم شي يونس..قول شو عندك حمدان:منصوووووور ريم:بلااه ها بعد حمدان:منصور سافر عنده دورة 45 يوم يعني كل شي تأجل ريم:زين وشو يعني؟؟ حمدان:يعني انه ام احمد بتكون خلصت الاربعين يوم وتقدرون تملجون ريم:هاا..صح بس ابويه مابيطيع شو الفايده؟ حمدان:بنحاول وياه مب خسرانين شي ريم:بس كيف بقول حق احمد؟؟..شو بقوله تعال املج عليه؟؟..والله مالي ويه ياحمدان امه توها متوفية.. حمدان:اانا والله لو اروم اسوي شي بسويه اكيد ياريم وانا ماودي تاخذين منصور ولاودي نغصبج على شي لكن مابايديني حيلة انا وانتي تدرين ريم:ادري يااخويه بس خلاص انا موكله امري لربي حمدان:والنعم فالله..زين بخليج انا ريم:الله يحفظك وردت ريم رمست اليازية وخبرتها باللي استوا.. كانت اليازية حابه انها تساعد ريم..بس مب عارفة كيف..وهي ماتروم بعد تقول حق احمد.. واخر شي قررت انها تخبر لمياء.. و لمياء يوم درت زعلت وايد عشان اختها وسارت بيت احمد من دون محد يدري وخبرته وسوت اللي اتفقت عليه ويا اليازية.. احمد زعل من ريم وايد لانها ماخبرته.. واتصل عليها.. ريم:هلاا والله احمد:افا ياريم ريم:شفيك؟؟ احمد:ليش ماخبرتيني عن منصور؟؟ ريم:امممممممممم احمد:تستحين تقولين يعني؟؟ ريم:احمد والله مالي ويه مادري شو اقولك احمد:يعني تضيعين مني احسن؟؟ ريم:...................... احمد:مادري شو اقولج ياريم بس وااايد زعلان عليج ريم:احمد لو كنت مكاني شو بتسوي؟؟ احمد:احين مب وقت عتاب انا بتصرف ريم:زين انت كيف عرفت؟ احمد:لموي خبرتني ريم:انا براويها احمد:والله بزعل عليج لو سويتيبها شي ريم:اوكيه خلاص احمد:ريموووو تفهمين قلتلج يااويلج ريم:زين خلاص مابسويلها شي احمد:انا بخليج احينه وبتصرف ريم:اوكيه احمد:مع السلامة واتصل احمد على حمدان واتفق وياه ايي بيتهم بعد المغرب... ويا احمد.. حمدان:هلاا والله حمود احمد:هلا بك زود حمدان:شحالك يالقاطع؟ احمد:الحمدلله ومن صوبك؟؟ حمدان:بخير..حياك تفضل احمد:الله يحييك ودشو الميلس.. احمد:السلام عليكم ابو حمدان:عليكم السلام ورحمة الله وبركاته احمد:شحالك عمي؟ ابو حمدان:الحمدلله بخير احمد:عساه مديم ابو حمدان:وانت علومك؟ احمد:طيبة والله ابو حمدان:وشخبار الاهل؟ احمد:الحمدلله وبعد سكوت.. حمدان:ابويه احمد يبا يحدد موعد للملجة ابو حمدان:بس انت اتأخرت علينا يااحمد احمد:زين مب بايدي يا عمي ابو حمدان:بس بعد مادري شقولك احمد:هاذي امي اللي خسرناها ياعمي مب قطوة ولا شي رخيص ابو حمدان:الله يرحمها احمد:يعني احينه شو اللي افهمه من كلامك؟؟ ابو حمدان:مالك نصيب عندنا احمد:مالي نصيب؟؟..عقب شو؟؟ ابو حمدان:بعده ماصار شي احمد:كيف ماصار..العرب من البداية يقولون مالك نصيب هب عقب مايوافقون ويجهزون كل شي.. ابو حمدان:زين ها اللي صار..من رخصتكم وطلع وخلاهم.. احمد:عايبنك ياحمدان انت؟ حمدان:لا والله مب عايبني بس انا شو اسوي ها ابوية ماروم اقوله شي احمد:تامرني فشي؟ حمدان:وين تو الناس احمد:والله كرهت عمري بطلع حمدان:اممم زين عادي اسير اتمشى وياك؟ احمد:اكيد حياك وطلعو هم الثنينه مع بعض.. وسارو يلسو فمكان وتمو يسولفون ويسترجعون الذكريات.. وهم يالسين دق تلفون احمد وكان رقم غريب مارد عليه ورد اتصل مرة ثانيه.. حمدان:ليش ماترد؟ احمد:ماعرفه حمدان:زين ماتعرفه يعني ماترد عليه؟؟ احمد:والله مالي خلق حد حمدان:زين عادي ارد؟؟ احمد:اكيد عااادي اندوك حمدان:شل مابا استهبل عليك وهو يرده رد التلفون رن.. احمد:دخيلك ترد حمدان:اوكيه ورد حمدان... حمدان:الوو ..........:"محد رد عليه وكان بس صوت صياح" حمدان حطه سبيكر ويلس يسمع اهو واحمد.. احمد شك انها ريم بس قال ها مب رقمها.. حمدان:الووو منو وياي؟؟ ..........:احمد دخيلك الحق عليه ابويه شل تلفوني ويقولي غصبن عني باخذ منصور حمدان ماعرف شو يقول..واحمد اتفشل من حمدان ومايروم يسكر التلفون ولايروم يرد على ريم.. |
ريم:احمد دخيلك لاتسكت رد عليه
سكر حمدان السبيكر وعطا التلفون حق احمد وقاله شويه وبرد.. كان منصدم احمد من ردة فعل حمدان.. مشى حمدان خطوة ورد عند احمد وقاله لاتخبر ريم اني انا هني اللي فيها يكفيها لاتزيدها هم.. ورمس احمد ريم وهداها وبعد ماخلص زقر حمدان.. ويوم رد يلس ويا حمدان..تم ساكت وماقال شي.. حمدان:بلااك حموود احمد:ها..ماشي حمدان:امممم تسمحلي اتدخل شويه؟؟ احمد:تدخل..! حمدان:خل ريم ترمس منصور وتقوله انها ماتباه يمكن يحس شوية احمد:............. حمدان:بلاااك احمد:منصدم..انا ارمس اختك وهاذي ردة فعلك؟؟ حمدان:لاني اثق فاختي و واثق فيك احمد:اتمنى اكون قد هالثقة حمدان:انت قدها وقدود ويو شباب يعرفونهم ويلسو عندهم... ومن سالفة لسالفه.. علي:حمدان سمعت انه اختك بتعرس احمد طالع الارض وبغا يقوم لكن حمدان طالعه بقوة ويلس.. حمدان:امم هيه علي:حد من اهلكم يعني؟؟ حمدان:هيه ولد عمي منصور لو تعرفه وليد:منو منصور ها اللي كان يدرس برع؟ حمدان:هيه اهو وليد:بس انا اللي اعرفه ها معرس حمدان:لا هب معرس وليد:انا متأكد حمدان:كيف متأكد منو ماخذ وليد:انا ربيعي خبرني انه ماخذ وحده اجنبيه هناك وعنده بنت بعد من ورا اهله حمدان:من صدقك؟؟ وليد:هيه والله واللي خبرني كان يدرس وياه برع وروح حمدان البيت ومايدري يستانس ولايزعل... وسار حمدان اتأكد من هالشي وطلع الكلام صحيح.. وخبر ابوه واخيرا وافقو على احمد.. والحمدلله ملجت ريم على احمد.. وبعد الملجة.. حست ريم بشوية راحة.. تقدر تشوفه متى ماتبا وترمسه جدام اهلها وجي.. لكن للاسف كان في شوية مشاكل بين احمد واهل ريم.. وبعد فترة..الشغل طلب من احمد يسافر ياخذ دورة تدريبية.. والدورة كانت مدتها سنتين وكل سنة عنده اجازة 3شهور.. كان صعب انه يسافر ويترك ريم.. فقرر يسير عند اهلها ويحددون موعد الزواج.. وبعد عدة محاولات اخوانها اقنعو اهلها وتقرر الزواج بعد اسبوع.. كان صعب على ريم تتجهز في هالفترة القصيرة.. وكانت شاله هم دراستها اللي بتتركها.. واخوانها اللي بتفارقهم.. لاول مرة ريم تحس بقيمة اخوانها.. وتحس انها صدق بتفتقدهم وماتسوى شي بدونهم.. اكثر حد تأثر لمياء.. لانها تعلقت وايد في ريم..ومن عقبها ماعندها حد.. خبرت ريم اليازية عشان تتقرب من لمياء في غيابها.. واكيد اليازية رحبت في هالشي.. وبعد كل هالمعاناة اللي مرت فيها ريم..واحمد.. وبعد كل هالحواجز اللي فرقتهم.. وبعد كل هالاحزان.. يا يوم العرس... اليوم اللي تحلم فيه ريم.. اليوم اللي عاشت كل عمرها تترياه.. ست سنوات وهي تعاني.. ويا الوقت اللي ترتاح فيه.. بس كانت ريم متضايجة لانه شما ومريم مابيشاركونها هالحلم.. وكان في حسرة فقلب ريم لانها بتطلع من بيت اهلها لبيت ريلها.. لا عرس ولاحفلة ولاشي.. بس كانو ربيعاتها واهلها وزفة خفيفة.. لكن كل ها ماكان يهمها.. المهم عندها انها بتكون حق احمد.. كانت لابسة ريم فستان بيج مع ذهبي.. وكانت فاتحة شعرها وهو طويل وناعم ومسوية فيه حركة بسيطة..ومكياج بسيط.. وشكلها كان روووعه..الكل شافوها متعدلة ومتكشخة من قبل.. لكن كل مرة غير عن هالمرة..هالمرة كانت وحده ثانية.. على قد ماكانت حلوة..هالمرة احلى واحلى واحلى... نزلت ريم من الدري.. والكل كان يطالعها ويطالع جمالها.. الليلة من الف ليله في مزاياها ليلة بكل الليالي اللي عرفناها ليلة تزف بفرحها شمس ليلتنا والكل يرقب طلت محياها طلت عروس الضياء وبشوق رحبنا شمس اشرقت في سمانا واسمها(ريماس) والحسن يعزف محاسنها ويطربنا والنور كل ما نظرها بشوق غناها الشمس قالت لها لاتطلعي بعدي اخاف في نور خدج ينطفي خدي والبدر لي قال محدن فالضيا قدي من شافها طاح من طوله وحياها من نورها صار نور البدر وحداني لو كان الاول معاها يمسي الثاني والنور كل ماتغيبي يتوه ويعاني والليل يسأل اذا غابت عن ضياها ومشت..ومشت لين وصلت لاحمد.. كانت تحس المسافة واايد طويلة..كانت تحس انها مابتوصله.. وماصدقت انها وصلت..وحطت ايديها بايده.. واحمد..كان قلبه بيطيح من الفرحة.. مب مصدق انه اهو وريم ويا بعض وجدام كل الناس.. كان يحس الوقت يمشي فبطئ.. وكان وده يشلها ويركض فيها.. كان فكل لحظة..يخاف انه يكون يحلم.. وكان كل واحد منهم يقبض ايد الثاني بكل قوته.. من خوفهم لا ايي شي ويفرقهم.. واخيرا.. خذ احمد ريم..وشلها وطاااار فيها.. ماكان يعرف شو يقول ولاشو يسوي.. بس كل اللي فباله انه يبا يسعد ريم.. كانت ريم حابه تسير البحر.. واحمد لبالها طلبها.. وروحو دبي.. طول الدرب ولاحد منهم رمس الثاني.. كل واحد سرحان فاحلامه وذكرياته.. |
ووصلو البحر..
واحمد كان مستأجر يخت عشان ريم.. وطلعت الاميرة مع فارس احلامها.. وقفو هم الثنينه يطالعون البحر.. وولاحد رمس الثاني.. لين وصلو نص البحر وقف اليخت.. مسك احمد ايد ريم بقوة.. وبعدين مسكها من خصرها وتم يطالعها.. وضاعت نظراتها فعيونه.. احمد:ريم ريم:"وهي مستحية"عيون ريم احمد:"وهو يصارخ"احــــــــــــــــــــــــــبـــــــــــــــ ــــــــــج ريم:"نزلت راسها وماردت عليه".. احمد:ريم انا احبج وامووت فيج..ومااتمنى اكمل حياتي الا وياج..كل امنيتي في هالحياة اني اسعدج وبس.. ريم:"وهي تصيح"وانا بعد اموووت فيك..انا اصلا عايشه عشانك.. احمد:بس ياريم كافي دموع..كافي احزان..خلاص من اليوم انتي حقي وانا حقج..والسعادة ان شاء الله بتكون اهي دربنا... ريم:من الفرحة يا قلبي.. احمد:ريماس انتي اسم على مسمى ريم:لاااااااااااااااااااااا احمد:بلاااج؟؟ ريم:دخيلك لاتقولي ريماس احمد:من عيوني ريم:كل حد كنت متعلقة فيه وقالي ريماس فقدته..دخيلك لاتقولي اياها مابا افقدك انت بعد وتذكرت شما..ومريم..اللي كانت تتمنى انهم يشاركوها هاليوم وهالفرحة... احمد طالعها وابتسم .. وحضنها بكل قوته.. وضاعت ريم فاحضانه.. احاول اخفي احساسي لكن بالعشق مفضوح تشوف الفرحة في عيني وحبك فالعقل والروح احبك حب مااقدر اعاند فيه احساسي لقيت الحب شي اكبر من اني اخذ انفاسي حياتي امرها بايدك وحبك سيدي وسيدك وعمري ما ابتدى قبلك وعيدي فالهوى عيدك حبيبي عمري لك وروحي وقلبي فالعشق هايم فداك الروح وروح الروح ياربي تبقى لي دايم معاك الدنيا شي ثاني معاك الدنيا دي احلى ومهما كانت الدنيا معاك احلى اكيد احلى تخيل دنيا من غيرك او لحظات من غيرك انا ما شوف الدنيا وفقلبي احد غيرك احبك حب مااقدر اعاند فيه احساسي لقيت الحب شي اكبر من اني اخذ انفاسي لاول مرة تعيش ريم في هالحنان كله.. كانت تحس انها تملك كل هالدنيا.. واهو حس بالراحه بعد معاناة طويلة.. وكان وده مايفارق حضنها.. لكن كان شعور الخوف يطغي عليهم.. كانو خايفين من اللي مخبتنه الايام حقهم.. لكن دامهم مع بعض بيواجهون الحياة.. بسهولتها وبصعوبتها.. وبدو حياة كلها سعادة وفرح وحب.. هاذي كانت نهاية ريماس واحمد... وحبهم اللي شهدت عليه امواج البحر... شي غريب.. شي غريب لما تظن انك حبيب وانك من الفرحة قريب لكن يجيك سهم ويصيب قلبك وتحيا به غريب الدنيا كلها هدب وعواصف من قلبه خالي من قلبه نازف هذه الحياة حظ ونصيب مرة تصيب ومرة تخيب في كل مكان وفكل زمان بين الهدوء تلقى الرياح بعض الصدور فيها الحنان وبعض الصدور فيها الجراح مهما اشتكيت ولابكيت مايستوي ليلك صبا شي غريب.. شي غريب ان كان هواك ضيع خطاه ولا نشف فيك الشعور حول هموم قلبك شموع وارجع وطير ويا الطيور طبع الحياة حزن وفرح وطبع الورود شوك وزهور شي غريب.. شي غريب النهاية |
ووصلو البحر..
واحمد كان مستأجر يخت عشان ريم.. وطلعت الاميرة مع فارس احلامها.. وقفو هم الثنينه يطالعون البحر.. وولاحد رمس الثاني.. لين وصلو نص البحر وقف اليخت.. مسك احمد ايد ريم بقوة.. وبعدين مسكها من خصرها وتم يطالعها.. وضاعت نظراتها فعيونه.. احمد:ريم ريم:"وهي مستحية"عيون ريم احمد:"وهو يصارخ"احــــــــــــــــــــــــــبـــــــــــــــ ــــــــــج ريم:"نزلت راسها وماردت عليه".. احمد:ريم انا احبج وامووت فيج..ومااتمنى اكمل حياتي الا وياج..كل امنيتي في هالحياة اني اسعدج وبس.. ريم:"وهي تصيح"وانا بعد اموووت فيك..انا اصلا عايشه عشانك.. احمد:بس ياريم كافي دموع..كافي احزان..خلاص من اليوم انتي حقي وانا حقج..والسعادة ان شاء الله بتكون اهي دربنا... ريم:من الفرحة يا قلبي.. احمد:ريماس انتي اسم على مسمى ريم:لاااااااااااااااااااااا احمد:بلاااج؟؟ ريم:دخيلك لاتقولي ريماس احمد:من عيوني ريم:كل حد كنت متعلقة فيه وقالي ريماس فقدته..دخيلك لاتقولي اياها مابا افقدك انت بعد وتذكرت شما..ومريم..اللي كانت تتمنى انهم يشاركوها هاليوم وهالفرحة... احمد طالعها وابتسم .. وحضنها بكل قوته.. وضاعت ريم فاحضانه.. احاول اخفي احساسي لكن بالعشق مفضوح تشوف الفرحة في عيني وحبك فالعقل والروح احبك حب مااقدر اعاند فيه احساسي لقيت الحب شي اكبر من اني اخذ انفاسي حياتي امرها بايدك وحبك سيدي وسيدك وعمري ما ابتدى قبلك وعيدي فالهوى عيدك حبيبي عمري لك وروحي وقلبي فالعشق هايم فداك الروح وروح الروح ياربي تبقى لي دايم معاك الدنيا شي ثاني معاك الدنيا دي احلى ومهما كانت الدنيا معاك احلى اكيد احلى تخيل دنيا من غيرك او لحظات من غيرك انا ما شوف الدنيا وفقلبي احد غيرك احبك حب مااقدر اعاند فيه احساسي لقيت الحب شي اكبر من اني اخذ انفاسي لاول مرة تعيش ريم في هالحنان كله.. كانت تحس انها تملك كل هالدنيا.. واهو حس بالراحه بعد معاناة طويلة.. وكان وده مايفارق حضنها.. لكن كان شعور الخوف يطغي عليهم.. كانو خايفين من اللي مخبتنه الايام حقهم.. لكن دامهم مع بعض بيواجهون الحياة.. بسهولتها وبصعوبتها.. وبدو حياة كلها سعادة وفرح وحب.. هاذي كانت نهاية ريماس واحمد... وحبهم اللي شهدت عليه امواج البحر... شي غريب.. شي غريب لما تظن انك حبيب وانك من الفرحة قريب لكن يجيك سهم ويصيب قلبك وتحيا به غريب الدنيا كلها هدب وعواصف من قلبه خالي من قلبه نازف هذه الحياة حظ ونصيب مرة تصيب ومرة تخيب في كل مكان وفكل زمان بين الهدوء تلقى الرياح بعض الصدور فيها الحنان وبعض الصدور فيها الجراح مهما اشتكيت ولابكيت مايستوي ليلك صبا شي غريب.. شي غريب ان كان هواك ضيع خطاه ولا نشف فيك الشعور حول هموم قلبك شموع وارجع وطير ويا الطيور طبع الحياة حزن وفرح وطبع الورود شوك وزهور شي غريب.. شي غريب النهاية |
هذهـ تحية منيـ محملة بعبقـ الزهور... لكلـ منـ تابعـ معيـ احداثـ الرواية... ولكلـ منـ سيقرأها... نـــزفـــــــــــالـمـشـاعـــرـــــــــــــ هذي هي النهايه.. واتمنى ان تكون قد نالت اعجابكم.. واذكروني اناوروايتي.. واتمنى من كل من تابع الروية الى نهايتها ان يجيب علىتساؤلاتي كي احقق ذاتي.. ماهو الذي جذبك فالبداية لتصل الى النهاية؟؟ ماهو رأيك فياسلوب الكتابه؟؟ ماهو اكثر جزء اعجبك؟؟ ماهي الاشياء التي كنت تتوقع حدوثهاولم تحدث(ان وجد)؟؟ ماهو تعليقك على النهاية؟؟ ماهي انتقاداتك؟؟ ماهووصفك للرواية بشكل عام؟؟ |
ماهو الذي جذبك فالبداية لتصل الى النهاية؟؟ موت شماء ماهو رأيك فياسلوب الكتابه؟؟ جد عاادي بدايه موفقه ماهو اكثر جزء اعجبك؟؟ مادري بصراحه جميعهم حلوين ماهي الاشياء التي كنت تتوقع حدوثهاولم تحدث(ان وجد)؟؟ موت احمد ..انتحار ريماس لانه بصراحه الحزن مله قلبها لو انا منها دفنت روحي ماهو تعليقك على النهاية؟؟ حلووو بس توقعته يكون حزين ماهي انتقاداتك؟؟ مافي ولا يوم فرح ماهووصفك للرواية بشكل عام؟؟ جميله حلووه وبعد مختصره بدايه موفقه يسلموو على القصه وسلمت انملك اتمنى منك المزيد في التقدم |
تسلمي يا احلى بنوووته على المتابعة..
|
| الساعة الآن 04:24 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.