|
ان شاء الله
يلا ياالمسلمه انا مرة متحمسه للاحدات ان شاااء الله ماكووونن ازعجتك |
الجزء العاشر 10 بعد فتره طويييييييييله اخيرا طلع الدكتور من الغرفه سامي : هااااه يادكتور بشر ... قول انها بصحة وعافيه ارجوك قول .. وبكى الدكتور : والله حالتها صعبه مره ابو حسام : طيب وش فيها؟ الدكتور : غيبوبه سامي حط ايده على راسه : غيبوبة !!!؟ ابو حسام : لا حول ولا قوة الا بالله بندر : انا لله وانا اليه راجعون الدكتور : ان شاء الله تتعافى بندر : متى ؟ الدكتور: ما ادري بس احتمال بعد سنه او اكثر واحتمال كبير جدا انها تستمر بغيبوبه .... سامي بصوت حزين : ابي اشوفها الدكتور : معليش ما اقدر .. قلت لك حالتها صعبة جدا... حتى لو دخلت مارح تحس فيك ... عن اذنكم ............... وراح الدكتور ... سامي جالس على الكرسي ومغطي وجهه بشماغه ابو حسام لف وجهه على الجدار وما قدر يتحمل . اما بندر يحاول انه يكون ثقيل قد ما يقدر علشان يهديهم واخيرا تكلم بعد فتره والعبرة خانقته : اذكروا الله ياجماعة ابو حسام بصعوبه : لاااا اله الا الله سامي وهو يبكي : ونعم بالله بندر : يا الله نرجع البيت سامي : انا مستحيييييييييل ارجع البيت وما فيه قمر ونور و بهجه وشعاع البيت ...... ما فيه ربى ترحب فيني وتاخذ شماغي وتسولف وتضحك معي ... ما فيه احد امزح معه واقووووول له كـــــل اللي بخاطري وو .......... وما قدر يكمل وغطى وجهه بشماغه مره ثانيه وجلس يبكي بشده . بندر وابو حسام دمعت عيونهم وصاروا يضحكون معه بدل ما يهدونه .. ابو حسام ومسح دموعه : قدر الله وما شاء فعل ... استغفر ربك وارضا بقضاء الله وتعال معي بالبيت بندر : خلاااااص عاد يكفي يا سامي .. كذا تتعب نفسك وتتعبنا معك سامي : ايييه لو انك شايفها وهي طايحة بعيد عن السياره وحولها الدم كااان تنجن ويغمى عليك بعد. بندر : سامي ارجوك خلاص يا ابن الحلال لا تضيق صدورنا اكثر من كذا . يا الله امش معي للبيت سامي : بجلس هنا مرافق ومستحيل اخليها بندر : بس .. سامي : والله ثم والله ثم والله اني ما اخليها لحالها ورح اسوي المستحيل علشان تتعافى وترجع مثل اول ..........وبكى ابو حسام : خلاص بندر رح قل للدكتور بندر : طيب وراح لعند الدكتر وقال له ... والدكتور وافق وجلس سامي عند ربى كمرافق ... وجلس يتذكر ايام زواجه منها .. واستهبالها وضحكها وزاااد بكائه اكثر واكثر . وبندر وابو حسام رجعوا لبيوتهم والدمعه ما فارقتهم بندر رجع للبيت معصب وضايق صدره لين : هلا بندر ليش تاخرت .. وين سامي وين ربى بندر : سافروا لين : ايييييش ؟؟!!! طيب هي ما قالت لي انها بتسافر بندر : ................... ( سكت ما يدري وش يقول ) لين وبدت عيونها تدمع على خفيف : بندر بندر بتعب : وش تبين؟ لين : ليش ربى ما ترد على جوالها ؟ بندر بعصبيه : وانا وش دراني عنها يمكن حاطه على الصامت لين : بندر انا احس ان صاير شي ومخبي علي بندر عصب اكثر : يووووووووووه يا لين انا تعبان وراسي يوجعني مالي خلق لك لين انصدمت لان اول مره بندر يعصب عليها ويهاوشها .. دمعت عيونها وصارت تبكي .. %%%%%%%%%%%%%%%%%%%%%%%%% بعد يومين طبعا بندر كل ما رجع من الدوام يمر على سامي في المستشفى ويجلس يهديه وبعدين يرجع للبيت وابو حسام وام حسام نفس الشي ورحاب احيانا تروح واحيانا تجلس في البيت ام سامي وابو سامي عرفوا عن طريق ام حسام وصاروا يزورون ربى وسامي يوميا . اما لين ... في حيره ونكد وهم .. ما علموها لانهم خايفين من ردة فعلها . %%%%%%%%%%%%%%%%%%%% في يوم من الايام بندر : هلا سامي ... وش لونك اليوم . سامي : بخير ... بس نفسيتي تعبانه بندر رأف على حال سامي : ايه طيب وش اخبار ربى؟ سامي : آآآآآآآآآه ياربى الله يقومك بالسلامه والله مشتاق لسوالفك وزعلك وضحكتك الخجوله ... والله يا بندر مدري وش اقولك على حالتها ما تتكلم ولا تفتح عيونها مثل الميته ..... ودمعت عيونه للمره الالف بندر ضاق صدره مرره لكن مسك نفسه : ادع ربك . سامي مسح دموعه : الله يتقبل ... ايه صح الدكتور يبيك يقول لي اذا جاء بندر قول له يمرني بندر : ليش سامي : ما ادري بندر : خلاص انا بروح عن اذنك وراح لعند الدكتور.. الدكتور : اهلين تفضل بندر : شكرا ... بشر يا دكتور الدكتور : بندر ... حالة ربى حاله مستمره مدى الحياة بندر انصم من كلام الدكتور وبصعوبه : لا حول ولا قوة الا بالله الدكتور : ونعم بالله بندر : طيب يا دكتور ما فيه حل ؟ الدكتور : هنا مافيه بس يمكن اذا سافرتوا فيها للجارج وتلقت العلاج تتحسن بندر : تتوقع كذا الدكتور : اتوقع ... باذن الله تتعافى بندر : طيب مشكور .. وطلع من عند الدكتور وهو يفكر وش رح يقول لسامي ... سامي : بندر بندر بندر بحزن : نعم سامي : وش قال لك الدكتور؟ بندر : سامي انا بتكلم معك على انك رجال عاقل وقوي لا تصير مثل الحريم وتصيح سامي خااف : الله يستر وش السالفه بندر : توعدني انك تاخذ الامر بجديه وتصير رجل سامي : ايه ان شاء الله بس قل بسرعة بندر : ربى .. يمكن تستمر على الغيبوبه الى الممات ومافيه الا حل واحد اذا سافرت فيها برى للعلاج سامي : وانا مستعد بسافر فيها للخارج ان شاء الله ولو يصير اللي يصير اهم شي صحة اغلى الناس عندي ام حسام : السلام عليكم سامي سامي : وعليكم السلام هلا خالتي ام حسام : وش لون ربى ؟ سامي : الحمد لله على كل حال ابو حسام : السلام عليكم هلا وش لونك وش لون صحتك سامي : الحمدلله على كل حال قضاء وقدر ابو حسام : الحمدلله ..... وش اخبار ربى سامي : الحمد لله بس ابو حسام : بس ايش ؟ سامي : يقول الدكتور انها بتستمر بالغيبوبه مدى الحياة الا اذا سافرتوا فيها للخارج وتلقت العلاج المناسب ابو حسام : انا لله وانا اليه راجعون ام حسام : ابو حسام اذا رحت انا بروح معك ابو حسام: ما اقدر اروح عملي ما يسمح لي المدير مانع عني الاجازات سامي : لا تخافون انا بسافر فيها ام حسام : بروح معك ابو حسام : لا.. ما تروحين انتي تجلسين عندي هنا سامي : لا تخافين خالتي اوعدك اني اهتم فيها ام حسام وابوحسام : الله يجزاك خير ويوفقك بندر : عن اذنكم انا بروح للبيت تاخرت على لين سامي : الى الان لين ماتدري عن ربى ؟؟؟ بندر: لا والله خايف من ردة فعلها سامي : حافظ عليها لايصير لها شي ولا تهاوشها تراها حساسه بندر : ان شاء الله لا توصي حريص ورجع البيت لين جالسة بالصاله تبكي بندر : سلامات ليش الحلوة زعلانه وش فيك لين : احس انك مخبي عني شي بندر: انا لين : ليش ربى ما ترد على الجوال بندر : يقول سامي ان جوالها ضايع ويبي يشتري لها جوال جديد ان شاء الله لين : وسامي ما يرد علي ليش ؟ بندر : خلاص اذا كلمته اقول لها يتصل عليك ... وش تبين بعد لين : طيب هم وش لون سافروا ولا جو للبيت واخذوا ملابس وشناطهم بندر : انتي الحين اذكري الله وامسحي دموعك لين : لا انا متاكدة ان ربى فيها شي او سامي فيه شي بندر يأس منها وعصب : يووووووه يالين الصراحة دوختي راسي ... انتي ليش ما تصدقيني لين : لاني اعرف ربى زين .. ما تحب تتاخر علي لازم كل يوم تتصل علي بندر عصب مره : بكيفك انا كذاب وغبي وما افهم خلااااااص وانتي صااادقه ... اف وراح نام بغرفته من دون ما يتغدى %%%%%%%%%%%%%%%%%%%%%%%%%% بعد اسبوعين لين كالعادة اتصلت على جوال ربى وما صدقت بندر يوم قالها ان جوالها ضايع واتصلت حوالي 10 مرات وللاسف ........... ما احد يرد عليها لين تحطمت .. كيف بيوم وليله تفقد صديقتها وبدون سبب صديقتها واعز الناس عندها ... كانت تشكي لها بعد الله سبحانه كانت صديقتها من صغرها ... عاشت معها طفولتها وصااارت لهم مواقف كثيره ..... بيوم وليله ينقطع خبرها لا تشوفها ولا تسمع صوتها على الاقل .... رمت لين نفسها على سريرها ورمت الجوال وهي منقهره وصارت تفكر بينها وبين نفسها " كيف قدرت ربى تنساني وتنسى عشرة العمر اللي بيني وبينها ما اعتقد انها نستني اكيييييييد فيها شي اكييد فيها شي .. قلبي يوجعني واحس ان فيها شي ... قامت بسرعة من سريرها وراحت لعند بندر اللي كان جالس باالصاله ويناظر التلفزيون بكل هدوء وحزن . لين بصوت واطي : بندر بندر : خير لين : زعلااان ؟ بندر : ايه لين : آآآسفه والله ماكان قصدي ازعلك بندر : صايرة أسئلتك كثيرة .. ولا تسولفين معي ولا تضحكين ولا تستقبليني مثل اول .. كل هذا علشان ربى ما ردت لين : بندر .. تخيل لو تفقد صديق عمرك .. عااش معك طول السنين . وكنت تشكي له وتوسع صدرك معاه وتدردش معه .. وش تسوي في نفسك .. بندر ... انا من يوم ما كنت بالإبتدائي كانت ربى صديقتي . كانت طيبه مره وحبوبه وفجأه كذا اختفت وما ادري وين راحت لا تكلمني ولا تشوفني ولا تسأل عني . تخيل معي يابندر تخيل ............. وصارت تبكي بصوت عالي تأثر بندر مره ودمعت عيونه وخنقته العبره ولا قدر يستحمل انكسار لين قدامه بندر اخذ نفس طوييل واخيرا تكلم : لين .. ربى بخير . .. لا تضيقين صدري خلاص يكفي . .... وسكت لانه ما قدر يكمل وخنقته العبره وما يدري وش يقول لها ... يقول لها ان صديقتك وحبيبتك في غيبوبه ... صعبه عليه %%%%%%%%%%%%%%%%%%%%%%%%%%% سامي قرر انه ياخذ ربى ويسافر فيها للخارج وبالتحديد المانيا علشان تتلقى العلاج وقبل ما يسافر راح لعند اهله يودعهم وبعدين راح لعند ابو حسام وودعهم .. وســــــــــافر مع ربى ..... وكله امل ان ربى رح تتعافى وترجع مثل اول %%%%%%%%%%%%%%%%%%%%%%%% بعد اسبوعين لين : بندر ممكن اسأل ؟ بندر : رجعنا لين : بس لا تهاوشني بندر : اوكي .... تفضلي لين : امممم ربى ساكنه عند مين بالشرقيه ؟ بندر ارتبك : هاه ما ادري لين : طيب قول لي وش فيها وريحني بندر : لين .. اتصلي على سامي واساليه لين : طيب تتوقع يرد علي هالمره بندر : ان شاء الله لين : طيب وراحت تتصل عليه سامي : هلا والله بلين وش لونك لين : الحمدلله ... انت وش لونك سامي : لا انا بخير جعلك بخير ... وش اخبار بندر لين : الحمد لله . سامي سامي : هلا لين : بسألك سوال وتجاوبني بصراحة وما احللك لو تكذب علي سامي بخوف : تفضلي لين : ربى ... وش فيها سامي : ربى ! تتوقعون ربى اذا تلقت العلاج بالخارج تتعافى !!!!؟ وتتوقعون سامي يجاوب على سؤال لين بكل صراحة ولا لا !!!؟؟ كل هذا واكثر في الجزء الحادي عشر 11 من رواية )))أصدقاء للأبد لو يطول الأمد للكاتبة المسلمة المسالمة ((( |
شكرا يا الغلااا
نستنى البارت الجاي ع نااااااار خالص تحياتي (مس جوري )... |
الجزء الحادي عشر 11
لين : ربى ... وش فيها سامي : ربى ! لين : ايه سامي : ربى فيها كسور ووهي الحين في المستشفي بالمانيا ( هي صحيح فيها كسور وما حب يكمل لها ويقول وفيها غيبوبه علشان ما تخاف ) لين : بالمانيا !!! بس بندر يقول انكم بالشرقيه سامي : حنا ما سافرنا المانيا الا قبل اسبوعين لين : طيب وش اخبارها سامي : الحمد لله لين : ابي اكلمها سامي ارتبك : معليش ما اقدر لين : ليش ما تقدر سامي : نايمه لين : اها .. طيب وش السبب الكسور؟ سامي : حادث لين : حادث !!!؟ سامي : ايه ...... وقال لها السالفه لين : الحمدلله على سلامتكم سامي : الله يسلمك لين : طيب مع السلامة سلم لي على ربى كثير السلام سامي سكت شوي ورد بصعوبة ودموعت عيونه : ان شاء الله لين سكرت السماعه وراحت لعند بندر .. لين : يندر ابي اروح المانيا بندر : وش لون تروحين المانيا وعندي دوام لين : خذ اجازه بندر : معليش لين عاد بهذي ما اقدر لين : الله يعافيك بندر : لا تحاولين لين : ليش طيب ليش تبي تحرمني من شوفة صديقتي بندر : اخاف تنصدمين اذا شفتيها لين : ليش انصدم ... فيها كسور بس بندر استغرب : كســوووور !!!!! لين : ايه وش فيك ؟!!! بندر : لا لا ولا شي لين : هاه وش قلت بندر : خلاص علشانك انا اكلم المدير بكرا لين : مشكوور الله يخليك ويجزاك خير بندر : آآمين . %%%%%%%%%%%%%%%%% ومن بكرا بندر قال للمدير عن الاجازه وقال له السبب وبعد عناء وافق .. رجع بندر للبيت لين : هلا والله وش لونك بندر : الحمدلله ... عندي لك خبر يهبل لين بحماااس : وشو ؟ بندر : قلت للمدير على الاجازه ووافق لين متشققه من الوناسه : من جـــــــــد !؟ بندر : ايه لين : الله وناسه اخيرا بشوف ربى بندر ضاق صدره لان ربى ما رح تحس فيها ودمعت عيونه شوي وعلطول مسحها علشان لين ما تحس ويضيق صدرها بندر : يا الله انا بروح احجز طياره لين : طيب تغدى بعدين رح بندر: يا الله اجل بسرعه %%%%%%%%%%%%%%%% بعد الغداء راح بندر وحجز الطيارة وجاء موعد السفر بندر : لييين ... لين بسرعه لين وتنزل من الدرج : بالله انا جاهزه ..... قلت لسامي بندر : ايه قلت له لين : لا يكون قال لربى .. ابيها مفاجئه بندر ضاق صدره ةجلس يناظر لين ويفكر وما رد عليها : ............. لين : بندر .... بندر بندر دمعت عيونه واخذ نفس طويل وبينه وبين نفسه " مسكينه يا لين وش رح تكون رده فعلك اذا شفتي ربى وهي في ((( غيبوبة )) لين : بندر .. بندر اخيرا رد عليها : نعم لين : وش فيك .... ليش غيونك دمعت فيك شي تعبان ؟ بندر : لا لا بس عيوني فيها حساسية لين : اشوى .... يا الله تاخرنا بندر : يا الله %%%%%%%%%%%%%%%%%% راحوا للمطار وركبوا الطياره .. وبعد ما وصلوا راحوا علطول للمستشفى اللي كانت فيه ربى ولين طاااايره من الوناسه لانها بتشوف ربى ... وهم يمشون قابلوا سامي لين : سااامي . هلا والله شخبارك سامي : اهلين ... الحمدلله انتي كيفك لين : بخير جعلك بخير .... ليش صرت نحيف سامي : رشاقه لين : هههههههه سامي : زش لون امي وابوي وجوري وكلهم لين : طيبين يسلمون عليك سامي : الله يسلمهم بندر : احم احم نحن هنا سامي التفت عليه وعلطول ضمه : هلا والله ومرحبا .. بندر : اهلين ... لك فقدة ياولد العم سامي : الله يجزاك خير لين : وين ربى سامي : دقيقه ...... بندر ابيك شوي بندر : هاه سامي : لين تدري ان ربى بغيبوبة ؟ بندر بضيق : لا ما قلت لها والله خايف من ردة فعلها لين : وش فيكم سامي : لا ما فينا شي .... تفضلوا هذي غرفة ربى ودخلوا عند ربى لين : ربى ... ربى سلامات يابعد عمري وحشتيني ... ربى ربى سامي ليش ربى ما ترد ؟ سامي :مخدره لين : متى تنجبر كسورها سامي : ان شاء الله بعد 3 اشهر او اكثر على حسب لين : متى تصحى سامي : امممممم ما ادري ادعيلها بالشفاء لين : سامي ... الله يعافيك ادري انك مخبي شي عني قل لي وش فيها ارجووك سامي يناظر بندر : اقول لها بندر : بكيفك ....... وطلع علشان ما يبي يشوف رده فعل لين وانصدامها لين : سامي .... ارجوك قل لي .. سامي : ربى فيها لين : ايه كمل سامي نزل عيونه المدمعه وبصوت واطي وحزين : غيبوبة لين انصدمت وتغير لون وجهها وبصوت عالي : انت وش قاعد تقول سامي اخذ نفس طوييل : مثل ما سمعتي وادعيلها لين صارت تبكي بصوت عالي : لااااااا مستحييييييييييييل بندر سمع صوتها وهو برى الغرفه وتـأثر مره بعد ساعة كامله ... لين مازالت تبكي بصوت عالي وبندر وسامي جالسين قبالها وساكتين بندر اخذ كرتون المناديل الثاني لانها خلصت الاول وراح جلس جنبها بندر بصعوبه : لين خلاص قدر الله وما شاء فعل ... هي الان ما ماتت ادعيلها بالشفاء .. لين تكلمت اخيرا وهي تبكي وبين كل كلمة وكلمة شهقه : ما اقدر اشوف اعز انسانه عندي بهذا الحال .... صديقتي اللي عشت معها من يوم كنت بالابتدائي وزاد بكاائها بندر يناظر سامي ويأشر له علشان يجي ويسكتها سامي جاء عندها : لين ....... هدي بالك خلاص ... انا جبتها هنا عشان تتعالج وان شاء الله تطيب لين : ان شاء الله بندر : ي الله عاد امسحي دموعك لين مسحت دموعها الغزيره ... سامي : لين تفائلي بالخير ... انا فرحت لم سمعت انك بتجين هنا علشان تساعديني مو تزيديني هم ... لو البكاء يقومها بالسلامة كان بكيت كل شوي بس وش فائدة البكاء الحين ... لازم ندعي لها بالشفاء .. لان الدعاء يغير القدر ... فهمتي لين هدت شوي وهزت راسها ... بندر : يا الله عاد وسعي صدرك سامي : وابتسمي من زماان عن ابتسامتك الحلوه يا الله يال اختي لين ابتسمت ما بين دموعها .. سامي : ايه هذي لين اللي اعرفها %%%%%%%%%%%%%%%%%%% لين وبندر جلسوا بالمانيا اسبوعين ولين كانت كل ما جاء وقت الزيارة تروح وتجلس عند ربى وتشغل جوالها على سوره البقرة ... وكل يوم تدعيلها .... ليل ونهار %%%%%%%%%%%%%%%%%%% جاء اليوم اللي بيرجعون فيه للرياض لين ارسلت لسامي مقطع سوره البقرة وقالت له كل يوم شغلها وعطته بعض التعليمات اللي افادته كثير وسافروا ...... %%%%%%%%%%%%%%%%%% بعد شهر .... لين وبندر جلسوا يسولفون بغرفتهم بندر : لين لين : هلا بندر : عندي سؤال محيرني مده واشك فيه لين بخوف : وشو بندر : تذكرين لم نروح للبر بمخيمكم لين : ايييييييه يا قدمك بندر : شفتي البنات الي تعطل عليهم الدباب ... ما قال لك سامي السالفه لين : الا قال لي .... وش فيهم بندر : منهم البنات ؟؟ لين : ليش تسأل ؟ بندر : بس اشك انك انتي وربى صح لين : هههههههههههههههههههههههه بندر : انتم ؟؟؟؟ لين : ايه .... وانا اللي ساكته بندر : احلفي!! لين : والله بندر : طيب ليش ساكته لين : اخاف تكشفوني بصوتي بندر : اممممممممم لين : ههههههههههههههههه ... صدق اني مهبوله يوم كنت صغيره بندر : اما انتي وربى ما فيه اكثر من مواقفكم لين وتذكرت ربى : آآآآآآآآآآه يا ربى يا حبيلها ... الله يشفيها ويقومها بالسلامه بندر : آآآمين %%%%%%%%%%%%%%%%%%%% بعد سنه ... وش الاحداث اللي تغير خلال السنه تتوقعون ربى تحسنت ولا الى الان في غيبوبة مين اللي تزوج من العائله ؟؟؟ ومين ومين ؟؟ احداث كثيره رح تحصل في الجزء الثاني عشر 12 من روايه )))أصدقاء للأبد لو يطول الأمد للكاتبة المسلمة المسالمة ((( |
خالص تحيايت لكي اختي المسلمة المسالمة
مس جوري ..... |
يلا كملي القصة
شوقتينا ع الاخر في انتظارك |
وش الاحداث اللي تغير خلال السنه؟ كل شي بيتغير
تتوقعون ربى تحسنت ولا الى الان في غيبوبة؟ لا اتحسنت مين اللي تزوج من العائله ؟؟؟ ومين ومين ؟؟ ما عرفت |
الجزء الثاني عشر 12 بعد سنه .. لين حملت وهي الان بالشهر التاسع رحاب وجوري وجمانه تزوجوا .. والباقي على ما هم عليه لين : بندر بندر : هلا لين : بطني يوجعني ابي اروح المستشفى بندر : يووووه والله ان حملك هذا غثاء لين : ليش ؟ بندر : كل يوم تروحين المستشفى ؟؟ لين : كل يوم اروح المستشفى اطمئن على صحتي ولا صحتي ما تهمك بندر : الا بالعكس تهمني ... لين : بندر بندر بندر : وش فيك لين : خلااااص ما اقدر اتحمل ودني المستشفى .. احس بالم الولاده بندر طمر من مكانه : من جد ؟؟ يا الله يالله بسرعه على المستشفى وراحوا المستشفى ... وولدت وجابت بنت تجنن بندر : الحمدلله على السلامة لين : الله يسلمك بندر : مبروك لين : الله يبارك فيك بندر : وش تسمينها لين : وش رايك باسم جود بندر : جود .... حلو ... خلاص اروح اوقع على اسم جود ؟ لين : ايه %%%%%%%%%%%%%%%% طلعت لين من المستشفى وراحت لعند اهلها وكل شوي يجون ضيوف يشوفون لين .. جوري : افففف لين : وش فيك جوري : لا عاد تحملين ثانيه فاهمه واذا تبين تحملين .. اذا ولدتي لا تجين عندنا لين : ليش جوري : اعوذ بالله ... جوري تعالي جوري روحي جوري جيبي جوري عطيني ذبحتوني .. ما فيه الا انا .... صايره قهوجيه للضيوف اللي يجونك وصرت خدامه عند حضرتك ... نحفت 4 كيلو لين : هههههههههههههههههه يا حليلك اذا عصبتي .. جوري : احر ما عندي ابرد ما عندك ... ام سامي تنادي من بعيد : جوري جوري جوري جوري : هذي الوالده بدأت لين : هههههههههههههههه روحي شوفي وش تبي بس %%%%%%%%%%%%%%%%%% بعد اسبوعين لين اتصلت على سامي لين : الوو هلا سامي سامي : هلا والله وش لونكم وش اخباركم لين : الحمدلله كلنا بخير سامي : وش اخبار جود لين : الحمد لله طيبه سامي : عساها تشبهلي لين : لا .... فيها كثير من بندر سامي : وع ع ..... اكيد وعه مثل ابوها لين : حرام عليك بندر وع ؟ سامي : ههههههههههه لا امزح معك ... وش اخباره ؟ لين / الحمد لله ... لا ما شاء الله اليوم شكلك مبسوط وش لون ربى سامي : آآآآه الى الان حالتها مستقرة لين : ما صحت من الغيبوبة ؟؟ سامي : للاسف لا لين : ان شاء لله تصحى سامي : ان شاء الله ... يا الله يالين الدكتور يبيني لين : ايه روح ان شاء الله يبشرك بشيء عن ربى سامي : يارب .... يا الله مع السلامة لين : مع السلامة %%%%%%%%%%%%%%%%%%%%%% بعد 3 شهور يوم الاربعاء ام سامي اتصلت على لين : الووو هلا ام جود لين : هلا .... يمه لا تناديني ام جود كبرتيني احس اني عجوز ام سامي : جود مو بنتك ؟ لين : الا بنتي ام سامي : خلاص اجل اسكتي ما ني مناديتك الا ام جود وبس عجزتي ولا صغرتي بكيفك لين : هههههه خلاص سميني مثل ماتبين بس لا تعصبين ام سامي : المهم اسمعيني .... بكرا تجون عندنا خلاص لين : وش المناسبه ؟ ام سامي : بس من زمان ما شفنا بعض وتجمعنا .. فقلت لابوك نجمعهم بكرا ووافق لين : ايه ما شاء الله زين .... خلاص باقول لبندر ام سامي : مو بندر .. ابو جود لين : ههههههه ايه صح ابو جود ام سامي : وش لونها جود لين : الحمدلله ... بس ما تصحصح وتصيح الا بالليل الله يهديها ام سامي : ايه مثلك يوم كنتي صغيرة لين : ايه الله يعيني عليها اذا صارت مثلي .. ام سامي : والله انك هبلتي فيني هباااال ما تشوفين الشيب طلع علطول لين : ههههههههههههه ام سامي : يا الله اشوفك بكرا ان شاء الله لين : مع السلامة ام سامي : مع السلامة %%%%%%%%%%%%%%%%%% يوم الخميس اجتمعوا عائلة ابو حسام وعائلة ابو بندر ولين والبنات وازواجهم ..... الخ في بيت ابو سامي لين : هلا جمانه وش لونك وش لون الزواج معك جمانه : الحمدلله لين : وش اسم زوجك نسيت جمانه : عبدالرحمن لين : ايه صح .... ان شاء الله مبسوطه معاه جمانه : الحمدلله جوري : احس انك عقلتي لم تزوجتي جمانة : اجل وش تبيني اصير انهبل زيادة مثلك جوري : اصلا من يحصل له وحدة مهبوله مثلي لين : يا ثقل دمك جوري : اعوذ بالله حاقدة لين : وش اخبارك يا رحاب رحاب: الحمدلله لين : وش لون الزواج معك رحاب : الحمدلله جوري : يا اختي غيري الكلمتين (( الحمدلله )) كأنك تاكلين رحاب : احمد ربي ... ما تبين احد يحمد ربه جوري : الا احمدي ربك بس بقلبك لين : الحمدلله الناس يكبرون ويعقلون وانتي كلما كبرتي زاد غبائك وهبالك وثقل دمك جوري : غايره ؟ لين : وع وش اغار منه جمانه : لين وين جود لين : نايمه .. جوري : ياحبي لها مدري على مين طالعة تجنن لين : طالعه علي طبعا جوري : وع لا مو عليك .. لين / وانا وش فيني .... الصراحه تمللين الواحد منك رحاب : هذي جوري من يوم ما عرفتها جمانه : احس انك تندمتي انك تعرفتي عليها رحاب : لا وش دعوى بالعكس ... جوري : احم احم ... مسكينه طاح وجهها خخخخخ لين : استغفر الله بزر ... اروح اشوف جود ابرك لي جوري : فكه ..... رحاب : جيبي جودي نشوفها جمانه : يا حبي لها تجنن %%%%%%%%%%%%%%%%%5 عند الرجال .. بندر : الووو سامي : هلا والله وش لونك بندر : الحمدلله سامي : بندر انا اليوم فرحااااان حدي بندر : هااه بشر وش صار %%%%%%%%%%%%%%%%%% وشو الشي اللي جعل سامي فرحاان !!!؟ كل هذا واكثر في الجزء الثالث عشر 13 من رواية: )))أصدقاء للأبد لو يطول الأمد للكاتبة المسلمة المسالمة ((( ردوووووووووودكم |
احنا في انتظار المزيد
|
انا اتوقع ان ربى قامت من الغيبوبة
مشكووورة ع البارت مس جوري ... |
سامي فرحان عشان ربى بدأت تتحسن.
وفي انتظار الباقي |
يلا احنا في الانتظار
شوقتينا سي يا |
يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا يلا
|
التكمله
الجزء الثالث عشر 13 سامي : بندر انا اليوم فرحااااان حدي بندر : هااه بشر وش صار سامي : ربى بندر : ايه وش صار فيها سامي : تحسنت حالتها ... قبل شهر صحت من الغيبوبة واليوم صحتها مثل الفل وانا الحين بالمطار وان شاء الله نجي عندكم بندر : ما شاء الله الف الف الف مبروك والحمدلله على السلامة سامي : الله يسلمك بندر : هساها تمشي وتتكلم سامي : ايه الحمدلله بصحة وعافية بندر : لك الحمد والشكر يارب ... الحين متحسنه لها شهر وما قلت لي سامي : وش اسوي فرحان ... وبعدين موعلطول صحت مره وحده صحت بيوم وبعد اسبوع تكلمت وعلى شوي شوي دربناها على المشي و كل هذا خلال شهر والحين هي تاكل علاج .... وتجيها حالات احيانا يصدع راسها وتحس بدوخه وغيروا علاجها .. بندر : الله يديم عليها الصحة والعافيه سامي : آآمين ... بندر : يا الله توصلون بالسلامة سامي : ان شاء الله ... بس لا تعلم لين بندر : ان شاء الله .... مع السلامة سامي : مع السلامة %%%%%%%%%%%%%%%%% ابو سامي : مين بندر : سامي ابو سامي :سامي !!! وش اخباره بندر : يقول انه في المطار .. وبيجي ان شاء الله ابو سامي : مع ربى بندر : ايه يقول ان صحتها تحسنت ولله الحمد ابو حسام : الله يبشرك بالخير ويجزاك خير بندر : آآآآمين ابو سامي : اجل اعلم الحريم بندر : لا لا خلها مفاجئه ابو بندر : لا ما يصلح لازم يدرون الحريم بس البنات لا بندر : خلاص اعلم امي واقولها لا تعلم البنات ابو حسام : زين وقالهم ... %%%%%%%%%%%%%%%%%% لين دخلت عند الحريم : وش فيكم سكتوا لم جيت وش عندكم ام حسام : ولا شي تذكرنا مواقفكم لم كنتوا صغار لين : بس %%%%%%%%%%%%%%%%%% الساعة 2 باليل لين : اعوذ بالله وش فيهم ما يبغون يتعشون جوري / يسوون رجيم لين : واذا قلنا لهم جوعانين قالوا لنا كولوا أي شي .. اف رحاب : صح وش فيهم اليوم احس انهم غريبين !! جمانه : علمي علمك ... والله يستر رحاب : لين انتي وش فيك ما تسمعين الكلام لين : وشو رحاب : جيبي جود ابي اشوفها كم مرة قلت لك لين : ان شاء الله وراحت تجيب بنتها جوري : رحاب وين ريما رحاب : معزومه جمانه : وش عندها الحين من ذرية رحاب : ولد وبنتين جمانه : ايه صح وش لونهم رحاب : بخير رجعت لين ومعها جود لين :امسكي جود رحاب : يااااقلبي ... تجنن ما شاء الله ..امووووه << باستها جوري : قامت لين : لا نايمه جوري : ايه الحين تقوم وتسهرك يالليل لين : عادي تعودت جمانه : الله يعينك لين : ليش ما تجلسون عند الحريم خلاص تراكم عجزتوا جمانه : لااا تكفين ... سواليفهم بايخة جوري : طييييييييييييب اعلم جمانة : عادي قولي رن جوال جوري جوري : اسكتوا هذا الخبل رحاب : مين الخبل لين : زوجها ما تسميه الا الخبل حتى بجوالها مخزنه رقمه باسم الخبل جوري : الوو هلا بالخبل سلمان : هلا >>> مسكين يقول هلا وهي تسبه وتقول خبل جوري : وش تبي اختصر لين : اعوذ بالله علطول وش تبي ..قولي وش لونك وش اخبارك سولفي شوي جوري : انتي مالك شغل زوجي ولا زوجك لين : الله يعينه جوري : هييه انت عندك شي ولا اسكر بوجهك سلمان : الرجال يبون شاي جوري : انزين ........ وسكرت بوجهه جمانه : وين القبله وين القبله . لين استغربت : هذي راحت جمانه ووجهت وجهها للقبلة ورفعت ايدينها : ياااارب تعين سلمان على جوري يااااااااااارب لين ورحاب : آآآآآآآآآآمين ههههههههههههه جوري : ويعيني انا بعد ...... وبعدين وش سويت انا يحمد ربه اني رديت عليه بعد لين : وش يبي ؟ جوري : يبي شاي ... بروح اقول للخدامه تسوي لهم . وراحت ..... وبسرعه رجعت رحاب : بنات ما جعتوا جوري : الا والله بطني ازعجني لين : تبغون اسوي لكم شي جمانه : مثل وشو لين : انتم وش تبغون رحاب : عصير لين : طيب وش تاكلون معه جوري : مكسرات لين : من عيوني جمانه : الله يسلمك وراحت لين للمطبخ %%%%%%%%%%%%%%%% عند الحريم ام سامي رن جوالها بندر : هلا خالتي وش لونك ام سامي: الحمدلله بندر : خالتي تعالي بالحوش ام سامي : ليش بندر : ربى وسامي جو ... بس لا احد يدري ام سامي : ان شاء الله %%%%%%%%%%%%% طلعت ام سامي وشافت ولدها ام سامي : هلا والله بسامي وش لونك سامي باس راس امه : السلام عليكم ام سامي : وعليكم السلام .. الحمد لله على السلامة .... ودمعت عيونها سامي : الله يسلمك ام سامي ضمت ربى : هلا والله الحمد لله على سلامتك ربى : الله يسلمك ام سامي : طيحتي قلوبنا ربى : ههههه باسم الله عليكم بندر جاء : هلا والله بولد عمي سامي ضم بندر : اهلييييييين وش لونك بندر : الحمد لله .... اشتقت لك سامي : وانا اكثر بندر : تعال ادخل سامي : يا الله ودخل عن الرجال وسلموا عليه سلام حار كله شوق ومحبه %%%%%%%%%%%%%%%%%% ام سامي : يا الله ربى ادخلتي حياك الله ربى : الله يحييك ام سامي : الحين لين بتنجن اذا شافتك ربى : هههههه ياحبي لها ودخلوا عند الحريم اللي كانوا جالسين بالمجلس ربى : السلام عليكم الكل التفت عليها واولهم رحاب اللي كانت جايه تاخذ لها منديل رحاب ركضت وبقوه ضمت ربى وهي تبكي : اهلييييييين اشتقت لك ربى : هلا والله اشتاقت لك العافية يا بعد عمري رحاب فرحاااانه : متى جيتي ومتى تحسنتي ام سامي : رحاب خلي الاسئلة بعدين ... ربى ضحكت على شكل اختها المتحمسة والفرحانه وسلمت على امها وام بندر .... وكلهم بكوا راحت رحاب للبنات شافوها وهي مبتسمه من بين دموعها وخافوا عليها جوري : وش فيك بسم الله عليك جمانه : رحاااب فيك شي رحاب : ربى ربى جوري وجمانه مع بعض وبخوف : وش فيها رحاب : جت جت جت جوري وجمانه قاموا بسرعة وراحوا عند الحريم وراحت معهم رحاب وسلموا عليها .. لين اخيرا خلصت من العصير وصفت الاكواب على الصينية وحطت المكسرات وشالت الصينية وراحت للغرفة اللي كانوا جالسين فيها البنات وما لقتهم لين تكلم نفسها : " وين اختفوا ... سوي لنا عصير وراحوا وخلوني حطت صينية العصير وراحت تدورهم بالدور الاول ولا لقتهم وراحت للحوش ولا لقتهم ... طفشت وقالت خليني اجلس عند الحريم ابرك لي دخلت لين المجلس وشافت ظهر وحده لابسه عبايه التفتت عليها ربى ..... وش تتوقعون يصير للين اذا شافت اعز الناس عندها وصديقتها وحبيبتها ؟؟!!! كل هذا واكثر واحداث كثيرة رح تمر علينا في الجزء الرابع عشر 14 من رواية : )))أصدقاء للأبد لو يطول الأمد للكاتبة المسلمة المسالمة ((( :sm.49: sm.4. sm.16. ردووووووووووووووووووووودكم يا الحبايب |
الف شكر على البارت ولي عودة بعد القراءة
|
وش تتوقعون يصير للين اذا شافت اعز الناس عندها وصديقتها وحبيبتها ؟؟ أكيد رح تضمها وتبكي
|
حــــــــــــــــــرام عليـــــــك البارت قصيـــــــــر
يا اللهـ مو مشكلة بس لا تبيطين بالبارت الجاي |
يلا ننتظرك بلا تأخير
|
اقول كم بقى من القصه؟؟
|
حتى انا واللهـ زهقت وانا انتظر
|
مرة حماس يلا استعجلي
|
يلاااااااااااااااا
|
اعتذر على التاخير
وباقي جزئين وتنتهي تفضلوا |
الجزء الرابع عشر 14 دخلت لين المجلس وشافت ظهر وحده لابسه عبايه التفتت عليها ربى : لييييييييييييييييين لين: مين ربى !!!!!!!!!!!! وركضت لين وراحت عند ربى وضمتها وهي تبكي لين: اخيرا شفتك ألف ألف ألف الحمد لله على سلامتك يا حبيبتي.. ربى وهي تبكي : الله يسلمك لين وتبكي بقوة : اشتقت لك. ربى: مشكورة يا بعد عمري. لين: صراحة انجنيت لما قالوا لي عنك ربى: بسم الله عليك. والباقي جالسين يطالعون رحاب تمسح دموعها: يوووووه مشهد مؤثر جمانة: احس إننا نتابع مسلسل جوري حاطة يدينها على خدها : آآآآه أموت على الرومانسية يا ناس لين تناظر جوري باستحقار بعد ما مسحت دموعها : انتي وش دخلك ... غيرانة.. ربى ابستمت ما بين دموعها : ما عليك منها تعالي سولفي معي. لين: وش لونك وش اخبارك. ربى ومسحت دموعها : الحمد لله على كل حال لين: احس اني باطير من الفرحة أحس شي كذا جاء بقلبي. جوري: شعور بايخ. ربى: وش صار من أحداث وأنا مريضة؟ لين: باركي للبزران الي قدامك تراهم تزوجوا ربى بفرحة: من جد؟! حتى رحاب؟ رحاب: ايه ربى: مبروك يا بعد عمري . كان ودي إني حاضرة زواجك ..... ودمعت عيونها رحاب : قضاء وقدر.لا تضيقين صدرك. ربى مسحت دموعها : طيب من أخذتي.؟ رحاب: ريان. ربى: مين ولد جيراننا؟ رحاب: إيه. أم سامي: تعالوا تعشوا خلوا السواليف بعدين. ولا تكثرون اسئلة على ربى شكلها تعبانه مررره ربى كانت ماسكة راسها بايدها وخرت ايدها وابستمت : لا لا ما فيني شي . خليهم يسئلون والله اشتقت لهم لين : يمه تخيلي اكثر من سنه ما شفتها .. وضمت ربى : اشتقت لها قوووه ربى : هههههههه شوي شوي علي لين : ههههههههههههههههه ام سامي : قوموا بسرعة بس قبل لا يبرد العشاء جوري: لا أصبري يا يمه خليها تبارك لي . ربى: هههههههه... مبروك لكم كلكم ..بس خلونا نتعشى علشان علاجي. جوري : الله يبارك فيك ويشفيك جمانة: الله يبارك فيك. لين: صح وأنا باركي لي ربى: على أيش؟؟؟!! لين: حملت وجبت جود. ربى: يوووه من جد خسارة يا ليتني شفت شكلك وأنتي حامل عشان اضحك عليك لين: هههههههههههه حرام عليك. جمانة: عاد شكلها يفطس من الضحك. جوري: اقول امشوا نتعشى بطني ازعجني. رحاب: ههههههههه الله يقلع بليسك انتي وبطنك . لين: خلاص طارت الشهية من الفرحة. جمانة: والله ما تنلامين. ربى: الله يخلينا لبعض. جوري: ما شاء الله عليكم اصدقاء للأبد. وراحوا يتعشون ويسولفون. بعد العشاء ربى: لين ممكن تسوين شاهي ؟ من زمان عن شاهيك ولهانه عليه ( هي بصراحه كان راسها مصدع مرره وتبي تصحح علشان اسئلتهم ) لين: من عيوني غالي والطلب رخيص. وقامت لين وسوت الشاهي وجابته وقعدوا يسلفون ويشربون الشاهي. لين: بروح أجيب جود علشان تشوفينها. ربى: ايه تكفين جيبيها. وراحت لين تجيب جود. جوري: ربى قولي لي وش صار من يوم صحيت إلى الآن. ربى: آآآه أول ... لين قاطعتهم: جبتها جوري: وجع يوم جت تقول السالفة. لين: لحظة فاصل ونواصل. جمانة: وش ذا الفاصل المزعج ما بعد بدت. ربى بصوت عااالي : واااااااااو ..... يا قلبي صغيرة ..... تدنن ...... يا حليلها. لين: بسم الله على بنتي شوي شوي عليها. ربى: ماشاء الله .. الله يخليها لك . امووووه جمانة: ولأخوي ربى : آآمين لين: ايه وش كنتوا تقولون؟ ربى: أيه صح اول ما فتحت عيوني احس اني في بير أو حفرة صوت رجال بعيدين مررررة. واسمع صوت سامي بس مو واضح يقول: الحمد لله على سلامتك. وكلام ما ادري وشو. المهم على شوي شوي. بديت اصحى. جوري تناظر ربى بطرف عين وايدينها على خصرها : كلام ما ادري وشو ولا ما ودك تقولين هاااااااه اعترفي ربى : توي صاحيه من غيبوبه دامت شهور تبين اصحى مصحصحة لين : جوري لا تقاطعين ... ايه كملي ربى ربى : ايه اكمل ولا احد يقاطعني... وكان راسي يوجعني مرة. وجت ممرضة تحوس فيني مدري وش تسوي احس انها تدلك أو تعطيني ابره. جمانة: اخلصي بسرعة نبي الاختصار. جوري: لا حنا نبي التفاصيل. لين: اسكتوا .. ايه ربى كملي. ربى: المهم جت دكتوره سلمت علي مدري وش تقول .بعد حوالي خمس ساعات على كلام سامي صحيت زين. جلس سامي يسولف علي بس ما انتبهت له كنت تعابنه. بس ما بغيت اقول له اني تعبانة لانه كان فرحان مرة جوري: ما شاء الله سنعة. عااااشت عااشت زوجة اجوي هههههه ربى استحت: هههههههههه .. لين : يوووووووه جوري انطمي ... يلا ربى كملي ربى : جوري لا عاد تقاطعين ... فاهمه جوري: ان شاء الله. ربى: بعد اسبوعين بديت أتكلم على شوي شوي جمانة: الله كل الفترة الي راحت ما تتكلمين؟ ربى: ايه اكيد .... وبعدين عودوني على المشي وكل يوم نروح انا وسامي والممرضة نمشي بالأسياب..وبعد ما خفيت تماماً . سافرنا وجينا عندكم. لين: طيب ما قلتي وين أنا وش فيني مثل المسلسلات ؟ ربى: هههههه إلا أكيد احس اني ضايعة. جوري: ايه على العموم الحمد لله على السلامة. ربى: الله يسلمك.. انتم ما قلتوا لي وش سوا سامي. جوري: وش ما سوا. لين: وانتي شلون دريتي. جوري: وصلتني الاخبار. رن جوال جوري. الو خير وش تبي. سلمان: هلا يلا نمشي؟ جوري : لا أصبر بأكمل السالفة. سلمان: انا بالسيارة يا الله اطلعي بس. جوري: يووه طيب انزل من السيارة وارجع. سلمان: لا خلاص قلت لاهلك مع السلامة.اطلعي بس لا أدخل واطلعك مع شعرك جوري: بعد على كيفك؟ سلمان: جوجو يا الله اطلعي انا تعبان. وقولي لجمانة تطلع زوجها عند الباب. جوري بعصبية: خلاااااااص طيب مع السلامة. %%%%%%%%%%%%%%%%%%%%%%%%%%%% ربى : مين تكلمين.؟ جوري: سلمان. ربى: مين سلمان.؟ جوري: الخبل ربى: مين هو الخبل؟ جوري: زوجي الغبي؟ ربى: افففففففف والله اني حسبته واحد يستهبل عليك وش المعاملة شوي شوي عليه حرام عليك. جوري: ايه اقول اسكتي اصلا ما عاد ينفع إلا كذا ربى: وشلون يعني؟؟؟ جوري: يعني ما يمشي إلا بهواش علشان يخاف.. جمانة: مسكين والله يرحمه وأنا ادعي له ليل ونهار ان الله يعينه. جوري: اقول بس مع السلامة. ايه صح جمانه زوجك عند الباب. جمانة: طيب لبست عبايتها. . وسلمت عليهم وطلعت ربى: ليونه لين: هلا. ربى: وش سوا سامي.؟ وقالت لربى وش صار لسامي. ربى: مسكين يعني خاف. لين : ايه اكيد هو خواف بسرعة يخاف. بس اللي قاهرني ما علموني الا بعدييييييييييين ربى: اممم طيب وشلون عرفتي وش صار لسامي لين : وصلتني الاخبار على قولة جوري الخبله ههههه ربى : هههههههه يا حبي لها لين : وانا ربى : هههههههههههه وانتي اكثر طبعا ورن جوال ربى سامي : هلا ربى يا الله نروح للبيت كلهم راحوا لبيوتهم. ربى : يا الله الحين اطلع في بيت سامي.. ربى: سامي مشكور ما قصرت الله يجزاك خير سامي: على أيش.؟ ربى: كل الي سويته علشاني سافرت فيني علىشان اعالج وجلست معي لو واحد ثاني كان ما جلس معي وتزوج وحده ثانية. الله يوفقك دنيا وآخرة سامي: آمين هذا واجبي والحمد لله على سلامتك. ربى: الله يسلمك ويجزاك خير. %%%%%%%%%%%%%%%%%%%%%%%% في بيت ابو حسام. ابو حسام يسولف مع ام حسام. ابو حسام : شفتي ربى رجعت .... ما ني مصدق ام حسام : ايه الحمد لله ابو حسام : ليش ما جت تسلم علي والله اني مشتاق لها ام حسام : مسكينة شكلها تعبانه مررره ووجهها اصفر بس تجامل حتى وهي تسولف مع البنات احس انها تدوخ شوي وتمسك راسها بس البنات ما لاحظوا ابو حسام : مسكينه ..... طيب وش سوت صديقتها ام حسام : اسكت بس البنت انجنت تعرف وش لون يعني انجنت ابو حسام : ما تنلام من ايام الابتدرائي صديقات .. ما شاء الله عليها مانستها لو وحددة ثانيه دورت لها صديقه غيرها .. ام حسام : ايه ما شاء الله وفيه ابو حسام : حتى سامي الله يجزاه خير .. والله انه رجال ابن رجال لو رجل ثاني كل تزوج عليها .. ام حسام : ايه الله يوفقه .. اللي سواه مو شوي سافر فيها وعالجها ووجلس معها هذا غير الصرف اللي كان يصرفه لعلاجها وتذاكر السفر .. ما شاء الله عليه تحمل كل شي علشان ربى . ابو حسام : والله لما وصل وسلم علي مدري وش اقوله ومدري وين اودي وجهي ام حسام / ليش ؟ ابو حسام : لازم نكافئه ام حسام : ايه والله صادق ..... صح كم كلفة علاج ربى ابو حسام : ما ادري سألته بس ما جاوب ام حسام / ليش ؟ ابو حسام : ما يبيني ادفع له ام حسام : ايه ما شاء الله ابو حسام : احمد ربي دائما ان سامي زوج لبنتي .. وانا كنت احسبه عربجي وثقيل دم وما يعتمد عليه بس طلع العكس .. ما شاء الله %%%%%%%%%%%%%%%%%% في بيت بندر ولين بندر : شفتي صديقتك ؟ لين : ايه شفتها بس مسكينه تعباااانه وصايره نحيفة ووجهها اصفر بس تجامل بندر : سبحان اللي احياها ... لو سامي ما سافر فيها كان ماتت لين : بسم الله عليها ... بندر عادي اطلب منك طلب بندر : عادي تفضلي لين : بما ان ربى صديقة عمري رجعت بالسلامة .. لازم اسوي لها حفلة كبييييرة اعزم فيها كل اقاربنا .... ممكن نستأجر لنا استراحة بندر : من عيوني غالي والطلب رخيص لين : مشكور ما قصرت بندر : طيب ما تبين ترته كبيرة نكتب فيها الحمد لله على سلامه ربى لين : ايه اذا ما فيه كلافه بندر : وش تبين كبرها ؟ لين : ما ادري اللي تشوفه بندر : طولها متر وعرضها نص متر .. حلو؟ لين : حلو بندر : ان شاء الله ....... شفتي سامي لين : لا ما شفته بندر : ايه نسيت ان عندك اخو لما شفتي ربى هااه ؟ لين : ههههههههه وش دعوى بندر : اعترفي لين : ههههههههه لا والله ما نسيته بندر : متغير شكله صاير نحيف لين : واسمر صح ؟ بندر : ايه وشلون دريتي؟ لين : هو كذا اذا صار مهموم بندر : امممممم ... يووووه شوفي الساعة كم يلا نامي ... لين قامت : لحظه بندر : وين تروحين لين : بسجد سجود شكر .. علشان ربى تعافت %%%%%%%%%%%%%%%%%%%%%% انتظرونا في الجزء 15 والأخير من رواية : )))أصدقاء للأبد لو يطول الأمد للكاتبة المسلمة المسالمة ((( ردوووووووودكم دمتم بود |
يلا لا تتأخري
احنى ننتظر البارت الاخير يلا |
تسلميـــــــــــــــــــــن يا الحلااا كلهـ
نستنى البارت الاخير بفارغ الصبرر مس جوري...~ |
تسلموو قصه مررة رائعه واحنا في انتظار البارت الاخير ..
|
اشكركم اخواتي
وفقكم الله |
الجزء الخامس عشر 15 ( الأخير ) بعد 3 ايام بندر استـأجر استراحة وكانت كبيرة وحلوة وتفتح النفس ولين عزمت ابو حسام وعياله وابو بندر وعياله واهلها يعني كل العائلات المعروفة وكلهم اجتمعوا بالاستراحة لين : هلا ربى وش اخبارك ربى : الحمدلله لين : لا ما شاء الله بديتي تخفين شوي عكس يوم تجين من السفر ربى : يوووه لم جيت من السفر كنت تعبانه مره بس اجاملكم لين : اشوفك ما تعشيتي زين وتمسكين راسك كل شوي حسيت فيك ربى : ايه الحمدلله على كل حال ... مشكووره ما قصرتي على الاستراحة ما له داعي تكلفين على نفسك لين : لا شكر على واجب وبعدين لازم نفرح برجوعك بالسلامة ربى : ههههههه ... يمه يمه ام حسام : هلا ربى : ابي اشوف ابوي اشتقت له مره ام حسام : ايه .. تعالي لين : ربى ربى لحظه ربى : هلا لين : قولي لسامي خواتك يبغون يسلمون عليك ام بندر : وقولي عمتك بعد تبي تسلم عليك ربى : ان شاء الله طلع سامي من عند الرجال وسلم على خواته وعمته وربى سلمت على ابوها %%%%%%%%%%%%%%%%%% عند البنات جمانة : وين ريما صايرة قاطعة رحاب : اتصلت عليها قالت انهم بالطريق ربى : ما حملت ؟ رحاب : لا رن جوال لين لين : الووو هلا ريمووه وينك من زمااان عنك ريما : انا عند الباب بس تعالي اقتحي لي لين : الباب مفتوح ريما : طيب نعالي خوذي اللي معي ثقيل لين : يووووه مشواار ريما : تعالي بس يالعجوز لين : هههههههه يلا يلا جايه .. باي .... بنات دقيقة واجي رحاب : جت ريما لين : ايه وراحت لين لعند ريما اللي كانت واقفه عند الباب لين : هاااااي ريمووه كيفك ريما : اهلين هلا والله ومررحبا انتي كيف حالك لين : الحمدلله يالقاطعة من زمان عنك ريما : هههههه وش اسوي اهل زوجي كل يوم طالعين ولازم انا اروح معهم لين : الله يعينك ... ما شاء الله وش هالورد ريما : ههههه شفتي الرومانسية لين : ان شاء الله هذا اللي تبيني اساعدك عليه ريما : لااااا .. حبيبي رح سلم على جده شفها هناك .. ايه وش تقولين لين : وش فيك انتي الحين ريما : لا ما فيني شي ... الطريق زحمه مره وانا متحمسة ابي اشوف ربى لين : طيب وش تبيني اساعدك فيه ريما : شوفي هذول اللي عند الباب كانت جايبه تورته بكرتون كبير وصندوق هدية لربى لين : خلاص انا بشيل التورته ريما : ايه ما شاء الله عليك تاخذين الخفيف لين : هههههههههههههه ريما : لحظه لين ....وين ربى ربى : اناا هناااااا ريما تصرخ : وااااااااو ربى ... اهليييييييييين .. سلامات وضمتها بقوووه مابين دموعها ربى دمعت عيونها : الله يسلمك يا بعد عمري ريما وهي تبكي : والله اشتقت لك حيييييل ربى : مشكوره ......... يلا عاد امسحي دموعك ريما ومسحت دموعها : ياربي صايرة نحيفه ربى : وانتي صايره سمينه ريما : هههههههه من كثر العزايم .... وش اخبارك ربى : والله الحمدلله وانتي كيفك ريما : بخير جعلك يخير ... ربى : وين ولدك ريما : شوفيه عند امي ربى : بروح اسلم عليه بندر اتصل على لين بندر : الووو لين : الووووو بندر : ما اسمع وش ذا الازعاج لين : دقيقه وراحت لمكان هادئ .. لين : هلا .. بندر : وش ذا الازعاج ....حراج لين : ههههههههه البنات يسولفون متحمسات بندر : طيب ترى التورته عند الباب خوذيها عن الصغار لين : ايه ان شاء الله ...... مشكوور ما قصرت بندر : العفو ..... سلام %%%%%%%%%%%%%%%%%% جلسوا كلهم برى وكان الجو روووعه وربى ولين جالسين بجنب بعض وسوالف وضحك . جابوا التورته وقطعتها ربى وصفقوا لها وكان يوم لا ينسى فلللللللللله على آآآخر درجة وابو حسام اهدى لسامي هديه فخمة .. لانه وقف مع بنته وانقذها من الموت وبعد ما تعشوا بدوا يستهبلون ويرقصون ويعبرون عن فرحتهم ولين وربى عايشين جو آآخر لانهم كانوا يتذكرون مواقفهم قبل واستهبالهم وهم فااااااطسين ضحك ........ % % % % احداث بعد 9 سنوات ابو سامي وام سامي : ابو سامي تقاعد من دوامه وجلس بالبيت وام سامي ما تبي زوجها يجلس بالبيت وقالت له افتح لك محل وابعد عن وجهي لكنه رفض وقال بجلس على كبدك . ام بندر وابو بندر : ابو بندر فتح له شركة كبيرة وام بندر فتحت لها مشغل علشان تشغل وقت فراغها لان ابو بندر دايم خارج البيت وشارت على ام سامي تشاركها لكن ام سامي رفضت ما تبي دوخة الراس ابو حسام وام حسام : ابو حسام توفى رحمة الله عليه بسبب مرض . ام حسام زوجت ولدها حسام وسكن عندها والحين تحاول بسعد علشان تخطب له لكنه رااافض ريما تهاوشت مع اهل زوجها وبعد فتره توفى ولدها الكبير وتعبت نفسيتها وصارت طول الوقت كئيبة مو ريما اللي قبل .. لكن رجع لها الامل من جديد لما حملت وجابت ولد وسمته بدر وتحسنت علاقتها مع اهل زوجها لكن صارت معاملتها معهم رسميه جوري : ما زالت قاسية مع زوجها سلمان كل يوم تهاوشه وتستقوي عليه لانه ما عنده شخصيه وحتى لو عصّب وهاوش ما يعرف وبسرعه يضحك >> مسكين قلبه ابيض والى الان صابر على جوري الخبله ومتحملها بزياده وام سامي دايم تنصح جوري لكن جوري ما ينفع معها (( ابو طبيع ما يجوز عن طبعه )) رحاب : مبسوطه مع زوجها .. واهل زوجها طيبين معها وحياتها تمام التمام بس فيه شي خايفه منه ومنكد عليها حياتها وصاير شغلها الشاغل انها ما حملت بندر ولين : بندر ترقى بعمله ولين سجلت بدوره .. جود كبرت وصار عمرها 9 سنوات وحملت وجابت اخت لجود وسمتها نجود والحين عمرها 6 سنوات ... ومبسوطين في حياتهم ولله الحمد سامي وربى : ما زالوا اسعد زوجين في الكون يحترمون بعض ربى حملت وجابت لينا ولله الحمد ... سجلت بالدورة اللي مسجله فيها لين لان لين ما تعودت تروح شي بدون ربى فشارت عليها انها تسجل معها وربى علطول وافقت ما زالوا بطلات الرواية ( لين – ربى ) صديقات حميمات ووفيات ما يطلعون الا مع بعض وما يستغنون عن بعض واذا طفشت وحده منهم تروح عند الثانيه لدرجه ان ازواجهم ما يجلسون معهم كثير لينا ونجود صاروا صديقات كل يوم لهم مواقف ومهسترات لآخر درخة >> تتوارث الاجيال والشي اللي متعجبين منه ان اغلب مواقفهم مشابهه لمواقف امهاتهم قبل %%%%%%%%%%%%%%%%%%%%% لين وربى صار يضرب فيهم المثل في الصداقة اللي قليل نلقى مثلها في هالأيـــــــام لأنهم ......... ((((( أصـــدقاء للأبـــــد لو يــــطول الأمـــــــد ))))) النـــــــهايــــــة نهايتا اشكر مساعداتي مسلمة ولأمر ربي مستسلمة والوردة الندية ولا انسى ان اشكركم انتم على دعمكم الصراحة منتدى رائع .. وفقكم الله وجزاكم الله خيرا ولا تنسوننا من دعواتكم .. اختكم في الله المسلمة المسالمة |
انتظر رايكم بالرواية
دمتم بود |
وينكم
يعني ما عجبتكم الرواية ؟؟ |
عجبتنييييييييي الروايية مررررررة
كل ما اقراهـــا اتذكر صديقتي المقربة من قلبي اللي اتمنى اني ما افارقها لحظة اللهـ يديم الصداقة بين المحبين أشكـــــــرك أخيتي المسلمة المسالمة وكثر اللهـ من امثالك .. مس جوري ..~ |
يآآي الروآية كشخة..~
بس خسارة ليش البآرتآت شوية..^^ دووم هالتميز والإبدآع |
شكرا مسلمه ماااقصرتي قصه مرة
راااائعه وكاتبتها ارووووع جزاك الله الف خير ماني كييف اشكرك اشغلتني قصتك بوقت فراااغي الي اجنن في امي وانلا اقولهاااا طفشااااااااانه هع خخخخخخخخ .. هههه تحيااتي :شوشو ... |
اشكركم جيعا
على اطرائكم الراائع وفقكم الله واسعدكم المولى |
بصراحة قصتك رهيييييييييييييييييبة عجبتني مررررررررررة و انتظر منك رواية جديدة باذن الله.
|
شكرررررررررررا لكم
الله يسعدكم دووووم يارب |
روااااية كشخة وحلوة كلش
تسلمين |
[COLOR="DarkOrange"]الله يعطيك العافية حياتي
والله رواية مررررررة رائعة انا مستمرة ف قراءتها قبل الاختبارات والحمد لله خلصتها وانا كل ماقراتها اتذكر اعز صاحبة عندي بنت خالتي بس الزمن فرقنا ##خصاااااااارة يلا والله سلمت يدينك مشكوورين وماقصرتي 15جزء رووعة[/FONT] |
مآششـآء الله ، إبدآعُ ~ رۈآيه مرره ٺجننَ خلصٺها في يۈميــَنُ * بڛ الـ بارٺ ألأخير رحمٺَ " ريمآ " ٺمنيٺ أنڲ ماخليٺي ۈلدهآ يمۈٺ :هق: أڲثر شيء أعجبني في الـ قصهَ أنّها لا ٺحمل الـ حُب الأعمىآ ~ يعني بڛ صدآقــَـﮧ ، هذآ مآجعلنيَ أٺحمڛڛْ لـ قرأٺهآ إنٺِ ڲآٺبة رۈآيآٺ حقيقه ، أبهيرينـآ بـ الرۈآيه الـ ٺاليه ، شڲراً مڛلمه الـ مڛآلمهَ ~ |
| الساعة الآن 11:26 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.