|
انا قدمت جامعة لفبرة في بريطانيا
لا انا لغتي الحمدلله تمام وامتحنت ايلتز و توفل ويبت درجات عاليه الحمدلله < انا على فكره مواليد بريطانيا و عشت فيها سنين :p ونفس المنطقه "لفبره" اللي ابي اروح ادرس فيها الحين :d باذن الله ما راح اتكاسل بس المشكله في اسلوب الدراسه ! يعني مو نقل من اللوح و حفظ و فهم و " مدرس خصوصي " :p احس فيها شوية صعوبة مشكووووره منوووره ع الرد ترا حمستيني و حفزتيني ^_^ |
لا ماشاا الله دامج من مواليد لفبرا أووكي ض1
على بالي بس معتمدده على انجليزي مناهجنا ض1 لووول على المدرسين الخصوصيين بالعطل عندهم اخووي لمن ايي عندنا يدبرر له دكاتره هندسه اللي بججامعة الكويت >> المصريين طبعا ض1 يعني مني منااااك لازم هالمدرسيين لوووول :هق: و موووووفقه ق1 |
،’
السلام عليكن جميعاً , بدون مقدمات .. ما انقبلت بالدفعة الأولى طب , :giving-up.: آآآآآه يالطب .. :dmo33: تدرون كم طالبين نسبة موزونة ؟ :hyper: (النسبة الموزونة للي مايعرفونها : 30 % إمتحان قدرآت .. 40 % إمتحان تحصيلي 30 % فقط .. للمعدل التراكمي ثاني وثالث ثانوي , ) يعني تعب سنتين ثانوي .. في الأخير يآخذون بس 30 % منها .. ! :06q1: المهم , إخواننا في الله طالبين نسبة موزونة للطب 94.8 ! :dead.: >> أهم شيء فاصلة ثمانية يالربع !! ض1 وأنا ميــــــــــــــــــــــــــتة من الوناسة على نسبتي ( 92.5 ) .. >> مآيحتآج أذكركم .. أهم شيء فاصلة خمسة .. ! :××: وصآجة العالمين فيها .. وماانقبلت ! علماً بأني مآخذة بالثانوية ( ثاني وثالث ) 100% , :scared-(-nahh-).: طبعاً الحمد لله على كل حال , :angelmr: أنا أفضل وحدة في صديقاتي .. على الأقل انقبلت علوم حاسب وتقنية المعلومات , صديقاتي ما انقبلوا في ولا شيء .. ! :sg.1: بس أملي بربي كبير , ومتأكدة إنا رآح ننقبل بالدفعات الثانية , ( بس لازم نظل 3/4 الإجازة نحآتي ) :sg.2: ادعوا لنا .. :sg.4: كلية الطب .. الله لا يعوق بشر .. داخلتك داخلتك ,, ولا ما أكون أنا عيوووشة ,:Threaten.98: لذلك انتظروا مني خبر الأحد الجاي أو اللي بعده أبشركم إني انقبلت , إذا ما سمعتوا مني خبر .. كبروا علي أربع .. :××: لأن عرفوا إني قطيت بعمري من أقرب عمارة .. ولا علقت روحي في أقرب مرووحة .. :××: و يـــــآآآرب تعين , :sg.15: ،’ |
/
أشوآآق ، ق1ق1 :sg.15: / |
اقتباس:
قوووودي ...الحين همّ كم وصلو نسبّ!!!! معقوووول ... !! هو النآس تحسنت مستويآتهم ! والا المنهآهج سهلتّ ... والا كيف ؟؟ من جدّ أحسّ هدووكم هدّ ... صديقآتي على دفعتنا دآخلين طبّ بـ 99،34! وكانت النسب المحددة كاكل فوق 96 .. مع أن فيه نآس حطوهم في التمريض !!! ... طبعا كانت أسئلة وزآرة على وقتنآ !! الله يعينكم يآرب ويسهل أموركم ... ! ماشآء الله عليك جآيبة 100% ! معنآته مميزة الله يحرسك يآربّ ق1 ... حآولي تقدمين على طب في مكآن ثآني طيبّ ! كآنك تقدرين ... لأن بجد حسآفة تدفنين نفسك في الحآسب ... لأن زي ماسمعت أن الحآسب عندنا دفنّ يعني تدخلين وماتطلعين !! من صعوبته !!!! فشلون اذا كنتي منتب رآغبته ... الله يعينك ويسهل أمورك يآرب!! بشرينا اذ تغيرت الأوضآع منتظريـــــــنك ...ق1ق1 وثقي أن كل أمر لك خيــــــــرة من ربّي العآلمين ... لايضيق خلقك ولاتحتاسين ق1 |
goody
الله يسهل أمووورج ان شاء الله .. و تصيرين أكبررر دكتووره في السعووديه الا بالعالم كله ان شاء الله =) و مثل ما قالت لانا ليش ما تقدميين بمكان ثاني ..!! قدمي على أكثر من مكان و شوفي وين يقبلونج >> اذا يصير عندكم ! أما النسبه الموزوونه هذذذي حرااام ظلمت كثييير عندنا بعددد ;@ !! و الله يوووفقج ان شاء الله و يحقق مرااادج :nsaayat655e1f950f::nsaayat655e1f950f: |
وانا معااااهم ق1
لو تقدمين في عدة اماكن وكلهم احتياط إلا واحد حرام تضيعين على نفسج كورس بسبب هالقانون لا تقولين مكان الدراسة أقرب لبيتكم لأن اللي يبا شيء يسووي المستحيل علشانه =) وانتِ ما شاء الله ما ناقصنج شيء لا نسبة ولا نشاط ولا همة ق1ق1ق1 |
،’
[ لآنآ ] ، ق1 هذاك أول ، لما كان القبول في الجامعة يعتمد على نسبة ثالث ثانوي بس , الحين صار عندنا القدرات والتحصيلي , الصرآحة الإمتحانين صعبين مو بالسهولة تجيبين فيهم نسبة حلوة , فما بالك إن 70% من النسبة تعتمد على هالإثنين , أنا أشوف نسبتي الموزونة مرررررة حلوة يارب لك الحمد , بس بعد النسبة للي طلبوها خيالية , لذلك متأكدة إن في دفعات جااية , ويآرب ننقبل كلنا , أنا وأحبابي ... إيه صآآآآدقة تماماً عن الحاسب , وأحسه صعوبة على قل سنع .. ! يآآكثر اللي دخلوا حاسب وتحسفوا ، / [ منآرة الكويت ] ق1 آآمين , ربي يسمع منك , ق1 والله إذا ما إنقبلت في هالجامعة .. برضو مو أكيد أنقبل في ثانية ؟ إن شاء الله رآح يقبلوني في الدفعات الجاية , بس وش بعده ؟ هلللكت أعصابي .. ! وبعدين هالجامعة هي الوحيدة اللي في ديرتي , يعني لو بسجل في ثانية بتصير بعيد عن أهلي ! وأنا مااودي .. الله ييسر اللي فيه الخير ,, :sg.15: :sg.15: ،’ |
،’
ههههههههههههه ’ شمووول , توني أشوف ردك , على فكرة , جامعة الملك فيصل في دراسة الطب , هي أفضل جامعات السعودية كلللها , << والله سمعت هالمعلومة , وما أدري عن صحتها لين أجرب ,, ض1 بس أنا متفائلة إني رآح انقبل فيها بعدين بإذن الله , :angelmr: لأن نسبة قبول الأولاد في نفس الجامعة , نزلت الدفعة الثانية إلى 91 .. فما بالك بالدفعات اللي بعد ؟ شيء أخير .. بصرآحة لو ما انقبلت في الطب .. رآح أؤمن بالأمر الواقع وأعرف إنه خيرة من ربي , لأن أنا استخرت أكثر من مرة , وإن شاء لله ربي يوفقي للي فيه الخير , ( يعني لا تخآآفون مو منتحرررة :××: ) ( قبل لا أسجل طب .. كنت أقول لأمي ياطب يا بضيع السنة , لين السنة اللي بعدها يقبلوني .. فالوالدة والوالد تخرعععوا .. وقالوا لي استخيري وسجلي طب .. إذا قبلتي فيه .. خير وبركة ، وإذا ما قبلتي ,, إعرفي إن ربي يصرفك عنه .. ) ق1 ،’ |
،’
والله وسعتوا صدري , وريحتوا بالي بتفاعلكم معي , صدددق متنفس .. ض1 ق1 ق1 ،’ |
| الساعة الآن 11:45 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.