|
مريم:من منو المسج؟؟ ريم:نفس الرقم مريم:شو كاتب ريم:فديت هالضحكة انا والله مريم:زين شحقه ماتتصلين عليه؟ ريم:برايج اتصل؟ مريم:هيه اتصلي ريم:اوكيه واتصلت.. ريم:الووو ........:هلا والله ملاايين ولايسدن ريم:منو وياي؟؟ ........:افا ماعرفتيني؟ ريم:لا والله اخوي ماعرفتك ........:انا قلبج ريم:عن الاستهبال عاد منو انت؟؟ ........:منو يستهبل احينه انا ولا انتي؟ ريم:يلا بااي ........:تعالي تعالي ريم:هااا ........:طالعي وراج وبتعرفين منو انا وطالعت ريم وراها وشافت واحد حليو بشرته لونها برونزي وجسمه متناسق وحلو وشكله يلعب كمال اجسام وطويل شوية ولابس سفرة حمرة وكندورة بيج وشكله رووعه..((لوول)) ريم للحظات ماعرفت هالشخص ... ........:ها عرفتيني ولا؟؟؟ ريم:.......................... ........:بلااج؟؟ مريم:بلاج ريمو منو ها اللي اطالعينه؟؟ ريم:...اااااحــــمـــد.... مريم:شو احمد انتي بعد تحلمين شو بييبه احمد ريم:والله انــــــــــــك احمد احمد:اشـــــــــتــــــــقــتــــلــج والله ريم:لا مستحيل..معقوولة صدق انت احمد؟؟؟ (وكانت بعدها عايشه فحلم ومب مصدقه انه ها احمد) وفجأة يت سيارة وكانت بتدعمها لكن مريم بعدتها مريم:بلاااج انتي ماتشوفين ريم:مريم مريم:ها ريم:مريم ها احمد(وطاح التلفون منها) مريم:احمد؟؟ ريم:هيه والله انه احمد..هو احمد يااانااس (وكانت للحظات بتنسى عمرها وبتركض عليه) مريم:ريم نحن فالشارع ريم:مريم من سنتين ماشفته ابا اسلم عليه دخيلج خلني اسير مريم:مينونه انتي يلا شلي تلفونج وامشي ريم:الووو احمد:ريم فيج شي ريم:اشوف حبيبي وما تبا يكون فيني شي احمد:فديتج والله مب مصدق انج جدام عيني ريم:يعني انا اللي مصدقه..بس ياحسافه احمد:افاا ليش؟؟ ريم:انت عندي وماتبعدني عنك الا كم من خطوة ومب رايمه اوصلك احمد:يلا ماعليه صبري راح الكثير ومابقى الا القليل ريم:بس انت كيف ييت؟؟ احمد:شو كيف ييت بعد ريم:انا امس مرمستنك ليش ماخبرتني احمد:هاهاهاها كنت ابا اسويلج اياها مفاجأة ريم:قصدك كنت تبا تييبلي سكته قلبيه احمد:سلااامت قلبج مريم:سلمي عليه ريم:الله يسلمج..مريوم تسلم عليك احمد:هاذي اختج مريم؟ ريم:هيه ليش احمد:متغيره واااااااايد عن قبل مستوية حرمة خخخ..سلمي عليها ريم:ههههه الله يسلمك يارب..وانت بعد متغير احمد:حتى انتي متغيره وااايد علي كنتي دلوعتي الصغيرة لكن احينه كبرتي خلاص ماباج ريم:انا اصلا دومي بتم صغنونه ودلوعة احمد:لا لا خلاص استويتي عيوز انتي ماباج ريم:افاااا خلاص انا زعلت احمد:لا كله ولازعلج وللحديث تتمه... يتبع فالبارت التاسع... |
البارت التاسع: اليازية:الملجة يوم الاثنين والعرس ان شاء الله يوم الخميسريم:زين فديتك بخليك انا احينه لاني بيلس اسولف شوية ويا مريوم وارمسك فليل احمد:اوكيه ريم:انزين وين اتصلك على هالرقم؟ احمد:هيه ريم:يلا عيل بينا كوول احمد:زين بس يمكن اكون راقد لاني تعبان ريم:اوكيه خلاص اليوم بعطيك اجازة بس اليوم ومن باجر دوام احمد:هههههههه اوكيه ريم:يلا فمان الله احمد:بااي مريم:تو الناس والله ريم:هيه صدقج مارمسته وايد مريم:لااا والله..تراج بروحج انا مب هني لا ريم:خلااص عااد مريم:زين..شخباره؟ ريم:بخيييييييييييييييييييير مريم:وانتي شخبارج؟ ريم:انا اخباري عنده مريم:من متى انتي مب شايفتنه؟ ريم:سنتين مريم:اها..الله يوفقكم ريم:آمين مريم:زين انا ابا اروح ريم:تو الناس مريم:مادري احس بعوار فبطني ريم:من متى ها؟ مريم:من سبوع يمكن ريم:زين ليش ماتسيرين تشوفين طبيب مريم:لا مابا كلها كمن يوم وبيخوز ريم:زين عيل وانا بسير ارقد مريم:شوووو بترقدين وتوج ناشه ريم:هيه ابا ارقد واحلم واحلم واطير مريم:اسم الله عليج يلا سيري البيت لاتحلمينلي هني بعد ريم:زين بسير مريم:يلا تعالي بدش اسلم على امج وبروح ريم:اوكيه مريم:يلا بسرعه على حجرتج لاترقدين هني بعد ريم:زين تصبحين على خير مريم:وانتي من اهله ريم:سي يو ليتر مريم:سي يو وروحت مريم..وريم سارت رقدت..واحمد بعد سار رقد.. وثاني يوم... نشت ريم الساعه 5الصبح واتصلت على احمد ومارد عليها.. فسارت المسن ويلست تسولف ويا بنات المنتدى.. وعقب دشت المنتدى ولقت موضوع انه (اليازية) بتترك المنتدى.. فاستغربت حق شو اليازية بتترك المنتدى..وسارت طرشتلها رسالة عالايميل وتخبرتها.. والصبح دشت اليازية وكانت ريم بعدها موجوده.. ريم:ولكموووو اليازية:يسلمووو..هلا والله بالقاطعه ريم:اهلين اليازية:ريموو وينج انتي امس واول امس عسا ماشر ريم:الشر ماييج بس الله يسلمج اول امس قضيته تلفون ويا احمد ورقاد..وامس بعد رقاد اليازية:اها..شخبار احمد؟ ريم:بخيييييييير..تدرين شو استوا امس اليازية:شوو؟؟ ريم:شفته اليازية:وين شفتيه بالكام؟ ريم:لاااا شفته عالطبيعه اليازية:كيف ها بعد..وين شفتيه؟ ريم:امس رد من السفر وسوالي اياها مفاجأة اليازية:يااااسلاام.. زين والل^_^ ريم:وانتي شو يديدج اليازية:انا ماشي ريم:تعاالي اليازية:هاا ريم:ليش بتتركين المنتدى؟ اليازية:اممم اسباب خاصة ريم:اوونه يلا قولي ليش اليازية:مفاااااااااااااااااااجأة..بس مادري جان تعنيلج ولا ريم:اي شي يعنيلج اكيد يعنيلي..قوولي ليش اليازية:لاني بعرس ريم:هاااااااااا اليازية:بلاااج ريم:وانتي من متى خاطبه؟ اليازية:انا من زمان ولد عمي خاطبني واحينه قررو انه بنملج وبنعرس ريم:مبرووووووووووووووووك فديتج اليازية:الله يبارك فيج يارب ريم:زين انتي راضيه؟؟ يعني تبينه؟؟ اليازية:اكيييييييييييييد انا ماصدقت متى قررو نملج ريم:يعني تحبينه؟؟ اليازية:هيه عادي يعني مب انه حب جنوني ريم:الله يوفقج ويسعدج يارب اليازية:انزين وطبعا اكيد بتين عرسي صح ريم:افاا عليج ماطلبتي شي..بس متى هو بيكون؟ |
ريم:اي اثنين واي خميس؟؟ اليازية:السبوع الياي ريم:مسرع ليش جي مستعيلين وااايد؟؟ اليازية:مادريبهم بس احسن والله ريم:زين وانتي زهبتي عمرج..يبتي فستان؟؟ اليازية:امم انا امي مزهبه كل شي حقي ومب باقي الا كمن شي يخلصون بسرعه ريم:اهاا..الف مبرووك حيااتي والله فرحتيني اليازية:عقبااااااااااااااااااالج ياارب ريم:الله يسمع منج^^ اليازية:انزين بتين الملجه؟؟ ريم:امم مادري والله بس ماظن اهلي يطيعون ايي مرتين دبي فيعني خلنا عالعرس وبس اليازية:ان شاء الله يارب اشوفج عروس ريم:تسلمين فديتج يااحلى عروس^^ اليازية:مب جنه بدينا نتغزل فبعض ريم:حسيت هههههههههههه اليازية:هههههههههه انزين ريم:بييب اختي مريوم وياي اليازية:بس مريوم ييبي العين كلها بعد العرس عرسج^^ ريم:مشكوورة فديتج واتصل احمد... اليازية:العفووو غناتي ريم:يزوي يزوي اليازية:ها ها ريم:احمد اتصل بخليج اوكيه اليازية:تعالي ريم:هلا اليازية:اخاف تنشغلين فاحمد وماتحدرين اعطيني رقمج عسب نتواصل ريم:اووكيك.. 050………… اليازية:اوكي احينه بسويلج رنه عشان تعرفين رقمي ريم:اوكيك..سي يو اليازية:سي يو..بااي ريم:باي وبعدين ردت على احمد ورمسته.. ومرت الايام ويا يوم الخميس اللي هو يوم عرس اليازية.. ريم كانت تعز اليازية وايد فكان عرسها جنه عرس حد من اهلها.. ومريم بعد اللي ماكانت تعرف اليازية الا من اتصالين لكنها حبتها وايد.. ريم كانت آآآية من الجمال.. كانت لابسة فستان ذهبي كانت شارتنه حق حفلة التخرج لكن لبسته وكان موديله رووعه والميك آب كان ناعم وخفيف وفنفس الوقت روعه وشعرها كانت مسوتنله تسريحة بسيطة.. وكانت سنبل وايد والبساطه حلتها اكثر لانها هي بروحها حلوة وماتحتاي شي... اما مريم فكانت هي بعد حلوة.. وكانت لابسة فستان احمر بسيط وحلو بعد والميك آب كانت مب مسوية اوفر بس راسمه عيونها وجلوس خفيف... وبختصار كانن الثنتين حلوات.. في هاليوم كان احمد بيسافر..فكانت ريم تبا تشوفه قبل لاتسير دبي لانها تخاف ترد متأخر وما تشوفه فسارت هي ومريم بيت اهله واهم عند الباب سلمت عليه وروحو عشان يسيرون دبي.. كانو سايرين ويا ناصر اخوهم وماشلو وياهم غير ريماني الكتكوته.. وصلو الفندق الساعه 8ونص وسارو القاعة اللي فيها العرس.. وكانت اليازية موصية اختها ترمس ريم عشان تتلاقى وياها وتهتم فيها.. وتلاقت ريم ويا ميثة اخت اليازية ويلسو يسولفون ويا بعض ويت ام اليازية ويلست وياهم.. وكانت ام اليازية اطالع مريم بنظرات مب طبيعية وحتى ميثة فالبداية انصدمت يوم شافت مريم ويوم مريم سألتها قالتلها ماشي ماشي ماشاء الله عليج.. ومريم طنشت الموضوع..وشغلتهم السوالف.. الموضوع عند مريم انتهى..لكن عند ام اليازية لا... ياترا شو سبب هالنظرات..او شو السالفة؟؟ و شو الاحداث اللي صادفتهم فالعرس؟؟ وشو المفاجأة اللي كانت تترقبهم؟؟ الاجابة فالبارت العاشر... |
يسلموووووووووووووو
حياااتو خلصي علينا بسررررررررررررررعه انتضر البااارت بفاارق الصبر ولا تلعبي بعصاابي عجلي يعطيش العافيه |
البارت العاشر: وبعد طول انتظار وصلت العروس... وسارت ريم سلمت عليها واليازية طارت من الفرحة لانها شافتها لكن ريم كانت مستغربة من الشبه اللي بين اليازية ومريم اختها وحتى مريم يوم شافت اليازيه استغربت لكن قالو يخلق من الشبه 40... وكل اللي يشوف ريم ينبهر فجمالها... ومن هالناس كانت خالة اليازية.. مريم كانت يالسة عند اليازية..وريم لانها ماتحب الزحمه يلست عالطاولة بروحها.. وشافتها خالة اليازية ويلست عندها.. خالة اليازية:السلام عليج ريم:عليج السلام والرحمه خالة اليازية:عادي ايلس عندج؟ ريم:اكيد عادي خالة اليازية:ماشاء الله عليج..عيني عليج باردة اتينين ريم:مشكورة خالة اليازية:يوم تردين البيت بنيتي اقري على عمرج ريم:ان شاء الله خالة اليازية:انتي من طرف العروس ولا العريس؟؟ ريم:انا ربيعة العروس خالة اليازية:اهاا..انا خالتها ريم:والله..ياهلااا خالة اليازية:هلا بج زود ريم:فرصة سعيدة خالة اليازية:وانا اسعد والله ريم:تسلمين خالة اليازية:انتي من هني؟؟ ريم:لا من العين خالة اليازية:اهاا..من قوم منو انتي؟ ريم:انا من قوم........... خالة اليازية:والله..انا اعرف وايد من عندكم..بنت منو انتي؟ ريم:بنت فلان الفلاني......... خالة اليازية: (الصدمة على ويهها).......... ريم:اممم تعرفين حد من عندنا؟؟ خالة اليازية:عندج اخت اسمها مر..... (ويلست اطالع مريم وهي يايه صوبهم) مريم:مرحبااااا خالة اليازية:انتي مريم صح؟؟ مريم استغربت.. ريم:هيه هاذي اختي مريم مريم:تعرفيني؟؟ خالة اليازية:هاا..لالا ماعرفج بس توها اختج تقول (ريم استغربت منها..شو سالفتها هاذي..وشو دراها بان اسمها مريم..ويلست تفكر بس ماحبت تظهر هالشي حق مريم) خالة اليازية:عن اذنكم ريم و مريم:...................... مريم:شو بلاها هاذي؟ ريم:مادري واتصل فيهم ناصر... مريم:هلا ناصر ناصر:هلا ماخلصتو؟ مريم:اممم (وهي اطالع ريم) ريم:خلنا نروح ناصر:هاا شوو ورانا درب مريم:اوكي ربع ساعة وبنكون تحت ناصر:زين لاتتأخرون مريم:اوكيه باي ناصر:باي .............. ريم:ها شو؟؟ مريم:قتله بعد ربع ساعة بننزل تحت ريم:اوكي مريم:ريم شفيج؟ ريم:مادري احس بضيجة .. في شي بيستوي مريم:لا ان شاء الله مافي شي ريم:ان شاء الله مريم:ماتبين تسلمين على اليازية؟ ريم:هيه يلاا مريم:زين عطيتيها الهديه؟ ريم:لا احينه بعطيها مريم:اوكي يلا ............... |
ريم:الف مبروووك يزوي..وها شي بسيط مني وان شاء الله يعيبج اليازية:الله يبارك فيج يارب..ليش مكلفة عمرج ريم:افا عليج..بس ان شاء الله يعيبج عاد اليازية:دامه من عندج اكيد بيعيبني ريم:تسلمين اليازية:الله يسلمج يارب مريم:مبروك يزوي..وفرصة سعيدة..والله يوفقج يارب اليازية:الله يبارك فيج..والله انا اسعد بمعرفتج انتي وريمو ريم:زين يزوي لاتقطعيني وطمنيني عنج اليازية:ليش وين سايرة انتي؟؟ ريم:بنروح اليازية:افا تو الناس مريم:ورانا درب..وريمو تبا تسلم على ناس اليازية:هيييييه صح ههههه ريم:مريوم يلا جدامي مريم:ههههههههه بلاج ريم:وانتي حسابج بعدين اليازية:افا انا شو سويت ريم:ماسويتي شي كيفي مريم:يلا بنتأخر على ناصر وبياكلنا ريم:هيه يلا..مع السلامه يزوي وطمنيني عنج دوم اليازية:ان شاء الله مريم:يلا مبروك مرة ثانية وان شاء الله نشوفج على خير اليازية:ان شاء الله..عاد لاتنسون تزوروني فبيتي مريم:هيه اكيد اليازيه:يلا الله يحفظكم مريم وريم:مع السلامه اليازية:ريم ريم:هلا اليازية:يوم توصلون العين طرشيلي مسج ريم:اوكيه اليازية:مع السلامه ريم:فمان الله وهم طالعين.. مريم:تعالي نسلم على اختها وامها ريم:يلا بسرعه ميثة:وين وين سايرين ريم:بنروح وين بعد ميثة:ويييين تو الناس مريم:شو تبينا نرقد هني ميثة:هيه حياكم ريم:لاتسلمين فديتج ميثة:امي شوفيهن بيروحن ام اليازية:وين سايرين مريم:والله ياخاله ورانا درب وعيالي بروحهم مخلتنهم ريلي بيفضحني عقب مخليه عيالي وسايرة دبي ام اليازية:انتي عندج عيال؟؟ مريم:هيه 3..وهاذي بعد بنتي ريماني ام اليازية:ماشاء الله عليها الله يخليلج اياهم ميثة:معقولة انتي عندج عيال؟ مريم:وليش لا ميثة:كم عمرج؟ مريم:22 (ام اليازية قالت فبالها من عمر بنتي مريم) ميثة:العمر كله يارب ريم:يلاا بنروح ناصر بيي احينه ام اليازية:الله يحفظكن بناتي..وعاد لاتقطعنا زورنا فبيتنا مريم:ان شاء الله جريب بنزوركم ريم:فمان الله ميثة:مع السلامة وبعد ماطلعن بدقيقة... خالة اليازية:ميثو وين مريم وريم؟ ميثة:روحن خالة اليازية:متى؟؟؟؟ ميثة:توهن خالة اليازية:زين وين امج؟؟ ميثة:هاذي امي ام اليازية:خير عسا ماشر خالة اليازية:ميثة سيري شوفي اختج ميثة:يعني طردة..زين ماعليه خالة اليازية:ميثوو يلا سيري ميثة:ان شاء الله سايرة ام اليازية:شفيج؟ خالة اليازية:لحقي على بنتج ام اليازية:منو بنتي؟؟ خالة اليازية:مريم ام اليازية:هااا.. شدراج انها بنتي؟؟ خالة اليازية:هي خبرتني انها بنت فلان الفلاني.... ام اليازية:............................ وبدون ماتقول شي ام اليازية والصدمة على ويهها..معقولة بعد 18سنة اشوف بنتي.. وسارت لبست عباتها ونزلت تحت تحاول تلحقهم لكن للاسف مالقتلهم أثر.. وردت العرس والدموع فعيونها والهموم فوق راسها.. اما بالنسبة لاحمد.. كان بيطلع دبي الساعه12عشان يسير المطار... واهو ساير فالدرب سمعو صوت ضربة قوية..ويوم طالعو لقو حادث..احمد يوم شافه حس بضيجة..وفجأة قال حق اخوه وقــــــــــف اخوه:بلاك؟؟ احمد:وقف وقف اخوه وبسرعه احمد بطل الباب ونزل وقطع الشارع وشاف الحادث عن قرب كانت سيارة رنج..من ورا ماكان لها اي شي يدل عنها كانت محطمة تماما..فسار طالعها من جدام ولقا رقم العين وتحديدا رقم سيارة ناصر... ياترا شو نتايج هالحادث؟؟ هل بتموت ريم..او ناصر..اومريم؟؟ ولا الله بيحفظهم ويطلعون بسلامة؟؟ وام اليازية هل بتوصل حق بنتها ولا القدر بيمنعها؟؟ الاجابة فالبارت الحادي عشر... |
البارت الحادي عشر: حاول يتمالك نفسه على قد مايقدر..وسمع صوت حد صغير يصيح.. فقال ابا اساعد هالصغير وحبيبتي.. قرب راسه من الجامة..وشاف وحده يالسه ورا ووحده جدام ويا ناصر وبنت صغيرة.. فهو توقع انه هالصغيرة ريم ومريم اللي يالسه جدام وريم اللي ورا... فيا بيفتح الباب من صوب مريم اللي هي اصلا ريم مب مريم بس قال عيب اطالع الحرمه وسار من صوب ناصر والباب من قوة الضربة ماطاع يفتح..وبعد محاولات قدر يفتح الباب ويطلع ريماني.. كان ويهها ازرق لكن مافيها شي الحمدلله بس شكلها من الضيجة استوالها ضيق تنفس.. ويوم طالع لقا انه ريم اهي اللي جدام ويوم يا بيحاول يطلعها وصلت الشرطة ومنعوه.. وقالوله نحن بنطلعها..لانه يمكن فيها كسر ولاشي وانت اطلعها بصورة غلط وتتأثر اكثر.. وطلعو اول شي ناصر..ومن عقبه ريم..واخر شي واجهتهم صعوبة انهم يطلعون مريم لانها كانت ورا واكثر وحده اتأثرت.. ونقلوهم المستشفى كلهم واحمد اتصل فاهلهم وخبرهم.. اما عن حالاتهم من عقب الحادث... ريماني:ضيق تنفس من الخنقه وحطولها اكسجين والحمدلله ماانضرت وايد.. ناصر:كسر فريله..ودخل قزاز فايده فاطرو يسوله عملية يطلعونه والحمدلله هو بعد ماتأثر وايد..لكن من الصدمة وقوة الضربة كان غايب عن الوعي.. ريم:يت الضربة اقوى شي فظهرها وريلها من فوق وماكانت تقدر تمشي وبعد كانت نفس حالة ناصر غايبة عن الوعي.. مريم:اما مريم كانت حالتها حالة وتأثرت وايد والكسور كانت منتشرة فجسمها لاتنعد ولاتحصى وكانت فغيبوبة وبين الحيا والموت وحطوها فالعناية المركزة.. واحمد اجل سفره لين يطمن على ريم.. وثاني يوم... طلعو ريماني.. اما ناصر فوعا وطلعوه اهو بعد.. وريم وعت وسوولها عملية فظهرها وريلها.. ومريم بقت على حالها.. اليازية افتقدت ريم ليش ماطرشتلها مسج.. واتصلت فيها وردت عليها امها وخبرتها بالسالفة.. اليازية خبرت امها واختها.. وامها اصرت انهم يسيرون العين اليوم قبل باجر.. وسارو عندهم المستشفى وسلمو على ريم وامها.. وام اليازية خلت بناتها يروحن وهي تمت فالعين وقالت مابرد الا لين توعى مريم واطمن عليها.. وبعد يومين... رخصو ريم لكن ماكانت تمشي وكانو يمشونها بالكرسي.. روحت ريم البيت وكانت نفسيتها تعبانة وايد.. واتصلت ريم فاحمد.. ريم:الو احمد:هلاا والله عاش من سمع هالصوت ريم:ليش ماسافرت؟ احمد:اشوفج في هالحالة وتبيني اسافر؟ ريم:احمد دراستك اهم عني ها مستقبلك لكن انا ولاشي احمد:منو قال دراستي..انتي حياتي يعني اهم ريم:زين متى بتسافر؟ احمد:زين انتي شوي شوي خلني اتخبر عن حالج قبل ريم:ماله داعي احمد:ليش؟ ريم:لانه حالي زفت احمد:افا..ليش تقولين جي..هاذي ازمة وبتعدي ان شاء الله ريم:ازمة؟؟ احمد:هيه ازمة ريم:انا حرام عليه الوناسه..كل مااستانس ايي شي ويدمرني انا شو سويت فحياتي احمد:ريم ريم:............ احمد:ريم حياتي ريم:شو؟ احمد:لاتقولين جي..الله مايبتلي الا العبد اللي يحبه..يعني انتي شو تبين وناسه احلى عن جي؟ ريم:احمد متى بتسافر؟ احمد:انا اجلت السفر حق باجر الصبح..بس مابسافر ريم:لا بتسافر احمد:لا والله مابسافر واخليج ريم:لو تحبني بتسافر وبتدرس وبتشد حيلك احمد:وانتي كيف اخليج؟ ريم:انا شو فيني..مافيني شي احمد:زين بسافر بس ابا منج وعد ريم:شو؟ احمد:ماباج تيأسين ولاتحزنين اباج دوم مستانسه حتى لو كنتي بتموتين من الضيجة ريم:ان شاء الله احمد:زين شخبارج انتي احينه؟ ريم:الحمدلله احمد:عساا دووم يارب ريم:وياك احمد:انزين طلبتج ريم:امر احمد:ابا اشوفج قبل ما سافر ريم:لااااا احمد:ريم شفيج؟؟ ريم:مابا اشوفك احمد:................. ريم:................... احمد:مادري شو اقولج مب غصب..براحتج ريم:.................. احمد:تامريني بشي؟؟ ريم:.................. احمد:اشوفج على خير فمان الله ريم:احمد احمد:نعم؟ ريم:لا تزعل مني والله غصبن عني احمد:انا مب زعلان منج..انتي كيفج عاد تبين تشوفيني ولا ريم:لاوالله انك زعلان احمد:ريم انا مازعلت لانج ماتبين تشوفيني ريم:عيل؟ احمد:انتي ماشفتي عمرج كيف تقولين لا..جني حيوان ولا مادري شو..خلاص ريم بسير انا ريم:لااااااا والله مب جي احمد:زين مب جي..مب جي المهم تامريني بشي؟ ريم:ممكن اطلب منك طلب احمد:امري ريم:بس توعدني انك تنفذه مهما كان؟ احمد:...اوعدج ريم:احمد انا ما اصلحلك دور على وحده غيري وان شاء الله احمد:شو؟ ريم:اللي سمعته احمد:زين ليش؟؟ عقب شو تقولين مااصلحلك؟؟ ريم:احمد انا استويت عاااجزة .. تعرف شو يعني؟ احمد:بس انا اباج..اباج بكل حالاتج ريم:احمد انت وعدتني احمد:..................... ريم:الله يحفظك ويوفقك يارب..فمان الله احمد:فمان الله ياغلا انسانه فقلبي... |
وبعدها سار احمد وجهز اغراضه وسار دبي ويلس عند البحر لين ثاني يوم وسافر... وثاني يوم مريم وعت وكانت عندها ريم... مريم:ر...يـ......م ريم:لبيه مريم:اا..بـ..ا مـا..ي ريم:ان شاء الله .. تفضلي مريم:وين انا؟ ريم:الحمدلله على سلامتج مريم:شو مستوي وليش انتي عالكرسي؟ ريم:حادث بسيط ومر على خير مريم:عيالي..وين عيالي؟؟ ريم:عيالج فالبيت لاتحاتين بس المهم ارتاحي انتي.. مريم:ريم ريم:امري مريم: ممكن تتقربين عندي ابا اقولج شي ريم:قولي اسمعج مريم:ريماس انتي اسم على مسمى ياليتني من زمان تقربت منج والله اني ندمانه على كل لحظه مرت بيني وبينج وكنت بعيدة فيها عنج..ريم انتي تستاهلين كل خير..وابا اطلب منج طلب ريم:امري مريم:عيالي ياريم امانه عندج..اباج من عقب عيني تكونين امهم..ماباهم يشوفون اللي انا شفته ماباهم يعيشون اللي انا عشته على حياة امي اللي بموت وانا ما اعرفها.. ريم:ان شاء الله بتقومين بالسلامة وبتردين حق عيالج وانتي اللي بتشلينهم مريم:ريم اوعديني ريم:اوعدج ياختي مريم:اول مرة اسمعها منج وايد حلوة ريم:وان شاء الله مب اخر مرة مريم:ريم الحياة جدامج لاتيأسين ولاتضيعين حياتج بالحزن ريم:ان شاء الله مريم:ريم ابا اشوف عيالي ريم:من عيوني مريم:تسلمين يارب ريم:انا بسير تحت اتصل فيهم اييبونهم وبرد لانه ماشي ارسال هني مريم ابتسمت وهزت راسها ................. ريم:الو حمدان حمدان:هلا ريم..مريم فيها شي؟ ريم:هيه مريم نشت الحمدلله وتبا تشوف عيالها حمدان:اوكيه احينه بييبهم ريم:زين اقولك لاتنسى تخبر قوم امي والكل حمدان:اووكيه 10دقايق وانا عندكم ريم:سي يو حمدان:مع السلامه ويلست ريم بروحها شالة هم احمد... واهي فدوامة التفكير يت ام اليازية وامها... ام اليازية:ريم مريم نشت؟؟ ريم:هيه خالتي ام اليازية:وينها؟ ريم: (وهي تأشر) هناك ويلست امها عندها وتمت تسألها شو فيج... وفجأة طلعت ام اليازية من عند مريم وهي تصيح ويلست عالارض... واول ماقامت ريم وامها يشوفونها وصل حمدان... وقف حمدان واهو يطالع ام اليازية ورجعته الذاكرة ل18 سنة ورا..يوم كان عمره 6 سنوات... اما ريم وامها... سألوها شفيها مريم..وماردت عليهم... دشو ريم وامها وكانت مريم مفارقة الحياة... ريم صارخت باعلى صوت عندها وامها قبضتها وتمت تصيح وتبا طلعها من الحجرة بس هي ماطاعت تمت تحرك مريم وتقولها ردي عليه دخيلج لاتخليني.. وصحى حمدان على صرخات ريم..وفتح باب الحجرة ويوم شافهم عرف انه مريم ماتت... سار عند امه وقالها... حمدان:ليش ييتي؟؟ امه:................ حمدان:عقب شو يايه؟؟ امه:منو انت؟ حمدان:ماعرفتيني بعدج؟؟ امه:................ حمدان:اناا اللي رميتيه قبل 18 سنة خليتيه فدموعه وآلامه وروحتي وكل ها عشان نفسج ليش يايه احين؟؟ امه:انت... حمدان:هيه انا حمداااااااااااااان..تدرين منو حمدان..حمدان ولدج اللي يكرهج امه:بس ياحمدان اللي فيني يكفيني حمدان:شو اللي فيج انتي؟؟ انتي وحده انانيه امه:بس ياولدي حمدان:ولدج؟؟توج تتذكرين انه انا ولدج..دخيلج لاتقولينها امه:بس دخيلك بس حمدان:تعرفين ياحظها مريم ماتت وماشافتج والله انها ارتاحت امه:ااااخ ياحرقة قلبي عليج يابيتي حمدان:بنتج؟؟ توج تتذكرينا؟؟ امه:غصبن عني حمدان:غصبن عنج؟؟تقصين عليه ولا على عمرج؟؟ امه:حمدان دخيلك سامحني حمدان:اسامحج على شو ولاشو؟ امه:على كل شي حمدان:اسامحج على كل ليلة قضيتها وانا اصيح..ولا على كل يوم نهنت فيه لانج مب عندي ولا ولا... امه:حمدان لاتنسى انا امك حمدان:انا امي ماتت من 18سنة امه:حرام عليك حمدان:انتي اللي حرام عليج..لو سمحتي خليني فحالي امه:........................ حمدان:الله وياج وطالعته امه ومشت... من بعد غربة جيتك وكلي محبة عـجـزت القى في عـيونك حـنان كــــل مـا اشوفه صـــد ونسيان الـــــغـــــربــــــة مـــكــــــانــــي وحمدان من عقبها يلس يصيح على اخته اللي بلمح البصر فارقته واهو اللي ماعنده غيرها.. وامه اللي ردت وفتحت جروحه ورجعته لذكريات مأساته.. اما ريم المنهارة كانت واقفه وسمعت كل الكلام و زادت فيها الاحزان.. يوم تقربت من اختها ماتت وفارقتها.. وماتت قبل لاتشوف امها اللي كانت حواليها واهي ماتدري عنها.. وعيالها...وبنتها اللي ماكملت شهرين.. تمنت ريم لو ترد الايام لين يوم كانت صغيرة عشان تكون غير ويا اختها... ويلست تتحسف على الايام اللي مضت..لكن شو يفيد الندم.. مرت الاياااام والحلم انــهـدم لـــو ندمت شو يفيد الـــنـــدم مـــا بقالي شي غير الله يعين آآه لو ارجعت عمري كم سنة كان اصير انسان ثاني مو أنا كان اصلح كل غلطات السنين ياترا شو حالة ريم من عقب مريم؟؟ وحمدان هل بيرد حق امه؟؟ وشو مصير عيال مريم؟؟وريلها؟؟ الاجابة فالبارت الثاني عشر... |
يااااااربي يسلموووووووو الباارت حزيين وكئيبومستحيييل اصدق شذا الحزن مافي ولا يووم حلوووكملي ابي اعرف النهاااايه
|
البارت الثاني عشر: ريم اتدمرت حياتها خلاص..مريم كانت شمعة امل في حياتها وانطفت.. لكن الامل ما مات..الامل بعده موجود..واللي هو عيال مريم.. بعد ماردو من المستشفى كلهم كان كل واحد فحالة مايعلم فيها الا ربه... يت لمياء عند ريم... لمياء: (والدموع فعينها) ريم مريم ماتت؟ ريم: (طالعتها وماقدرت ترد عليها) لمياء:ريم ردي عليه(وزادت دموعها) ريم:(ماردت عليها وخذتها فحضنها وتمت تصيح وياها) لاول مرة ريم تحضن اختها..لاول مرة تحس فيها..لاول مرة تحس انها اختها العودة ولازم تهتم فيها وتتقرب منها.....وضمتها اقوى واقوى واقوى وهي خايفة انها تفقدها فيوم وتندم..فقالت لا انا من اليوم بتقرب منها اكثر واكثر..ومابخسرها... ولمياء استغربت من هالحنان اللي عطتها اياه ريم..اللي عمرها ماحسته او شافته الا من مريم.. مريم اهي اللي ربتها كانت اهي امها مب اختها..لكن مريم راحت..... لمياء:مريم راحت..منو بيحس فيني من عقبها..محد كان يهتم فيني غيرها..انا كيف بعيش من عقبها ريم:لميا انا موجودة لمياء:انتي ماتعرفين غير تتمصخرين عليه و لا تصارخين وبس ريم:بس اوعدج كل شي بيتغير..من اليوم انا مالي غيرج وانتي مالج غيري لمياء:وعيال مريم؟ ريم:نحن بنكون السند حقهم ومابنخليهم لمياء: (طالعتها ورمت نفسها فحضنها) وتمت فحضنها لين رقدت من كثر ماصاحت.. وعقب شلتها ريم ورقدتها فحجرتها.. والعصر دفنو مريم وبدا العزا..... ومرن 3ايام وكل واحد مايدري عن الثاني... وام حمدان (اليازية) حضرت 3ايام العزا وبعد 3يوم واهي مروحه... ام ناصر:ام حمدان ام حمدان: (طالعتها وماردت عليها) ام ناصر:ممكن اتمين شوية؟ ام حمدان:حق شو اتم..محد عندي هني ريم:لا ياخالتي انا هني والبيت بيتج ام حمدان:مشكورة يا ريم ام ناصر:وعندج ولدج حمدان ام حمدان:ماعندي عيال هني انا ام ناصر:لا عندج مريم وحمدان ام حمدان:......................... ام ناصر:تفضلي يلسي ام حمدان:........................ ويلست ام حمدان ام ناصر:عن اذنج شوية وبرد..ريم يلسي ويا خالتج ريم:ان شاء الله ........................................ وردت ام ناصر لكنها ماكانت بروحها.. كان وياها حمدان.. دش حمدان ويوم شاف امه ماطاع يدش وكان بيسير.. لكن ام ناصر غصبته ييلس.. وسار يلس اخر الصالة.. ام ناصر:حمدان حمدان:لبيه امي ام ناصر:لا تقولي امي..انا مب امك.."وهي تأشر" هاذي امك حمدان:انتي امي..انتي اللي ربيتيني ام ناصر:وانا اللي عذبتك حمدان:......................... ام ناصر:ليش ماترد حمدان:اللي فات مات..وانتي تغيرتي ام ناصر:تغيرت عقب شو؟؟ عقب ماحرمتكم من امكم..وحرمت امكم منكم حمدان:...........عقب ماحرمتينا؟؟ ليش انتي شو يخصج اهي اللي سارت عنا وتزوجت وخلتنا ام ناصر:لا .. هاذي مب الحقيقة..ها اللي انا فهمتكم اياه وانتو صدقتوه..ها اللي ابوكم طلبه مني..وانا موت ضميري عشان اعيش لكن شو النهاية كانت؟؟ شرات ماحرمتكم من امكم الله زرع القسوة فقلبي وحرمني من عيالي وانا وياهم عايشة.. حمدان:عيل شووو الحقيقية؟؟ ام ناصر:الحقيقة..الحقيقة هي انه يدكم غصب ابوك انه ياخذ امك..وانا وياه كنا نحب بعض وهو سافر يدرس..وقبل لايسافر ابوه خلاه يتزوج بنت ربيعه وامك ابوها بعد غصبها تاخذه وهي ماكانت تباه لانها تعرف اني احبه لكن كل شي صار غصبن عنهم وردو البلاد بعد ماخلص ابوك دراسة يعني بعد 4سنوات..انت كان عمرك 4سنوات ومريم اختك سنتين..انا كل هالفترة ماكنت اعرف عن ابوك شي وماعرست وتميت اترياه وبعد سنة من ردتكم لقيت ابوك وعرفت انه عرس وطبعا ماطعت اردله..ويا خطبني وانا شرطت عليه انه يطلق امك..لكنه ماكان يبا يزعل ابوه فقال بتم اعذبها لين اهي اللي تتركني..وفعلا سوا هالشي..وكان يبا ينتقم منها شرات مافرقتنا انا وياه واهي اللي ما كان لها ذنب اصلا..وطلبت منه الطلاق واشترط عليها انها ما تاخذكم..وانا وعدتها انها مجرد فترة وبتاخذكم من عندي..لكني ما وفيت فوعدي وحبيت انتقم منكم وصحيت متأخر..ويوم صحيت ودورت عليها كانت مسافرة واخبارها مقطوعه لين هاليوم اللي التقينا فيه عقب 18سنة..وانا مابسمحلك تعذبها اكثر عن اللي تعذبته من ابوك ياحمدان..حمدان امك مالها ذنب فكل شي حمدان:بس وينها كل هالسنوات ماكانت تسأل عنا؟؟ ام ناصر:لا مب صحيح امك دوم كانت اطرش ناس يسألون عنكم ولمدة سنتين ومن عقبها نحن يينا العين وانقطعت اخبارنا عنها.. حمدان:شو ها اللي اسمعه انا...معقولة ها الشي من الواقع؟؟ ولا انا احلم؟؟ ابوية يسوي فينا جي؟؟ وانتي ما عندج ضمير؟؟ ام ناصر:سامحني يا حمدان بس انا كنت متمسكة فحبي حمدان:ونحن شو ذنبنا؟؟ وطالع امه والدموع فعينه..وهو بعده مب مصدق اللي يسمعه فاي واقع هالشي يستوي... امك يا وليدي انا امك.. السقيت عضمك ودمك.. الزرعتك في ضلوعي.. وبالدفا قلبي يضمك.. امك ياوليدي انا امك.. شلتك بصدري ورعيتك..فالجفن ليل ونهار.. كيف زرع اللي زرعته احصده جمر ونار.. آآه..امك ياوليدي انا امك.. |
| الساعة الآن 02:04 PM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.