.
.
.
رمضانيآت |..
.....* ماذا يعني لك رمضان إذا أعلنوا عنه ،
يعني بداية جديدة ..

يعني فرصة ذهيبة للتفرغ للعبادة ..
يعني جدول جديد و يوم جديد و نفسية و روح جديدة ..

.....* برنامجك في رمضآن ، اذكريه لنآ ؟
عندي جدول خاص لرمضان و الحمدلله ماشية فيه ..
لكن بشكل عام أحرص على :
السحور متأخرًا ..
قراءة القرآن و ختم أكبر قدر من الختمات ..
الحرص على صلاة التروايح و القيام ..
المحافظة على الأذكار و التسبيح ..
تكثيف الأدعية ..
و الإقبال الشديد على الطاعات ..
مقاطعة التلفاز ، و هذه السنة بفضل الله قدرت أنساه ^^

.....*ما شعارك في رمضان ؟
{ يا أيها الناس أنتم الفقراء إلى الله والله هو الغني الحميد } فاطر 15 .

.....* تفضلين الصلاة في المسجد أو في البيت ؟

الصلاة في المسجد ..

لأنه مو دايماً يحصلي أصلي فيه ^^
ففرصة آخذ أجر صلاة الجماعة ..
و حلوة المشاعر و القلوب مناك (=

.....* سور معينة تحبين قرائتها أثناء الصلاة ؟ وما هي طريقة ختمك لـ القرآن ؟
ما عندي سورة محددة أقرأها ..
لكن أحرص إني ما أكرر السور خلال صلوات اليوم الواحد ..
أما بالمسجد فأحب الإمام لما يقرأ سورة الرحمن ق1 ..
عندي مصحف مجزأ على كتيبات صغار ..
يساعد على القراءة ،
يعني لما تمسكين مصحف 600 صفحة تقريباً ..
و تشوفين الصفحات تقل ببطئ ..
غير لما يكون كتيب 21 صفحة ..
و كل ما خلصتي من واحد حطيتيه على جنب ..
فتحسين خلصتي أكثر ..
و إنه باقيلج شوي ..
فتنجزين و تخلصين أسرع ..

و طريقتي جزء بعد كل صلاة ..
و مرات آخذ معاي جزء إذا طلعت و أخلصه ..

.....* فترة الإسترخاء بـ النسبة لكِ في هذا الشهر ، ما تفعلين بهآ؟
لو خلصت قراءه أنام ، أدخل المنتدى ق1 ، أقعد مع أهلي ق1 ، أدوّر طبخة يديده sm.15. ..

.
.
.
سر الحيآة |.. :cat83:
.....* طبق مهم تفضلين وجُوده على مائدة الإفطار ؟
السمبوسك .. و باقي المقليات .. http://www.banaat.com/vb/images/icons/muthmes.3..gif
بدونهم أحس الفطور ناقص .. http://www.banaat.com/vb/images/icons/thumbsdown.gif
الحمدلله على كل نعمه ..

.....* طبق مُميز قمتي بـ صنعهِ من قبل ، و يفضل أن يكون بـ "عدستك"!
في كيكة سويتها رمضان اللي طاف كذا مره من كثر ما عجبتهم :مصاصة: ..
و صورت طريقتها عساس بنزلها بالمنتدى لكن نسيتها @_@ ..
زين الحين ذكريتني فيها ^^

http://img16.imageshack.us/img16/1237/74152345.jpg

.
.
.
ذكريآت|..

.....* موقف حصل لك بـ شهر رمضان ومستحيل تنسينه ؟
السنة اللي فاتت كنا مسافرين ..
و أصرينا نصوم بيوم العودة ..
و إحنا بالطيارة كنا ننطر الغروب ..
و عاد الغروب من الطياره مادري شلون صاير ..
الشمس تغرب من تحتج لوول ..
و أذكر كنت ألهي نفسي بالتصوير ..
و هذي لقطة مادري كانت غروب و لا شروق ..
المهم إنه بنفس الرحلة ..
و الرحلة كانت طويله فيها شروق و غروب أو العكس لوول ..
http://www.flickr.com/photos/mskuwait/2868054808/in/set-72157604007913026/
و المشكلة اتجاه الطيارة مع اتجاه الشمس ..
يعني كأننا نلاحقها .. فصعب تغرب بسرعه ..
و كلنا نطل من الدريشة نترقب الغرووووب ^^؛ ..
و صار وقت الأكل بالطيارة ..
و حطوا لنا الأكل .. و الريييحه عذاااب @_@ ..
أكيد لنا رخصة نفطر ، لكن حسينا صبرنا وايد ..
ما يت على هاللحظات ..
و بالنهاية راحت الشمس بعد عناااء طويل ..

.....* متى بديتي تصومين ؟ نبي الصدق !
ببيتنا نصوم من الإبتدائي ..
و بدا الصيام الحقيقي و الجدي لما صار عمري 12 سنة ..

.....*ذكريات الطفولة في رمضآن غير !
.....كم مرة أفطرتِ بعيد عن عيون الأهل ودروا عنك ؟ض1
كم مره أفطرت ما أذكر ..
لكن ما كنت أخليهم هم يدرون عني ..
بسرعه أروح أعترف :ميها: ..
و طبعاً مع شوية حركات إني شوية حركات إني بموت من الجوع :ميها: ..

.....* مالشيء الذي يجذب الإنتباه ويجعلك تقومين بالإفطار رغماً عنك <~~ أثناء الطفولة وليسَ الآن !
الحلووو و الكيييك .. sm.15.

.....* أشخاص ، تفضلين أن يكونوا بالقرب أثناء فترة هذا الشهر ؟
دائماً أسرتي ..
و تكون الطاولة مكتملة ..
هالسنة أول رمضان كانت طاولتنا مكتمله بعد سنوات من التشتيت ..
لأنه إخواني هالسنة عندهم إجازة برمضان ..
فأتمنى كل سنة نكون كاملين ..
لكن غير زايدين .. /=
ما أحب يكون عندنا ضيوف في رمضان ..
و لا أحب نفطر عند أحد ..
مادري ليش هالمزاج :؟؟؟: ..
.

...............كلمة أخيرة تحبين توجهينهآ لـ المنتدى ،
كل عام و منتدانا بخير ..
و يكون رمضانا فيه غير ..
و من سنة لي سنة تزيد الفعاليات إللي فيه ..
مستانسة بالبرامج و الخطط و الجدوال و الإنجازات إللي صايره بمنتدانا ..
و حسن استغلال العضوات لوقتهم ..
و تعاونهم على الخير و الطاعه .. ق1

شكراً جلنار على وقتج و على المقابلة المميزة بأسئلتها الحلوة ~