|
.:: اذا لم تحبيه هل تقبلين به؟!! ::.
- - - تقدم لك شخص لاتعرفينه .. لا تعرفين عنه اي شي .. والاهم من ذلك .. لا تحبينه .. مارايك به؟؟ هل تقبلين الزواج به ؟؟! ام ترفضينه ؟!! وهل تقبلينه وتحاولي ان تحبيه اثناء فترة الخطوبه ؟؟ ام انك لا تقبلين بالزواح من شخص لا تحبينه ؟؟! وحتى لو كنتي تعرفينه ؟؟! الاسئله الموجهه لكن .. هل تقبلين بالزواج من شخص لا تحبينه ؟؟! وحتى لو كنتي تعرفينه ؟؟ من صلة القرابه .. هل تقبلين الزواج من شخص لا تحبينه سواء تعرفينه ام لا ؟؟...وتحاولين ان تحبينه بعد الخطوبه؟؟! هذه اسئلة تدور في بالي .. واردت ان اخذ ارائكن .. لوكا - - - |
. . . بنات انا من جد ابي رايكم .. جاوبوني .. لوكا . . . |
لووووووكا .. أشووفك متحمسه مع الحب وش سالفتك ؟ :msn_tongu:011: ياقلبي اسمعيني .. أنا من رأيي إنه مستحيل أتزوووج شخص ماأحبه .. لأني ما أضمن نفسي بعدين أحبه أو لا .. ليه أجازف من البدايه ؟ أرفضه على طووول .. هذا إذا كان يقرب لي وأعرفه . . . أما إذا كان مايقرب لي وخطيب عادي حاله حال غيره .. النظره الشرعيه .. بتحدد .. إذا ارتحت له من أول نظره .. بتوكل على الله وبوافق .. لكن إذا مارتحت له من أول نظره .. بقوله مع السلامه .. |
. . . وش فيك يابنت لا حب ولا غيره .. طيب روزو لو فرضنا ان كان يقرب لك .. وكان زواجك منه فيه مصلحه للعايله <<<متأثره بالمسلسلات بس لا من جد وش راح يكون موقفك ؟!! ومشكوووره ع المرور .. :) لوكا . . . |
ياختي مافيه شيء اسمه حب قبل الزواج ..
الحب بعد الزواج .. |
. . . جود هذا اللي انا اقصده .. وانا اقول اذا ما حبيتيه قبل الزواج تقبلين فيه ؟!! لكن مثلا لو انتي تحبينه اكيد بتقبلين فيه ؟!! لوكا . . . |
اذا كان ذو دين وخلق ما المانع ؟؟
"اذا احبها اكرمها واذا كرهها لم يظلمها " >> امي تقولي كذا اقتباس:
قبل الزواج هذا اسمه اعجاب مراهقة فقط |
. . . احترم وجهة نظرك وجووود .. بس اعتقد اني انا مثلا مستحيل اتزوج شخص ما احبه حتى لو كان يقرب لي .. لاني مستحيل حياتي تكون سعيده الا مع الشخص اللي حبيته .. هيه يابنوتات لايروووح فكركم بعيد و تفهموني غلط ترا هالاشيا مو براسي ولا احب احد تراني ..:) ومشكوووره ع المرور ..:) لوكا . . . |
انتي تقصدين حب قبل العقد او بعد الخطوبة والملكة ؟؟؟؟ اذا كان قبل العقد فهذا خاطيء "ماكان اساسه باطل فهو باطل" اما بعد الخطوبة فهذا شيء طبيعي .. |
لوووكا ياقلبي مصلحتي أنا فوووق مصلحة العائله .. لأنه أنا اللي بتزوجه وببقى معه طوول عمري .. أما هم لا .. عشان كذا مستحيل أقبل فيه .. لأني فرضا لو قبلته عشان مصلحة العائله .. خلاص هم بيستانسون ويفروحون .. وأنا بعيش حياتي حزينه ؟؟؟ ليه كل هذا ؟ :017: ذكرتيني بمسلسل .. العائله والناس .. المصري .. يوم بنتهم شيرين يبونها تتزوج عاصم عشان مصلحة العائله بس هي لأنها ماتحبه رفضته وتزوجت حبيبها غصبن عنهم :011: |
اعتقد في رأي ان فتره الخطوبه هي التي تحدد فلو استطعت ان احبه فساتمم الزواج و لو لم استطع فلا اقبل اتمام الزواج حتي لا اظلمه و لا اظلم نفسي
|
. . . جوود .. انا اقصد مثلا عندك قريب .. انتي تحبينه اوكي ؟!! تقدم لك شخص انتي ما تحبينه .. تقبلين فيه ؟!! واذا جاك الشخص اللي تحبينه .. تقبلين فيه ؟!! هذي اول نقطه .. ثاني نقطه اذا كنتي ماتعرفينه وانخطبتوا وبعد الخطوبه ماحبيتوا بعض ؟!! تممين الزواج؟!! لوكا . . . |
. . . روزا .. برايفت قلبوو .. هذا هو رايي .. وصح يعني انا اهم شي حياتي .. هم ماراح تفرق معهم يعني لحظه وتمر اما انا طووول عمري .. وعلى طاري المسلسلات المصريه .. من يشوف اولاد الاكابر<<<طسي مناك تكفين العائله والناس هي اللي فيها وحده اسمها شمس ؟!! مشكووره عالرد الثاني من قدي روزا ترد ردين؟؟ لوكا . . . |
. . . لولو قولد .. صح كلامك .. ومشكوووره ع المرور قلبووو ..:) لوكا . . . |
|
مستحيل أتزوج من شخص ماأتاح له
|
لوكا عمري .. لا .. طسي منا :bluebiggr مشكووره عالرد الثاني من قدي روزا ترد ردين؟؟ وااااو .. وقسم أحرجتين .. وش دعووووه .. :011::009: وأنا شفت المسلسل المصري .. عائلة أكابر .. مررره يجنن لكن مسلسل .. العائله والناس .. مامعهم وحده اسمها .. شمس .. معهم وحده اسمها .. شيرين |
. . . فتافيتو .. مشكوووره على ابداء رايك العسل .. وبصراحه معك حق .. ومايمديني عليك ياقويييييه ..:) مشكووره ع المرور ..:) لوكا . . . |
. . . دموووع الحزن .. مشكوووره ع المرور والراي .. لوكا . . . |
. . . روزا ههههههههههههه .. احرجتس احلفي ياشيخه .. اجل مين قدي روزا ترد علي ثلاث ردود ؟!!<<وش بتسوين اللحين؟؟ امممممم .. اجل انا ملخبطه بذا الشمس .. اشوف اميمتي تتابع تمثليه فيها وحده اسمها شمس .. قلت يمكن هي ذي .. لان اسمها زي تسذا .. مشكووره ع المرور خيتوووو .. لوكا . . . |
<================= :011: تلاشت من الحيا :o وهـ بس ياملحتس أثرتس قصيميه مثلي ؟ :009: أجل أنا كل ماأرد عليتس أهرج بللهجه القصيميه .. اكتبه وامسحه .. أخاف ماتفهمينه .. وياحظي طلعتي من ربعي وبنت بلادي :022: اسألي أميمتس عن شمس .. اسم المسلسل اللي هي به وردي لي :msn_tongu |
سلام عليكم.. اختي موضوعج حلوو مره والمناقشه فيه حلوه بعد.. بالنسبه لي.. أنا وحده عندي جوابين.. الأول: ما اتزوجه لأني ما راح أقدري أحبه(هذا إذا كنت ما أحبه) الثاني: إذا كنت ما أعرفه وأول مره أشوفه.. طبعاا في شي يسمونه حب بعد الزواج لأنه حب قبل الزوااج ما يدوم (سبحان الله)<<إذا موو مصدقين سؤلوو مجربات.. لأني سألت.. على حسب شخصيت البنت تتقبل الشخص ولا لأا.. مشكوره على الموضوع الحلو.. |
اقتباس:
كل هذا ابختصره في جواب واحد نسأل عنه اذا كان جيد حلو .. اذا فيه شك ولا شيء مع السلامة .. اما حب وماحب >>> انا ما احب هذي الاشياء اقتباس:
لا طبعا .. التوفيق بيد الله ما ارتحت له خلاص ينتهي كل شيء |
. . . روزا .. الله يصلحتس ياشيخه ..اجل تلاشيتي ؟!! وهــ بس ..هههههههههههههههههههههههههههه .. كلمتي المفضله .. وعلى طاري قصمنجيه وبنت بلادتس وهــ ياختي انا قصمنجيه بحته ..<<<افهميها .. . . . |
. . . وكل مالفيت وجهي مكان لقيت قصمان وش ذا القصمان بكل مكان؟!!<<<تسب نفسه ذا الخبله .. لا ياعردزي<<تاكدي اني قصيميه .. ابد تكلمي قصيمي لاني ارتاح لوووه<<<لايفوتك ... وعلى طاري شمس .. اميمتي مثلي تتابع الشي وماتدري وش سالفة ابوه .. لويتسا.. . . |
. . . سرووونه .. صح لسانك .. انا راي من رايك .. مشكوووره عالمرور ..:) لوكا . . . |
. . . جووود .. ايوه هذا اللي كنت اقولك عليه .. وبصراحه رايك حلووو .. بس ماعندك هالخرابيط .. ليش عاد خرابيط .. هي من جد خرابيط .. بس ترا الحب مو حرام .. وفيه باحد المواضيع نويره الله يجزاها خير جابت لنا فتوى من الشيخ على حكمه .. لوكا . . . |
لوتسا .. وهـ بس ياحبي لتس :009::011: والحب يصير خرابيط إذا كان مجرد علاقه عابره بس . . . أما الحب الصح .. اللي مافيه لف ودوران .. هو إذا نوى الحبيب الزواج |
السلام عليكم
مرسي على الموضوع الحلو وانا من رايي انو الحب يجي بعد الخطوبه بس مو مثل ما قلتي ايذا كان شخص معروف ومهذب واخلاقه عاليه و ولد ناس ومتوفره فيه شروط الزواج اوافق فيه اما ايذا كان عكس كيذ مستحيييييييييييييييييييييييييييييييييييييييييييييي ييييييييييييييييل مو بايعه نفسي مرسي على الموضوع |
: : : روزاااا كنت احسبك عاقلة طلعتي مهبولة مثلي ومثل بنت عميمتي والله اننا يالقصماان فللللة وبعدين ياجووود وراة حرام الحب!! ترا مو عيب ولا كخا ولا شي بس انا اقول انا وصل حاله تكونين متيمة هو اللي حرام <<< كولي تبن بس وانا من رايي اني مثتحييل اتزوج واحدن مااحبوة ولو على قص رقبتي انشاء الله كلكن تعرسن على رجالن يحبنكن وتحبهم <<< يووة وش جابتس بذا!! ويلا سلاامز لوكا قريح لي رجعة اشوف تعليقكم لانوة جان النووووم وبنقلع ارقد قود باي ماي فريند <<< لوكا تذكرت سبايس قيرلز ثنكيو:) : : : كشوووخه |
كشوووخه ياقلبووو أنتي أثرتس وحدتن من ربعنا ؟ :009: والله يزوجتس رجلن ينشقتس نشق على قولة أميمتي :011: |
: : : هههههههههههههههههههههههههههههاااااااااااااااااي انتي حركة ياروزا اجل اميمتي تقول: الله يزوجتس الرجل اللي يخليتس طايرتن بوة ومطيرورنبتس << حاولي تقرينها وين جوود ترد علينا!! : : : كشووخه |
انا ما ادري حكم الحب .. بس الوحدة تحب واحد ماتعرفه ولا تربطها به قرابة مو عيب ؟؟ |
. . . روزا وكويشخ .. الله يرزقكم رجلن مولعن بكم .. ومولعينن بوه ..:) جود .. حنا ما حددنا اذا كان قريب او بعيد .. حنا نقول الحب بوجه عااااااام .. وانا مع كويشخ بكل كلمه .. لوكا . .. . |
: : جوود اسمعيني اذا مثلاً انتي مجتمعه مع ناس وهالناس قالوا فلان الفلاني نعم الخلق ورجاال طيب وغني ومزيون وحنون وكل صفه زينة فية...الخ ماتتمنين هالشخص!! ماتكون شخصيتة عجبتك!! مادخل مزاجك هالولد!! اذا خطبك ماتوافقين!! ------------------------------------ او مثلاً انتي ساكنة بالرياض وجاء رجال من جدة ماتعرفينة بتاتن وخطبك ولاتعرفين ولا ذرة بشخصيتة وسوابقة توافقين!! عجبك!! -------------------------------- فحنا انا ولوكا وروزا مو قصدنا علاقة المكالمات والمعاكسات والمغازل قبل الزواج لا كان قصدنا اللي ذكرتة فوق اتمنى ماتفهميننا غلط ---------------------------------------- اقول يازيني ساكتة صح!! ويلا انتزركم:) : : : : : كشوووخه |
الاول ماتتمنين هالشخص!! الا اكيد بس مايصل احبه لمجرد كلام الثاني اكييييييد لا ما اوافق |
. . . جود لاتكونين فهمتي اننا نقصد المعاكسات والخرابيط ذي؟؟!!!!! لا مو قصدنا كذا ..!! قصدنا مثل ماقالت كويشخ ..:) ومشكوووره عالمرور كشوخه والتوضيح ..ويازينك وانتي تتكلمين ..:) ومشكووره جود ع المرور ..:) لوكا . . . |
| الساعة الآن 03:47 AM |
Powered by vBulletin® Version 3.8.11
Copyright ©2000 - 2025, vBulletin Solutions, Inc.