البنات بعد العرس وش يسوون
 

السلام عليكم و رحمة الله و بركاته


تعالووو شوفو البنات اذا رجعن من العرس:42: وش يسون ...هواااايل:053:


........................................

اخوهم : اركبوا السياره وكل وحده تنتبه لا تصك باب السياره على عبايتها

وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله

النساء بعد كل زواج0

الأولى : وش فيك تأخرتي؟

الثانيه : ساعه قاعده ادور على عبايتي 00انتي ما شفتي الحريم يتضاربون عند العبايات 0

العبايات تلخبطت

الثالثه : يا ليتنا ما رحنا لزواجهم

اخوهم : ليش ؟؟ متحمس خايب الرجاء كخخخخ

الثالثه : زحمه والبزران يتضاربون بقشر البرتقال ويلعبون بالمويه

الأولى : ما شفتي ذيك اللي كبت القهوه على الحرمه اللي كانت نايمه ؟

الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة

بنتي مها

الثانيه : وش رايكم في الفستان اللي لابسته هدى ؟

الأولى : مو حلو محنقط عليها والسحاب باين

الأولى: انا اعجبني مكياج أمل تقول ان زوجة خالها جابته لها هدية من باريس

الثالثه : هههههه من باريس تضحك عليك يا خبله تلقينه من محلات ابو عشره

وقفه

***************

الغريب والعجيب انهم واثناء حديثهم في السياره يقولون لبعضهم خلاص يا بنات

بس ترى ما يجوز نتكلم على الناس

تكمله

الثانيه : صح والله كلامك يا اختي ما يجوزنتكلم عليهم بس شفتي الحرمه اللي كانت

قاعده جنبي على العشاء وتقطع لي لحم ؟ قبل شوي خلاص كخخ

الأولى : ايوه شفتها هههههههه متوصيه فيك شكلها تبي تخطبك لولدها

الثانيه : وجع في شكلها هي وولدها قاعده تقطع لي من اللحم الكبار اللي ما ينوكل

وهي طايحه في اللحم الزين


اخوهم: ايش رايكم في العشاء

الثالثه : دسم وكله شحم

الأولى : بارد

الثانيه :اللحم كبار

الثالثه : وفيه حريم ما تعشوا قاعدين على الكراسي اللي في الكوشه شايفين انفسهم

الأولى : حتى ام العروسه ما تعشت مسكينه طول الوقت قاعده تبكي

الثالثه : هههههههههه تبكي من الفرحه يا هبلا ما شفتي صدرها منتفخ من الفلوس

بس خلاص ما يجوز

صح والله ما يجوز بس شفتي وشفتي وشفتي

واخيرا وصلوا إلى المنزل

اخوهم : شوفو لي حبتين بانادول اكسترا

**************************

اقتراحات لمن يريد ان يتزوج :

1- اصرف حبه بانادول لكل رجل بعد العشاء :008:

2- لا تقدم للنساء رز ولحم بوفيه

3- قدم للنساء علب صغيره على شكل وجبات في كل علبه واحد كت كات وعصير وحبتين
:041:
ورق عنب ولبانه للهضم وراح يدعون لك

4- تدفع كل إمرأه مبلغ عشره ريال كتأمين عن التخريب والتكسير الذي يقوم به اولادها تكتب

هذه الجمله على كرت الدعوه

5- واخيرا يوضع اسم المرأه اللتي لا تلتزم بنظام القاعه في اللائحه السوداء للقاعه

ارجـو الالتزآم بسيأسـه المنقـول ..
وقرآءهـ القوانيـن قبل المشآركـه في القسـم =)
أأسف ولكـن ينقـل =/

صدّوو